رواية وقعت فى العشق الفصل السابع بقلم أمل السقا
رواية وقعت فى العشق الفصل السابع
زياد لنفسه: غبي غبي "تليفونه رن"
زياد: ايوه يا آدم اخبارك ايه
.......
زياد: معلش احنا وصلنا هنا متأخر اصلا فمعرفتش اكلمك.
.......
زياد: خلاص هستناك على تسعه كده متتأخرش.
.....
زياد: سلام.
"راح الشاليه"
عز لمح عشق وهي داخله وعيونها مدمعه
عز بقلق: عشق انتي كنتي فين؟ ومالك بتعيطي ليه؟
عشق بابتسامة مزيفه: مفيش يا قلبي انا كنت بشم شوية هوا بره بس
عز بشك: طب كنتي بتعيطي ليه؟
عشق بكدب: افتكرت نغم بس وانت عارف اني مش بعرف اتحكم في نفسي، انا هطلع بقا اغير هدومي وانزل اشوف حاجه ناكلها.
عز بعدم تصديق لكلامها: تمام ماشي
وبعد دقايق شاف زياد وهو بيدخل وشكله متدايق.
عز بحده: عشق مالها يا زياد؟ عملتلها ايه المرادي؟
زياد: هي قالتلك ايه؟
عز: ياريت قالتلي بس كالعاده خبت عنى ومقالتش فياريت انت بقا تقولي ايه اللي حصل؟
زياد بحزن: روحت لقيتها عالشط و.............. "حكاله اللي حصل" مردتش تديني فرصه اعتذرلها (ولسه مكملش كلامه ولقى عز نزل فيه ضرب بكل قوته بس هو مدافعش عن نفسه، وعز محسش بنفسه إلا وزينه بتزقه من علي زياد وبتزعق ليه)
زينه بصوت عالي ومخنوق من العياط: انت ازاي تعمل معاه كده؟ انت حيوان فى صورة انسان انا مشوفتش حد بيتعامل بالهمجيه دي وكل ده علشان خاطر ست عشق بتاعتك طب بدل ما انت خايف عليها قوي كده ما تروح تخطبها بدل قلة الادب دي وبعدين هي لو انسانه محترمه مكنتش جت قعدت في بيت فيه اتنين رجاله اغراب عنها طب انا جايه مع اخويا هي جايه مع مين؟ عشيقها؟
عز لسه هيمد ايده ويضربها بالقلم بس لقى ايد بتمنعه "
عشق بحده: انت عايز تمد ايدك على بنت يا عز؟ انت اتربيت على كده؟ طب هي صغيره ومش عارفه حاجه انما انت ايه؟
زياد بعصبيه: عز انت بتعمل ايه؟
عشق وجهت كلامها لزياد وبكل برود قالت: هيعمل زي اللي انت عملته قبل كده ولا نسيت يا باشمهندس! طب عالاقل هو زعل عشان خاطر اخته انما انت مديت ايدك ليه؟
زينه بدهشة: اا ا اخته؟ اخته ازاي؟ انتي مقولتيش كده.
عشق ببرودها اللي متغيرش: انا اخت عز التوأم "عشق مراد البدوى" يعني مش عشيقته زي ما قولتي، انا هطلع اخد شنطتي اللي لسه متفتحتش اصلا وامشي كملوا شغلكم من غيري وانت يا عز مفيش مشكله في الموضوع زينه كانت فاهمه غلط وخلاص كده كل حاجه واضحه.
زياد: انتي ليه مكنتيش عايزة تقولي انك اخت عز؟
عشق بتجاهل: زينه متزعليش من عز بس علي فكره انتي غلطتي برضو.
زينه بندم: انا اسفه والله بس مستحملتش اشوفه بيضرب زياد بالطريقه دي ده غير انه ضربه في المطعم برضو ومتكلمتش وده اخويا ومعنديش غيره.
عشق بهدووء عكس اللي جواها: وانا كمان اخت عز ومعندهوش غيري وهو كان بياخد حقي بس.
*عز عارف ان عشق عارفه انه عارف ان زعل عشق بسبب زياد بس الاتنين مكانوش بيواجهو بعض عشان الضغط النفسي مش اكتر بس طبعاً دول توأم ودماغهم واحده *
زياد بأسف: عشق انااا
عشق بمقاطعه: لا انا ولا انت مفيش بيننا كلام يا باشمهندس انا طالعه الم حاجتي.
زياد: طب انا اسف و والله مش هتعرضلك أبداً بس متمشيش.
عز وجه كلامه لعشق: خلاص يا عشق خليكي وده سوء تفاهم وخلص.
عشق: تمام انا رايحه انام بعد اذنكم.
زينه وجهت كلامها لعز بعيون مليانه دموع: عز انا اسفه بجد مش قصدي والله.
عز بتجاهل: ولا يهمك.
زياد انا طالع بره شويه وجاي، انت صحيح كلمت آدم؟
زياد: ايوه وهييجي على الساعه تسعه بإذن الله.
عز وهو يخرج: تمام اطلبلنا اكل بقا.
زياد: طيب "وبعدين بص لزينه اللي باصه للارض بزعل جامد" على فكرة انتي غلطتي جدا ولازم تصلحي غلطتك.
زينه: اصلحها ازاي؟
زياد: أول حاجه تقربي من عشق لانك واضح قوي انك من ساعة ما شوفتيها وانتي مش طايقاها وتاني حاجه تعتذري لعز تاني.
زينه: انا مكنتش بطيقها بس خلاص بقيت بحبها وحاضر هروح اعتذله دلوقتي اهه.
زياد بحب: تمام روحي بس خلي بالك من نفسك.
*زينه خرجت *
زياد لنفسه: اروح انا بقا اصالح البلوه اللي فوق دي (خدتو بالكم انه عايز يستفرض بالبت ولا لأ 😂😂😂)
_في اوضة عشق سمعت تخبيط وطبعاً كانت بتعيط بس فكرت انه عز فقالت: اتفضل.
زياد: ممكن نتكلم؟
عشق وهي تمسح دموعها وبتتكلم بحده: لأ مش ممكن واقفل الباب لو سمحت.
زياد ببرود: تمام تسلمي انا كنت عارف انك مش هتكسفيني برضو "وقفل الباب ودخل"
عشق بخضه: انت بتعمل ايه انت مجنون اطلع بره.
زياد: لما نتكلم الأول .
عشق: .....
__على الشط عند عز
زينه بتوتر: ممكن اقعد جنبك؟
عز: اتفضلي انا اصلا كده كده كنت همشي.
زينه: بس انا جايه اقعد معاك
عز: جايه تقعدي معايا؟ ليه؟
زينه بدموع: انا اسفه متزعلش منى لو سمحت انا مش قصدي ادايقك بس انا مكنتش اعرف ان عشق اختك ومكنتش حابه قربك منها بالشكل ده "وبعدين شهقت بخضه وقالت" انا مقولتش حاجه صح؟ قول ان انا مقولتش حاجه
عز بضحكه حاول يخفيها: لأ مقولتيش حاجه قولي بقا كنتي جايه ليه؟
زينه براحه: كنت جايه عشان اعتذر واقولك متزعلش منى وأنا هصالح عشق.
عز: انتي عارفه انك بتفكريني بإنسانه عزيزة عليا قوي؟ كان عندها نفس الكاريزما كده ونفس الاسلوب ورقيقه بطريقة مش معقوله وكانت عيوطه قوى برضو "وفضل يضحك وهي باصه ليه ولضحكته وهي بتدمع ومبسوطه فى نفس الوقت (زعلانه علشان بيتكلم عن بنت تانيه وفرحانه عشان ضحكته حلوه)"
زينه بدموع: انت بتحبها قوي كده؟
عز بحزن: انا كنت بعشقها مش بحبها بس
زينه وخانتها دموعها: وليه مش اتجوزتها؟
عز بحزن اكتر: عشان اتوفت من سنه ، كانت مريضه سرطان.
زينه بحزن وهي بتحط ايدها على كتفه: ربنا يرحمها انا اسفه قوي.
عز "بص لعيونها جامد ومسح دموعها": متتأسفيش تاني ومش عايزك تعيطي تاني أبداً مفهوم؟
" زينه هزت راسها بحاضر "
عز بهيام وهو ما زال حاضن وشها بإيده: تعرف انك جميله قوي، ست سنين بس فاتوا بس مكنتش اعرف انك هتحلوى قوي كده "كل ده بيقولو وهي شبه مغيبه عن الوعي ومش مستوعبه اللي بيحصل بس بتعض شفايفها"
زينه بخضه وهي بتزقه عشان يبعد عنها بعد ما بقا لازق فيها تقريباً: عز ابعد
عز بهمسه مخدره: متبعديش
زينه بخفوت: عز لو سمحت مينفعش كده
"عز فاق لنفسه وبعد عنها بسرعه وهي جريت على جوه"
(لا ما انا مش هخليه يبوسها دلوقتي احنا محترمين برضه😌)
عز لنفسه: ايه اللي انا كنت هعمله ده
انتي عملتي ايه بس يا زينه هو انا ناقص.
استغفر الله العظيم يارب.
____نروح بقا لجوز الارانب اللي فوق.
عشق: عايز ايه يا زياد.
زياد بحب: قولي زياد تاني كده؟ انا أول مره الاحظ ان إسمي حلو قوي كده والله.
عشق: ما تتلم يا باشمهندس فيه ايه؟
زياد "وهو بيقرب منها وهي بتبعد لحد ما لزقت فى الحيطه": قولي اسمي تاني الأول عشان اتلم.
عشق بتوتر بتعافر عشان تخفيه بس مقدرتش: لو سمحت عيب كده اطلع بره.
زياد بعند: قولى زياد الأول
عشق: زي... زى.... زياد خلاص قولت اهه ابعد بقا
زياد بتخدير وهو بيقرب منها اكتر: انا آسف متزعليش منى ميهونش عليا زعلك انا عارف اني جرحتك بكلامي بس انا مكنتش قادر اتخيل ان الراجل يحط ايده عليكي أو يشوف شعرايه واحده منك، انتي مش من حق حد غيري يا عشق من أول مره شوفتك فيها أي نعم كان نفسي اخنقك بإيدي بس متهونيش عليا برضو، متزعليش منى انا آسف
عشق "مبلمه وكأنها فى دنيا تانيه"
زياد ابعد عشان خاطري لو حد جه هيفهمنا غلط
زياد بحب: قولي انك مش زعلانه الأول
عشق دموعها نزلت "بس انا زعلانه انت جرحتني قوي ومديت ايدك عليا من غير سبب وهنتني بكل الطرق تقريباً
زياد" وهو بيمسح دموعها وبيهمس ": حقك عليا انتي عصبتيني وانا والله ندمت قوي متزعليش منى بقا واطلبي أي حاجة وانا هعملها عشان تسامحيني.
عشق بمرح : خلاص تجيبلي بابلي و ويندوز واندومي وشيبسي وشيتوز واااا..... امممممم هفكر بقا واقولك عالباقي.
زياد بضحكه خطفت قلب عشق: كل ده لا ده انتي تفضلي زعلانه احسن 😂
عشق بزعل طفولي: مستخسر فيا شويه شوكولاتات وشيبسيهات يا زياد اخص عليك.
زياد بحب: انتي لو طلبتي نجمه من السما هجيبهالك بس مشوفش اى لمعة حزن فى عيونك الجميلة دي.
عشق: احم طب ابعد بقا.
زياد وهو يكاد يلتصق بها: تؤ مش هبعد
عشق بتوتر: زياد لو سمحت
زياد اتنحنح وبعد عنها*
احم يلا بقا انا هنزل عشان ادم جاى كمان شويه وكمان اشوف زينه عملت ايه.
عشق بتساؤل: عملت ايه فى ايه؟
زياد وهو يفتح الباب: كانت رايحه تعتذر لعز بس مش عارف بقا
عشق: اها تمام هتلاقي اتصالح على طول عز قلبه ابيض زيي كده" قالتها بغرور "
زياد بضحكه عاليه: طيب يا ام قلب ابيض متنسيش تغيري هدومك دي وانتي نازله.
عشق: ليه مالها هدومي مهي حلوة اهي
زياد بحده: ما دي المشكله، انا قولت تغيريها يعني تغيريها وتلفي الحجاب كويس عشان مزعلكيش "وقفل الباب ونزل من غير ما يستنى منها رد
يتبع الفصل الفصل الثامن اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية