رواية حورية الفارس الفصل الخامس بقلم أمل السقا
رواية حورية الفارس الفصل الخامس
ندى فضلت تمشي جنب الرصيف وبتبص علي الشاب برعب وبتكلم جاسر والشاب شاف خوفها، قرب منها.
الشاب بخبث: ما تيجي وقرب من ودنها وقال بهمس "ونجيب مليجي"
بس لقى اللي شده من قفاه وقاله
جاسر بغضب: مليجي ده يبقى أبوك يا روح أمك (ونزل ضرب فيه وندى مش مبطله عياط وبتقوله كفايه يا جاسر وبتحاول تقومه من فوق الشاب وهو مش شايف قدامه ولا عارف هو بيقول ايه)
جاسر بعصبيه واضحه: تاني مره ابقى فكر قبل ما تمس حاجة غيرك "ولكمه فى وشه" جاسر المهدي مش بيسامح فى حقه يالا"ولكمه كمان ضربه" ودي تخصني وأنت اللي جنيت على نفسك "وفضل يضربه لحد ما الشاب انهار خالص وكان ممكن يموت في ايده لولا ان جاسر بعد عنه لما ندى اترجته.
ندى بعياط: جاسر عشان خاطري كفايه بقا كفايه الولد هيموت فى ايدك.
جاسر قام من فوقه وراح لندى مسك وشها: انتى كويسه؟... حصلك حاجه.؟... لمسك؟.... جه جنبك؟.... عملك أي حاجة؟
ندى متكلمتش وحضنته جامد وفضلت تعيط بهيستريا
جاسر بيمسد على شعرها: اهدى انا معاكي اهدي متخافيش هشششششش خلاص بطلى عياط تعالى" وخدها فتحلها باب العربيه وركبت معاه وهي منهارة"
جاسر ركب جنبها وقال بهدووء: ممكن تهدي بقا وتقولي ايه اللي خرجك من البيت في الوقت ده؟ انتي عارفه لو أي حد شافك فى الوقت ده كده هيقول عليكي ايه خصوصا انك فى مكان مقطوع زي ده كده؟
ندى بدموع وشهقات: وديني لحور يا جاسر..... انا عايزة حور "قالتها بشكل متقطع"
جاسر بتنهيده: ماشي بس اوعديني انك هتتكلمي معايا لما تهدي ها توعديني؟
ندى: حاضر.
جاسر ابتسم وساق العربيه لبيت حور.
&__________فى بيت فارس والكل متجمع.
راضي والد فارس: يعني دلوقتي عايزين تعملوا بارتي عشان عيد ميلاد الآنسه شاهي اممممممم ماشي انا موافق بس فيه كذا شخص كده لازم يتعزموا على الحفله دي.
شاهي قامت من مكانها وحضنت باباها: قلبي يا بابا والله قلبي انا بجببببببك يا رورو وفضلت تضحك ومبسوطه.
راضي وفارس وشهد"والدة فارس "بصوا لبعض بدهشه.
راضي وجه كلامه لشهد: رورو؟ انا بقيت رورو يا شهد بقا انا عندي 48 سنه وشعري إبيض وفي الاخر بنتك تقولي رورو" وبعد خبط بإيديه الاتنين علي بعض وقال" فوضت أمري اليك يارب.
شهد بضحكه عالية على جوزها وحبيب عمرها: ايه يا راضي شاهي بتدلعك هههههههه بس تصدق حلو والله مجاش فى بالي ادلعك بيه خالص هههههههه.
فارس بخبث وبنص عين وبص لوالده: ايوه يا بابا صحيح انا دلوقتي من يوم ما اتولدت مسمعتش ماما بتدلعك قدامنا وبعد قصة الحب العريقه بتاعتكم اكيد يعني فيه دلع انا بقا عايز اعرف الدلع ده يا بابا ايه هو؟
شاهي برجاء: ايوه يا بابا ايده هو هه ايه هو؟
راضي: لا لا مفيش الكلام ده مفيش دلع ولا حاجه مش كده يا شهد يا حبيبتي؟
شهد بضحكه عالية: ايوه يا ضاضا يا حبيبي هههههههه
فارس وشهد فى صوت واحد: واحد أوي ان مفيش دلع يا ضاضا هههههههه وطلعو يجروا على فوق وراضي طلع يجري وراهم وبعدين لما اختفوا من قدامه رجع لشهد.
راضي بلوم: كده يا شهد تضحكي العيال عليا كده؟ اخص عليكي بقا ده يطلع منك انتي يا ام العيال؟
شهد وهي بتقرب منه وتحاوط رقبته بإيديها: معلش يا حبيبي والله غصب عني مكنش قصدي والله يا ضاضا هههههههه متزعلش بقا "قالتها بدلع"
راضي بخبث: لا انا مش بتصالح بسهوله كده انا حقي باخده تالت ومتلت اه.
شهد بتفهم لقصده: اومال بتتصالح ازاي يا ضاضا "قالتها بدلع برضو.
راضي بخبث: تعالي معايا وانا اقولك وطلعوا علي السلم سوا وهو محاوط كتفها بإيده. " ملناش دعوه بيهم بقا"
&________نرجع تاني لندى وجاسر بعد ما وصلها اتطمن عليها وموافقش يمشي غير لما ندى تطلع وترن عليه وتبصله من البلكونه عشان يطمن اكتر.
ندى بعد ما شاورت لجاسر حور دخلتلها.
حور بعتاب: ليه كده؟ ليه مشيتي من البيت في الوقت ده افرضي كان حصلك حاجه؟ طب مرنيتيش عليا ليه؟ يعني ترني على جاسر ياخدك من البيت ومترنيش عليا كده يا ندى؟ انا زعلت منك بجد.
ندى بدموع: يا حور انتي فاهمه غلط خالص انا مرنتش علي حد والله دي صدفه والحمد لله انه لحقني فى الوقت المناسب لولاه الله أعلم كان ممكن يحصلي ايه وفضلت تعيط جامد وحور اتخضت عليها وقامت قالت لمامتها تجيب عصير ليمون عشان تهدى.
حور بدموع على عياط صاحبتها: ممكن تهدي انا اسفه والله مش قصدي ازعلك قوليلي ايه اللي حصل وجاسر وصلك ازاي طالما مش انتي اللي رنيتي عليه.
ندى وهي بتحاول تهدا عشان تعرف تتكلم: انا مشيت من هنا روحت البيت ولقيت بابا هناك وبعدين............... وحكتلها اللي حصل والسبب اللي خلاها تمشي في الوقت وانها حبت تعتمد علي نفسها عشان هي مش صغيره ولازم تبقى اقوى وبعدين قالت انا تعبت يا حور تعبت انا حاسه اني يتيمة الأم والاب ابويا كل همه الفلوس والشغل وبس ومفكرش فيا انا تعبت اااااه وفضلت تعيط جامد وبصوت وحور حضنتها وعيطت معاها لانها جربت اليتم من الاب بالفعل بس والدتها بتحاول تعوضها عن
فقدان والدها
انما ندى مامتها مش موجوده وحتى لو مامت حور بتعاملها زي حور بالظبط بس نفسيتها محتاجه حنان الام الحقيقي.
حنان دخلت عليهم ولقتهم منهارين خدت الاتنين فى حضنها وحاولت تهدي ندى لحد ما البنات ناموا هما الاتنين فى حضنها وسابتهم نايمين وخرجت لأوضتها تتكلم مع صورة جوزها اللي يومياً تحطها قدامها وتحكي ليها مقاسي الحياه كأنه قدامها وسامعها وبيرد عليها ويطمنها.
"في ناس بتفارقنا بجسمها بس روحها معانا ومحاوطانا دايماً ومهما حصل مستحيل ننساهم."
&____في مكان تاني الساعه واحده ونص بالليل عالشط أنس واقف بيشرب سجارة وسها واقفه جنبه وبتتكلم بعصبيه.
سها بصوت عالى وغضب: مش هينفع تسافر الاسبوع الجاي ازاى ما تتصرف يا اخي انت عاجز؟ انا خلاص ظبطت كل حاجه على السفر واننا نتجوز ونسافر ازاى عايزنى اطلع كل حاجه من دماغي انت اتجننت ولا حاجه؟
انس وهو باصص للبحر بشرود: لا متجننتش بس انتى عارفه ان كل حاجه كانت جاهزه لولا العيال اللى طلعوا عليا يوم ما سبت الزفت اللي اسمها حور دي وضربوني وسرقوا كل حاجه كانت معايا مكانش كل ده حصل انا بقالي اسبوع بحاول استلف فلوس من أي حد عشان اقدر اطلع باسبورت جديد واجهز الورق بس مش لاقي وكل الفلوس اللي معايا اتصرفت على العقد اللى اتسرق انا اتدمرت يا سها اتدمرت ومبقاش فى ايدي حاجه اعملها وبعدين ضحك بسخريه والله شكل حور دعت عليا فى ساعة اجابه.
سها بتفكير: طب انا عندي حل انا معايا فلوس اللي بابا كان حاطتها بإسمي فى البنك انا ممكن اديهالك كسلفه كده يعني لحد ما نسافر وبعدين اخدها منك ها قولت ايه؟
أنس باعتراض: لا طبعا انتي مجنونه انتي عايزاني على اخر الزمن اخد فلوس من بنت لا طبعا استحاله استحاااله ده يحصل.
سها بزعل: هو مش انا وانت واحد يا انس وبعدين احنا خلاص كلها اسبوع ولا حاجه ونتجوز يعني واحد يا حبيبي وكمان انا قولتلك اعتبرهم سلفه وهاخدهم تاني.
أنس بخبث: لا لا انا قولت استحاله استحاااله انا مستحيل اخد فلوسك مقدرش رجولتي متسمحليش بكده أبداً.
(بعد دقيقتين)
أنس: خلاص مفيش مشكله بس هتاخديهم أول ما اسافر واظبط امورى ااااه انا مش ست اللي تصرف عليا........
يتبع الفصل السادس اضغط هنا
- الفهرس يحتوي على جميع فصول الرواية كاملة :"رواية حورية الفارس" اضغط على اسم الرواية