رواية حورية الفارس الفصل السادس بقلم أمل السقا
رواية حورية الفارس الفصل السادس
تاني يوم سها راحت مع أنس البنك وحولتله كل الفلوس اللي بإسمها لإسمه الا مبلغ بسيط جدا عشان تصرف منه لحد ما ما تسافر هي وأنس والدنيا تحلو معاها"ده كان ظنها بس متعرفش ايه اللي هيحصل لسه............... أنا بقول نخليها مفاجأة 😌"
_في بيت فارس.
شاهي وهي بتحاوط رقبة باباها من وهو قاعد في الصالون.
شاهي بمرح: ضاضا حبيبي واحشني هههههههه
راضي بضيق: عايزة ايه يا بكاشه وبطلي تقولي ضاضا دي.
شاهي باسته من خده وقعدت جنبه: حاضر يا ضاضا مش هقولك ضاضا تاني بس ايدك على حبة فلوس كده اشهيص نفسي بيهم.
راضي بضحكه عالية: حبة فلوس كام يعني؟ وبعدين تعملي بيهم ايه؟
شاهي بتفكير: يعني انت وزوقك بقا يا بابا انا راضيه وبعدين انت ناسي ان حفلة عيد ميلادي بعد كام يوم يعني لازمنى فستان وشوز واكسيسوريز وحجات تانيه كده 😂.
راضي: اممممممم ماشي يا ستي بس مش هتروحي لوحدك استني فارس ييجى من الشركه يوصلك لحد المول وبعدين يجيبك.
شاهي وهي بتتنطت من الفرحه: هيييييه يحيا بابا ضاضا يحيا بابا ضاضا هههههههه.
راضي بضيق: شاهي انا سحبت كلمتى مفيش فلوس مفيش خروجات ومفيش حفلة ايه رأيك بقا.
شاهي بشهقه: لا لا لا خلاص والله مش هكررها تاني ده انا بحبك حتى ومش هزعلك.
راضي: هههههههه يعجبني فيكي اصرارك هههههههه.
_في مكان ما مخصص لمحلات الملابس والجذم ومحلات اكسسوارات.
فارس وقف بالعربية و وجه كلامه لشاهي: شاهي انتي قد ايه علشان اجي اخدك.
شاهي: ما تيجي معايا يا فارس واهو تنقي معايا حتى بدل ما انا هنقى لوحدي كده.
فارس: معلش يا حبيبتي والله انا عندي شغل كتير وسيبته مخصوص عشان اوصلك ولازم ارجع على طول بس اتصلي بواحده من صحابك ولا حاجه تيجي معاكي.
شاهي بتفكير: ايوه صح انا هتصل بالبت سارة زوقها حلو فى اللبس ماشي يا ابيه انا لما اخلص هتصل بحضرتك تيجي تاخدني تمام؟
فارس وهو بيطبطب على كتفها: تمام وخلي بالك من نفسك واداها فلوس غير الفلوس اللي باباها اداهالها وقالتله معايا بس قالها مفيش مشكله هاتي اللي انتي عايزاه ونزلت شاهي تتصل بسارة وفارس مشي.
__فى نفس المكان بس بمسافه.
ندى: تفتكري يا بت يا حور ان دي البت بتاعته؟ ولا خطيبته؟ ولا شاقطها ولا ايه؟
حور بضيق: واحنا مالنا يا ندى ما تخليكي فى حالك ان شا الله تكون مراته مالنا احنا مالنا وانجزي عشان نلحق نخلص انتي زوقك صعب "وسابتها ومشت".
ندى وهي بتلوي شفايفها: مالها دي طلعت زعابيب امشير مره واحده كده ليه؟ وجرت وراها.
شاهي شايله شنطتها وبتتفرج على اللبس فى المحلات من بره لحد ما سارة صاحبتها توصل واتفاجأت باللي سرق الشنطه من ايدها وطلع يجري وفضلت تصوت.
شاهي بصريخ: حرامي حراااامي حد يلحقني يا ماااااماااااا حرااااامي وفضلت تجري وراه بس مكانتش عارفه تجري من الهيلز اللي هي لابساه.
والحرامي بيجري فجأة حس بحاجه صلبه جت تحت رجلته وقعته على وشه.
حور مسكت الشنطه منه والناس اتلمت عليها وهي قعدت فوق بطنه وفضلت تضربه بالقلام والحرامي مش قادر يتنفس لانها قعدت على ضهره ومربعه رجليه وكل ما يحاول يقوم تضربه بشنطه شاهي اللي هو كان سارقه وفيها يد من حديد كانت بتبقى جامده فى الضربه.
حور بصوت عالي: حد اتسرق منه حاجه يا شباب لو حد اتسرق منه حاجه ييجي ياخدها انا معايا حرامي اهه
ندى بضحكه: هههههههه خلاص يا حور الراجل حرم "وبعدين قعدت قدام الحرامي وهمستله" مش انت حرمت يا حرامي؟
الحرامي بصريخ: حرمت والله حرمت انا غلطااان.
حور بصت لشاهي اللي فرحت لما شنطتها رجعت وفضلت واقفه مكانها تبصله: انتي هتفضلي واقفه مكانك كده؟ ما تيجي تاخدي حقك والطشيه قلمين.
شاهي بخوف: انا لا لا انا خلاص اهم حاجه اني خدت حاجتي سيبيه سيبيه.
حور وطت على ضهر الحرمي وعضته جامد وبعدين قامت وقفت قدام شاهي والحرامي طلع يجري وهو بيتدحرج عالارض.
حور حطت ايدها فى وسطها: يعني اجبلك الشنطه واقولك تعالي خدي حقك تقولي سيبيه انتي عبيطه ولا حاجه ده سرق حاجتك وفلوسك.
شاهي بابتسامة: انا عاوزه اشكرك جدا والله مش عارفه من غيرك كنت عملت إيه وبعدين انتي خدتيلي حقي خلاص وانا كان المهم عندي ان حاجتي رجعت وخلاص بقا.
حور: اممممممم شكلك طيبه قوى"حطت ايدها على كتفها"بس بلاش الطيبه الزايده دي عشان متضيعكيش وبعدين لما خطيبك يديكي فلوس بلاش يديهالك كده قدام العامه خليها بينه وبينك عشان محدش يشوف الفلوس فيطمع فيكي.
شاهي بعدم فهم: مش فاهمه قصدك ايه؟ وخطيبي مين؟
حور: خطيبك اللي كان معاكي في العربيه انا خدت بالي منه وهو بيديكي فلوس وفى نفس الوقت خدت بالي ان فيه واحد مركز معاكم قوى واتأكدت انه هيعمل حاجه لما لقيته ماشي وراكي فى كل حته عشان كده اول ما سرق الشنطه كنت انا قدامه وحصل بقا اللي انتي شوفتيه ده وانا لحقتك "قالتها بغرور وتفاخر"
شاهي ضحكت وحضنتها: انا بجد مش عارفه اقولك ايه شكرا بجد.
حور فى نفسها كده اتأكدت انها خطيبته: حبيبتي ده واجبي والله خدي بالك على نفسك بس واتمسكي بالحاجه اللي فى ايدك عشان متضيعش اياً كانت هي ايه الحاجه دي.
شاهي مفهمتش بس مرضيتش تعلق: حاضر اتشرفت بيكي جدا فرصه سعيده "وبعدين مشت و وقفت مره واحده وحور واقفه مكانها"
شاهي بصوت عالي: صحيح انتي اسمك ايه؟
حور بابتسامة: حور اسمي حور وانتي؟
شاهي: انا اسمي شاهي وعلى فكره اللي كان معايا ده اخويا مش خطيبي ورمتلها بوسه فى الهوا وقالتلها باي بقا " وهي ماشيه خبطت فى سارة صاحبتها"
شاهي وهي بتتحسس على جبتها وسارة برضو: اه يا متخلفه اتأخرتي ليه؟
سارة بألم: الطريق زحمه والله بس مين دي اللي بتبايبايلها؟
شاهي بضحكه على كلمتها: بايبالها؟!!! اسكتي يا سارة ده انا حصل معايا حتة موقف تعالي اما احكيلك.
"" وكل واحده اتسوقت وجابت اللي هي عايزاه عشان عيد الميلاد وفارس اخد شاهي وحكتله اللي حصل بس مقالتلهوش على اسم حور وهو اتمنى انه يشوفها عشان يشكرها واكد على شاهي متقولش لباباها ومامتها عشان ميقلقوش عليها بعد كده "
فى بيت حور.
ندى وهي بتتكلم في الفون بدموع: هو حضرتك لسه فاكر تسأل عليا دلوقتي؟ مفكرتش فيا لما سبتني فى بيت طويل وعريض لوحدي ودلوقتي جاي تلومني عشان خرجت من غير ما اقول لحضرتك وانا اساسا بقالي يومين دلوقتي خارجه يعني لو كنت استنيت كان زماني معرفتش حاجه عن حضرتك لمدة يومين وكان زماني لوحدي.
والد ندى/.........................
ندى بعناد: انا اسفه يا بابا انا مش هرجع البيت ده غير لما تصفي كل شغلك اللي بره مصر وتوعدني إنك مش هتسبني لوحدي في البيت بالليالي وتبات بره البيت.
والد ندى:............
ندى /اللي يريح حضرتك اعمله يا بابا مع السلامه. ورمت الموبايل قدامها وفضلت تعيط وحنان وحور جنبها بيواسوها.
(يا ترى فارس هيشوف حور تاني؟ وياترى أنس ناوى يعمل ايه مع سها؟ ويا ترى والد ندى قالها ايه وهيعمل معاها ايه علشان عارضته؟ وايه اللي هيحصل فى العيد ميلاد؟)
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية حورية الفارس" اضغط على اسم الرواية