رواية المصحة البارت التاسع 9 بقلم صوفي محمد ونادية محمد
رواية المصحة الفصل التاسع 9
يحيى : لمياء ممكن تهدى وانا احكيلك كل حاجة
لمياء بنرفزة وصوت عالى : اتكلم يا يحيى محبى اية
يحيى : فريدة مش بنتك يا لمياء
لمياء بصدمة : امال بنتى تبقى مين
يحيى : انتى خلفتى ولد وانا خوفت أنه يورث كل حاجة بعد ما أبوه مات وبدلته فى المستشفى ببنت البنت دى هى فريدة
لمياء وهى ماسكاه من ياقة قميصه : دا انا هخرب بيتك رجع ليا ابنى احسنلك
يحيى : وطى صوتك الناس هتسمعنا
لمياء : بقولك رجعلى ابنى
يحيى : خلاص متقلقيش كل حاجة هترجع زى ما كانت وابنك هيرجع
وبص يحيى لوالد مراد وقاله
يحيى : مراد لازم يرجع لامه الحقيقية
والد مراد : هو انت فاكر انى بقول الخطوبة مش لازم تتم عشان مراد ابن اخوك وفريدة هى اللى بنتى
يحيى : امال اية
والد مراد : لا انا قولت كدا عشان مراد وفريدة اخوات والاتنين ولادى
يحيى بصوت عالى نسبيا : انت كداب وعايز تاخد الولد بس انا مش هسمح أنه يعيش معاك بعد النهاردة ويسبب أمه انا صحيح غلط زمان بس لازم اصلح غلطانة دلوقتى
والد مراد : والله مراد يبقى ابنى يا يحيى بيه
يحيى يخنقه : انت كداب مراد ابن اخويا
والد مراد : يا يحيى بيه انا مبكذبش مراد ابنى وعنده ٣٠ سنة وفريدة عندها ٢٨ سنة يبقى ازاى مراد ابنكوا واحنا بدلناه مع فريدة
لمياء لوالد مراد : ابنى فين انطق
والد مراد : ابنك فى يوم تعب جامد جدا وهو صغير كان عنده حوالى ٣ سنين وانا مقدرتش انى اعالجه وللاسف مات
لمياء بعدم استيعاب : انت كذاب كذاب ابنى فين قول يحيوان
والد مراد : هى دى الحقيقة يا مدام ابنك مات من زمان
لمياء قعدت تصوت وطلعت بره وهى بتصرخ
الكل استغرب
زين : فى ايه يا بابا طنط لمياء مالها
وبعدين لمياء أغنى عليها وطلبولها دكتور وكل المعازيم مشيوا
الدكتور أداها حقنة مهدئة
الكل نزل تحت وسابوها تستريح
فريدة : اية يا عمى اللى حصل ماما مالها
يحيى : لمياء مش والدتك يا فريدة
فريدة : نعم !
يحيى أيوة دى الحقيقة وحكالهم كل الحكاية
مراد بصدمة : يعنى اية فريدة تبقى اختى رد يا بابا
والد مراد : أيوة
والدته مراد : يعنى الواد اللى مات دة ما كانش ابنى يعنى فريدة بنتى انت بدلت بنتى من ورايا
والد مراد : خلاص خلصنا بنتك رجعتلك والموضوع انتهى
ومشى والد مراد ووالدته وخرج مراد وراهم وهو مصدوم ومش مستوعب اللى حصل وفريدة روحت مع والد ووالدته مراد
وطلع يحيى للمياء بعد ما فاقت
يحيى : احنا لسه متاكدناش مش ممكن يكون بيكذب علينا عشان ياخد الولد ويمكن يكون عمر هوا ابنك
لمياء : طب وانا اتاكد ازاى
يحيى : انا هعمل تحليل DNA لعمر ومراد ونشوف مين الصادق ومين الكذاب
لمياء كان عندها امل أنه يطلع حد فيهم ابنها
لمياء : اعمل التحاليل بسرعة ورجعلى ابنى
وتانى يوم يحيى راح لبيت مراد
والد مراد : انت عايز اية تانى قلتلك ابن اخوك مات
يحيى : أهدى انا عايز اتكلم معاك فى موضوع
وافق والد مراد أنه يعمل التحاليل عشان يخلص من الموضوع دة وأقنع عمر ومراد أنهم يوافقوا
وفعلا عملوا التحاليل واتفاجئ يحيى ..
- تابع الفصل التالي عبر الرابط: "رواية المصحة كاملة" اضغط على أسم الرواية