رواية وقعت فى العشق الفصل الخامس بقلم أمل السقا
رواية وقعت فى العشق الفصل الخامس
"عشق قاعده في أوضتها وحاضنه صورة نغم ومبتسمه ودموعها نازله وبتفتكر يوم أول مره شافت فيها نغم لما جويريه وقعتها ورجلها اتكسرت "
Flash back
فى المستشفى:-
عشق بمسكنه: آه يا رجلي يانا ياما "وبعدين قالت وهي بتبص لنغم" اتكسرت يختي اتكسرت هبقى عارجه ومكسحه يختي اقولهم ايه في البيت؟ اقولهم ان صحبتي اللي كنت فاكراها صحبتي كسرت رجلي "قالتها بضحكه حزينه وهي دموعها فى عنيها" هههههههه اوري وشي من النااس فين هههههههه؟ الا قوليلي يا موزمزيل انتي مين؟
نغم "بضحكه عاليه جميله": يا بنتي انا مش عارف انتي فرحانه ولا حزينه ولا عبيطه ولا ايه؟ هههههههه لا مش قادره بجد والله ده انتي حكايه هههههههه عمتا يا ستي انا اسمي نغم زميلتك في الكليه بشوفك كتير مع جويريه بس مكانش فيه بينا كلام وكده بس خلاص انا هبقي صاحبتك يعني حتى لو انتي مش عايزة.
عشق بمرح: ده انا يحصللي الشرف والترف عشان اصاحبك يا عسل" قالتها بغمزه كده "تصدقي يا بت يا نغم ضحكتك حلوه بجد يعنى والله حبيتها
نغم" وشها بقا حبة طماطم ": يا ستي ربنا يخليكي يارب تسلمي ده انتي جميله
عشق بضحكه عاليه: يخربيتك انتي عملتي كده ليه اومال لو ولد هو اللي قالك كده هتعملي ايه؟ ده انتى ممكن يغمى عليكي هههههههه
نغم بزعل طفولي" هي اصلا بنت كيوت وقمورة كده مش عارفه هي صاحبت عشق ازاي بس سبحان الله بقا ": طب اتلمي بقا ويلا عشان اروحك ونروح يا ست عشق
عشق مسكت ايدها وقالتلها بابتسامة حزينه: شكرا جدا يا نغم انتي متعرفينيش ووقفتي معايا في وقت المفروض ان اكتر واحده تقف معايا فيه كانت هي سببه شكرا بجد.
نغم بابتسامة لطيفه وهي بتقوم عشق: يا بنتي انا معنديش صحاب اصلا ده انا اتلزقت كده علشان اصاحبك أنا اصلا بكراش عليكي من زمان هههههههه
عشق وهي بتضم ايدها على صدرها كده بخوف: يا مصيبتي لأ ده انا كده اخاف على نفسي بقا بقولك ايه أنا ست شريفه ابيه والواحده مننا ملهاش الا سمعتها وشرفها واحنا منتعاملش غير مع اللي بيدخل البيت من بابه آه لا تفكرني من البنات اياهم بتوع هيهيهيهيهي ويلا بينا على شقه تسعه فى العماره اللي عالنيل لأ يا حبيبي فوق كده" ثم قالت بهمس "بس لز هتزود فى المعلوم شويه يبقى مفيش مشكله هههههههه
نغم وهي مش قادره تبطل ضحك: يخربيتك هتفضحينا والله انتي هتلبسينا بلوه قومي يا ماما قبل ما تجيبيلنا بوليس الاداب هنا يلا.
عشق بكسل: طب والنبي يختي شديني لحسن الواحد بقا تقيل قوي انتي عارفه بقا الشهور الاخيره من الحمل بتبقي متعبه قوي.
نغم بهبل: هو انتي وقعتي على دماغك ولا علي رجلك مش فاهمه؟" ونادت بصوت عالي "يا دكتور حضرتك متأكد ان عشق رجليها اللي اتكسرت مش نفوخها؟
عشق" وهي بتخبطها بشويش على رأسها "يخربيتك بهزر يلا هتسيحيلي يلا.
" وراحوا البيت عند عشق ومن ساعتها وهما عاملين زي الضل مش بيفارقوا بعض إلا ساعة النوم وهما اصلا بيوتهم قريبه من بعضها "
Back
عشق "فاقت من شرودها على صوت عز"
عز: ايه يا بنتي ما تطلعي بقا من مودك ده انتى هتفضلي لحد امته كده؟
عشق "بشك من كلام اخوها" هو انا لوحدي اللي المفروض افوق ولا ايه؟
عز بتوتر: قصدك ايه يعني؟
عشق بحنان: يا عز انت هتخبي عليا انا برضو؟ ده انا اكتر واحده عارفه انك عمرك ما نسيت نغم وانها دايما معاك بس لحد امته هتفضل كده؟ انت لازم تحب يا عز وتتحب تاني نغم لو كانت عايشه مستحيل كانت تقبل بحالتك دي؟
عز بحزن ودموع: مش قادر يا عشق مش قادر انساها كل كلمه قالتها قبل ما تموت بترن فى وداني حاسس انها عايشه معايا مماتتش لسه مش قادر انساها مش قادر.
عشق بدموع: هي متتنسيش يا عز انا عارفه وبعدين دي وصيتها اننا مننساهاش بس حتى من غير ما تقول محدش فينا كان هينساها دي ساكنه قلوب الكل
عز بدموع: كان نفسي تبقي معايا قوي يا عشق مش قادر انسى شكلها وحتى وهي مريضه كانت في اجمل حالاتها برضو مش قادر انسى لما وصتني عليكي
Flash back:
نغم "وهي بتحتضر": عشق وحشتيني قوي قوي قوي كان نفسي اشوفك من زمان بس مكنتش عايزاكي تشوفيني وانا كده، انا اسفه عشان بعدت عنك في الفتره الاخيره بس والله كنت تعبانه قوي ومكنتش عايزاكي تزعلى علشاني، عايزة اقولك بس انك هتوحشيني قوي، وبحبك قوي قوي قوي انتي اختي مش بس صحبتي، اجمل فتره في حياتي عشتها معاكي،" مسحت دموع عشق اللي بتنزل زي الشلالات "هشششش اوعي تعيطي ابدا انتي شكلك اجمل وانت بتضحكي اوعي تتغيري عشان حد، انتي جميله بطبيعتك وتتحبي من غير حاجه، عشق خلي بالك من ماما هي معندهاش غيري وانا خلاص هسيبها عشان خاطري يا عشق خلي بالك منها هي مش بتستحمل الحزن وخلي بالك من دراستك خلاص مش فاضل غير سنه وتتخرجي كان نفسي اشاركك اليوم ده بس قدر الله وما شاء فعل، بحبك قوي" وبعدين بصت لعز وقالت" انت عارف انت بالنسبالي ايه؟ انت اخويا وابويا وكل حاجه ليا يا عز، حبيتك من قلبي، اوعي تنزل دمعه عشان خاطري، عيش حياتك وخلى بالك من عشق وخلى بالك من
ماما هي كانت
بتعتبرك
ابنها واكتر، اوعى تنساني يا عز ابقى زورني كل فتره "ثم ابتسمت بحزن وقالت" ابقو هاتولي معاكم ورد احمر عشان بحبه، وزوروني على طول، ادعولي دايما ، افتكروني بالخير واوعوا تزعلوا منى، قولوا لماما متزعلش منى انا مكنتش عايزة اسيبها بس ربنا عايزني عنده، أنا مبسوطه علشان هشوف بابا ده وحشني قوي، وانتو هتوحشوني قوي.
أشهد أن لا إله إلا الله وأن سيدنا محمد رسول الله. "ثم صعدت الروح اللي ربها.
عشق بصريخ: لأ يا نغم لأ عشان خاطري متسيبينيش لأ انا مليش حد غيرك يا نغم مينفعش تسيبيني ااااااه ااااااه قولها تيجي يا عز انا معنديش غيرها والنبي رجعهالي يا عز عشان خاطري يا نغاااااام انا محتاجاكي عشان خاطري متسيبينيش، مش هعرف امشي من غيرك والنبي تعالي بقي قولها يا عز متهزرش هي بتسمع كلامك وهتيجي هي زعلانه منى عشان مجبتلهاش ورد امبارح والله هجيبلها كتيرر بس رجعها تاني ااااااه" واغمى عليها "
Back.
عشق وعز "وهما بيمسحوا دموعهم": ربنا يرحمها يارب ويجعل مأواها الجنه.
عز بمرح لتلطيف الجو: يخربيتك نسيتيني اللي انا جاى علشانه.
عشق بدهشة: صحيح انت كنت عايز ايه؟
عز: جاي اقولك متنسيش تجهزى شنطتك عشان مشوار بكره وانا قولت لبابا وهو وافق.
عشق بتفهم: لأ ما انا مش رايحه عشان تعبانه والله ومش هقدر اروح.
عز باقناع لا علي فكره لو مروحتيش بابا هيفهم غلط ويقول إنك مش هتقدرى علي الشغل وكده وبعدين اهو حتى تغيري جو بدل الكآبه دي.
عشق: اغير جو ومش هيكون ليا حد حتي اتكلم معاه هناك.
عز: لأ مهو زياد هيجيب زينه اخته وبعدين انا هبقي موجود معاكي برضو.
عشق" وهي بتفكر فى حاجه ": زينه اخته؟ طب حلو خلاص انا جايه. قوم بقا عشان انام عشان ورانا مشوار الصبح يا برنس.
عز بضحك وهو فاهم هي بتفكر فى ايه: ماشي يا ختى تصبحي على خير بس متفكريش كتير عشان مش هيحصل هه واتخمدى بقا.
عشق بضحكه عاليه: ماشي يا حلو لما نشوف تصبح على جنه.
عز بابتسامة: وانتي من أهلها يارب."
يتبع الفصل الفصل السادس اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية