رواية عرق صعيدي البارت الخامس 5 بقلم مريم فهمي
رواية عرق صعيدي الفصل الخامس 5
يزن : حبتيني ؟
نور : بحترمك واظن اني الاحترام اول سِلمه للحب
يزن : فعلًا!!
نور : كان اسمها اي؟
يزن : شاغله بالِك بيها سيكا ؟!
نور : عادي بندردش سوا
يزن : اسمها إلهام
نور : لو رجعت ممكن تتجوزها؟؟
يزن : اسئلتك كترت شويه ؟
نور بنرفزة - ارجوك رُد
يزن وهو بيكتم ضحكته جواه - يا ستي الشرع محلل اربعه وربنا يسهل
نور خدت الموضوع بجد - ماشي انا عاوزة انام تصبح علي خير
قامت وسابته والموضوع شاغل دماغها اووي
فعلا ممكن يتجوز إلهام طب طلاما بيحبها اتجوزني ليه ولا بيعمل كده عشان يخليني اغير ؟؟ طب هو انا ليه مش غيرانه وحسه انه عادي واتصرفت كده قدامه عشان ابان قدامن اني غيرت بس انا مغيرتش!!! انا حسه اني اتسرعت جدا احنا جوازنا اغرب جواز علي مر التاريخ!!!! يوووه بقي خلاص
ناموا وصحيوا كلهم علي صوت زغاريط
يزن بلُطف- قومي يا نور يلا
نور : نعم!
يزن : جدي امر اني كل واحد ياخد مراته ويسافر بيها المكان الي هي عايزاه !!
نور : القاهرة يا يزن!!
يزن : اشمعنا ؟
نور : حباها
يزن : طب نروح اسكندريه،اسكندريه في الشتا حلوة
نور : عاوزة القاهرة يا يزن
يزن : ماشي قومي حضري نفسك!!
`~~~~~~يزن~~~~~
انا عارف انها حطه موضوع إلهام في دماغها بس فعلا إلهام كانت ماضي اينعم اثر بعادها عني لكن مش عارف انا نسيتها وحبيت نور ولا نور واخدها كذخص بنسي بيه إلهام ؟؟؟ اسئله كتير في دماغي ومش عارف اجابتها اي!!! مهو مفيش حد بيحب حد بالسرعه دي!!!
*****************
سعاد : خلي بالك من نفسك يا نور
نور : متقلقيش عليا يا ماما
محمد : نور حببتي اوعي تزعلي يزن...
نور : من عيوني
محمد : وانت يا واد يا يزن حطها في عنيك
يزن : جوة عنيا يا عمي
سعيد : يا ولاد خلوا بالكوا من نفسيكوا واوعوا تزعلوا بعضيكم ابدا
الكل : ماشي يا جدي
ودعوا بعضهم والمسافه كبيرة للسفر
بعد مدة السفر وصلوا اخيرا ويزن ونور وصلوا للشقه بتاعت عيلة نور الي كانوا قاعدين فيها
يزن : الله بيتكم حلو اوي!!!
نور : في كل ركن في البيت ده ليه ذكري حلوة معايا يعني هنا ماما حضنتني لما طلعت الاولي في ٣ع، وهنا بابا كان بيقيم بينا الصلاة وبنصلي وراه
يزن كان مبتسم لكلامها- طب هنا اي ؟؟
نور بلمعه - ده المرسم بتاعي انا فنون جميله
يزن : طب معلش ارسميني
نور : مش بحب ارسم اشخاص بحب ارسم الطبيعه وكده
يزن : اه طيب ماشي
بدأ يمسك بلوحاتها وبيبصلها ولُطف الدنيا كله في عنيه
نور : نجيب نسكافيه واندومي
يزن بصلها باستغراب- نعم ازاي يعني نسكافيه واندومي اي القرف ده
نور : بلاها نسكافيه خلينا نجيب شيبيسي واندومي وبعدين ننزل نتمشي علي النيل
يزن : ماشي يا اخرة صبري ماشي
جابوا اندومي وعملوه
يزن : الاندومي ده العشق
نور : فعلا
يزن : مالك!!
نور : لاء انا تمم انا داخله البس عشان ننزل
نور دخلت لبست دريس لونه لافندر وطرحه سودا فيها ورد وكانت قمر اووي
يزن لبس بنطلون اسود وعليه تيشيرت نبيتي
يزن بصدمه - اوعا بقي
نور بكسوف - يلا بينا
نزلوا وكانوا علي كورنيش النيل
-برايك يعني اي امان؟
-الامان ضد الخوف شعور الامان هو اساس كل حاجه لو مفيش امان يبقي كل حاجه ملهاش معني لان الخوف لو دخل فاي حاجه بتبقي وحشه جدا....
-كلامك مريح جدا يا يزن
-طبعا يا بنتي لازم
- التواضع يلاهوي
- ضحكتك حلوة اووي
يزن بضحك -طب ما انتي بتتكسفي اهو
نور بكسوف - خلاص الله 😂
يزن : تاكلي درة
نور وهي بتسقف بايدها - آه آه بحبه اووي يلا
جابوا درا وكلوا وكان يزن عمال يضحك علي نور وهي بتاكله
`~~~~~~نور~~~~~
كنت علي امل انها تيجي كنت عاوزة اعرف مين دي الي تخطف قلب يزن ولسه بيفكر فيها...
~~~~~~~~~~~~~
- ياااااه يزن كنت علي امل اني اشوفك تاني
-الهام !!!!!!!
*تقريبا نور مكشوف عنها الحجاب 😂
- تابع الفصل التالي عبر الرابط: "رواية عرق صعيدي" اضغط على أسم الرواية