رواية فارس الحى الشعبي الفصل الخامس 5 بقلم اميرة أسامة

    رواية فارس الحى الشعبي الفصل الخامس  بقلم اميرة أسامة 

رواية فارس الحى الشعبي  الفصل الخامس 

وقفنا لما عادل لسه هيحط ايده علي وسط فريده عشان يلفها ليه...فارس وصل لاعلي درجات الغضب ومسك ايديه

فارس... انت بتعمل ايه يازباله ايدك اللي كانت هتلمسها دي انا هقطعهالك خالص..

عمر كان مركز مع ريم لحد ما قربت توصل لباب البيت وفجأه لما لاحظ مع فارس اللي حصل قال للصبي اللي شغال معاهم اتصل علي زين وادهم بسرعه...وفي لحظه كان وراه فارس والدنيا في لحظه باظت ر

عادل... نزل ايدك وخليك في حالك يافارس ولا انت عايز تعمل فيها كبير المنطقه انسي مش هيحصل وبعدين مين دي عشان تدافع عنها ايه واحده ناوي تقضي معاها ليله فاللحظه دي فارس فقد السيطره علي نفسه وفضل يضرب في عادل بكل غضب كسر عضمه وصحاب عادل اتدخلو وبقب الضرب في كل مكان والستات بقت تصوت والمحلات بقت تدخل بضاعتها بسرعه واللي بقي يحاول يحوش بس مفيش عمر وفارس وانضملهم في سرعه البرق ادهم وزين ادهم قلع التيشرت بتاعه ومسك في ايده جنزيرحديد وبقي يضرب فيهم والدنيا اتلمت وفي وسط الخناقه دي كلها فريده واقفه فالنص حاطه ايديها علي ودنها من صوت التكسير ومغمضه عنيها وبتعيط ومن جواها بتقسم ان دي نهايتها... فارس وعمر وادهم وزين وقفو في ضهر بعض وفريده في وسطهم وفارس بعد مده من التكسير والضرب بعلو صوته ... عرفت الوقت ان فارس كبير المنطقه يازباله عرفت الوقت لما علم عليك انت وشويه الاو.......خ اللي معاك انا كبير المنطقه غصب عنك وكبير علي اي واحد و...خ يقرب من اي ست او بنت... واللي اتكلمت عنها دي وقولت اني عايز اقضي معاها ليله ورب الكون ده كله وسيرتها جت علي لسانك انت والاو.....خ اللي معاك تاني لا يكون اخر يوم في عمرك لو حاولت تتعرضلها هي او اي واحده فالمعز كلها متلومش غير نفسك والكلام للكل امييييييين... ومكمل ضرب في صاحب عادل برجله فريده من خوفها كانت هتموت بس اول ما شافت فارس حست بالامان واثناء ماهو بيضرب وكله ملهي فالخناقه وهي واقفه تعيط وسطهم مسكته من وسطه زي الطفل اللي بيتعلق بأمه او ابوه وكأنه امانها.فارس حس ان جسمه اتنفض من مسكتها ليه ولف راسه ليها عشان يطمنها فاللحظه دي عادل طلع مطوه من جيبه ولسه هيضرب فارس ..

عمر... لاحظ وضرب ايد عادل برجله وفريده صوتتت. حاااااسب.. فاللحظه دي فارس فاق ورجع كمل ضرب فيهم تاني ... ريم واقفه فالحوش بتاع بتهم هي وامها وعاملييين يعيطو ومرعوبين علي فريده وهي وسط المعركه اللي حاصله ومش عارفين يوصلولها من كتر التكسير والازاز والضرب..واخيرا بعد مده عادل وصحابه وقعو خالص من الضرب سابوهم قامو جريو بسرعه وهما بيتسندو علي بعض...

فارس.... يلا كل واحد علي شغله كل واحد يشوف اللي كان بيعمله... الناس اعدت تهدي في فارس والجيران واصحاب المحلات ادهم وزين مشو الناس اللي بتتفرج

ادهم... يلا كل واحد يشوف بيعمل ايه خلااااااص العركه اتفضت .

فارس بعد ما الناس ابتدت تمشي بيبص علي فريده.. لقاها بتعيط ومرعوبه...

فارس لفريده... انتي كويسه...

فريده ..بتعيط وبتهز راسها ب لا.

رحمه جريت علي بنتها هي وريم

رحمه... انتي كويسه..طمنيني عليكي حصلك حاجه

فريده..........

رحمه ردي عليا عشان خاطري...

فارس متقلقيش محدش لمسها هي بس خايفه... يلا تعالو اطلعو ومشيت رحمه وريم وماسكين فريده...

فارس... زين خليك انت وادهم...فالمحل.

ولسه مكملش كلمته... ريم ورحمه صوتو فريددددده..

جري عليهم فارس وعمر...

فارس لحقها من ايديهم وشالها ادام نظرات كل اللي كان بيتفرج عالخناقه .فارس لرحمه... اطلعي بسرعه افتحي الباب... طلعت جري عالسلم فتحت باب الشقه دخل وراها فارس وهو شايل فريده وعامله في ايده زي البيبي الصغير .دخل فارس وحطها عالسرير.. فارس .. لرحمه.اعملي مايه بسكر بسرعه وهاتيلي اي برفيوم... وجت الحاجه ناديه ودخلت تقف معاهم

ريم واقفه هتموت من العياط...

عمر... ماتخافيش وبطلي عياط هي هتبقي كويسه

ريم... بعياط انا خايفه عليها اوي خايفه يكون حصلها حاجه.

عمر... بنبره فيها غضب شويه.. قولتلك بطلي عياط هي مش فيها حاجه هي بس خافت من المنظر اللي كان تحت..

ريم... انت ليه بتزعأ...

عمر...عشان انتو الاتنين غلطانين عشان شويه الزباله دول يقربولكم..

ريم...احنا مش عملنا حاجه...

عمر... وبالنسبه لبسكم..

ريم... سكتت وكملت عياط..

عمر...مضايق من نفسه انه كلمها كده ومستغرب نفسه..

رحمه... جت ومعاها الميه بسكر والبرفيوم..

فارس قومها شويه وحط ايده علي ضهرها وراسها علي كتفه وبيحاول يفوقها بالبرفيوم...

فارس لرحمه... هي اول مره يحصلها كده..

رحمه... فريده بتخاف جدا واول ما تتوتر بيحصلها زي صدمه بتفقدها الوعي وهي اعصابها باظت وهي واقفه في وسط الخناقه كده..

عمر... لازم دكتور بسرعه مش بتفوق ريم صوت عياطها علي اكتر..

فارس اتصل بسرعه علي زين يروح جري يجيب دكتوره نرمين...

رحمه ... في دكتور فالبيت اللي جمبنا..

فارس... بصوته اللي يرعب... اتصل يا عمر بسرعه ويجيب دكتوره مش دكتور.. كل شويه رحمه تحس بحاجه غريبه بس بتكدب نفسها ..

عمر كلم زين واعدين مستنين الدكتوره تيجي .. عمر وطي علي ريم ونزل لمستواها. ماهي زي اختها مش باينه جمبه.. ممكن تبطلي عياط شويه لو سمحت..

ريم... بصتله لما حست انه طريقته بقت اهدي..

ريم... انا مليش غيرها هي كل حاجه في حياتي..

عمر... وهتفضل كل حاجه في حياتك ولله مافيها حاجه متقلقيش..

فارس اعد مش علي بعضه وقلقان عليها .

دقايق وجه زين بالدكتوره...رحمه..

اتفضلي يا دكتور...ودخلوها الاوضه..

دكتوره نرمين بعد اذنكم بره شويه..

خرجو وهي ابتدت تكشف علبها ولعد فتره خرجت

فارس. خير يادكتور ...

الدكتوره ... متقلقوش الضغط بس واطي جدا وهي اتعرضت لحاجه وترتها جدا تحاملت علي نفسها شويه وبعد كده فقدت القدره علي نفسها وحصلها إغماء انا ادتها حقنه تظبط الضغط وادتها حقنه تساعدها علي انها تفوق وانا خرجت من الاوضه وهي تقريبا استردت وعيها شويه .. يعني متقلقوش بسيطه ان شاء الله..

فارس... متشكر جدا يادكتور زين وصل الدكتور وحاسبها

نزلت الدكتوره مع زين عمر واقف بره مع فارس والحاجه ناديه وريم.. خرجت رحمه..

رحمه ... الحمد لله فاقت بس وشها ابيض خالص ومرعوبه...

فارس ... الحمد لله انها بخير ممكن اشوفها من فضلك..

انا اسف من طلبي ده بسسس يعني..

رحمه... مفيش مشكله يافارس طبعا اتفضل...كفايه الانت عملته عشانها ..

فارس... انا معملتش حاجه خالص ده واجبي..

رحمه... تعالي اتفضل يا فارس...

وخبطت ودخلت فريده. فارس عايز يطمن عليكي..

فريده. بترفع نفسها شويه..

فارس... خليكي مرتاحه زي ما انتي..

رحمه.. تشرب ايه يافارس..

فارس. ولا اي حاجه شكرا

رحمه ولله ما يحصل المرادي ابدا...

فارس. طيب ممكن قهوه ساده..

رحمه.. من عنيا بعد اذنكم وخرجت رحمه..

وعند عمر.. وريم اعدين ساكتين ريم بتبص عليه بطرف عينها فالخباثه وعمر منزل راسه وبيهز في رجله..

رحمه.. منور يااستاذ عمر معلش احنا اليومين دول جينا شقلبنا الدنيا خالص.

عمر... خالص يامدام رحمه انتو نورتو الدنيا كلها وبص علي ريم بسرعه وبعدين هما اللي عيال مش مظبوطه وليهم كل مده كده وقفه عشان يظبطو يعني مش انتو السبب..

رحمه.. ربنا ياحميكم يا ابني ..قولي بقي هعمل لصاحبك قهوه تشرب ايه.. ولا اي حاجه ولله انا هنزل عشان الشغل ميتعطلش.. وفارس يجي ورايا...

رحمه... ولله ما هينفع المرادي لازم تشرب حاجه .. خلاص قهوه زي فارس بس مظبوط عنيا..

رحمه.. تشربي ايه يا حاجه ناديه...

الحاجه ناديه ولا اي حاجه يابنتي انا هروح بس افتح النار عالاكل تاني عشان يستوي انا لما لقيت الصوت جريت قفلته وجتلكم...هشغل عليه تاني وارجعلك اطمن علي فريده..

رحمه.. ماشي يا حبيبتي ... وخرجت وطبعا كل ده الباب مفتوح..

رحمه دخلت تعمل قهوه وعمر بيحاول يفتح كلام مع ريم...

عمر... احم احم هو انتو كنتو فين وازاي نزلنا ومشفناكوش

ريم... احنا نازلين من بدري اوي وكنت بحاول اقدم فالجامعه بس معرفناش ورجعنا.

عمر.. جامعه ايه..

ريم ... اصل انا المفروض ادخل سنه تالته بس طبعا انت عارف الظروف اللي مامي حكتها ونزولنا من امريكا بسرعه وطبعا الدراسه قربت وعشان كده لازم اقدم ومتروحش السنه عليا

عمر.... طيب وليه بتقولي معرفتيش تقدمي..

ريم... وابتدت تفك شويه... هحكيلك. وابتدت تقوله عاللي حصل..

عند رحمه... واقفه بتعمل القهوه... وجالها تليفون من فريد جوزها حاولت تتكلم عادي عشان ميحسش بحاجه ويقلق نسبهم مع بعض شويه...

اما عند فارس.... اعد مضايق عشان الخوف اللي باين عليها وهي نايمه ادامه بفستانها الابيض القصير .ومضايق جظا من لبسهاا وباصص عليها وساكت وعينه كلها شرار..

فريده.. بتحاول تتلاشي نظراته وحبت تغير التوتر..

فريده.. شكرااا

فارس.. علي ايه...

فريده عشان اللي عملته معايا

فارس... ده واجبي واي حد مكانك كنت هعمل معاه كده

فريده ... اضايقت من رده بس محبتش. تبين... وفجأه قرب منها .. فارس... بصي انا حذرتك مره قبل كده ان لو خرجتي تاني بره البيت بلبس مش هيعجبني مش هتلومي إلا نفسك.. وكررتيها تاني وكأنك مسمعتيش حاجه من اللي قولتها قبل كده.. بس هكرر كلامي تاني وبصوت مش عالي اوي بس كله غضب وعصبيه ونرفزه وتهديد قسمآ برب العزه يافريده لو شوفتك او لمحتك نازله كده تاني صدقيني هتزعلي مني اوي وهيكون فيها عقاب ..

فريده... بعند عقاب .. هو انا صغيره وبعدين مش معني انك دافعت عني ده يديك الحق انك تكلمني كده انت مالك ومالي اصلا...انا حره مش انت اللي هتقولي البس ايه وملبسش ايه...

فارس... لا مش حره وعرفتك قبل كده انك ساكنه ڤي مكان شعبي ولازم تحترمي تقاليده وعاداته ولو خالفتي ده هيحصلك زي ماحصل من شويه لان مش كل الناس هتسيبك في حالك ممكن تلبسي كده في مكان راقي او كمبوند لاكن فالمعز مش هيحصل... سمعتيييي

فريده... حست بتوتر من صوته حاولت متبينش بس عينها كانت بتلمع بالدموع...

فارس.....بيحاول يظهر عدم اهتمامه رغم ان دموعها مضيقاه حاول يغير الكلام...

فارس...صحيح انتو كنتو فين وازاي تنزلو لوحدكم وانتو متعرفوش المكان ..

فريده...احنا نزلنا الصبح عشان ..... وحكتله..

دخلت رحمه فالوقت ده...وقدمت القهوه...

وسامعه كلام فريده ..

رحمه... يعني معرفتوش تقدمو..

فريده... لا يامامي الموظف قال مروح بكره عشان العميد يكون موجود....

رحمه... ربنا يستر وينفع عشان لو منفعش هتبقي مشكله..

فارس... مشكله ليه بس مفيش اي مشكله... خالص.

فارس وهو بيشرب من القهوه....فين ورق ريم...

فريده... مع ريم بره..

فارس طيب تمام لو حضرتك معندكيش مانع الصبح هعدي عليكم انا وعمر وهاخد فريده وريم وهطلع عالجامعه واعتبري مل حاجه خلصانه...

رحمه... لو مفيهاش تعب ياريت انت عارف احنا حاسين اننا اغراب هنا..

فريده... حبت تضايقه زي ما ضايقها لا يامامي بلاش نت استاذ فارس انا هروح بكره انا وريم تاني وهقدملها...

فارس... اتجاهلها خالص...تمام يا مدام رحمه الصبح الساعه 9هكون مستنيهم وهتصل بحضرتك اعرفك اني تحت...

رحمه... لاحظت تجاهله لفريده ... حبت تخلص الكلام بسرعه قبل فريده ما تعند...

رحمه تمام يافارس هيكونو جاهزييين

فريده....

فارس هستأذن انا بقي عشان الشغل

وخرجت رحمه من الاوضه عشان توصله ... فارس لف نفسه ومن غير ما حد يسمع...

الساعه 9تكوني تحت وقسما بالله لو لبستي حاجه معجبتنيش مش هاخدك معانا وهطلعك...

فريده... براحتي..

فارس ... هنشوووووف.

وخرج فارس وعرف ريم تجهز كل اوراقها وانه هيعدي عليهم الصبح وهيروحو مع بعض واستأذن منهم هو وعمر ونزلو وفارس من جواه فرحان بتحدي فريده ليه ودي اول مره حد يقف قصاده رغم خوفها منه اللي بيلمحه في عنيها بس عندها اصرار عالعند وهو حابب ده

يتبع الفصل  السادس اضغط هنا

• الفهرس يحتوي على جميع فصول الرواية كاملة :"رواية فارس الحى الشعبي" اضغط على اسم الرواية