رواية وقعت فى العشق الفصل الثامن بقلم أمل السقا
رواية وقعت فى العشق الفصل الثامن
الجرس رن وزينه فتحت.
زينه ببراءه ورقة: حضرتك باشمهندس آدم؟
آدم "بخبث وهو بيبص من فوق لتحت": ايوه أنا آدم وانتي؟
زينه بابتسامة هبله: أنا زينه اتفضل.
" آدم دخل وهو بيقول في نفسه هو من امته زياد وعز وهما ليهم في الحريم "
زياد باشتياق وهو بيحضن آدم: يااااه يا عم والله وليك وحشه ياض.
آدم بحب: والله انت اكتر يا زيزو اخبارك ايه؟
زياد: الحمدلله تمام والله انت عامل ايه والشغل.
آدم: الحمدلله تمام التمام اومال فين عز؟
عز وهو بيدخل من بره: أنا جيت نورت البيت هههههههه عامل ايه يا دومي "قالها وهو بيحضنه"
آدم بغيظ: ايه دومي دي ياض انت بتكلم ابن اختك؟ ده انا مهندس قد الدنيا.
عز بضحك: هههههههه خلاص متزعلش نفسك يا باشمهندس دومي هههههههه.
آدم بضحكه: يا بني انا اكبر منك احترمني بقا.
عز: يا سيدي دول هما سنتين ده انت لو قعدت شويه بس من غير نمو هلحقك بس ابويا الله يسامحه بقا هو اللي اتجوز امي متأخرّ فجابتنا بدرى عشان كده بقيت انت اصغر منى وانا اكبر منك بس سهله تتعوض.
زياد وآدم بيبصو لبعض بغباء: هو بيقول ايه؟!
زينه "ضحكت بصوت عالي ضحكه لفتت انتباه الكل" *ضحكة رقاصات يعني 😂
عز بحده وهمس: اطلعي فوق ومش عايز المح خيالك تحت غير لما آدم يمشي والضحكه دي تبطليها يلا علي فوق.
زينه بخوف: طب اعمل حاجه تشربوها الاول.
عز بحده وعصبيه: انا قولت اطلعي فوق.
زينه: ح.. حا.. حاضر "وطلعت تجري علي فوق"
*عز لنفسه: خلاص يا زينه بدأنا وشكل عشق هتحقق اللي هي عايزاه والله المستعان بقا *
*__________عند عشق فوق.
زينه دخلت اوضة عشق وهي بتترعش.
عشق: فيه ايه يا بنتي مالك؟
زينه وهي بتحاول تهدى نفسها: مفيش حاجه مفيش حاجه بقولك ايه؟
عشق: ايه؟
زينه وهي بتقرب منها وتحضنها: انا اسفه متزعليش منى.
عشق بمحبه "هي بدأت ترتاح لزينه جدا ده غير انها عندها نفس الشخصيه بتاعت نغم" : يا حبيبتي عادي مفيش حاجه والله انا كنت نسيت اصلا.
زينه: طب هو انتي ليه مقولتيش انك اخت عز؟
عشق بتنهيده: بصي يا ستي انا بحب بابا وماما وعز جدا انا اصلا معنديش اغلى منهم وفخورة جدا بيهم بس انا محبش شغل الوسايط ده، عايزة لما اكون ناجحه ابقى ناجحه بمجهودى وشغلي، لما حد يحترمني يحترمني عشاني انا مش عشان انا بنت فلان او اخويا فلان عايزة يبقي ليا الكيان بتاعي بعيدا عن كيان بابا وعز فهمتي حاجه؟
زينه بابتسامة: فهمت جدا وانا خلاص قررت هشتغل مع زياد في الشركه عشان ابقى معاكي ايه رأيك؟
عشق بحب: طبعاً ده احسن قرار تاخديه انا هنزل اتمشى شويه عالبحر تيجي معايا؟
زينه بفرحه: طبع.*وفجأه افتكرت كلام عز "هه لأ انا لسه جايه دلوقتي فهنام شويه احسن مره تانيه بقا.
عشق وهي بتخرج: تمام.
*طبعاً فاكرين ان زياد حذر عشق انها تلبس بيتي او أي هدوم ملفته او حلوة بمعنى اصح بس طبعاً عشق بتموت فى العند وتموت لو سمعت الكلام فلبست ترنج بيتي زي الخروج كده لحد قبل الركبه بشويه ولونه رمادى وفيه خطوط بينك وطرحه بينك بس كانت جميله قوى وحطت ميكب خفيف خلاها اجمل واجمل"
عشق نزلت: سلامو عليكم "بابتسامة استفزت زياد جدا بس عز عادي كأنه عارف ان ليها غرض من كل ده وابتسمت بخبث "
آدم بإبتسامة حرقت زياد: وعليكم السلام انتي مين؟
عشق بابتسامة سحرت آدم: انا عشق اخت عز التوأم انت آدم؟
زياد بغيظ: اسمه باشمهندس آدم.
عشق باستفزاز وهي بتوجه كلامها لآدم: هو حضرتك هتدايق لو ناديتك بدون القاب؟
آدم: لا طبعا هو انا طول ان القمر ده ينطق اسمي اصلا؟
زياد بحده وعصبيه وصوت عالي: آدددددم فيه ايه؟ الزم حدودك.
آدم بدهشة: هو فيه ايه؟ انا مش فاهم حاجه.
عشق: خلاص يا آدم حصل خير، اتشرفت بمعرفتك.
*زياد بصلها بمرار طافح كأنه بيقولها ده انتي يومك اسود بس استني عليا *
عشق بصت لعز اللي قاعد ساكت وبياكل سوداني من الطربيزة اللي قدامه: عز انا هتمشى شويه عالبحر ممكن؟
عز بابتسامة: اكيد طبعا روحي.
&عشق بصت لزياد باستفزاز ومشت&
آدم: ها بقا قولولي ايه هو الموقع الجديد وهيبقى فين؟
عز: الموقع هيبقي فى مكان قريب قوى من هنا وهيبقى عبارة عن منتجع سياحيّ، شاليهات بقا وفنادق وحجات كده يعني هيبقي كامل متكامل.
آدم: طب احنا كده هنجيب مهندس يصمم المكان ولا ايه؟
زياد: لأ عشق تصميماتها جميله وزينه برضو معاها.
آدم: احم احم هي زينه دي صاحبة عشق ولا ايه؟
زياد: لأ زينه دي اختى
آدم بضحكه عاليه: اصل بصراحه فكرتكم جايبين حريم معاكم لزوم التسليه وكده بس برضو شكلهم ميديش للناس دي بس اقولك علي حاجه يا زياد اختك قمر تحسها زي بتوع الأجانب كده.
عز بحده: آدم بعد كده احنا هنبقى نيجي الشركه متجيش انت وتتعب نفسك.
آدم: طب عشق وزينه هييجو برضو؟
عز: والله على حسب التساهيل، "بص لزياد وقال" المفروض اننا نروح النهارده نشوف الموقع ونعاين المكان عشان ننجز.
زياد: تمام انا بقول كده برضو.
آدم: خلاص تمام ابقو ابعتولي عنوان المكان وانا هقابلكم على هناك العصر همشي انا بقا.
زياد: مش هتتغدى معانا.
آدم: لا عندي مشوار كده عشان الحق اخلصه قبل ما نروح الموقع يلا سلام.
عز وزياد: سلام.
عز "قام من مكانه": انا طالع انام شويه عشان يعتبر منمتش اصلا.
زياد: ماشي وانا هطلع اشم هوا بره شويه.
عز: زياد عايز اقولك علي حاجه.
زياد: ايه هي؟
عز: عشق اختي مش زي أي حد على وش الارض متفكرش تإذيها، انا كنت مبسوط لما انت زعقت لآدم عشان بصلها عشان كده انا سكتت بس متفكرش تزعلها" وحب يغيظه فقال"انا بعتبرك اخوها التاني وهي كمان اكيد بتعتبرك كده فلازم تخاف عليها.
زياد بعصبيه: بس متقولش اخوها انا مش اخوها ماشي اما فكرة اني احافظ عليها دي فانت عارف اني حبيتها وحبيتها قوى كمان فأكيد مش هسمح ان أي حد يإذيها.
عز بارتياح: تمام يا زياد انا كده اتطمنت يلا بقا انا طالع.
زياد: ماشي "وخرج يدور على عشق"
__عند عشق لقت بنت صغيره بتلعب في الرمل لوحدها راحت عندها.
عشق بطفوله: ممكن العب معاكي؟
البنت: ممكن بس تعالى نلعب بالميه احسن علشان انتي كبيره ومش ينفع تلعبي بالرمل.
عشق بزعل طفولي: انا كبيره؟ اخص عليكي طب انتي عندك كام سنة؟
البنت "شاورت بإيدها اليمين وبعدين بإيدها الشمال وقالت": عندي خمسه وخمسه.
عشق بضحكه: يعني عشر سنين. طيب يا ستي يعني انا اكبر منك ب 12 سنه تصدقي طلعت كبيره برضو هههههههه اسمك ايه بقا.
البنت ببراءه: اسمى نغم.
عشق" عينيها دمعت وحضنت البنت وفضلت تبوسها ": اسمك غالي قوى وانتي كمان غاليه قوى، يلا بقا نلعب فى الميه.
&وخدت نغم وفضلو يلعبوا فى المياه ويصرخوا بقا وطبعاً هدوم عشق لزقت على جسمها بسبب الميه&
زياد بصوت عالي وحده وقلع الجاكت بتاع الترنج بتاعه: عشق تعالي هنا
عشق بخوف" حضنت نغم وبدأت تخرج من الميه برعب جامد من نظراته ": بقولك ايه يا نغم انتي بتعرفي تجري ولا لا؟
نغم ببراءه شديدة: ايوه يا عشق انا سريعة.
عشق: طب بما ان مفيش ناس كتيره في الجهه دي تعالي نطلع من الميه ونجرى عشان عمو ده مش يخطفنا ماشي.
نغم بخوف: هو حرامي؟
عشق بتمثيل الخوف: ايوه يا حبيبتي ولازم نهرب يلا يا نغم اجري" قالتها بصوت عالي وطلعو يجروا وزياد يجري وراهم وهو بيتوعد لعشق"
زياد بنفاد صبر يا بنتي اتهدى واقفى عندك.
عشق بعند وهي بتبصله وتطلع لسانها: لأ مش هتهد "ولسه مكملتش الكلمه ولقت نفسها واقعه عالارض وزياد فوقها"
عشق بشهقه: ز.... زي... زيياد ق..... قو.... قووووم... م.....م.. ينفعش كده...
*كل ده وزياد باصص لعيونها ولشفايفها اللي بتترعش من الخوف ومن السقعه ومن كل حاجه 😂*
زياد بدون وعي: فرهدتيني وتعبتي قلبي بحركاتك دي، هتعملي ايه تاني "حرك ايده على وشها بلطف وهي غمضت عينيها بتوتر كبير وقالت"
عشق بتوتر وخفوت: زياد لو سمحت.
زياد بتخدير: بحبك بحبك قوي يا عشق. *عشق فتحت عيونها بصدمه *: انت قولت ايه؟
زياد "وهو بيقرب من شفايفها": قولت بح.." لسه مكملش الكلمه وسمع صوت رجولى بيقول "
الرجل: انتو بتعملوا ايه؟ انتو مين؟
زياد وهو بيقوم بخجل بس بيقول لنفسه "الله يحرقك قطعت اللحظه يا بعيد ": احم احم احنا اسفين بس احنا كنا بنلعب ووقعنا بس.
الراجل: وقعتو؟" وبعدين بص لنغم اللي راحت لعشق حضنتها ": اومال ايه هيخطفنا دي؟.
يتبع الفصل الفصل التاسع اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية