رواية منقذى من الهلاك الفصل الرابع بقلم ندى احمد
رواية منقذى من الهلاك الفصل الرابع
بارك الله لهما و بارك عليهما و جمع بينهما فى خير
نعمه:مشوفش وشك هنا تانى لا انتى ولا اختك يا حلوه خلااص خلصت على كده كفايا اوى اربع سنين
تميم:و انا مستحيل اخلى مراتى ترجعلكم تانى اصلا د انتوا ناس مفيش ف قلبكم رحمه
احمد:مش خلاص كتبت عليها ياله بقى
يونس: عيب الى بتعملوا ده حرام عليكم حطوا وعد مكانها بدل متقولها انا سندك و لو احتاجتى حاجه انا جمبك
احمد:مستحيل انا مش عايز اشوفها تانى لا هى ولا اختها
نعمه:بس يا خساره مش هلاقى حد ينظف ولا يغسل و لا يعمل الاكل مش مهم ابقى اجيبك برضه كل يوم مش كده
تميم:حسبى الله و نعم الوكيل فيكم
كل ده و كارما سرحانه و لا سامعه ولا حاسه بالى بيحصل هى سرحانه و دموعها بتنزل منها منغير صوت بس فاقت على مسكت ايد تميم ليها
تميم:ياله يا كارما هات مليكه و الشنط يا عدى
ياله اركبى
كارما :اركب ايه..لا هو شكرا لحضرتك اوى كده ..انزلى يا مليكه
تميم:شكرا ايه مش فاهم معلشى
كارما:يعنى شكرا ان حضرتك خلتهم يسبونى انا كونت بفكر ف طريقه اهرب منه بس مكنتش عارفه بس حضرتك مشيتنى من عندهم ف انا هتصرف لحد كده
تميم بعدم استعام ما تقول:تتصرفى ف ايه انا مش فاهم حاجه ولا انتى عبيطه ولا ايه اركبى يا كارما خلينا نمشى
كارما:انا مش هركب و مش همشى معاك
تميم:ايه ده بجد ....الحلوه هتروح فين ان شاء الله
كارما:هروح مطرح مروح بس اهم حاجه ان مش هيكون معاك لان انا مش بيعه
تميم:بس انتى بيعه و انا اشتريت
عند هذا الكلام دموعها لم تتحمل اكثر و خانتها
تميم:اركبى .......اطلع يا عدى على الشقه بتاعتى
بعد مرور ساعه
تميم:الشقه دى اقعدوا فيها و انا كل يوم هعدى عليكم والتلاجه مليانه كل حاجه و اى حاجه تعوزوها قولوا للبواب و ده رقمى اهو و دول فلوس خليهم معاكم محدش ينزل من البيت تمام
كارما و هى سرحانه:تمام
تميم:انا همشى دلوقتى و هجلكم بكره
قعده كارما تفتكر الى حصل
Flash Back
متيم:د انتوا ناس جاحده
احمد:انت مالك انت بنت اخويا و اعمل فيها الى انا عاوزه
متيم سكت شويه
متيم:انا هتجوزها
الكل:ايييييييه
متيم:ايه هريحكم منها مش هى مضيقاكم اوى كده هتجوزها
احمد بابتسامه:ماشى بس تدفع كام
يونس:يالهوى يا بابا هتبيع بنت اخوك
احمد:ملكش دعوه انت .....ها تدفع كام
تميم:انت عايز كام
احمد:اممممم ٥٠٠ الف جنيه
تميم:ايييه
ريان:على فكره تستاهل اوى و غمزله
تميم بصلهم بقرف:موافق
احمد:الفلوس تيجى المأزون يجى معاها غير كده لا
تميم:الحوار ده هيخلص دلوقتى هعمل مكلمه عشان اجبلك الفلوس
تميم بيتكلم ف الفون
تميم:عدى ركز معايا هتجيب ٥٠٠ الف جنيه و مازون و تجيلى على العنوان الى هبعتهولك ف خلال نص ساعه
عدى :تمام
بعد مرور ساعه
عدى جه و معاه الفلوس و المأزون
Back
فاقت من شرودها على صوت مليكه
مليكه:كارما هو احنا هنعمل ايه
كارما:متشغليش بالك انتى يا حببتى و روحى نامى
مليكه بسعاده:هروح اختار اوضه دى الشقه دى فيها اوض كتير
كارما:مليكه هى اوضه واحده هنام فيها انا و انتى و التلاجه متتفتحش و مفيش اى حاجه ف الشقه تيجى نحياتها يا مليكه ده مش بتنا و احنا هنا ضيوف
مليكه بحزن:امال هناكل منين
كارما بابتسامه مكسوره :متشغليش بالك انتى روحى شوفى انهى اصغر اوضه ف الشقه و حطى فيها الشنطه بتاعتى و بتاعتك و غيرى هدومك و نامى و انا هكلم ديما و جيه
♡♡♡♡♡♡♡♡♡♡♡♡♡♡♡♡
عند يونس
يونس:على قد م انا متضايق من طريقت جواز كارما على قد م فرحنالها ان هى خلصت من الى بيحصلها كل يوم
سجى:انت عمرك م هتحس بيها ده عندها الى هى كانت فى عندنا اهون ميت الف مره من الطريقه الى ابوك جوزها او بمعنى اصح بعها بيها دى هتفضل مكسوره قدامه طول عمرها عشان هتفضل طول عمرها قدامه مجرد بيعه و مينفعش تتكلم و لا تقول حاجه د اهلها بعوها بالفلوس هو هيعملها ازاى انا لو مكانها انا كونت انتحرت لو كونت اتجوزت بالطريقه دى بس هى يا حببتى بتخاف على مليكه و بتقول اسبها لمين
يونس:انا هفضل معاها برضه و هروحلها مش هسبها
سجى:ربنا يعينها على الى هى فى يارب البت لسه صغير و عاشت كتير اوى منها لله امها
♡♡♡♡♡♡♡♡♡♡♡♡♡♡♡♡
ف شقه فهد
الباب بيخبط
فهد:فى حد يجى دلوقتى برضه
تميم:ايه يا اخويا ملحقتش تجيب جون
عدى:مشى البت الى جوه دى و تعالا عشان ف مصيبه
فهد:و هو انتوا بيجى من وراكم غير المصايب
بعد ساعه
فهد:يخربيتك يا تميم انت عارف ابوك لو عرف هيعمل فيك ايه د هيعمل منك بطاطس محمره
عدى: دغير ان هو خاطب و بنت عمه اصلا يعنى ابوه لو هيعدى انه اتجوز من وراه مش هيتغاضه عن انه اتجوز و هو خاطب بنت عمه
فهد:و كل ده هيجى على دماغ البنت الغلبانه م انت عارف بقى لما على المحمدى بيبقى مش متقبل حد بيعامله ازاى
تميم:انتوا بتخوفونى زياده يا جدعان
فهد:انت غلط غلطه كبيره اوى ....بقولك ايه انا عندى فكره
تميم:ايه
فهد:طلقها و هتلها شقه هى واختها اوضتين و صاله كده حلوه و هتلها شغل و خلاص و انت اصلا كتبت عليها عشان تنقذها من ايد عمها و مرات عمها و انت كده هتكون انقذتها من ايدهم برضه
عدى:طب واللهى فكره حلوه
تميم:لا طبعا اتجوزها امبارح و اطلقها النهارده انت عارف بنت لما يحصل معاها كده هيتقال عليها ايه و مش هتعرف تعيش حياتها و هبقى انا السبب د موضوع الطلاق ده مش قبل سنه
عدى:سنه الله يرحمك يا تميم كونت كويس يا صحبى
فهد:طب انا شايف كل متعرف ابوك بدرى كل م هيكون احسن عشان لو غبيت عليه على المحمدى مش بيتخبه عليه دبة النمله و لو هو الى عرف موقفك هيبقى وحش اووووى
تميم:ربنا يستر
♡♡♡♡♡♡♡♡♡♡♡♡♡♡♡♡♡
تانى يوم
كارما:مليكه مليكه ياحببتى اصحى كده وركزى معايا
مليكه:نعم
كارما:انا نزله شغل مع ديما ف المطعم الى بتشتغل فى هرجع الساعه ١٠ بليل هجبلك اكلك و اطلعهولك مع البواب استحملى معايا يا مليكه ف الحاجات الى هنكلها الايام دى معلشى عشان فلوس معاش بابا على الفلوس الى كان مديهانى يونس مش متبقى منها غير ٥٠٠ جنيه و لسه هروح انقل ورقك من المدرسه الى كونتى فيها لمدرسه هنا
مليكه:ماشى يا حببتى مش مهم
كارما:مليكه متخديش اى حاجه من التلاجه ماشى متفتحيهاش حتى سلام
♡♡♡♡♡♡♡♡♡♡♡♡♡♡♡♡
غاده:هو فين تميم
غرام:بات هو و عدى عند فهد يا ماما
غاده:يبقى فى مصيبه ربنا يستر
على:هو انتى دايما كده ايه امك دى
غاده:مالها امها بقى ان شاء الله
على:قمر انا اقدر اتكلم و اقول حاجه
غرام:اسيبكم انا ف الجو الرومانسى ده و اروح الشغل
♡♡♡♡♡♡♡♡♡♡♡♡♡♡♡♡
ف شركه F.O.T
فهد:ايه ده يا عدى
عدى:ايه الكولكشن الجديد
تميم:هو فين الكولكشن يا عدي ...دول ينفعوا قمصان نوم مش فساتين يا عدى
عدى:يا حبيبى الكولكشن ده لعميل اوربى وهو ده لبسهم م انت مش هتروح اوربها تعرضلهم كولكشن محجبات مثلا ولا تروح السعوديه تعرضلهم كولكشن زى ده انت بتشوف البلد الى هيتعرض فيها الكولكشن ايه طريقت لبسهم عشان ينجح
فهد:حمار بس سعات بيقول كلام صح
تميم:لا ابهرنى الصراحه
غرام:صبااااااح الخير
تميم:الهانم متاخره
غرام:الطريق كان زحمه واللهى ....ايه ده ده الكولكشن ورينى .....تميم انا عايزه الفستان ده
عدى:تعملى بيه ايه
غرام:ايه السؤال الغبى ده هلبسه طبعا
عدى:الهى تلبسى ف حيطه يا بعيده
غرام:يكش انت يا حيوان و بعدين انت مالك اصلا ...تميم انت هتجبهولى صح
تميم:اه يا حببتى هجبهولك من عينى و اجى الم النقطه وراكى حاضر ....امشى يا حيوانه شوفى شغلك
♡♡♡♡♡♡♡♡♡♡♡♡♡♡♡♡♡♡♡
ف احد مطاعم ورد
ديما:ايه يا كارما من اول يوم تاخير
كارما:معلشى اعمل ايه كونت بنقل مليكه من المدرسه
ديما:طيب تعالى اعرفك على مستر حسام و نتكلم معاه .....مستر حسام دى كارما صحبتى الى كلمتك عنها
حسام:طيب سبينا نتكلم مع بعض و روحى شوفى شغلك يا ديما متخافيش ......بصى يا كارما ديما حكتلى على ظروفك كلها و عرفت كمان انك عايزه تشتغلى ف الاتنين شفت
كارما:اه يا فندم
حسام:بس ده تعب عليكى اوى يا كارما
كارما:ربنا هيعينى و ان شاء الله مش هتلاقى منى اى غلطه
حسام :ان شاء الله روحى ياله مع ديما و هى هتعرفك الشغل و لو عوزتى اى حاجه انا زى اخوكى قبل م اكون مديرك
كارما :شكرا يا فندم
♡♡♡♡♡♡♡♡♡♡♡♡♡♡♡♡
فمكتب فهد
فهد:الاء ابعتيلى الى عمل ملف الحسابات الى قدامى حالا
الاء:حاضر يا فندم
بعد عشر دقائق
الباب يخبط
فهد:ادخل
وعد:نعم يا فندم .....هو انت
فهد:عامل البوفيه فاكره
وعد بتوتر:هو انت فهد بيه
فهد:شطوره ....عارفه عامل البوفيه ده هيعمل فيكى ايه على المصيبه الى انتى عاملها ف الحسابات دى
وعد:مصيبه ايه
فهد:تعالى يا هانم كده شوفى الحسابات دى مظبوطه
وعد:ثوانى ايوه الملف ده كل الحسابات الى فيه مش مظبوطه عشان ده على اساس المعلومات القديمه لاكن لما المعلومات الجديده وصلت عملت واحد تانى و الملف بتاعه لونه ازرق و القديم لونه احمر و انا كونت مدياهم الملفين ف مليش دعوه بقى ان هما جابوا لحضرتك الملف الغلط ولا ايه
فهد اتغاظ منها :هتفضلى قاهده هنا لحد م الملف الى بتقولى عليه يجى و ارجعه و لو لقيت ف غلط ياويلك منى
وعد ببرود:طب و انا قاعده اهو
♡♡♡♡♡♡♡♡♡♡♡♡♡♡♡♡♡
ف مستشفى ف امريكا
(الحوار مترجم )
دكتور مايكل:بجد يا يزيد المستشفى هتخصرك بجد انت من اشطر الجراحين الى اتعلموا على ايدى اتمنالك مستقبلك باهر
يزيد:شكرا يا دكتور كله من تعليمات حضرتك و تعليمك ليا لولا حضرتك مكنتش اتعلمت حاجه حضرتك عاملتنى زى ابنك و اكتر
دكتور مايكل:ف ناس بتبص ف وشهم بتعرف ان دول هيبقوا حاجه و دول مهما عملت فيهم مش هيتعلموا حاجه عشان كده كونت بقرص عليك عشان انت عندك حماس و طاق و حب للى بتعمله تخليك اكبر دكتور ف العالم ربنا يوفقك بس متنسناش بقى لما تسافر
يزيد:لا طبعا انا اقدر ...اشوف وشك بخير عن اذن حضرتك
♡♡♡♡♡♡♡♡♡♡♡♡♡♡♡♡♡
عدى:تميم اتصل كده اسال على مراتك ولا اى حاجه كفايه الكلمه الزفت الى قولتهلها لما مكنتش عايزه تركب العربيه
تميم:تصدق مختش رقمها
عدى:شاطر لا بجد تاخد اوسكر مراته مش واخد رقمها
تميم:خلاص ياعم شويه و هرحلهم
إلين:هااااى
عدى:طب انا هروح مكتبى
إلين قاعده قدامه على المكتب و مقربه عليه :وحشتنى اوى هو انا مش بوحشك ولا ايه
تميم:وحشتينى ايه و زفت ايه و ايه الاقرف الى انتى مش لبساه ده
كانت لابسه(بنطالون تلجى مقطع اوى و توب ابيض نص بطن و ربطه على وسطها چاكت اسود)
إلين:بتغير عليا
تميم بقرف:بغير عليكى ايه بس انتى خطبتى و الناس عارفه كده لما تمشى ف الشارع بالمنظر ده حسنى استايل لبسك يا إلين احسنلك
إلين:طب تعاله نتغداء برا احنا من ساعت الخطوبه حتى متكلمناش مكلمه زى المخطوبين بيتكلموها تعالا نتغداء برا مره على الاقل
تميم :طيب يالا
♡♡♡♡♡♡♡♡♡♡♡♡♡♡♡♡
عند مليكه
تليفونها بيرن
مليكه:الو
يونس:ازيك يا مليكه عامله ايه
مليكه :الحمدالله يا ابيه حضرتك عامل ايه
يونس:انا كويس ياحببتى ...هى فين كارما يا مليكه بكلمها مش بترد
مليكه:كارما ف الشغل يا ابيه تلقيها مش سامعه الموبيل و هترجع الساعه ١٠
يونس:شغل شغل ايه
مليكه :هى نزلت تشتغل مع ديما ف المطعم و حكتله كل الى حصل بس يا ابيه بس مش عارفه هى هترجع ١٠ ليه ديما الشغل بتاعها بيبداء ٨ و بيخلص ٣
يونس من كلام مليكه فهم ان كارما كده هتشتغل الشفتين
يونس:ماشى يا حببتى اقعدى انتى ذاكرى و متفتحيش لحد
يونس:عندك حق يا سجى
سجى :ف ايه يا يونس
يونس حكلها كل حاجه مليكه قالتهاله
سجى:البت صغيره على الى هى مستحملاه ده
يونس:انا هكلم تميم و اقابله و هقوله ياخد الفلوس الى دفعها و يجبها و انا اجبلها اوضه برا و تشتغل مع معاش عمى الله يرحمه هيقضيهم....بس هجبله الفلوس دى كلها منين
♡♡♡♡♡♡♡♡♡♡♡♡♡♡♡
ف المساء
دخلت كارما الشقه
مليكه:كارما عامل ايه
كارمه: الحمدالله يا حببتى ..خدى ياحببتى الاكل عشان انا هموت من الجوع و ف صبونه ف الشنطه حطيها ف الحمام
مليكه:طيب غيرى هدومك على مجهز الاكل
كارما:تجهزى الاكل ايه احنا هناكله من الاكياس كده على م ربنا يسهل و ابقى اجيب طبقين ولا حاجه قولت مش هنستخدم قشايه ف الشقه يا مليكه انا مش بتكلم انجليزى
بعد دقائق
كارمه:ياله ناكل
الباب بيخبط
كارما:افتحى الباب يا مليكه مش قادره اقوم ........مين يا مليكه
تميم:انا...انتى ايه الى مقعدك على الارض كده .....و ايه الى يخليكوا تكلوا الاكل ده معندكم الاكل ف التلاجه
(جبنه سايبه و عيش )
كارما:عادى احنا بنحب الاكل ده
تميم بص ف الشقه لقاها زى م كانت امبارح مفيش اى حاجه اتحركت خالص بس مهتمش
تميم:مليكه انتى كونتى ف مدرسه ايه عشان انقلك مدرسه هنا
كارما:انا نقلتها النهارده
تميم بزعيق:انتى نزلتى من غير متقوليلى
يتبع الفصل الخامس اضغط هنا
- الفهرس يحتوي على جميع فصول الرواية كاملة :"رواية منقذى من الهلاك " اضغط على اسم الرواية