رواية طوفان قلب الفصل السابع 7 - بقلم سمية عامر

رواية طوفان قلب البارت السابع 7 بقلم سمية عامر

رواية طوفان قلب الفصل السابع 7

نزل عز قعد على البحر مع البنت و كل شويه تأكله عنب بايديها 

دورت ياسمين على لبس مكنش في قعدت تعيط في الاوضه و نزلت بلبسها اللي جات بيه وهي حزينة هو حتى نسي أنه المفروض ياخدها يجيبوا لبس حتى لو دي تمثيليه المفروض انه يخلي باله منها 

وصلت عند الشاطئ قلعت الهيلز عشان تعبتها و مشيت حافيه كان وقت الغروب غمضت عينيها و قعدت على الرمل و لبست الهاند فري و شغلت اغاني لفيروز و قعدت تغني مع الاغنيه وهي مغمضه عينيها و مش في بالها عز ولا غيره 

شافها عز من البداية لما قلعت الجزمة بس اتجاهلها عشان تيجي عنده بس لما لقاها بعدت راح وراها كان قاعد وراها بيسمع صوتها وهي بتغني ..كان صوتها رهيب زي صوت الاطفال في تنهيده غريبه و حزن 

فجأة ناس كتير قعدوا عندها يسمعوها وهي بتغني بسبب صوتها 

خلصت الاغنيه و سكتت ياسمين و نزلت دموعها اول ما فتحت عينيها بس فجأة سمعت صوت تسقيف لفت وشها و شافت كميه الناس دي اتخضت و قامت وقفت و جريت بعيد 

ضحك عز و راح وراها بعد ما خلى الحراس يبعدوا الناس 

عز وهو بيتجه ناحيتها : طلع منك فايدة و صوتك حلو 

برقت ياسمين و اتوترت : انت سمعتني ..مش ..كنت قاعد معاها 

قرب اكتر منها مسح دموعها اللي  كانت قربت تجف : كنتي بتعيطي ليه مين زعلك يا حلوة 

ياسمين بحزن : يهمك تعرف ..معتقدش أنه يهمك روح لمعجبينك انا هتمشى شويه و هرجع 

عز بسرعة : اه يهمني اسمعك 

ياسمين : حكايتي مفيهاش حاجه تشد هتزهق و تمشي 

مسك ايديها و ابتسم و قعدها على الرمل و قعد جنبها : احكي 

بصت ياسمين في عينه و اتكسفت و لفت وشها للبحر: تفتكر انا غلط 

عز بشك : في ايه ... غلط في ايه 

ياسمين : اني ارفض معتز لما طلبني للجواز لمجرد اننا اتربينا زي الإخوات 

عز بغيرة وصوت قوي: ده اخوكي ..هتتجوزي اخوكي 

ياسمين : أوقات بفكر فيها بلاقي أنه حلال بس اللي مش حلال لمساته لما كنت فاكره أنه اخويا الكبير اللي بيحميني ..مفكرتش فيه غير اخ زي باسم انا لحد دلوقتي بحبه 

عز بعصبية مخفيه : بتحبيه ازاي يعني 

ياسمين : اخويا الكبير و ...

عز : طب انا همشي عشان كلامك مش عاجبني 

كان لسه هيقوم مسكت ياسمين أيده و بصتله زي الطفله : اسفة ممكن تقعد 

قعد تاني و اتأفف 

ياسمين بخجل : طب انت ليه متجوزتش لحد دلوقتي 

عز ابتسم : هو ده الكلام اسألي في المهم علطول 

ضحكت برقه و كمل هو كلامه : متجوزتش لاني حياتي مش عاديه زي ما انتي عارفة بتاع سلاح 

ياسمين بخوف : بجد انت تاجر سلاح مش بتهزر 

ضحك عز و قرصها من خدودها : لا مبهزرش

ياسمين بحزن اكتر : بس انت كده هتأذي نفسك ..لو اتقفشت هتروح السجن غير أن ده حرام هتقابل ربنا ازاي و انت تاجر سلاح و فاسد كده 

قرب عز منها و همسلها : انتي اول واحده اسمحلها تكلمني كده الباقيين ماتوا بالمسدس اللي في جيبي 

اتخضت و بعدت شويه و كانت هتعيط : انت بتهددني 

قام عز وقف و شدها وقفها خبطت فيه 

فضل حاطت أيده على وسطها :يلا يا حلوة عشان تطلعي اوضتك الوقت بقى ليل 

بعدت ياسمين عنه و هي زعلانة 

كان هيمشي و يسيبها بس وقفه كلامها : عز 

لف وشه و ابتسم : نعم 

ياسمين : انت لطيف جدا بس وانت مش تاجر كده ممكن تشتغل في اي حاجه تانيه انت وسيم و عندك عضلات ..احم اقصد أن ..

لسه هتتكلم راح شالها و جري بيها على الميه و فضلت تصوت وهو بيضحك و يقول بصوت عالي : كل مرة هتسألي فيها هعاقبك 

غرقها و فضلت تحاول تطلع بس من غير فايدة شالها تاني في الميه : ها حرمتي ولا لسه 

ياسمين بتعب : يخربيتك طلعني بسرعة هموت 

طلع بيها بره الميه و نزلها اول ما نزلت دفعته جامد للميه وقع وهي جريت وهي بتضحك 

ضحك و عدل في شعره و راح وراها 

كانت وصلت الفندق خدت مفتاح الأوضه و طلعت بسرعة و جريت  في الاسانسير قبل ما يلحقها 

دخلت اوضتها و قفلت الباب وهي بتضحك 

غيرت لبسها و لبست برنس طويل و اترمت على السرير من التعب 

دخل عز غير لبسه و اتحمم و لبس تيشرت خفيف و شورت و رن عليه ناس كتير من اللي جاي يعمل معاهم شغل قرر أنه هيروح يقابلهم فتح الباب و خبط على ياسمين اللي كانت نايمه 

اتخض أما مردتش دخل اوضته و فتح البلكونة نط على عندها و دخل 

حست ياسمين بحركه فتحت نص عين كان عز واقف قدامها 

صوتت و قامت بسرعة : انت بتعمل ايه هنا 

عز : انتي معندكيش لبس انا ..نسيت اسف 

لاحظت ياسمين أن جزء من رجليها باين غطتها و جريت على الحمام و قفلت الباب : اخرج لو سمحت 

اتصل عز على حد و قفل و فضل قاعد على سريرها : الأوضه عندك مريحه انا هنام هنا 

فتحت ياسمين باب الحمام و رفعت حاجبها : نعم يا عمر ..امشي برا 

جري عز عليها قبل ما اقفل الباب تاني : فتحتي دلوقتي يعني 

ياسمين بخوف : هصوت و اخلي اليونان تتفرج عليك والله 

عز بنظرة خبيثة : صوتي م انتي كده كده هتصوتي لما ..

ياسمين بخوف اكتر و قلق : لما ايه يا منحرف انت اطلع بررررررره 

حط أيده على شفايفها و همسلها : لما نتجوز يا ام دماغ فاضيه ايه الانحراف ده ها 

خبط الباب عليهم 

دخلها عز الحمام قبل ما تتكلم و قفل عليها و راح فتح الباب خد كل الاكياس و قفل الباب و حطهم على السرير و خرج 

كانت ياسمين قلبها بيدق بسرعة لما سمعت صوت الباب اتقفل مرتين فتحت الباب و خرجت بره لقيت الاكياس فتحتها كان فيها فساتين كتير أغلبيتهم واسعين 

لبست واحد منهم و الحجاب و الكعب و قعدت حطت ايديها على قلبها وهي بتفتكر كلامه أنه عايز يتجوزها حست انها خايفة مش فرحانة 

خرجت خبطت عليه فتح الباب و ابتسم اول ما شافها خدها و نزلوا تحت 

عز : ياسمين اقعدي هنا عشر دقايق هخلص حاجه و اجيلك نخرج 

قعدت و فضلت تسمع اغاني وهي قاعدة 

فجأة حست بحد مسك ايديها فتحت عينيها وهي بتبتسم : عز ...

ولكن تجري الرياح بما لا تشتهي السفن 

سحبت ياسمين ايديها وهي خايفة : معتز ..

• تابع الفصل التالي عبر الرابط: "رواية طوفان قلب" اضغط على أسم الرواية