رواية فارس الحى الشعبي الفصل السادس 6 بقلم اميرة أسامة

    رواية فارس الحى الشعبي الفصل السادس  بقلم اميرة أسامة 

رواية فارس الحى الشعبي  الفصل السادس 

نزل فارس وعمر من شقه رحمه بعد ما اتفق معاها انه هياخد البنات عشان يقدم لريم فالجامعه...

ريم جهزت كل ورقها فالفايل ومن جواها حاسه انها مبسوطه ان في امل انها تقدم فالجامعه ومبسوطه من وجود عمر. هي صحيح مش حاسه باي احساس من ناحيته بس حاسه من جواها انها مبسوطه لما بتشوفه لما بيبص عليها حاسه بحاله حلوه بس لسه مش واضح بالنسبالها ايه سر سعادتها... دخلت ريم علي فريده

ريم... ديدا حبيبتي ممكن ادخل.

فريده... تعالي ياريمو.

ريم.. عامله ايه الوقت حاسه بحاجه.

فريده... لا احسن كتير الحمد لله.وبتكلمها وهي سرحانه.

ريم... مالك سرحانه في ايه

فريده... مفيش ياريمو..

ريم... علي ريمو بردو هو انتي فكره اني مش حاسه بيكي

فريده... بتحاول تتصنع عدم الفهم.. تقصدي ايه..

ريم... يعني اق ل من غير ما تزعلي ولا من غير ما تنكري..

فريده... قولي...

ريم... يعني اصل انا حاسه ان فيكي حاجه متغيره حاسه كده كل ما بتشوفي فارس بحسك متلغبطه ومن ساعت ما جينا لسه مش كملنا اسبوع ومن ساعتها كل يوم هو في وشنا وكل ما ابص عليكي الاقيكي متنحه في وشه وشويه الاقيكي خايفه منه وشويه والاقيكي بتعندي معاه..

حتي هو شيفاه كده مراقبك وبيبص عليكي وبيتحكم تلبسي ايه ومتلبسيش ايه ونظراته ليكي وانهرده المشكله اللي حصلت فالشارع عشانك كنت حاسه انه هيقتل الولد واصحابه بصي مش عارفه بس انا ليه حاسه انكم معجبين ببعض.

فريده... بتوتر لا خالص مش في وبعدين ماانتي بتقولي اهو لسه مش كملنا اسبوع اكيد طبعا مش هيحصل ده في كام يوم..هي كلها صدف مش اكتر.

ريم.....علي فكره مش شرط تأعدي فتره او سنه او سنين عشان تحسي بالحب ممكن تحسيه من النظره الاولي..

فريده.... حب ..انتي كمان خلتيه حب لا انتي واضح عقلك خف لما شوفتي الخناقه ولا لما شفتي احسن عمر

ريم... عمر.. لا خالص عادي.. بصي انا هكون صريحه معاكي ومش هعمل زيك انتي عرفاني مش بعرف اخبي عنك حاجه... عمر بخسه كده راجل وبحسه طيب وبحسه مرح كده يعني وبعدين يمكن اول يوم نتكلم انهرده شويه.. بس حسيت انه موز كده...

فريده.... الله اللله وبتعاكسي كمان..

ريم... ياستي انا ولا بعاكس ولا حاجه انا قولتلك اللي بحسه اكيد ولا بحبه ولا هو بيحبني بس يمكن يحصل هو كا راجل عجبني بس معرفش عنه حاجه وانا كابنت اكيد عجبته...

فريده... ايه الثقه دي..

ريم... طبعا ثقه لو موثقتش في نفسي هثق في مين وبعدين انا بحب اكون صريحه مع نفسي في بدايه اعجاب بس لسه مفيش حب ..الدور والباقي عاللي بتخبي علي اختها.

فريده... انا مش بخبي بس مش في حاجه انتي اللي مش حابه تصدقي او بمعني اصح الانتي حساه مع عمر فاكره انه حاصل معايا...

ريم... وهي بتقوم... تمام بكره نشوف وهنشوف كمان هتفضلي تكابري لحد امته.. وبعدين الايام اظامنا بس اوعدك اني مش هفاتحك تاني هقف اتفرج وبس وهسيبك انتي اللي تيجي تحكيلي دييييييل...

فريده....

نروح عند بطلنا...

فارس..لعمر. تمام كده بكره ان شاء الله هتكون مخلصه كل ورقها..

ادهم ... مش عارف ليه حاسس ان قريب هفرح بيك يا ابو الفوارس...

فارس... يا ابني انت علي طول دماغك شمال.. الناس محتاجه مساعده وميعرفوش حاجه هنا مينفعش نسبهم كده..

ادهم... طيب بس بكره تشوف اني صح..

فارس ... ضربه علي راسه.. طب نقطنا بسكاتك احسن..

ادهم.. اهوووو

عمر...بقول ايه انا خلصت اللي ورايا كله هروح انا بقي عشان مصدع جدا..وعشان اعرف اصحي بدري بكره ونروح سوا..

ادهم.... ولا انتي ياسوسو مرتاحلك...

عمر... اتلم عشان مش فايقلك

ادهم.... مالك ياقلبي سلامتك ياحلوه..

عمر... فارس... لم اخوك عني عشان مقتلوش ..

فارس.... ولله ما هعتب عليك حتي ده عيل رخم..

ادهم... لا كده مش حلو اتفقتو عليا انا عموما ورايا رجاله صح يازينو...

زين.. ماتتلم ياض مالك قالب سوسو كده ليه انهرده..

فارس وعمر وزين وادهم اعدو يضحكو ويهزرو شويه وخلص يومهم علي كده وطلعو...

عند البنات بعد ما رجعو من خروجتهم واشترو كل حاجه رجعو بعد ما عرفو بخناقه فارس...

وطلعو علي طول...كلهم تحت في شقه جدهم..

ياسمين... ايه رأيك في ده ياماما

نجوي... جميل يا ياسووو

سمر...وانا يانوجه حاجتي عجبتك..

نجوي ... تجنن يا سموره وسما حاجتها حلوه ولله كله جميل

ربنا يارب يفرحكم ويجعلها سنه حلوه عليكم...

فارس.... لو اي حاجه اتلبست من كل ده ومعجبتنيش مش هيتنزل بيها.

ياسمين... ولله كاه جميل وهتشوف بنفسك..

فارس.. هنشوف...

الكل بيتكلم ويهزر ويضحك وكل واحد من الحبيبه بتوعنا في عالم تاني.

ادهم... لسمر..وحشتيني

سمر... بجد يا ادهم..

ادهم... ولله العظيم اليوم من غيرك مش حلو ومكلمتنيش غير مره واحده

سمر... ولله ابدا بس انت عارف مش خرجت بقالي كتير وبقيس وبغير يعني مكنتش عارفه ولله

ادهم عارف ياحبيبي بهزر معاكي... بس وحشتيني بجد.

ومبسوط عشان انتي مبسوطه..

سمر.. فعلا اليوم ده فرق معايا جدا.

ادهم... يارب ديما ياعمري

سمر.... بحبك...

ادهم... وانا بحبك

اما عند زين وسما..

زين... وحشتني...

زين بأبتسامه جميله..

زين... ماهو باين عشان كده طنشتيني انهرده واتصل مترديش وشويه تكنسلي لا واضح اني وحشتك..

سما.. متبقاش رخم بقي..ولله مش مقصوده يعني بس انت كنت بتكلمني في اوقات مش عارفه ارد بقيس الهدوم واعده اختار وشويه وناكل...

زين... هو انا مش قولتلك متقسيش بره البيت...

سما... ما انا مش عارفه مقاسي كل ما اقول لياسمين وسمر ده هيجي مقاسي يقولولي لازم تقيسي ولله هما كانو واقفنلي ادام الباب وكنا بنبدل لبعض وعدين لو خدت حاجه ومطلعتش مقاسي مفيش محل هيرضي يرجعها.

زين... متتكرش تاني ونفسي تجيبي حاجه ومترجعش عشان اروح اكسر المكان عاللي شغاللين فيه وقلب ووشه بان عليه.

سما...انت بتغير عليا

زين.. لا.

سما.. طب احلف...

زين... انا بحبك وبغير عليكي اكيد.. بقولك ايه..

انا هقوم اطلع عشان امك اللي هي عمتي فاضلها ثواني وتفجرني انا وانتي دي مش طيقاني..وشابفه الكنبه اللي جدك اعد عليها هناك دي.

سما....اه مالها..

زين لما جدك يقوم والشعب ده يطلع كله...ابقي ارفعي المخده حاطتتلك تحتها حاجه المهم مش ادام امك تاخديها وتجري علي اوضتك...

سما بفرحه... جبتلي ايه..

زين.. بحب.. لما تشوفيها هتعرفي وابقي كلمين..بحبك يلا سلام..

واستأذن منهم وطلع وابتدو ينسحبو واحد ورا التاني والكل طلعو علي شقتهم...سما جريت علي الكنبه بعد ما جدها وامها دخلو اوضهم ورفعت وخدت شنطه صغيره.. وجريت علي اوضتها...فتحت الشنطه لقت فيها علبه صغيره فيها سلسله علي شكل قلب وكل وش من القلب محفور عليه اسمه من ناحيه والوش التاني اسمها..اتصلت عليه بسرعه..

زين طلع خد شاور ونام علي السرير اعد يلعب شويه فالموبايل ولقاها بتتصل..

زين....عجبتك

سما....تجنن عملتها امته دي..

زين انا شغال فيها فالمحل بقالي كام يوم ولولا ان في ضغط شغل كنت ادتهالك من اول يوم..

سما يعني انت اللي عاملها..

زين...انت ناسيه يابت اننا شغالين فالدهب ولا ايه..

سما ... لا طبعا بس مبسوطه يعني عشان عملتها بايدك..

زين... كان نفسي البسهالك بس تتعوض اول مانتجوز بقي..

سما.... بحبك اوي

زين ابوس ايدك اوعي تلبسيها من ناحيه اسمي البسيها ناحيه اسمك بس عشان امك او اقولك متلبسيهاش خالص شليها في دولابك.

سما.... ههههههه هي مربيالك الرعب.

زين.. رعب بس دي قطعتلي الخلف.؟واعدو يضحكو وخلصو رغي وبعد يوم طويل علي كل واحد فيهم راحو فالنوم...وكل واحد في حلمه وعالمه الخاص...

في صباح يوم جديد تشرق شمس المعز علي ابطالنا...وكان كل المحلات قافله وده عشان يوم الاحد وكله اجازه.. الجو هادي. وجميل ...

نزل بطلنا تحت البيت بعد ما صحي وخد شاور كان لابس تيشيرت ابيض ظاهر عضلاته بشكل مثييير ولابس بنطلون چينس وكوتشي ابيض وراشش البرفيوم اللي ريحته تجيب الشارع كله ولابس نضارته الشمسيه وواقف حاطط رجل واحده علي كرسي ادامه ومولع سيجاره. ومستني عمر...

عمر... صباح الفل....

فارس... وهو مبتسم صباح النور

عمر... شكلك رايق انهرده

فارس... يعني عادي

عمر... ولله طيب ماشي..ايه مكلمتهمش

فارس...لا انا كلمتك لماصحيت ويادوب لسه نازل قولت لما تيجي اكلمهم

عمر... طيب يلا كلمهم...

فارس.....تمام.... واتصل....

رحمه....الوووو صباح الخير يافارس.

فارس... صباح النور مدام رحمه... البنات جهزو..

رحمه... اه خلاص جهزو

فارس... طيب انا واقف تحت انا وعمر

رحمه... حالا هنزلهم..

فارس... لا علي مهلهم وقفل معاها.

وقف عمر وفارس شويه ودقايق.. البنات كانو نزلو فارس وعمر مركزين عالباب واول ما شافوهم كل واحد راح دنيا تانيه...فارس ومنبهر بجمال فريده اللي شبه الملايكه

كانت لابسه تيشيرت احمر ماسك في جسمها ومبين منحنيات جسمها وعليه رسمت ميكي. وبنطلون جينس اسود وكوتشي اسود وحاطه شنطه علي وسطها..وسايبه شعرها اللي نازل بعد ضهرها وحاطه نضاره شمس علي شعرها...ورغم ان شكلها اطفالي خالص بس كانت ملفته بشكل مش طبيعي

فارس علب اد ماهو مبسوط انها مش لابسه فستان ولا حاجه تكشف جسمها بس بردو مش راضي لسه عن طريقه لبسها ...

اما ريم.. كانت لابسه بنطلون جينس وبدي ازرق وحاطه شنطه علي وسطها ولابسه كوتشي ازرق ورافعه شعرها علي هيئه كحكه...ورغم لبسها الكاچوال بس كان شكلها يخطف ...

فريده وريم... صباح الخير...

فارس وعمر... صباح النور..

ريم... اسفه اني مصحياكم بسببي

عمر .. تحت امرك وبعدين احنا ديما بنصحي كده عشان الشغل...يلا اركبو..

ركبت ريم وفريده ورا...

وعمر ركب جمب فارس ادام .. وفارس ركب وانطلقووووو بالعربيه .

طول الطريق .. ساكتين وفارس كل شويه يبص عالمرايه يشوف فريده..وطبعا هي مش شيفاه عشان لابس نضاره الشمس اما هي فا كانت رافعه النضاره وكل شويه تبص عليه ومش واخده بالها انه شايفها..

اما عمر فا حب يكسر الصمت ده وابتدي يتكلم عادي مع فارس ...وبعدين وجه كلامي لريم عشان يجر اي كلام وخلاص... ورقك كله جاهز يا ريم..

ريم... اه كله معايا فالفايل...

وابتدو يتكلمو شويه وابتدا عمر يهزر وريم متجاوبه معاه وطبعا فارس ساكت خالص واعد يشرب في سجاير.. وفريده مضايقه من سكوته ده ..وبتكلم نفسها بني ادم بارد

وبعد مده وصلو ادام الجامعه

يتبع الفصل  السابع  اضغط هنا

• الفهرس يحتوي على جميع فصول الرواية كاملة :"رواية فارس الحى الشعبي" اضغط على اسم الرواية