رواية ابن عمي الفصل الواحد والاربعون 41 - بقلم اميرة محمود

رواية ابن عمي البارت الواحد والاربعون 41 بقلم اميرة محمود

رواية ابن عمي الفصل الواحد والاربعون 41

بابا حصل مشكله كبيره لنور بسببي

احمد، حصل ايه

محمد، نزلت البحر أنا ونور وخالو وعمتو شافونا وخالو ضرب نور بالقلم

احمد، أنا عارف انك مش هتجيبها لبر أما اروح اتكلم مع خالك واصلح اللي انت زفته

،،،،،،،

حور، مالك يانور في ايه

نور، مفيش حاجه خالص

حور، براحتك أما تحبي تقولي انا موجوده

نور، ممكن تقولي النور عايزه انام

حور، ماشي تصبحي علي خير

،،،،،

احمد ونور

احمد، محمد ابنك شاكله عامل مصيبه

نور، مصيبه ايه يااحمد

احمد، اخوكي شافوا هو ونور في البحر وضرب بنته بالقلم معني كده أن ابنك شكله كان بيزفت حاجه مع البنت

نور، يامصبتي طب والحل

احمد، مش عارف

نور، طب بص سيبني اكلم ادهم وأشوف اللي حصل بلاش تدخل انت عشان متكبرش

احمد، خلاص ماشي

نور، أنا هنزل اشوفه تحت أكلمه

،،،،،،

جودي وادهم

جودي، الساعه داخله علي واحده تعالي ندخل جوه بقي ياادهم هنفضل طول الليل قاعدين قدام البحر

ادهم، أنا اخد الاجازه دي اصلا عشان اقعد قدام البحر

نور ،ياسلام ياعم الرايق

ادهم، نور تعالي ياحبيبتي اقعدي معانا

نور، أنا جايه اطلب منك طلب

ادهم، انتي تؤمريني 

نور، محمد معجب بنور وعايز يخطبها 

ادهم، محمد ابنك خان ثقتي فيه

نور، ليه بتقول كده ياحبيبي

ادهم، محمد كان دائما بيقولي أن نور أخته وانا كنت بصدقه ونور أما قالتلي انها عايزه تدخل الجامعه اللي فيها محمد وجودي أنا ممنعتش وقولت اهي تبقي مع اخواتها اما اللي سمعته و شوفته ده خلاه لو اخر راجل في الدنيا مش هجوزهاله

نور، محمد بيحبها من زمان وساب البنات اللي كان بيكلمهم وانتبه لدراسته عشانها محمد كلم أبوه يخطبله نور السنه اللي فاتت قاله انت لسه صغير ااستني أما السنه دي تخلص وانا هكلم ادهم محمد مكنش ناوي حاجه وحشه ياادهم ببنتك

جودي، فعلا انا بشوف عنيه دائما عليها وهي رايحه أو جايه بس كنت بكذب نفسي

ادهم، انتي اختي يانور بس اللي حصل انهارده اثر في علاقتي جامد مع ابنك

نور، فكر قبل ما تجني عليه بص اتكلم معاه عشان خاطرى الولد بيحبها بجد انا داخله اطمن عليه عن اذنكم

جودي، ادهم فعلا اسمع منه 

ادهم، اسمع ايه انتي مشوفتيش بعينك اللي حصل

جودي، علي فكره افتكر كنت بتعمل اكتر منه وكنت بغفرلك عشان بحبك 

ادهم، انتي عايزه ايه دي الوقت

جودي، نديله فرصه يصلح اللي حصل

ادهم، لا وبنتي عمرها ماهتكون ليه وانا قايم وسيبلك المكان

،،،،،،

نور ومحمد

نور، بترن علي مين

محمد، ماما مبرنش مفيش حاجه

نور، بتحبها اوي كده

محمد، واكتر كمان مما تتصورى

نور، أن شاء الله هجوزهالك ياحبيبي أنا ورا خالك لحد ما يوافق

محمد، هو رفض

نور، دماغه ناشفه بسبب اللي حصل انهارده وشويه كده وهكلمه تاني

محمد، يارب ياماما

نور، تعالي في حضني ياقلبي والله هجوزهالك

،،،،،،،

تاني يوم

حور، نور هتنزلي معانا

نور، لا هتفرج عالتلفزيون

حور، خلاص ماشي أنا نازله سلام

نور قامت وقفت في الشباك شافت محمد قاعد علي الكرسي علي البحر وقاعد سرحان والكل في البحر

نور، غصبا عني ياحبيبي لازم ابعد عنك

عز، مالك ياكبير قاعد سرحان كده ليه

محمد، ابعد عني ياعز الله يخليك

عز، ماشي اوووف ايه الصاروخ اللي جاي ده ده في بكيني جاي يا محمد

محمد، اي ده مين دول دول رايحين علي خالك ادهم

عز ،انا رايح اقعد جنب خالي وجدي سلام

سلمي، ازيك ياادهم ازيك ياعم محمود

محمود، انتي عرفاني يابتي

ادهم، دي سلمي يابابا ازيك ياسلمي اخبارك

سلمي، الحمد لله تمام اتجوزت وخلفت جوليا دي بنوتي وجوزي مات الله يرحمه

جودي، الله يرحمه ياحبيبتي ابقي خلينا نشوفك 

سلمي، اتحرجت طب عن اذنكم هننزل البحر أنا وجولي

عز، لو محتاجين حد يعلمكوا العوم أنا موجود صح ياخالو

سلمي، هههه دمك خفيف زى خالك تعالي انزل معانا

عز، ماشي ياقمر ياللا بينا

جودي، دي ايه اللي جابها دي هنا

ادهم، أنا اعرف بس انتي حرجتي الوليه

جودي، بس اسكت خالص 

ادهم، هي نور بنتك منزلتش خالص

جودي، مش راضيه تنزل

ادهم، طب أنا هكلمها عشان عايز انزل البحر بيها

جودي، والله مش قولت هتشد عليها شويه

ادهم، لازم أشد شويه وارخي شويه عشان بنتي متكرهنيش

جودي، قول انك عايز تنزل عشان ام جوجو

ادهم ،هههههه بصراحه اه

جودي، اتلم ياادهم

ادهم، استني الو ايوه يانور

نور، ايوه يابابا 

ادهم، انزلي ياحبيبتي ننزل البحر

نور، لا انا تعبانه وعايزه اقعد شويه قدام التلفزيون

ادهم، ياللا يانور اجهزي وانزلي عايز انزل البحر بس مش هنزل غير بيكي

نور، ماشي يابابا نازله اهو

،،،،،،،،

احمد ونور

احمد، شوفي الشملول ابنك عامل ايه مع البت

نور، انهي واحد 

احمد، الشملول اللي في البحر ورحمه امي لهوريه بس يطلع بس

نور، أنا هندهله لانه زودها اوي

احمد، اخيرا اعترفتي

نور، اعترفت بايه يااحمد انت معاملتك جافه مع الولاد بحس انك بتغير منهم حتي أنا مبتحبش حد منهم يحضني أو يبوسني أنا بحس اني عندي تلت اولاد وانت بعشره بسبب غيرتك منهم ودايما شايف تصرفاتهم غلط

احمد، أنا يانور 

نور بصوت عالي ، ايوه يا احمد أنا داخله ومش قاعده معاك عشان انا تعبت منك

حودي، في ايه يا احمد نور خدى استني في ايه يااحمد

محمد، في ايه يابابا

احمد، انده للكلب اللي في البحر ده يطلع كفايه فضايح

محمد، ماشي يابابا

احمد، أنا طالعلها 

،،،،،

نور، ايوه يابابي

ادهم، تعالي نتمشي شويه

نور، مش قولت هننزل البحر

ادهم، لا تعالي نتمشي ومسك أيدها ومشي

محمد فضل واقف باصص عليهم ، دي عدت من جنبي ومبصتليش حتي ليه كده بس يارب انت اللي حاسس بيا يارب

،،،،،،

احمد ونور

احمد، ممكن اعرف في ايه وايه الكلام اللي قولتيه تحت وفرجتي الكل عليه

نور، لو سمحت يا احمد سيبني في حالي

احمد، هو ايه اللي سيبني في حالي بعد مفرجتيهم عليه يا نور 

نور، انا تعبانه بسبب محمد ونفسيتي مدمره بسببه انت مش شايف قاعد لوحده حزين ازاي وانت قاعد مركزلي مع عز قولي عايزني ارد عليك بايه انا قلبي بيتعسر كل ماابص علي محمد 

احمد، يعني أنا قاعد فرحان مانا اكيد زعلان زيك بالضبط ومقطعني في قلبي

نور، مش باين 

احمد، يعني لازم اقوم اعلي صوتي واغلط فيكي قدام الكل عشان تحسي اني مخنوق بسبب ابني 

نور، انا اسفه يا احمد بس والله انا تعبانه بجد

احمد، خلاص يانور تعالي ننزل

نور، انا عايزه حل لابني

احمد، خليها بعد فرح جودي هيكون الموضوع هدي واتكلم مع اخوكي تاني

نور، خلاص ماشي

،،،،،،،،

نور وادهم

ادهم، تيجي ناكل ايس كريم

نور، ماشي يابابي 

ادهم، لسه بتحبي المانجا

نور، اممم

ادهم، خدي الايس كريم بتاعك 

نور، شكرا 

ادهم، عارفه زمان كنت عملت حادثه وكان ضهرى اتكسر فيها عارفه ايه اللي كان وجعني

نور، ايه 

ادهم، جودي قالتلي نور طول الليل بتعيط ومنمتش خالص عارفه كنت بشيلك اخدك في حضني كنتي بتنامي عالطول أنا مفرحتش بحاجه في الدنيا اد أما كنت باخدك في حضني وتقومي ضحكه ونايمه عالطول حتي اخوكي احمد مفرحتش بيه قد مافرحت بيكي انتي كنتي اجمل حاجه في حياتي ومازلتي اجمل حاجه في حياتي

نور، انا بحبك اوي يا بابي 😭😭وراحت حضناه

ادهم، وانا محبتش حد قدك يانور قلب بابا

نور، مامي لو سمعت هتقتلني

ادهم، المجنونه كانت بتتهمني اني بخونها عشان كنت بنام عالطول وانتي في حضني

نور، مامي دي عجيبه بس بتحبك اوي يابابي عارف بسمعها عالطول من وانا صغيره وهي بتدعيلك وهي ساجده بتصلي

ادهم، امك دي روحي اللي انا عايش بسببها

نور، ربنا يخليكوا لبعض ياحبيبي

ادهم، ويخليكي انتي واخوكي لينا يارب ياللا نرجع بقي

نور، ماشي ياحبيبي

،،،،،،

احمد، في ايه يا برنس قاعد في البحر مع الصواريخ ده ابوك هيعلقك

عز، امشي ياللا من وشي 

احمد، عارف والله ماهخلص  وهقف اتفرج عليك

عز، حور في ايه مالك

حور، مالي مانا كويسه اهو

عز، اصلك لفتي وشك مني

حور، انت نسيت انت كنت بتعمل ايه دي الوقت في البحر

عز، بعمل ايه

حور، مفيش ياعز عن اذنك

عز، استني أنا بكلمك في ايه مالك

حور وعينيها مليانه دموع، ماليش ياعز

عز، بصي هو انا مش عارف انتي بتعيطي ليه بس بجد قلبي وجعني عشانك

حور، هو انت عندك قلب 

عز، في ايه ياحور والله مافاهم حاجه

حور، مفيش اتفضل انزل البحر قبل ما المزه تطلع منه

عز، بس انا مش شايف مزز غيرك انتي

حور، تصدق انك قليل الادب

عز، تصدقي أن عنيكي احلي من عنين مامتك اول مره اشوفهم بجد

حور، أنا رايحه لمامي عشان مش عايزه اعطيك بوكس افوقك

عز، بس انا فوقت دي الوقت

حور، متاكد انك فوقت

عز، اه والله فوقت وجعان

حور، تصدق أنا غلطانه اني واقفه معاك أنا ماشيه سلام

عز، يخربيت جمال عنيكي هو في جمال عنين كده ده ايه الجمال ده بجد

،،،،،،،

ادهم رجع بنور

جودي، اي ده اتصالحتوا

ادهم، هو احنا كنا متخاصمين اصلا يانور

نور، أنا أقدر ياحبيبي

جودي، حبيبي ده انتو راجعين اقوي من الاول

نور، وباكتساح ده عشيقي

جودي، ربنا يهدي مابينكوا

كارما، ياللا ياجماعه هنتغدي سوا أنا حضرت الاكل أنا وايان ياللا

اتلموا كلهم عالسفره

ايان، اي رايكم في طبيخي

كارما، ده انتي حطيتي الاطباق عالسفره بس يافشاره

ايان، أخص عليكي يامامي وحطيت المعالق نسيتي

زين، لا دي عملت مجهود عظيم يا كارما

كارما، طب بجد ياجماعه ايه رايكم في الاكل

نور،والله جميل ريحه وشكل وطعم

جودي، فعلا تحفه

ادهم، تسلم ايدك

احمد، لا بجد تسلم ايدك

محمود، اومال فين محمد ولدك يانور

نور، اهو اجا اهو حماتك بتحبك تعالي يامحمد اتغدي معانا

محمد قعد عالسفره قصاد نور

محمد نظر لها نظره كلها عتاب 

نور اخدت بالها  وادهم باصص عليهم بيشوف بنته هتعمل ايه

نور، أنا شبعت أنا طالعه

ادهم، اقعدي خلصي أكلك

نور، لا مش عايزه 

ادهم، اقعدي يانور

نور، حاضر يابابي

محمد اتحرج وراح قايم، أنا طالع

نور، مالك ياحبيبي اقعد 

محمد، مش جعان أنا طالع 

نور مسكت نفسها بالعافيه بس مقدرتش تمسك دموعها

وادهم شايف بنته 

جودي لادهم، عجبك كده

ادهم، كلي

جودي، نفسي اعرف انت بتفكر في ايه

ادهم، مش هتعرفي ريحي نفسك

،،،،

نور طلعت ورا ابنها

نور، ماكلتش ليه 

محمد، مش جعان احنا هنمشي امتي

نور، بكره 

محمد، طيب أنا هنام

نور، دي الوقت

محمد، اه ياماما تعبان وعايز انام قوليلي اعمل ايه وانا اعمله أنا عايز أهرب من اللي بشوفه عايز انام ومش عايز اشوف حد

ادهم، انت شايف أن ده الحل

نور، ادهم تعالي ادخل 

ادهم، سيبينا لوحدنا شويا يانور

نور، ماشي ياحبيبي

ادهم، هي الرجوله بقت هروب من الواقع بالنوم

محمد، أنا تعبان وعايز انام ياخالو

ادهم، انت حر وافتكر اني جتلك

محمد، أنا آسف بس والله بحبها

ادهم، اللي بيحب حد بيعافر عشان يوصله عمتك أنا طلع عيني عشان ترضي أنها تتجوزني

محمد، طب اعمل ايه

ادهم، خلص دراستك ونبقي نتكلم هيبقي في كلام تاني بس بشرط إياك اشوفك بتسلم حتي عليها 

محمد، ده اللي هو ازاي يعني انت خايف عليها مني

ادهم، افهم زي ماتفهم بس إياك تيجي جنب بنتي فاهم

محمد، ماشي ياخالو

ادهم، ماشي أنا هخرج نام بقي مش كنت عايز تنام

محمد، وانت بعد اللي قولته هيجيلي نوم

،،،،

صباح تاني يوم كلهم جهزوا عشان يرجعوا 

وبعد مرور فتره وجاء موعد الفرح المنتظر فرح جودي ودكتور حسام

• تابع الفصل التالي عبر الرابط: "رواية ابن عمي" اضغط على أسم الرواية