رواية فارس الحى الشعبي الفصل السابع بقلم اميرة أسامة
رواية فارس الحى الشعبي الفصل السابع
ركن فارس عربيته... ونزل من العربيه ونزل عمر والبنتين
فارس... يلا
عمر.... تما.... دخل فارس وكان سابقهم... ووراه عمر وريم وفريده جمب بعض وداخلين بهيبتهم وشكل جسمهم االي يخض اي حد..واللي يشوفهم يقول جاردات.
فارس... للساعي...لو سمحت بلغ مراد باشا اني موجود بره.
الساعي ... اقوله مين حضرتك...
فارس...اديله ده... واداله كارت.
الساعي تمام حضرتك...ثواني ودجخل يبلغ مراد عميد ااجامعه..
فريده ...في سرها... هيعمل فيها مهم...
فارس ... سمعها وابتسم ابتسامه جانبيه من غير ما حد يشوف
.ريم....هو انتو تعرفوه...
عمر....أاا وقطع كلامه صوت الساعي..
الساعي... اتفضلو مراد باشا مستنيكم..
دخل فارس فاامقدمه ووراه عمر.وريم وفريده...
مراد.....فارس باشا عندي انا مش مصدق..وعمر باشا لا كده اليوم شكله حلو..واتبادلو الاحضان والسلام..
ريم ..لفريده... ايه ده ده كلع يعرفهم
فريده... ساكته ووشها جايب الوان...وفارس بيبصلها من تحت لتحت وهو شايف كسفتها..
مراد... فينك ياراجل مش باين ليه لازم اكون عايز حاجه من شغلكم عشان اشوفك..
فارس... ابدا ولله مشاغل انت عارف ان كله فوق دماغي..
مراد... ربنا يكون فالعون.. وانت يا عمر باشا عاش من شافك..
عمر... ولله نفس الشغل انت عارف اليوم بيطير بسرعه وكله رايح فالشغل مفيش وقت اصلا...
مراد... وايه سبب الزياره الحلوه دي اوعي يكون في خاجه مضايقه اخواتك البنات
فارس... لا خالص..
مراد بس الاول.مين القمرات دول مش تعرفونا.
فارس... وانتبه... بغيظ..بص يامراد بيه من غير لف ودوران وكلام كتير ريم... جايه من امريكا والمفروض انها داخله سنه تالته... وطبعا نزلت من هناك بطريقه سريعه من غير حتي ما تعمل تحويل وطبعا هي جت امبارح عشان تقدم وفي موظف مسؤول قال انه مش هينفع من غير الورق المحول من الجامعه اللي كانت فيها....
فا انا اختصرت وجيتلك علي طول انت اللي هتحلهالي.
مراد.... اعتبره حصل. يافارس باشا..
ريم... وشها ضحك ومبسوطه
وبعدين دي جايه من طرف الغالي بس المفروض انهرده ابعت كل فايلات التحويل ولازم ابعت بتاعك انهرده معاهم وطبعا لازم الصور. لو ينفع تتصوري وتبعتيهم انهرده عشان هبعت الفايلات دي كلها قبل ما امشي علي الساعه 3
فارس... تمام جدا متقلقش قبل 3هيكونو فايدك..
فريده.. الساعه 11
فارس... بصلها ببرود وهو بيكلم مراد .. نمشي احنا بقي عشان نلحق يا مراد باشا .. تؤمرني بحاجه.
مراد .. الامر لله بسرعه كده... طب صحيح بالنسبه للقمر التانيه مش ناويه تقدم هي كمان.
فريده... لسه هتتكلم.. فارس رد بدالها..
فارس... لا للاسف يامراد باشا... هي مخلصه الحمد لله... كفايه اوي اربعه عندك فالجامعه...
مراد ... بضحك... يا سيدي الجامعه كلها تحت امرك..
وسلمو علي بعض .وعمر... عايز يضحك علي قلبت وش فارس...
وفريده مضايقه انه بيتكلم بدالها... وعايزه تعرف مين التلاته اللي مع ريم ويقربولو ايه
وريم مبسوطه وطايره انها قدمت والسنه مش هتروح عليها..
بعد ما خرجو.
..ريم... انا متشكره جدا بجد ليكم من غيركم ٠مكنتش هعرف اعمل اي حاجه...
عمر... احنا معملناش حاجه...وبعدين انتي لو مش شاطره مكمتيش لتقبلتي ولا ايه..
فارس...فعلا تقديراتك ساعدتك واحنا فعلا معملناش حاجه كلها مصالح..
ريم... بردو شكرا ليكم...انا مبسوطه اوي...ان السنه مش هتروح عليا وواقفه تتنطط زي الاطفال..
عمر... بصوت عالي شويه ياريت بس نركز حبه وكفايه تنطيط ويلا عشان تلحقي تتصوري...
ريم... سكتت بسرعه... وهي مكشره وشها.. حاضر
عمر... لا افردي وشك خلاص بس من غير تنطيط.
ريم... بضحك... حاضر
فارس وقطع كلامهم....مش يلااااااا عشان تلحقي تتصوري.
ريم وعمر... يلا طبعا.
فريده بتلف وشها وبتكتم ضحكها علي منظر ريم وعمر.
وخرجو من الجامعه... واتوجهو لاستديو تصوير لقوه فاتح
فارس... الحمد لله الاستديو ده فاتح.
فريده.. وايه يعني الغريب في انه يكون فاتح..
فارس بصلها في مرايه العربيه.. ونزل نضارته شويه وبصلها وبرقلها بعينه اللي شبه الزرع وتخوف من لونها وهز دماغه يمين وشمال ورفع نضارته تاني.. يلا انزلو.
نزل عمر وريم وسبقوهم عشان يدخلو فريده لسه اعده جوه العربيه... ومبحلقه فيه بغيظ عشان كل شويه يتجاهلها وكأنها مش معاهم وكل ما تتكلم يبصلها وميردش...
فارس.... هو حضرتك هتفضلي كتير جوه العربيه انا ركنت علي فكره.وهما دخلو..
فريده... بغضب طفولي.. اووووووف ونزلت ورزعت باب العربيه...
فارس... اكسريه احسنننن
فريده وهي بتمشي وبتدب فالارض زي الاطفال.. وبصوت واطي احسن يارب يتكسر.
فارس... ورا بيضحك. ومبسوط عشان بيضايقها.
دخلو جوه...
فارس لعمر... ايه في حاجه..
عمر... لا بيقولي هتتصور تمام بس الصوره المفروض هاخدخا بكره فقولتله عايزها انهرده.. قالي تمام هيطلعهالي فوريه بس ادامه ساعتين .
فارس... الساعه داخله علي 12لسه ساعتين ليه..
عمر.. ماهو بيقولي المسؤول عن تحميض الصور المفروض بيجي من 12بس امبارح واخد اذن بتأخير ساعه يعني هيجي علي واحده مثلا وفيها ساعه علي ما يطبع الصور ويجهزها يعني تخلص علي اتنين.
ريم... طيب وبعدينهنفضل مستنين كل ده..
فارس... بصي ادخلي اتصوري وانا هكلم مراد يأخر نفسه حتي للساعه اربعه العصر وهفهمه ان الصور هتتأخر..
فريده موجهه كلامها لعمر خايفه فارس يحرجها..
فريده... طيب يا استاذ عمر... الساعه داخله علي 12ولسه الصور هوطلع علي الساعه اتنين.. السؤال هنرجع البيت وننزل تاني ولا هنعمل ايه وبعدين احنا عطلناكم جدا علي شغلكم..
عمر لاحظ انها وجهتله الكلام.. وشابف طريقه فارس وتجاهله ليها...فاعرف انها خايفه تحرج نفسها.. فأشفق عليها ولسه هيرد...
فارس....هو جنابك مش ملاحظه من الصبح ان المعز كلها قافله...
فريده.. اه وده ماله باللي بقوله..
فارس.. ومش ملاحظه اننا كل ما نسأل علي استديو قريب يقولو قافل..
علي فكره... انهرده الاحد ولو متعرفيش ده اجازه في مصر لاغلب المحلات واللي احنا منهم يعني احنا اجازه ومفيش حد هيعطلنا..وقرب من ودنها وبصوت واطي نشغل مخنا بقي شويه
فريده... هتولع من الغضب ووشها احمر مش عارفه ترد.
المصور... اتفضلي يافندم...
دخلت ريم... ودخل وراها عمر...
اعدت.. المصور.. راح عشان يظبط اعدتها...ولسه هيحط ايده عليها..
عمر... مسك ايده بقول ايه ياباشا اتفضل انت وانا هخلبها تاعد زي ما انت عايز.
المصور اتوتر وخاف من هيئته وفهم انها تخصه.. اه طبعا.. ياريت بس ترفعي راسك وتميليها عالشمال بسيط وابتسمي وايدك علي رجلك..
وبعد خمس دقايق كانت اتصورت وخرجت...
فارس واقف هو وفريده وواقفه مش طيقاه...
عمر... يلا بينا..
فارس .. كله تمام...
ريم... هنعمل ايه..
عمر... بص لفارس وبعينه كانه بيسأله وطبعا هما بيفهمو بعض من عنيهم جدا..
فارس...انتو فطرتو
فريده .واقفه ساكته..
ريم... احنا صحينا ولبسنا ونزلنا علي طول..
عمر... تمام نروح ناعد في مكان ونفطر واهو الوقت هيضيع
فريده... حابه ترخم علي فارس...
معلش يا استاذ عمر... بلاش نعطلكم اكتر من كده ممكن انتو خلاص تشوفو اللي وراكم.. واحنا هنشوف مكان قريب من الاستديو ناعد فيه لحد ما الصور تجهز وهروح انا وريم علي طول عالجامعه..
ريم... مش طايقه فريده.. عايزه تروح...
عمر... هو مش احنا قولنا اننا اجازه يعني مش هتعطلونا انهرده احنا معاكم في اي حاجه عايزين تخلصوها..
فارس... مش يلا...
فريده.. انا مش حابه اعطلكم
فارس.. بصوت واطي... هي الشبكه واقعه في دماغك..
فريده.. يعني ايه.. يعني الفهم عندك بطئ ليه.. اركبي يلا...
فريده.. لا
فارس... فريده اركبي عشان متعصبڜ
فريده.. اول مره تسمعه بيقول اسمها ومبسوطه..
ركبت من غير اي اعتراض.. ركب عمر وريم
عمر... يلا يافارس مستني ايه بره..
فارس.... ركب والتليفون علي ودنه.
فارس...وعليكم السلام يامدام رحمه..
رحمه.. ايه يافارس في حاجه ولا ايه..
لا ابدا متقلقيش كله تمام.. وقدمت ورقها بس ناقص صور. العميد طلبها ..ورحنا صورناها بس الصور هتطلع كمان ساعتين..
فا بستأذن حضرتك.. ان اخد البنات انا وعمر وهنروح مكان نفطر.. لحد الصور ما تجهز...
فريده.. مبسوطه من جواها بشخصيته..
رحمه.. طبعا يا فارس مش كفايه ان انت مضيع يومك انت وعمر معاهم..
فارس... مفيش عطله احنا انهرده اجازه واكيد مش هسيب البنات لوحدهم وهما ميعرفوش حاجه..
رحمه..عموما يافارس انا مطمنه علي البنات معاك اتفضل طبعا من غير استأذان..
فارس.. شكرا لحضرتك..بس دي الاصول ومتقلقيش مش هأخرهم..
وقفل مع رحمه..
واتوجهو مع بعض علي مطعم شيك او فالمهندسين..
ودخلو ومن اول ما دخلو.. الكل بيرحب بفارس وعمر...
ودخلوهم... الويتر... اتفضل فارس باشا .. اتفضل عمر باشا.. تربيزتكم فاضيه..
ريم... هو انتو معروفين اوي كده..
عمر... يعني علي ادنا يعني..وغمزلها..
دخلو واعدو والويتر اداهم المنيو...
تطلبو ايه..
ريم.. انا عايزه نسكافيه وكرواسون
عمر... وانا زيها.
فارس.. فريده سرحانه.. فريده..
فريده. نعم.
فارس.. هتفطري ايه..
فريده.. انا هشرب نسكافيه ..بس انا مش عايزه افطر..
فارس.. هتفطري ايه..
فريده.. قولت مش عايزه.. وبعدين انا مش بفطر اصلا بشرب نسكافيه بس وممكن بسكوت..واكيد هنا مش هلاقي بسكوت..
فارس.. بسكوت عالصبح ..
فريده.. انا حره..
فاررس.. هجبلك زيهم كرواسون..
كل ده وعمر اعد يرغي مع ريم..
فريده... اوووف هو بالعافيه..
فارس.. اه..
ونادي عالويتر وقاله علي طلباتهم وطل منه القهوه الساده بتاعته..
فريده... هو انت فطرت...
فارس.. لا
فريده.. وازاي طلبت قهوه ساده عالصبح..
فارس... مش بفطر اصلا..
فريده.. ولله امال لما انا قولت كده اتدخلت لبه اصلا.
فارس... عشان مينفعش متفطريش..
فريده... اوووف..ولمحت سيجاره في ايد عمر وشايفه فارس بيولع سيجاره..
فريده.. هو مش المفروض انه مكتوب ادامكم انه no smoking.. ولا بالعربي احسن شكلكم مش بتعرفو انجلش ممنوع التدخين..
عمر.. انا مليش فالانجلش صراحه بس اكيد عارف يعني ايه no smoking,وضحك...
فارس....حضرتك في حاجه مضيقاكي...
فريده.. لا بس حبيت الفت نظركم يعني انه ممنوع التدخين..
فارس.. ياستي انا حر..
فريده.. انت حر فعلا وبصوت واطي سمعه فارس. يارب صحاب المكان يجو يطلعوك بره
فارس.. ضحك وعمل نفسه مسمعش ..بعد شويه جه الويتر.. وقدم الطلبات ومشي..
وبعدها بشويه نده علي ويتر تاني..
جاله بسرعه..الويتر اؤمرني فارس باشا.
فارس... سعيد انت ايه اللي جابك انهرده..انا مش قولتلك اجازه اسبوع..
سعيد الويتر .. حضرتك عارف ان مينفعش اعد المصاريف كتير وانا ريحت يومين ..
فارس.. اللي قولته يتنفز ومتنزلش شغل غير لما تتحسن . وطلع فلوس ادهاله..
سعيد... لا لا شكرا يافارس باشا انت خيرك مغرقني
فارس.. بطل عبط يلا خدهم وتروح علي طول..
سعيد... شكرا يافارس باشا ومشي
اعد فارس.. ولا كأن في حاجه وفريده متابعه الموقف والفضول هيموتها..بس مش عايزه تسأل ولا تحتك بيه..
ريم...هو انا ممكن اسأل سؤال..
فارس... اتفضلي
ريم.. هو ليه الولد ده بيكلمك علي انك صاحب الشغل وسوري يعني حتي انت بتعامله علي انك صاحب الشغل..
عمر بص لفارس وضحك..
وفريده فرحت من جواها بسؤال ريم.. عشان كامت هتموت وتسأل.
فارس.. بثقه مختلطه بالغرور وهو حاطط رجل علي رجل..
فارس... عشان فعلا انا صاحب الشغل..
ريم... نعمممم ايه ده بجد الكافيه ده بتاعك..
فارس... ايوه..
ريم.. عشان كده بتشربو سجاير براحتكم
عمر... ذكيه اوي..
ريم... انت بتتريق..
عمر.. هههه انا اقدر.
.فارس.. بأستفسار .. صحيح انتو امبارح لما كمتو راجعين وقفتو ليه وبعدين انتي مشيتي وسبتي فريده.. وفريده وقفت كأن في حاجه ضايعه منها وقالها بتريقه..
فريده.. لا مكنش في حاجه ضايعه مني ولا حاجه .. كل الحكايه ان انا كنت راحه اسأل المحل اللي عنده موبيلات اجيب منين خط عربي.
فارس...وهو رافع حاجبه .. وبصوت خشن ايه خط عربي ده.. عايزه كراسه خط تتعلمي فيها ولا ايه..
فريده.. بصوت واطي انا صحيح بفهم مين اقصد خط موبايل بس مش امريكي عشان نعرف نتصل ببعض انا ومامي وريم..
فارس.. اه تقصدي شريحه مصريه.
فريده... What ever.
فارس ..الله يرحم..
فريده.. what
عمر ميت من الضحك علي فارس وفارس متعصب من فريده اللي بتعامله علي انه جاهل وبيتك علي شفايفه وبيقبض علي ايده..
فريده.. بخوف..سكتت تاني.
فارس.. بضحك سيبو حكايه الخط العربي دي وانا هتصرف فيها 
ريم... هو في ايه..
عمر... لا ولا حاجه زي ما انتي.
وقضو.. الوقت اللي فاضل في شويه ضحك وشويه بيحكو عن نفسهم وفريده ساكته وفارس بيحاول يستفزها وبعد مده من الكلام والضحك.
ريم... ديدا مالك ساكته ليه..
فريده... مفيش ياحبيبتي انا بخير فالوقت ده فريده.. كانت حاسه ان نفسها مش مظبوط وحاسه بتعب بس مرضيتش تتكلم.. وده نتيجه شرب السجاير من عمر وفارس وخصوصا فارس لانه حريقه سجاير.
ريم.. ديدا انتي تعبانه حاسه ان فيكي حاجه..
فريده.. لا مش فيه ممكن مصدعه شويه بس.
فارس... تحبي اجبلك حاجه للصداع طيب..
فريده.. لا هبقي كويسه ..
عمر.. بص في ساعته.. بقول ايه الساعه داخله علي اتنين خلاص. تعالو يلا نقوم عشان نجيب الصور ونلحق مراد..وقامو وقفو.. فريده فضلت اعده.. وسانده ايدها علي وشها.
فارس... فريده .انتي كويسه..
فريده.. اه تمام وقامت تقف حست ان الدنيا بتلف بيها وحاسه ان نفسها تعب اكتر..
فارس.. مسكها في ايه مالك..
ريم.. فريده .. انتي فيكي ايه..
فريده.. مفيش دايخه بس مش اكتر متقلقيش..
عمر... طيب انتو ممكن تخليكو وانا اروح بسرعه وارجع اعدي عليكم نروح سوا..
ريم... طيب انا ممكن اجي معاك..
عمر... اه طبعا ومن جواه فرحان
فارس... خد مفتاح العربيه
طيب بقولك خليه معاك عشان عشان لو حبيت تروحها وانا هركب تاكسي ماانا لو اعرف كنت جيت بعربيتي.
فريده... متلغبطوش الدنيا انا بخير صدقوني..
فارس.. لا خليكي مرتاحه..
وانت امسك ياعمر.. المفاتيح وخليك معايا عالتليفون لو تعبت همشي بيها متعبتش هفضل مستنيك.
عمر... تمام عموما انا مسافه السكه متقلقش..
ومشي عمر.. وخد ريم معاه.
فارس... اعد جمب فريده...انتي كويسه.
فريده ... الحمد لله.
فارس... حاسه بايه. طيب
فريده.. مفيش بس انا عندي حساسيه من ريحه الدخان والتراب واي وقت بشمهم بتعب. ونفسي بيروح..
فارس .. افتكر ساعت تنضيف الشقه لما رحمه شكرته وقالتله كانت خايفه فريده تتعب من ريحه التراب
فارس... طيب ليه مقولتيش اطفي السجاير انا وعمر...
فريده... مرضيتش اضايقك.. خصوصا ان واضح انك مش طايقني اصلا..
فارس. وعنيه كلها غضب من تصرفها ..انتي مجنونه انتي ازاي متقوليش عاجبك شكلك وانتي تعبانه كده..
فريده.. وهي بصاله.. انت اصلا مش مديني فرصه اتكلم ومتجاهلني..
فارس. . انا اسف..حقك عليا بس ياريت اي حاجه توصلك انك تتعبي تقوليها مهما كان مين ادامك.
فريده بصاله ومتنحه... بقي كتله البرود والغرور والعصبيه يعتزر..
فارس.. فريده.. فريده..
فريده.. حاضر..
فارس... علي فكره..صحيح.
فريده.. كويس انك سمعتي الكلام ولبستي. لبس نوعآ ما كويس.
فريده.. اصلا انا لبس اللي عجبني مش لبست اللي انت عايزه..
فارس... ورجع اتحول.. فكري بس.. كده تاني تنزلي بحاجه متعجبنيش وشوفي هعمل معاكي ايه..
فريده... متقدرش تعمل حاجه..اصلا انت ملكش دعوه بيا..
فارس بعصبيه.. مسك ايديها واتك عليها..جامد...
اولا وطي صوتك وانتي بتتكلمي معايا ثانيا ليا دعوه بيكي وبلبسك وبشكلك وبكل حاجه بتعمليها..
فريده.. ليه ان شاء الله انت مالك بيا اصلا بأماره ايه حضرتك واصي عليا فريده بتستفزه عشان يقول بيعمل معاها كده ليه..
فارس... من جواه بيكابر. ومش عايز ينطق الوقت ..ماهو لو قال انه حبها محدش هيصدقه ولا حتي هي ماهم برده ملحقوش ومبقالهمش كتير فالمكان..
فارس.. اه واصي عليكي حتي النزول من البيت من غير سبب مش هيحصل..
فريده .. ليه ان شاء الله محبوسه.اعمل حسابك انا هنزل الفتره الجايه كتير خصوصا لما اشتغل.
فارس... نعم شغل.. مين اللي قال انك هتشتغلي. انتي عارفه حاجه هنا اصلا ولا عايزاني الف وراكي وافضل كل يوم اتخانق عشانك.
فريده...انا اللي قولت هشتغل ومحدش طلب منك تمشي ولا تلف ورايا انا مش عيله صغيره انا عندي 21سنه.وبعدين محدش طلب منك تتخانق عشاني اصلا ملكش دعوه بيا. وحسك عينك تتعرضلي تاني انت فاهم.. ملكش دعوه بيا وبحياتي اصلا.. دي تخصني انا متخصكش انت.ويوم ما حد يتعرضلي لنا اللي هقفله مش محتاجه خالص فارس المعز يجي يحللي مشاكلي...
فارس... مره واحده قام وقف..
فريده بخوف رجعت راسها بسرعه لورا
فارس... متخافيش مش هاجي جنبك يلا عشان عمر وصل ..
فريده.بصت من الازاز كان عمر وصل هو وريم..
علي اد ما فارس.. كان مبسوط بعند فريده وشخصياها القويه.. وان اول مره حد يقف ادامه واحده بواحده.. علي اد ما كلامها وجعه وضايقه وحس انها جت علي كرامته..ودي حاجه مش مسموح بيها.. خرجو من المافيه وراحو علي العربيه ..
عمر.. تيجي تسوق..
فارس.. لا خليك..وركب ورا.. ريم كامت اعده جمب عمر..وفريده ركبت جمبه وهي ساكته وحاسه انها ضايقته بس مش عارفه تتكلم وفنفس الوقت كرامتها وجعاها خايفه تعتزر ويحرجها....
عمر...لفارس... تمام يافارس قدمت الصور وكله تمام...
فارس... مبروك ياريم.. عقبال التخرج ..
ريم... ميرسي ليك بجد..هو انا ليا طلب كمان ممكن.
فارس... اتفضلي طبعا...
ريم... ممكن تبقي تعرفني باختك وبنات عمك عمر حكالي عنهم..بس ياريت لو نفع اتعرف بيهم عشان مش ليا صحاب ولا اعرف حد .
فارس... بس كده عيوني .. بس هي اختي وواحده بس بنت عمي وواحده بنت عمتي..
ريم.. ماشي .. هتعرفني عليهم امته بقي...
فارس.. وقت ماتحبي ياستي تعالي البيت عندهم..
ريم..بجد.اشطا .
فريده متغازه انه اعد يحكي ويتكلم ويرد بطؤيقه حلوه مع ريم علي عكسها هي...
ريم.. خدي ده عمر.. وق العرييه ونزل اشتري الارقام دي لينا عشان نعرف نتكلم مع بعض..
فريده... ميرسي ياعمر تعبناك..
ريم.. لفارس. ممكن ابقي اخد رقمك من مامي عشان لما احب اجي عند اختك وقرايبك دول تبقي تعرفهم..
فارس . طبعا يا ريم..
عمر بغيز ويصوت واطي .. ما توزعي رقمك فالشارع احسن..
ريم.. ليه..اوزع الرقم ليه
عمر... بس بس اسكتي وانتي عبيطه كده..بعدين نبقي نتكلم..رقمي عندك.
بعدين نبقي نتكلم..رقمي عندك.فارس بيضحك مع نفسه علي صاحبه اللي ابتدا يغير ولافف وشه عالشباك ومش باصص خالص علي فريده .
فريده مضايقه من نفسها خالص.
عمر.. بيفتح سيجاره..
فارس... اقفل السيجاره ياعمر..
عمر... ليه بطلت وانا معرفش ولا ايه.
فارس.. بطل استظراف اقفل السيجاره عشان فريده.. تعبت بسبب ريحه السجاي.
عمر... اسف ولله يا انسه فريده
فريده.. لا عادي مفيش مشكله.. ومن جواها فرحانه ان بعد الكلام ده كله .لسه شايفه منه اهتمام..
وصلو البيت وفارس وعمر فضلو واقفينلهم لحد ما طلعو..
عمر... هتعمل ايه الوقت..
فارس...ولا حاجه.. عايز انا م شويه بس.. عشان منمتش بليل كويس ومستنيك بليل نتعشي سوا وناعد انا وانت والواد زين فوق فالمكان بتاعنا..
عمر.. اشطه هروح اخد دش وانام شويه واشوفك بليل..وطلع فارس . ومشي عمر.
والبنات حكو لرحمه علي كل حاجه..وادوها الخط..اللي عمر جابه..طبعا كلمت عمر وشكرته كتير عاللي عمله مع بنتها وطلبت منه ياخد حساپ الخطوط ورفض جدا بحجه ان دي اول حاجه يجيبها ولو احتاجت حاجه مره تانيه هيبقي يحاسبها وقفلت معاه واتصلت بفارس شكرته كتير عاللي عمله.. وقفلت.. ريم اعده مبسوطه انها قدمت ومبسوطه بالوقت اللي قضته مع عمر وابتدت تسجل الرقم واتصلت بيه عشان يسجل الرقم وشكرته واعدو يرغو شويه .فريده . اعده مضايقه جدا من نفسها عاللي عملته.. وخدت الخط ركبته وسجلت رقم فارس من موبايل مامتها من غير ما حد يشوفها.. وبقت ماسكه الموبايل تتصل او متتصلش وقررت متتصلش وتعمل نفسها معملتش خاجه لحد ما تشوف طريقته معاها..جه الليل.واتجمعو شويه عند جدهم وفارس اعد مع جده حكاله اللي حصل بعد ما جده طبعا عارف كل حاجه بس مساني فارس يحكيله وطبعا فارس عشان شبهه في مل صفاته محكاش غير لما جدو سألو.
جده... جدع يافارس زي جدك.. انت عارف يافارس.. انا بشوف فيك نفسي..يارب اشوفك احسن حد فالدنيا..
فارس.. باس ايده..
جده..بس قولي يافارس... مين فيهم اللي عجباك..
فارس.. عجباني ايه ياجدي .بس هو انا ليه فالكلام ده..
جده.. عليا انا يافارس..
طيب تمام بس لما اعرف لوحدي متبقاش تزعل مني.
فارس.. بعدين ياجدي انا طالع بقي عشان عمر جايلي ..
جده.. بتهرب من جدك يافارس.. طيب عال بكره تيجي وتطلب اني اسمعك وهرفض.. وضحك بصوته اللي كله هيبه هو وفارس
جده.. ربنا يارب يافارس يريح بالك وتجبلي اللي يمد في اسمي..
طلع فارس..وطلع وراه ادهم وزين..
بعد شويه طلعت ياسمين ومعاها البنتين علي شقتهم..
سما .. والنبي يا سامين تعالي نطلع.
ياسمين ولله لو طلعت ابي فارس يرمين من فوق.
سمر.. تعالي نعمل نفسنا طالعين نشوفهم عايزين حاجه..
ياسمين .. امري لله ولله لو ابي فارس عمل حاجه لاقتلكم كل واحده فيكم طالعه تحب وانا شكلي هتعك فيها..
وطلعو فوق.. وسالوهم..
فارس.. هو انا مش منبه محدش يطلعلي هنا
ياسمين .. احنا طلعنا يا ابي نسالكم لوعايزين حاجه قبل ما عمر صاحبك يجي..
فارس... لا ولله عليا.انا .ولا جوز الحبيبه اللي وراكي دول هما اللي طالعين يكملو حب هنا..
ياسمين وهي بتضحك علي سمر وسما لما وشهم احمر متكسفهمش بقي..اعدو يضحكو ويهزرو وفارس عرفهم ان هو هيعرفهم علي ريم واختها وانها هتبقي معاهم فالجامعه وسمر وادهم اعدو حبو في بعض وزين وسما وشويه وفارس طردهم علي تحت وجه عمر وابتدو السهره..
وخلص اليوم وكل واحد روح بيته.
اما عند رحمه.. فريد اتصل بيها بليل ..
رحمه فريد حبيبي وحشتني..
فريده... رحمه.. خلي بالك من البنات چون نزل مصر انهرده طلب مني اني اجوزه لفريده في مقابل انه انه يبرئني ويرجعلي كل حاجه ولما رفضت قاللي انه هينزل وهيقتلها هي وريم...
رحمه.. انت بتقول اييييييييه..
يتبع الفصل الثامن اضغط هنا
- الفهرس يحتوي على جميع فصول الرواية كاملة :"رواية فارس الحى الشعبي" اضغط على اسم الرواية