رواية وقعت فى العشق الفصل الرابع بقلم أمل السقا
رواية وقعت فى العشق الفصل الرابع
*الباب خبط "
زياد: ادخل
عشق: هو انا بصراحه كنت جايه عشان اورى حضرتك التصميم ده وتقولي انفع ولا لا "قالتها بغرور شويه وثقه جامده"
زياد: حلو قوي طب ما انتى بتعرفي تصممي اهه اومال ايه أول مره وكده؟
عز باستغراب شديد: ممكن توريني كده يا زياد، الله عليكي يا شوشو هترفعي راسنا يا بت والله
زياد: ترفع راس مين؟
عز: قصدي يعني هترفع راس أهلها لان عندها قدرات عاليه ما شاء الله يعني
زياد: أها تمام "وجه نظره لعشق اللي واقفه بشموخ عالي جدا" اعملي حسابك يا عشق انك هتسافري معانا بكره مطروح لان فيه مشروع هيتنفذ هناك واعتقد دي فرصه كويسه ليكي عشان تعرفي معلومات اكتر
عشق بتوتر خايفه من رد فعل عز و والدها: ايوه يا فندم ان شاء الله بس هكلم بابا الاول وبعدين ارد على حضرتك.
زياد: تمام معاكي لبليل وبلغيني
عشق: تمام يا باشمهندس بعد اذنك بقا هروح مكتبي
زياد: اتفضلي.
عز: هو انت لازم تاخدها معاك دي لسه جديده؟
زياد: ايوه عشان تعقل شويه وتتعلم اكتر وكمان عشان تاخد خبره انا حاسسها شاطره بس هبله وكمان احتمال كبير اخد زينه معايا واهه تتعرف عليها وتغير جو
عز: هو انت لحقت تشوف هبل عشق هههههههه ربنا يعينك.
زياد: يا سيدي دي لسانها اطول منها ده انا من قبل ما اعرف انها هي اللي جايه تتدرب هنا حصل بيني وبينها موقف كان نفسي اديها بالقلم لولا انها بنت بس منعت نفسي.
عز باستغراب: ليه ايه اللي حصل؟!
زياد "حكاله الموقف": بس بصراحه حاسسها عسل بعيداً عن طولة لسانها
عز بضحكه عاليه: لا ده ابسط حاجه منها ده انت مش بتشوفها بتعمل ايه فينا فى البيت هههههههه
زياد بدهشه: في البيت؟!
عز بخضه: في البيت؟ انا قولت البيت لأ انا قصدي يعني أهلها بيحكولي وكده بقولك انا همشي بقا عشان مش عايز اتأخر سلاموز يا موز.
زياد: سلاموز؟ موز؟ انت متأكد إنك مهندس وكده يا عز؟
عز: هههههههه يا عم فكك يا عم متبقاش خنيق يا مان هههههههه
زياد" كان قدامه ملف راح رماه فى وشه وقال"اطلع بره يا عز ومش عايز اشوفك هنا تاني.
عز "وهو بيشقط الملف": خلاص يا عم بالراحة الله هههههههه نتقابل بكره بقا سلام.
زياد: سلام
___*بعد خروج عز زياد وقف وقال: هما ليه مش بيقولو انهم أخوات ايه الهبل ده؟! اما اروح اشوف ست عشق هانم بتعمل ايه وخلصت التصميمات ولا لأ."
( وقف عالمكتب وفضل يخبط كتيرر بس مفيش أي رد)
زياد: هي البت دي ماتت ولا هربت ولا ايه؟ وفتح الباب ودخل وانصدم من اللي شافه!!!.....
عشق "قاعده على كرسي المكتب وحاطه الهاندفرى فى ودانها وبتغني اغنية الوقت بيسرقنا بتاعت دنيا سمير غانم وهي حاضنه صورة ومغمضه عينيها ودموعها نازله بغزارة.
" قرب من كل اللي حاببهم
شيل عنهم خوفهم وتعبهم
يمكن يسيبوك هما الأول
أو يمكن انت اللي تسيب... وفتحت وفي لحظه رمت الهاندفرى وزعقت وهي بتمسح دموعها "
عشق بعصبيه تقريباً أول مره تظهر بيها: انت ازاي تدخل من غير ما تخبط يا بني آدم انت؟ هو انت عشان مدير الشركه يبقى متحترمش خصوصيات غيرك؟ على فكرة دي قلة زوق وقلة ادب وقلة تربيه "وملحقتش تكمل الكلمه ولقت قلم على خدها صوته هز المكتب وهي حطة ايدها على خدها و واقفه مصدومه"
زياد بحده وعصبيه: انت ازاي تتكلمي معايا كده هه؟ هو انا عشان سكتلك مره واتنين يبقى تتمادي؟ ياريت متنسيش نفسك يا انسه عشق وبالنسبه لاحترام الخصوصيات فانا قعدت ساعه اخبط على الباب وحضرتك مش بتردى فلما قلقت دخلت ولقيتك مش مركزه اصلا يبقى المفروض مين اللي غلطان؟ وبعدين انتي مش جايه هنا تسمعي اغاني وتغني انتي جايه تتعلمي وتشتغلي احنا مش فاتحين بوتيك للعواطف.
عشق "وهي بتحاول تكتم دموعها عشان هي مش بتحب تظهر ضعيفه قدام حد وده اصلا اللي دايقها لما لقته دخل وشافها وهي بتعيط": اعتبرني مستقيله ثم ضحكت بسخريه وقالت آه نسيت اني تحت التدريب اصلا ولسه متعينتش معلش حضرتك خلاص انا مش عايزة اتدرب بعد اذنك." ولسه هتاخد شنطتها وتمشي بس هو مسكها من ايدها"
زياد بندم: أنا آسف مش قصدي بس انتي اللي عصبتيني وطولتي لسانك عليا وانا اول مره فى حياتى حد يكلمني كده.
عشق وهي بتسحب ايدها: ولا يهمك أنا كده كده كنت عارفه انك مش هتسكت غير لما تاخد حقك عشان التليفون اللي اتكسر الصبح بسببي "وخدت شنطتها و وهي ماشيه" فرصه سعيده يا باشمهندس زياد مبسوطه اني اتعرفت عليك بعد اذنك "ومشت حتى من غير ما تديله فرصه يتكلم تاني"
زياد "دخل مكتبه وندم جداً وعايز يصالحها بس مش عارف ازاي فاختار انه يكلم عز"
عز: ايه ده هو انا لحقت اوحشك ولا ايه؟ ولا تكون ندمان عشان طردتني وكسرت بخاطري وانا عارفك مترضاش تكسر بخاطر الولايا هههههههه
زياد بملل: بقولك ايه يا عز انا عايزك في موضوع مهم دلوقتي مش وقته تهريج خالص.
عز بجديه: غير يا سيدي فيه ايه؟
زياد بحزن: بص يا سيدي "وحكاله عن اللي حصل...." وانا مش عارف أصلح غلطتي ازاي بصراحه انا زعلان جدا عشان عملت كده.
عز بحده وعصبيه: انت مجنون يا زياد انت ازاي تدي نفسك الحق انك تمد ايدك علي عشق؟ اقسم بالله يا زياد عشق لو يحصلها حاجه ما هسكتلك
زياد بحزن: يا عز انا عارف اني غلطان بس هي غلطت فيا جامد وانا مستحملتش المهم قولي اعمل ايه؟ مش هي قريبتك؟
عز "هدأ شويه": ايوه عايزني اعمل ايه يعني؟
زياد: تقنعها تيجي معاك بكره مطروح؟
عز: نعععم دي مستحيل توافق
زياد: لأ انت تقدر تقنعها وانا هصالحها والله ملكش دعوه انت بس هاتها وخلاص.
عز: تمام بس علي فكره لو تفكر تإذيها أو تلعب معاها زي ما بشوف كده مع النااس اللي بره خليك عارف اننا هنخسر بعض؟
زياد: عيب عليك والله دي ف قلبي
عز: نعم؟
زياد" بندم علي اللي قاله هو اصلا مش عارف هو قال كده ازاي ": قصدي يعني هخاف عليها زي زينه اختي بالظبط متقلقش وبعدين انت عارف اني مش من النوع اللي انت بتتكلم عليه ده.
عز: خلاص تمام ان شاء الله هكلمها.
زياد: تمام هستناك بكره ان شاء الله
سلام.
عز: سلام" وقفل الخط وهو حزين على اخته وتوأم روحه عشان هو عارف هي كانت حاضنه صورة مين وبعدين اتنهد وقال بحزن ": ربنا يرحمك يا نغم وحشتيني قوي
يتبع الفصل الفصل الخامس اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية