رواية أحببتك لأنك حلالي الفصل الثامن بقلم أشجان
رواية أحببتك لأنك حلالي الفصل الثامن
جلست حورية تضم يمنى اليها وتحاول اقناعها ان تتناول شئ فمن الطبيعى ماحدث لهم لانهم لم يتناولوا شئ حتى الان
حورية : يا بنتى تعبتينى والله
يمنى : مش قادرة معلش
وجدت فاطمة تسند جوجا وقادمة عليهم بجوارها تلك الشاب التى لم تعرف من هو حتى الان
حورية : حبيبتى انتى كويسة
جوجا : تعبتك معلش
حورية بحزن : والله هزعل انتم اخواتى
يمنى :ربنا ما يحرمنا منك يارب
فاطمة : معلش دكتور سامر عطلنا حضرتك وتعبناك معانا
سامر : تعب اى وعطلة اى بس اهم حاجة تكون هى بخير .. احم قصدى تكونوا بخير
حورية بشكر : شكرا جداا يا دكتور والله مش عارفة اقول اى
سامر : مش تقولى حاجة لو تحبوا اوصلكم يلا الوقت اتأخر
حورية : لا انا كلمت اخويا وهو زمانه وصل شكرا جداااا
سامر : طيب انا معاكم اهو لحد ما يوصلوا
حورية : مفيش داعى والله يا دكت....
قطع كلامها صوته مناديا باسم شقيقته من خلفها تمنت لو ان تلتفت له وتراه ولكنها اسغفرت واغمضت عيناها حتى لاتراه وتتعلق به كما تعلقت بالراحة التى يبعثها صوته بداخلها
فتحت عيونها عندما وجدت يمنى تجري اليه بكت بصمت فجري عليها أخيها محتضنا اياها بكت فى حضنه بهدوء قائلة : خفت يا عبدالرحمن مش اقدر انقذهم تعبت وخفت يضيعوا من ايدي وانا مش بايدى حاجة
عبدالرحمن : اهدى انا هنا اهو وكل حاجة تمام
بكت حورية اكثر قائلة : انا تعبانة وعاوزة اروح بالله عليك
عبدالرحمن :حاضر يا حبيبتى حاضر
مالك وهو يجلس محتضنا اياها : انتى كويسة
يمنى : لو مش حور معايا كان جرالى حاجة
مالك : بعد الشر عليكي يا حبيبتى
يمنى : انا مش كنت حاسة برجلى ومش قادرة امشي بس لما سمعتك جريت عليك
مالك : الحمد لله قدر الله وما شاء فعل اهم حاجة انك بخير
يمنى : الحمد لله
**كانت فاطمة تجلس محتضنة جوجا غافلة عن اولائك الذين ينظرون لهم بعشق جارف..........
**كان عبدالرحمن محتضنا حورية التى مازالت تبكي على صدره وتتمسك به اكثر
** كان مالك محتضنا يمنى بقوة ويقرأ عليا ماتيسر من القرءان الكريم
**معاذ ينظر اليها بحب وحزن وقلق عليها تمنى لو كانت حلاله الان لكان محتضنا اياها بدلا من اخيها
** كان شريف ينظر الى تلك الملاك التى تشع براءة وبسمتها التى خطفت قلبه قبل عقله استعاذ بالله ثم حول نظره الى شقيقته ..
" ملاك .. بريئة .. هيهيههئ اصبر يا سى شريف على رزقك هتعرف انت وقعت مع مين هههههههههه "
**سامر يطالع جوجا بقلق وخوف وحب فى نفس الوقت وادرك ان المعلم قد احب تلميذته ...
**عز يطالع فاطمة بعشق جارف وقلق من ان لا يقدر الله زواجهم ....
هند لاروى بصوت مرتفع : اى الجو ده .. ولا الحبيبة والله يا بنتى كل واحد حاضن واحدة.. واللى بيسبل ..واحنا قاعدين نتفرج .. راعوا شعور السناااجل يا اختااااااااى
انفجر الجميع فى الضحك على مزاح هند
أروى: بس يا بت يا هند فضحتينا
هند : اه طبعا ما انتى كمان بيتسبلك من بعيد لبعيد وانا هوا فى المكان
أروى باحراج وخجل : الله يخربيت معرفتك السودة يا شيخة
عبدالرحمن ولم يستطع مقاومة الضحك : مين الاوزعة
حورية بضحكة جننت تلك الجالس خلفها : هههههههههه دى هند
عبدالرحمن : اممممم بقا هى دى
حورية بهمس : ايوة هى دى .. شيل عينك
عبدالرحمن بهمس : واشيل عينى لى .. مش يمكن ناوى الحلال ثم تابع بغمزة
حورية : هههههههههههههههه لا مش ممكن بجد ههههههههههههههههه انت متأكد
هند : لو سمحت يا اخ هو انت بتقولها اى يضحكها ما تضحكنى معاك يا ضنايا
حورية :ههههههههههههه كلم يا اخ .. وضناها كمان هههههههههههه لا مش قادرة والله
عبدالرحمن بصدمة : مين دى
حورية بهمس : اللى كنت ناوى الحلال
عبدالرحمن بمزاح : انا بقول اشيل عيني غض البصر فرض بردو
حورية : لاااااا هههههههههههههههه ياربي ههههههههههههههه
انفجر الجميع ضحكا على ضحك حورية دون ان علوا سبب
هند : هنمشي فى ام اليوم ده ولا هنعمل اى انا جوعت
حورية : هههههههه طلعى من السبعة جنيه ونص
هند : لا انا اساسا عاملة دايت مين قال انى جعانة
حورية : البس يا معلم
عبدالرحمن : باس يا حوري احسن ما ازعلك
مالك من خلفه : احممممم ..عبدالرحمن يا حبيبى اتلم
عبدالرحمن بضحك : ههههههههه اوامرك يا باشا
حور وهى تنهض
حورية : انتى كويسة يا جوجا
جوجا وهى تحتضنها :انا مش عارفة من غيرك كان اى اللى حصلي
حورية : بس يا عبيطة انتى اختى
جوجا : ربنا ما يحرمنى منك يا احسن اخت فى الدنيا
حورية : ولا يحرمنى منك يا جميل يلا بقا عشان نمشي
عبدالرحمن : ثوانى هجيب تاكسي
شريف : لا يا عبدالرحمن انا عربيتى كبيرة ممكن تاخدها توصلهم وابقى هاتها
هند : بصوا انا هوزعها بمعرفتى
نظرت لشريف انت هتسوق عربيتك ومعاك الاخ ثم اشارت على عبدالرحمن وهركب انا وأروى وجوجا وحور
دكتور سامر اكيد معاك عربيتك روح بيها تعبناك معانا معلش رغم ان حضرتك مش فارق معاك ثم نظرت لجوجا نظرة ذات معنى
اما بقا الكابتن اللى هناك ده واشارت على عز هيركب مع اخو يمنى ده ثم اشارت على مالك ومعاهم فاطمة عشان مش تسيب يمنى لوحدها بردو والكابتن ده كمان ثم اشارت على معاذ ...
معاذ : لا انا هركب عربيتى معلش
مالك وهو يعلم قلق صديقه : ماشي هوصلهم واجيلك على مكانا المعتاد
انصرف معاذ تاركا اياهم وذهب الى مكانه المفضل بل مكانهم المفضل جميعا .......
شوفوا اتحلت ازاى .. طالعتها حورية بابتسامة فهى فهمت تخطيطها لانها خبيرة بنظرات العيون
حورية بهمس : طلعتى مش سهلة انتى
هند باستهبال : اى
حورية بمكر : على ماما بردو انا فاهمة انتى عملتى اى
هند : طيب كويس بقا انك فاهمة ممكن نمشي ثم قالت بمزاح بصوت عالى وهى تمسك بيد اروى : ماهو اصل عليا النعمة ما انا طالعة سنجل من السنة دى انا والغلبانة دى حرااااااااااااام
أروى بخجل : اليوم اللى شوفتك فيه يا بنتى كان يوم ربنا كاتب لى فيه انى يرزقنى بلوة
حورية بضحك :هههههههههههههههههههههههه الله يسامحك بلسانك اللى اطول منك ده والله الصبر يارب ثم تابعت بجدية : عارفة ان نيتك خير ومش تقصدى بس الهزار والضحك والتوزيعة دى المفروض غلط بلاش نعلق نفسنا بحاجات واهية .. ثم تابعت بحزن حتى انا ضحكت بصوت عالى ربنا يسامحنى بقا
هند بتعمد : ساعات بيكون فى اشارة من ربنا لينا عشان نفتح عيونا على اللى حوالينا زي ما انتى عامية فى مشاعرك كدا ممكن يكون تعبهم ده اشارة انك تشوفيه او ع الاقل تحسيه
حورية بعدم فهم : قصدك اى
اتى عبدالرحمن من خلفهم بعد ان استمع الى حديثهم زاد اعجابه بها فرغم خفة دمها ومرحها الا انها عقلانية وادركت الموقف ككل
عبدالرحمن : يلا يا حور خلينا نمشي
حورية :يلا
نادى مالك على عبدالرحمن
مالك : استنى انا هخرج الاول ونمشي عشان مش عاوز اشوف اختك دلوقتى
عبدالرحمن بابتسامة : ماشي يا ابو نسب
مالك بفرحة :قول يارب
عبدالرحمن : بس لو رفضت وصممت
مالك : وقتها مش هكون شوفتها هشغل قلبي وعقلى بالقرب من ربنا اكتر
عبدالرحمن : ولو شوفتها صدفة
مالك : اولا انا مش ببص لحد ثانيا لو انا فعلا عرفتها صح اختك هتلبس النقاب بعدها على طول عشان تريح بالها
عبدالرحمن : ربنا يكتب لكم الخير .. يلا خلى بالك من فاطمة وهى مع عز افندى
مالك : عز ايوة بيهزر ودمه خفيف ولاسع بس والله راجل
عبدالرحمن : عارف والله بس بردو لانى مش عارف الموضوع هيحصل فى اى عشان مش يتعلق على الفاضي بس
مالك : الله المستعان ابعت اختك ليمنى وانا هسبق ليه افهمه بس تعالى نشكر الدكتو ده اهم حاجة تعبناه معانا
مالك : دكتور تعبنا حضرتك وعطلناك والله
سامر : لا والله مفيش مشكلة
عبدالرحمن : شكرا لذوقك والله ربنا يباركلك
سامر: اهم حاجة انهم بخير .. الف سلامة عليهم
مالك بابتسامة :الله يسلمك .. ثم تابع نظراته وجدها معلقة بمكان اخر ابتسم له وقال بهمس : قول يارب قادر على كل شئ
سامر :ياااارب .. شكرا ليك
مالك :ولا يهمك
عبدالرحمن : فرصة سعيدة اننا شفناك تانى ونتمنى نشوفك قريب
سامر: ان شاء الله
عبالرحمن ومالك :السلام عليكم
سامر : وعليكم السلام
مالك : انا هاخد عز واسبق البنات بقا
عبدالرحمن : تمام
مالك : يلا يا عز تعالى
خرج مالك وعز باتجاه سيارة مالك فى صمت فهم مالك سكوته واخبره بلطف مشيئة الله وقدرة ونصحه ان يغض بصره عنها ويعف قلبه حتى ييسر الله تعالى زواجهم ويرضيه ويرضي قلبه بها وبحبها وتقبلها عز بصدر رحب فطالما كان مالك سندهم جميعا ....
قامت فاطمة بمساعدة يمنى ثم اتجهوا الى سيارة مالك وانطلقوا فى طريقهم للمنزل...
اما حورية فقامت بمساعدة جوجا واتجهوا بعد قليل الى سيارة شريف وانطلقوا متجهين الى منزلهم ....
في سيارة مالك عم الصمت المكان :
يقود مالك السيارة بشرود فى رد فعل حبيبته وموقفها منه وفى ضحكتها التى اسرته اكثر وظل يردد حديث سري بينه وبين خالقه
كان عز ينظر بشرود من نافذة السيارة يفكر فى كلمات مالك ويدعو الله بصمت ..
اما يمنى من كثرة التعب غفت على كتف فاطمة التى تنظر اليها بحب وحنان وقلق وقف مالك امام منزل فاطمة صعدت ثم اتجه الى منزله حمل اخته وادخلها غرفتها ثم نزل عائدا مع عز مرة اخري الى حيث معاذ ....
فى سيارة شريف كان الوضع مختلف تماما بسبب تلك الاوزعة :
جلست حورية محتضنة جوجا التى نامت من التعب فى اخر كرسي وفى الكرسي الذى امامها هند واروى ويقود شريف بجواره عبدالرحمن
هند : يا حلاوة ياولاه عيشتى يا هند وركبتى عربية من الكبيرة
أروى : لا اله الا الله .. يارب الصبر على مابليتنى
حورية بمكر : بس ياهند لتفضلي سنجل ياروحى
عبدالرحمن ضحك بشدة على كلمت حور نظر له شريف بتساؤل غمز له بمعنى فى وقت اخر
اما شريف كان فكره مشغول بتلك الخجولة التى تجلس خلفه
"هه امال مش خجولة اصبر يا معلم على رزقك بس "
حورية : ساكتة ليه يارورى
أروى : مش كفاية البلوة المتحدثة دى
انفجر الجميع فى الضحك على كلمة أروى بينما نظرت لها هند بضيق ثم تابعت بغرور مصطنع : انتى يا عرة العرر بكرة تعرفى قيمتى لما اتجوز كدا وجوزى يقولى انا من غيرك دنيتى مش فيها حد
حورية :ههههههههههه هههههههههههه هههههههههههههههههه ههههههههه هههههههههه هههههههههههههه هههههههههههه ياربي لااااا مش كدا يارب والله دى امى بتدعي له والله يارب مش بتدعى عليه
عبدالرحمن بصدمة من حديثها لم يستطع ان يتحدث
وهكذا ظلوا طوال الطريق نزلت هند وأروى فى مكان قريب من منزلهم لانهم جيران منذ الصغر واستكمل شريف طريقه الى منزل جوجا ساعدتها حور حتى وصلت الى غرفتها وذهبت مع اخيها باتجاه منزلها صعدت هى الى المنزل بينما ظل عبدالرحمن مع شريف ......
شريف : نروح فين
عبدالرحمن : على المكان المعتاد
شريف :هتلاقى مالك واصحابه هناك اساس
عبدالرحمن : طيب يلا بقا
شريف :طيب اى
عبدالرحمن : اى
شريف : ولاه بلاش استعباط
عبدالرحمن : هههههههههه حاضر بس لما اتأكد هتكون اول واحد تعرف وان فيه خير هتقدم لها
شريف : مبروك يا باشا
عبدالرحمن : اه توه توه عشان مش أسألك مفكر انى مش واخد بالى
شريف : ههههههههه ماشي يا عم اللماح .. لا ياعم ربنا يقدم اللى فيه الخير ولو كدا يبقى نعملها فى يوم واحد ويا سلام بقا لو الفرحة تكمل ومالك يكون معانا
عبدالرحمن : ان شاء الله ... ربنا يقدرلنا جميعا الخير يارب شريف : اللهم امييييييين
ثم انطلقوا فى طريقهم الى ........
وصلوا الجميع الى هناك ظل مالك يحاول ان يخرجهم من حالتهم تلك واستجابوا له ظلوا يمزحون سويا تاركين ربهم يدبر لهم مايراه خيرا لهم
فها هى الحياة لن تبقى على خط مستقيم والا لكانت مملة لابد من تلك التعرجات حتى نستطيع المواجهة
حياتنا تشبه نبضات قلوبنا فان كانت على خط واحد معناها اننا قد فارقنا الحياة فلا بد من تلك العقبات والتعرجات لنحيا .
يتبع الفصل التاسع اضغط هنا
- الفهرس يحتوي على جميع فصول الرواية كاملة :"رواية أحببتك لأنك حلالي" اضغط على اسم الرواية