رواية احببت مصارع البارت السابع 7 بقلم يوستينا سامي
رواية احببت مصارع الفصل السابع 7
يوسف: نور استني يا نوور
لكن نور مشيت وركبت تاكسي لكن يوسف فضل شوية في الشقة بتاعته
ياترا انا السبب في ايه يا نور ..وليه بتقولي كدة اصلا ..انا تعبت حاسس بذنب من ناحيتك طب ليه
___________________&&
نور في العربية: لو سمحت عايزة اوصل....
السواق: حاضر يا هانم
نور في سرها :اها مالك يا نور ..اول مرة تبقي ضعيفة كدة .اول مرة تتوجعي كدة ..وبدأت نور تعيط جامد
السواق: احنا وصلنا يا بنتي ...انت كويسة
نور وهي بتمسح دموعها : اه الحمدلله ..كويسة ...اوي كمان
ونزلت روحت
________________________$$
في البيت
نور وصلت وكان فهد وادهم وهنا وعمر نازلين
عمر: نور حمدالله.... مالك يا نور انت معيطة
منال بخضة : مالك يا حبيبتي ..ايه حصل
نور: انا كويسة ..كويسة انا بس تعبانة وعايزة ارتاح
ادهم :خلاص لو كويسة يلا ننزل مع بعض احنا رايحين نتفسح يلا تعالي معانا ...صحيح هو فين يوسف
نور: لا مش هينفع اجي معاكوا انا تعبانة ..وبعدين انا هعرف منين يوسف بتاعك ده فين ..وانا مالي وسابتهم ودخلت اوضتها
هنا: لا ده كدة الموضوع في لغز.. .لغز كبير اوي
ادهم بضحك :بس يا عم كرومبو انت .. تلاقيهم شدوا مع بعض كالعادة يلا بينا يا جماعة
فهد :طب روحوا انتوا وانا هحصلكوا يلاا ...
وفعلا نزلوا كلهم إلا فهد ..
_____________&&&
أوضة نور ...طق طق
نور :ادخل
فهد بهزار : الحمدلله انك سمحتي اني ادخل
نور بتبصله بقرف : خير يا كابتن عايز اي
فهد بقلق : بصي جائز انا معرفكيش ..لا هو مش جايز ده اكيد انا فعلا معرفكيش
لا وكمان اول لقاء خبطنا في بعض جامد بس بجد انا حابب اوي أننا نبقي صحاب
نور بنفس البصة ؛ ليه بقي إنشاءالله
فهد برجاء : بصي يا نور انا كنت عايز منك خدمة ومافيش حد غيرك هيساعدني بصراحة يعني ..بس في نفس الوقت مش هقولك موضوع مهم كدة واطلب منك أن محدش يعرف وأنه يبقي سر وانا وانت أعداء ولا ايه
نور بتفكير : اممم مصلحة يعني
فهد: لله ينور عليكي ..طلعتي بتفهمي كدة انا اطمنت
نور :ماشي يا فهد تعالي نطلع برا علشان ميصحش تقعد هنا في اوضتي يلا تعالي وفعلا خرجوا للبلكونة
____________&&
في البلكونة
نور: اتفضل يا فهود ارغي
فهدبدهشة : فهود ....
نور :ماتتكلم يا بني هو انا فضيالك مثلا
فهد بعصبية: مابراحة يا حاجة ..انت مالك كدة قالبة وشك علينا ليه
نور :ولااا بقولك ايه متزعقش سامع ولا لاء
فهد: سامع .لولا الحوجة ماكنت بصيت في وشك حتي
نور :علفكرة بقي سمعتك يا ناصح وهفوتهالك بمزاجي ...اخلص بقي عايز مني ايه
فهد: بصي يا نور انا كنت عايز منك ..
يوسف بعصبية دخل البلكونة : اهلا بالهانم الي المفروض انها جاية معايا سابتني مشيت وحتي محترمتش انها مع راجل ولا كأنها كانت مع سوسن
منال دخلت بخضة : اهدي بس يا ابني في ايه مالكوا
نور: استني انت يا ماما اسمع يبني انا وانت منعرفش بعض اصلا علشان تتكلم معايا بالاسلوب ده وياريت تحترم نفسك وتلزم حدودك معايا كويس اووي انت مجرد ضيف يومين وهيمشي من هنا
منال بحدة: نووور بس اسكتي
نور : لا مش هسكت ..بعدين استناك ليه ولا انت فاكر نفسك خطيبي ولا جوزي مثلا
اسمع يا بني انا مستحملاك لانك في بيتنا غير كدة كنت طردتك من هنا من بدري
منال: نووور علي اوضتك بسرعة ....غوري
فعلا راحت نور لاوضتهاااا
منال بحرج: انا اسفة اوي يا ابني حقك عليااااا
يوسف :هي عندها حق انا زودتها لو سمحت يا طنط لما عمي يسال عليا قوليله أنه مشي وهيكلمك
منال بحرج : لا ولله مايحصل ..حقك عليا انا ولله لاخلي ابوها يربيها
يوسف : لا لوسمحتي ياريت محدش يعرف مافيش داعي انا هامشي ارجوكي يا طنط
فهد: استني انا جاي معاااك
________________________________$$$$
علي البحر
ادهم بفرحة : لله قد ايه البحر ده جميل ومريح اوي بجد يا بختك
هنا: ليه بتقول كدة
ادهم: هههه علشان عايشة قدامه ..اعتقد انك مش محتاجة صديق أو أخ هتحتاجي ليه ما هو ونسك وتقدري تحكي ليه كل أسرارك
هنا : ياااه للدرجة دي بتحب البحر يا ادهم
ادهم : مكنتش كدة خالص علفكرة لحد ماجيت هنااا شوفت بيتكوا وقعدت معاكوا. ...اينعم نور لسانها مبرد بس طيبة وانت كمان حبيتك...
هنا بفرحة: ايه
ادهم بتوتر: وحبيت عمر وطنط منال واونكل عادل واتمنيت اني ابقي جزء من الكيان ده اوي
هنا بسعادة : يسلام وليه بقي حبيتناااا
ادهم : حبيت نور لأنها جدعة وشخصيتها قوية برغم اني مش بحب البنات الي كدة ابدا 😂😂 وحبيتك علشان طيبتك و...
هنا بسعادة: وايه ....
.ادهم : هنا انت عارفة انت اصغر مني بقد ايه
هنا بفرحة: واعرف ليه وانا مالي اصلا
ادهم بتوتر : اصل...اصل بعتبرك أختي الصغيرة
هنا ببتسامة بهتانة: وانت كمان ...هو فين عمر
ادهم: اهو بيكلم صاحبه ..ايه زهقتي
هنا :لا بردت ما يلا نروووح
ادهم ببتسامة: يلا... بس الوادفهد ماجاش لحد دلوقتي
هنا : بصراحة كدة حاسة أن في مصيبة بين يوسف ونور
ادهم: يا ساتر بس بصراحة أنا كمان حاسس كدة
يلا يا عمر يلا نروووح
عمر : يلا يا جماعة الدنيا سقعت
____________________________&&
نور في اوضتها: ماتردي بقي يا شمس موبايلك بقالو يومين مقفول ليه ياربي علي القلق ده يا ترا ايه حصلك يا شمس
نور فجاه قعدت علي الكرسي وافتكرت حاجة
فلاش باك
نور : انت اسمك ايه ...
اسمي ههههه يوسف المنشاوي ....يوسف المنشاوي ....يوسف المنشاوي ............
نور بدأت تحط ايديها علي ودنها بااااس كفاية باااااااااااس أخرج بقي من دماغي حراااام عليك بقي
_____________&&&&&
في عربية يوسف
فهد : يوسف يا بني مش بكلمك احنا رايحين فين كدة
يوسف سرحان وقف العربية: مش عارف يا فهد بس انا متوتر اووي ....انا مخنووق اوووي يا فهد
فهد :وانا كماان ولله ...طب انت ليه بقي
يوسف بوجع :مش عارف يا فهد ..بس حاسس أن في حاجة غلط
انا حاسس أن نور موجوعة بسببي بس مش عارف ليه
فهد بعدم فهم : نور ...هو انت تعرفها قبل كدة
يوسف بتذكر : لاااا بس حاسس أن هي مخبية حاجة حاسس انها تعرفني و....
فهد :وايه يا يوسف
يوسف بوجع : مش عارف ولله ... طب وانت مالك
فهد : انا.....
يوسف: مالك يا بني
فهد: بص بقي انا في بنت واقعة في مشكلة كبيرة وانا عايز اساعدهاا
يوسف: مالها البنت دي ..وتعريفها منين
فهد :كانت هتنتحر ...انا قررت اني اسافر بكرة القاهرة وهاخدها معايا
يوسف: يا ابني افرد أهلها بلغوا عنهااا ساعتها هتروح في داهية
فهد : ما هو ده الي مخوفني يا يوسف مش عارف اعمل اي
يوسف: يادي المصايب الي احنا فيهاااا
فهد : يوسف انت لازم ترجع معايا علشان نحل المشكلة دي وكمان تشوف موضوع نور ولو حاسس أن هي تعرفك اسالها متهربش كدة
يوسف: عندك حق بس ....
فهد: بس ايه يا يوسف
يوسف: انا مش هينفع ارجع دلوقتي روح انت وانا هاجي بكرة
فهد: متأكد يا يوسف
يوسف: أيوة يا ابني متاكد يلا امشي بقي
وفعلا فهد روح ويوسف كمان روح بيته
________________&&&&&
يوسف في بيته
ياترا وراكي ايه يا نور
نور في اوضتها بتفتكر : انا نفسي ابقي زيك يا ...كابتن هو انت اسمك ايه
يوسف منشاوي ....منشاوي
نور كفاية بقي كفاية ....ومسكت الكوباية وكسرت المراية أخرج من دمااغي ارحمني يا يوسف ارحمني
انا تعبت بقالي ٨ سنين بتعذب بسببك
- تابع الفصل التالي عبر الرابط: "رواية احببت مصارع" اضغط على أسم الرواية