رواية اللطيم البارت الخامس 5 بقلم هنا سلامة
رواية اللطيم الفصل الخامس 5
التفتت سيلين و قالت بخوف : عاصم !
ليل حس بارتباكها و رعشتها بين ايده شدها لحضنه اكتر و همس : متخفيش متخفيش
خالتها بعصبيه : مقولتيش أن عامر مات و انا سكت و كمان في حضن راجل غريب عننا !
عاصم بعصبيه : سيبيه يا بت انت، سيبيه
سيلين بخوف : لا.. لا مش.. مش هسيبه
خالتها بعصبيه : خلاص الي كان حميكي و مخليني طيبه معاكي مات، تعاليلي بقى يا زفته
ليل بعصبيه : ايه يا وليه انت انا مش مالي عينك !
ده انا ممكن ابيتك في التخشيبه
عاصم بعصبيه : ليل اللطيم ! هو انت طالعلي في البخت !
ليل بعصبيه و متجاهل عاصم : انت يا ست البنت دي في حمايتي و لو روحت معاكي و لمستي شعره منها انا مش هعديها
ارتعشت سيلين في حضنه و اتشبست فيه اكتر و قالت : ابيه و النبي ما تخليني اروح معاها
ليل بقلق على حالتها : طيب في ايه، اهدي طيب اهدي
عاصم بعصبيه : انا الرائد عاصم الحميمي، ايه الي يعبني عشان ترفضي تبقى مراتي ؟؟؟؟
سيلين بعصبيه : انا أصغر منك ب ١٠ سنين و بعدين انا مبحبكش و بحب واحد تاني، ايه مبتفهمش !!
جيه يشدها ليل اخدها ورا ضهره و قال بعصبيه : لا ده انت ناقص ربايه، و انا بقى هربيك، انت نسيت اني ليل الداخليه يالا !
ضربه ليل لحد ما نذف، بدأت خالتها تصوت على ابنها إلى بيضرب و ليل مكمل ضرب فيه لحد ما سحبته سيلين و قالت : كفايه يا ابيه كفايه ده زميلك في الشغل و ممكن تتاذي كده
ليل بعصبيه : ده حتت رائد اما انا مقدم ده أقل مني رتبة
سيلين بخوف من عصبيته : طيب كفايه و النبي انا تعبانه، تعبانه اوي، ممكن توديني اي اوتيل ابات فيه
ليل بسخرية : اوتيل ؟ يلا يا لوزه على بيتي يلا
سيلين باعتراض : بس مي.. عاااااا يا ابيه
شالها ليل و قال : مفيش نقاش مش هتيجي بمزاجك هتيجي غصب
سيلين بحزن : هتفرق عن عاصم و خالتو ايه و انت بتغصبني ؟
بص بحزن عليها و نزلها بفقدان امل و قال : إلى تحبيه يلا بينا على الاوتيل ..
جيه يتقدم خطوة فمسكت ايده و قالت : عندكم تكيف في بيتكم و لا هبقى زي الكتكوت في عز الحر ؟
ابتسم و قال : عندنا يا لوزه، ده بيت ليل الداخليه مش اي حد برده
سيلين برفعه حاجب : ده غرور ؟
ليل بثقة : تؤ تؤ ثقه بالنفس، يلا يا لوزه
في بيت هاله و حسام
هاله كانت حاضنه حسام و بتعيط
هاله بعياط : ك.. كنت.. هت.. هتبقى معاهم ! كنت هتموت و تسيبني يا حسام، حسام كنت هبقى لوحدي، يا ربنا يا ربنااا
حسام بحزن على زمايله : اهدي يا حبيبتي انا سليم و حي ارزق قدامك اهو و بين ايديكي، ده قضاء و قدر ..
هالة بعصبيه : لا ده مش قضاء و قدر شغلكم ده خطر و انا ببقى متوغوشه عليك، يرضيك حمزه يتيتم زيي انا و ليل، يرضيك ابقى أرملة و لوحدي !
حسام بعصبيه : يوووه بقى مش وقت كلام في المو..
قاطعته بعصبيه : لا ده وقته يا حسام مش هستنى لما تبقى في خطر أنا
طلعت جدتها من أوضه حمزه و قالت بعصبيه : الولد منهار من خناقكم ليل نهار و توتركم ده ! و انت يا حسام متعيطش على زمايلك قدام ابنك عشان الولد بيخاف لما بتعيطوا، مكنش قادر ياخد نفسه
هاله بخضه : حمزه كويس يا تيته دلوقتي و لا لا ؟؟؟
جدتها : اه يا بنتي كويس، انت الايام دي شكلك مش مظبوط مالك ..
بلعت ريقها و قالت : لا و الله مفيش، دوخه مش اكتر
جدتها : مش ممكن حمل يا هالة ؟
هالة بتوتر : لا حمل ايه بس بعد الشر
حسام بصدمه : هو أننا نخاوي أبننا و نجبله اخ او اخت يبقى شر ؟؟؟؟ انا سايبلك البيت و ماشي دي عيشة تقصر العمر يا شيخة
جدتها : يا حسام يا ابني استنى طيب، حسام، يا حسام يا ابني
قام حسام بعصبيه و رزع باب الشقة و مسك فونه و اتصل بشخص ما و قال : جوزك الرخم ده عندك ؟ لا خلاص مش هاجي يا رحمه، مشكله مع الزفته هاله
رحمه بعصبيه : حسام هاله خايفه عليك و على ابنها حمزه ده طبيعي، انا اختك و ببقى مرعوبه عليك ما بالك مراتك ام ابنك و حبيبتك تبقى عامله ازاي ؟؟؟
حسام بعصبيه : يعني اسيب الخدمة كلها عشان خاطر عيونكم يعني و لا اعمل ايه !! كتكم القرف محدش فيكم حاسس بيا ..
قفل السكه في وش رحمه اخته فقالت بحزن : يا الله عليك يا حسام، تاعبني و حارق قلبي دايماً عليك كدة
دخل أحمد و حضن رحمه من ضهرها و قال : حبيبي مش قولتلك أن العصبية و انت حامل غلط ؟؟ في ايه ؟
رحمة بحزن : حسام يا حبيبي دماغه ناشفه و عندي، يا ريته بيفكر في نفسة حتى يا احمد ده بيرمي نفسه في التهلكة
أحمد بحب : متزعليش نفسك يا روحي، أن شاء الله ربنا يحفظه
رحمه : صحيح فية حاجة مهمة
أحمد : خير ؟
رحمه بتوتر : بابي يا حبيبي عازمنا على الغداء بكره
أحمد بعصبيه : انت عارفة ان مفيش عمار بيني و بينه و بنتخانق بدون سبب، فتجمعينا ببعض على سفره واحده يا رحمه ؟؟؟؟
رحمه بهدوء : و النبي يا احمد و النبي .. عشان خاطري و عشان ميزعلش
اتنهد بضيق و قال : ماشي يا ستي لما نشوف اخرتها
في بيت ليل
ليل دخل و دخلت سيلين و قال بصوت عالي : تيته يا تيته يا تيتاااااااااااا
سيلين : شكلها مش هنا
ليل بقلق : هتكون فين ؟
سيلين : ممكن عند اختك هالة
ليل : لحقتي تتعرفي على هالة
سيلين بحزن : اها المره إلى فاتت كانت موجودة و انا هنا يا ابيه
قعد ليل و قال : متخفيش انا مش قليل الادب و لا ..
قاطعته و قالت بابتسامه : عارفة يا ابيه و واثقه فيك، عامر الله يرحمه دايماً يتكلم عنك و عن أدبك و أخلاقك .. اقصد كان .. كان بيتكلم
انفطرت في العياط تاني و ليل بدأ يهديها : طيب اهدي يا سيلين اهدي
سيلين بعياط : سابني ليه يا ابيه ؟؟ أواجه عاصم و خالتو لوحدي ازاي !!
قال بسخرية عشان يطلعها من حزنها : الواد بتاعك فين ؟
عقدت حواجبها و قالت : مش فهماك
ليل بغيره : الواد إلى انت مسمياه ارنوبي على فونك لأنك كلبوبه اكيد و بيقولك انك ام احمد و احمد ده ابنكم المستقبلي و لما يحب يثبتك يقول بعربجيه يا بت انت مراتي و يقولك صباح الفل يا ام عيالي
و لما يبقى جامد بقى يعزمك على كشري في كيس
ميعرفش انه لو هوب منك تاني انا الي هخليه في كيس و الله
ابتسمت على غيرته و قالت : ابيه هو انت زعلان مني ؟
ليل بحزن : لا.. زعلان عشان عامر .. الله يرحمه، انت بقى علاقتك بزفت عاصم ايه ؟؟
اتنهدت تنهيده طويله و قالت : عاصم أبن خالتي معرفش ليه قلبت عليا كدة يا ابيه، بس انا مبحبوش خالص و هو أكبر مني ب ١٠ سنين بحالهم، و بعدين مفيهوش اي شيء يتحب
ليل في نفسه : شوفت يا غبي هي شايفه ان ١٠ سنين كتير ازاي ! انت كان عقلك فين و انت بتتخيل انها تبقى مراتك ! انت متخلف اقسم بالله انك متخلف ! أول مره تتصرف بغباء كده
سيلين : ابيه.. يا ابيه... روحت فين ؟
ليل فاق من تأنيب و جلد ذاته و قال : لا مفيش بس بفكر مش اكتر احميكي من جوز امك و من الزفت عاصم ازاي، مفيش غير حل واحد
سيلين بتوتر : ايه هو
ليل ببرود : نتجوز و تبقي حرم ليل فاروق اللطيم
سيلين حاست أن الدنيا بتلف بيها، النظر اتشوش و وقعت مغم عليها !!
ليل بصدمه : سيلين !
- تابع الفصل التالي عبر الرابط: "رواية اللطيم" اضغط على أسم الرواية