رواية هل القلب يتغير الفصل السادس 6 بقلم سهر فارس
رواية هل القلب يتغير الفصل السادس 6 بقلم سهر فارس
هل القلب يتغير (6)
ساره : الو
قمر : الو يابرادتك يا شيخه انا هموت من القلق عليكي من امبارح وانتي الو انتي فين يازفته انتي
ساره؛ في.......
قمر : طب خليكي مكانك انا جايه
قعدت افكر انا خلاص هحكي كل حاجه لقمر وهسيبها على ربنا وبعدين اصلا قمر جدعه وطيبه واكيد مش هتتخلي عني وهتفضل جمبي عدا نص ساعة وانا بفكر واقنع نفسي انها مش هتتخلي عني لحد ما لقيت حد بيحط ايده على كتفي
ساره : قمر
قمر : مش حرام عليكي خوفي وقلقي وقلبي اللي هيقف دا
ساره : آسفه بس صدقيني كنت خايفه
قمر : خايفه من ايه
ساره: هحكيلك
وحكيت ليها ومخاوفي من أنها تسيبني بسبب اهلي زي الباقي
قمر : طب والله انتي هبله يعني انا هسيبك عشان كدا دا تفكيرك فيا مكنتش اعرف إنك فاكره اني سطحيه اوي كدا
ساره : لا ياقمر اكيد عارفه قد ايه انتي صحبتي وانتي عارفه قد إيه بحبك بس دا من خوفي بسبب اللي حصل زمان واللي لسه بيحصل آسفه
قمر : خلاص ماشي ننسى كل اللي حصل دا ونبتدي من جديد قوليلي دكتور دا بقى اسمه ايه
ساره :احم احم ما دا اللي لسه هقوله بقى
قمر : ايه هو اسمه ايه
ساره :عبدالرحمن سعيد
قمر : دا اللي في بالي دا هو هو عبدالرحمن قولي بتهزري قولي
ساره بجري: لا بهزرش هو هو 😹 يعني انا اعرف دكتور نفسي من فين انا الله 😹🏃🏻♀️🏃🏻♀️🏃🏻♀️
قمر : تعالي🏃🏻♀️🏃🏻♀️🏃🏻♀️🏃🏻♀️🏃🏻♀️
وفضلنا وقت نجري ورا بعض ونهزر ونضحك وبعد وقت
قمر : ميعادك أمته معاه المره الجايه
ساره : يوم الثلاثاء
قمر : يعني بعد يومين اشطا انا جايه معاكي
ساره : جايه معايا عشاني ولا عشان حبيب القلب واهو صدفه بقى
قمر : عشانك طبعا واهو مفيش مشكلة اني اشوفه الحيوان اللي مش بيسأل دا بقالنا شهر ولا فكر يقول عندي بنت عم أسأل عليها
ساره : اشطا يلا انا هروح عشان الأخ محمد هلاقيه ناصب المحكمة
قمر : ماشي اراكي الثلاثاء
ساره : أن شاء الله
نسيت اقولكو عبدالرحمن يبقى ابن عم قمر دايما بتحكيلي عنه وأنها بتحبه بس هو عمره ما عبر لها عن حاجة واخيرا وصلت البيت وعدي اليومين وروحنا له
عبدالرحمن : اهلا ياساره ايه ده قمر
قمر باستعباط : عبدالرحمن
عبدالرحمن : انتي تعرفي ساره
ساره : احم ما هي دي صاحبتي اللي انت نصحتني اني اواجهها
قمر باستعباط : يعني دا الدكتور طب ما تقولي يابنتي نخليه يعمل خصم ليكي دا عبدالرحمن ابن عمي
عبدالرحمن : ولو دا احنا ببلاش خالص عشانك ياقمر عامله ايه واخبارك واخبار عمي ومرات عمي
قمر : والنبي لو مهتم يا اخ كنت عرفت دا انت من اكتر من شهر ولا فكرت تسأل اصلا
عبدالرحمن : عارف اني مقصر والله
قمر : كويس إنك عارف
وقعدنا نتكلم شويه بعد نص ساعه تقريبا سمعنا خبط على الباب
عبدالرحمن : اخيرا وصل
ساره : هو مين
عبدالرحمن : هتعرفوا ادخل
محمد : سلامو عليكم
ساره : محمد!!!
عبدالرحمن : هنسيبكوا انتو الاتنين واتكلموا على راحتكو بهدوء لازم تتواجهوا مع بعض يلا ياقمر
قمر : يلا فين انا مش هسيبها لوحدها معاه
عبدالرحمن : قمر يلا وانا هفهمك كل حاجه
ساره : روحي ياقمر ما تقلقيش
وخرج عبدالرحمن وساره وسابونا مع بعض
محمد : ازيك عامله ايه........
الفهرس يحتوي على جميع فصول الرواية "رواية هل القلب يتغير "اضغط على اسم الرواية