رواية قلوب مشتته الفصل السادس بقلم هدير مصطفى
رواية قلوب مشتته الفصل السادس
رامي صحي مفزوع .....)
رامي : جني
جني : اهدي انا بس عاوزه اشرب
رامي : طب استني وانا جيبلك
جني : انا سليمه علي فكره واقدر اجيب لنفسي
رامي : بطلي لماضه يا جني ارتاحي وانا هجيبلك
(وخرج رامي من الاوضه وجني دورت علي تليفونها وفتحته وشافت الصور وبدأت تفتكر اللي حصل ونزلت دمعه من عيونها لما شافت ضحكت ادهم في الصوره وهو مع جوليا .... افتكرت قد ايه ان كسرة قلبها علي ايده اقوي من انها تنساه في كام يوم .... دخل رامي عليها ومعاه كوباية مايه ورفعها وساعدها انها تشرب وبعدين رجع قعد علي الكرسي تاني ....)
رامي : احكيلي بقي فيه ايه
جني :مفيش حاجه
رامي : شكلك نسيتي اني دكتور نفساني
جني : الدكاتره النفسيين هما اكتر الناس مصابين
رامي : اممممممم بس مايمنعش اني عندي استعداد اسمعك ..... الشاب اللي صورته علي تليفونك وفي حضنه بنت من الواضح انها خطيبته .... كنتي بتحبيه وجرحك ....صح
( جني بصت ليه باستغراب )
رامي : بتبصيلي كده ليه
جني : للدرجه دي بتحبني ..... بتحبني لدرجة انك مستعد تعرف سبب تعبي حتي لو هيجرحك
رامي : طبعآ بحبك .... مش اختي الصغيره
جني :انا سمعت كلامك مع عمتي يوم ما جيت ومتأكده ان حبك ليا مش اخوه ابدآ
رامي : انا اسف
جني : اسف ليه
رامي : اسف لو حبي ليكي هو سبب جرحك وحزنك
جني : او ممكن حبك ليا هو بوابتي للحياه ..... دافع جديد عشان انسي الماضي وافكر في اللي جاي
رامي : معقول
جني : بيني وبينك الايام ..... خليها علي الله
رامي : جني
جني : نعم
رامي : مش عايزك في يوم تيجي تقولي ان حد ضغط عليكي تقبلي الحب ده
جني : مش انا يا رامي .... مش انا اللي اقبل شئ غصب عني عشان ارضي حد
رامي : طب هسيبك دلوقتي عشان تنامي
جني : طيب ممكن تساعدني في ظبط المخده تحت دماغي لاني بجد مش قادره اتحرك من مكاني
رامي : اكيد طبعآ هساعدك وماتقلقيش دا تأثير الحقنه اللي اديتهالك
(ابتسمت لي واتكلمت بهدوء )
جني : شكرآ ليك
( رامي قرب من جني ورفعها بالراحه وظبط مخدتها ونيمها وكان قريب منها جدآ وفضلت عيونهم في عيون بعض ... وعشان حب رامي اقوي من الحزن اللي في عيونها باسها علي راسها وغطاها وكأنها بنته وسابها وخرج .....وعدي الليل وجه النهار كانت نواره قعدت علي السفره عشان تفطر بعد ما اطمنت ان جني بخير ورامي كمان صحي ونزل عشان يفطر )
رامي : صباح الخير علي احلا نواره في الدنيا
نواره : صباحك ورد ياقلب نواره ... خير يا حبيبي صاحي مفرفش كده
رامي : مبسوط اوي يا امي
نواره : يارب ديما يا حبيبي خير
رامي : جني ..... اخيرآ حست بيا ... اخيرآ قررت تفتح قلبها ليا وتعطي فرصه لحبي عشان يدخل قلبها
نواره : بجد .... يعني اخيرى هتخلينا ننزل مصر وتتجوزها ونعيش كلنا عيله واحده تحت سقف بيت واحد
رامي : ايه ده .... انزلي علي ارض الواقع يا ام رامي دي لسه خطوه واحده من اطول مشوار في الحياه
نواره : ان شاء الله خير يا ابني
(دخلت جني عليهم )
جني : صباح الخير عليكم
نواره / رامي : ربي يسعد صباحك .... عامله ايه دلوقتي
جني : هههههه اله هو انتوا حافظين وبتسمعوا ولا ايه
رامي : طب امشي من هنا ابت انتي ... انا غلطان اني بسأل عليكي اصلآ .... انتي اخرك تتضربي بالشبشب
جني : فيه دكتور محترم يقول شبشب
رامي : وزنوبه كمان عرفاه ... ابو ورده علي جمب ده
جني : انت قد الكلام ده يا كابتشن
رامي : هش بقي مش عارف افطر ..... ورايا شغل
جني : طب بس بقي يا بابا وقوم يلا امشي ....
رامي : انتي بتطرديني
جني : براحتي .... وبعدين عايزه اقعد مع عمتي
رامي : بصي انا همشي ... بس مش بسببك ... همشي بس عشان ورايا شغل
جني : يلا انصرف .... انصرف
رامي : رخمه
جني : هع هع هع ..... تربيتك
(ورامي مشي فبصت جني لنواره لقتها بتصلهم وسرحانه )
جني : ايه يا نونو روحتي فين
نواره : بفكر في اللي جاي
جني : بالنسبه لايه
نواره : رامي حكالي علي اللي حصل بينكم
(اتنهدت جني بعد كلام عمتها وبدأت تتكلم بجديه )
جني :عارفه يا عمتي انا فكرت كتير قوي قبل ما أخد القرار ده ... خليت شريط حياتي كله يفوت قدام عينيه ... اكتشفت ان رامي بيقدملي كل شئ انا كنت بنتظره من الحب .... لقيته بيخاف عليا .... بيهتم بيا ....بيعطيني كل شئ ومش منتظر مني مقابل حنانه .... عاطفته .... اهتمامه ... لقيتني وانا معاه طفله .... مش بهتم بسن ولا انوثه ولا حتي حاطه بينا حواجز .... اكتشفت ان الصداقه اللي بينا اقوي من اي علاقة حب
(جني خلصت كلامها لقت عمتها بتبصلها و..
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية قلوب مشتته" اضغط على اسم الرواية