رواية ملاكي البرئ الفصل التاسع 9 بقلم ايمان ياسر
رواية ملاكي البرئ الفصل التاسع
سيف بصدمه : اتقتلت ؟!!
ملك : ايوه زى مبقولك ..منتحرتش صدقنى .
سيف بفضول : طب عرفتى ازاى ..
ملك : شوفتها بعينى ف الحلم حد كان عاوز يقتلها .. و انت بتبصلى كدا ليه .. انت مش مصدقنى !؟
سيف : ملك هنربط احلامك بالواقع .. مين هيصدق الهبل ده .
ملك بزعيق : هبل !! تقصد أن انا بخرف ، لا ي سيف انا متأكدة من اللى بقوله .. عاوز تصدق براحتك مش عاوز انت حر .. ولسه بتمشى رجعت تانى علفكرا بقى انا شاكه ف غاده ..
سيف : غاده ؟! الظاهر كدا إن اعصابك تعبانه بجد ي ملك.. روحى استريحى ف البيت واهدى الاول وبعدين نتكلم
ملك.: سيف انا مش مجنونه ، انا عارفه بقول اى كويس وبكرا هكشف الحقيقه واثبتلك كلامى ده ..وخرجت
سيف قعد ع الكرسى : استغفر الله العظيم .. انا تايهه ومش عارف افكر ف حاجه ، يا رب حلها من عندك ..
"*""
ملك : الو حسن محتاجه اتكلم معاك ف موضوع مهم ..
حسن: ماشى تحبى امتى ،،
ملك : كمان تلت ساعات هكلمك تانى ابقى تعالى عندنا ف البيت ..
حسن : خلاص ماشى وقفل معاها ..
وبعد شويه دخلت واحده كدا شكلها غريب ..
ملك : بتدورى ع حد معين..
فتحيه : الا قوليلى ي شاطره ضكتوره غاده الاقيها فين..
ملك : شاطره ،، اه ع العموم هناك ف الاوضه دى ..
فتحيه : ماشى يختى وسابتها ومشيت ..
ملك : الست دى شكل وراها حاجه اى علاقتها بواحده زى غاده ..
*"*"
فتحيه : ازيك ي ضكتوره .. لسه فكرانى .
قامت غاده من مكانها بصدمه وقفلت الباب : انتى اتجننتى ازاى تيجى ف مكان شغلى .. مش كنا خلصنا من زمان وكل حاجه راحت لحالها ..
فتحيه : اصل لقيتك رجعتى من بلاد برا قولت اشقر عليكى..
غاده : لا والله فيكى الخير. ..اخلصى ي فتحيه جايه ليه،؟!
فتحيه بضحكه : احبك وانتى فهمانى ،، حيث كدا بقى كنت عاوزة 3 آلاف جنيه..
غاده : ليه بقى ان شاء الله مش ااتحاسبنا قبل كدا ..
فتحيه : هو انا مقولتلكيش أصل الفلوس خلصت ، قولت مافيش غيرك وبنظره شر وانا عارفه انك مش هتكسفينى ولا اى ي ضكتره ..
غاده : وطى صوتك ،، طب روحى دلوقتى ونتقابل ف نفس المكان بتاع زمان ع الساعه 7 ..
فتحيه : وماله استنى ،، سلام ..
خرجت من هنا وقعدت غاده : وليه حيزبونه صحيح انا كان اى إللى رجعنى انا ، وخدت حبابه ..
كانت ملك سمعت كلامهم ..
ملك : فلوس اى واى اللى حصل زمان .. دا ممكن يكون ليه علاقه بقتل ساره ؟!؟
"*"*"
ملك : دكتور سيف جوه .. مروه : لا عنده حاله ..
ملك : طب خلاص عرفيه إن هستريح اسبوع وابقى ارجع تاني. هو عارف قوليله بس متنسيش ..
مروه : اوك .. حاجه تانيه .
ملك : خلاص الحقيقه قربت تتكشف ..
مروه : اى اللى هيتكشف؟
ملك: ها لا متخديش ف بالك انا ماشيه ..
"*"*"
ملك طول الوقت كانت بتراقب غاده لحد مبقت الساعه 5ونص وخرجت من المستشفى ،،
اتصلت ملك ع حسن : بقولك اى تعالالى ع العنوان ده بسرعه ..
حسن : مش قولتيلى كمان تلت ساعات ..
ملك : ي بنى اسمع الكلام ومتفرهدنيش متتأخرش بس ..
وصلت غاده ع بيتها , وملك كانت مستخبيه ف مكان قريب ..
بعد نص ساعه كان حسن وصل.. ركبت معاه ..
حسن : احنا هنا بنعمل اى ؟!
ملك: هفهمك ع كل حاجه بس اصبر ..
نزلت غاده .. ملك شدته وطى دماغك بسرعه مش عاوزاها تاخد بالها مننا ..
حسن : والله العظيم انا مش فاهم اى حاجه .. نستخبى من مين ي بنتى .. انتى عليكى طار .
ملك : حسن اسكت شويه خلينا نشوف هنعمل اى ..يلا اطلع وراها ..وهفهمك كل حاجه واحنا راجعين ..
حسن: ي مسهل .
وصلوا ع المكان كان تقريبا شبهه مقطوع وفيه بيت صغير .. دخلت غاده وقفلت وراها ..
نزل ملك وحسن ،، وحاولوا يوصلوا لمكان يقدروا يسمعوهم ويشوفوهم كويس ..
غاده قعدت بهدوء وحدفت رزمه فلوس ع الترابيزه: فلوسك عندك اهى وتانى مره متجيش هناك تانى .. فاهمه .
فتحيه وبتعد الفلوس : فاهمه يختى .. وبعدين هو القتل بالسهل ده ..
حسن بخضه : ينهار اسود قتل اى .؟!
ملك حطت ايده ع بوقه : الله يخربيتك هو انا جيباك تساعدنى ولا تفضحنى ..اخرس .
حسن : لا يعم متفقناش ع قتل .. سرقه ماشى ..خطف معاكى انما قتل ..كدا كتير ..
ملك : مش وقت هزار يبو على .. اسكت بالله عليك خلينا نفهم اللى جايه عشانه ..
حسن بلع ريقه : حاضر .. ربنا يستر ومنحصلهمش بس ..
وكملت غاده : الموضوع ده كان اتقفل من زمان ولحد دلوقتى عدى بسلام محدش يعرف عنه حاجه .. لكن بغبائك هيكشفوكى ..وهتروحى ف داهيه.
فتحيه : وانا لو روحت ف داهيه ، مش هبقى لوحدى عليا وع أعدائى .. انتى عارفه ماليش عزيز .. غير دى وشاورت ع الفلوس ..
غاده : مانا عشان كدا جيت ، تانى مره كلمينى سلام انا ماشيه ..
وبعد ربع ساعه دخل حسن وملك ،،
فتحيه : انتوا مين وعاوزين اى ...
ملك حاولت تجمع شاجعتها : قتلتى ساره ليه ؟؟
فتحيه : ساره مين ..
ملك : اللى دكتوره غاده طلبت منك تقتليها..
فتحيه : ومين غاده دى كمان ..
ملك : تؤتؤ كدا هتزعلينى منك ي فتحيه وانا بقول عنك بتفهمى ..
فتحيه بتذكر : اااه هو انتى اللى كنتى ف المستشفى..
ملك بابتسامه : عليكى نور ، ها ي فتحيه قتلتيها ليه ؟!
فتحيه : وانتى يخصك ف اى ،، خدى الجدع ال معاكى ده واطلعوا بدل متحصلوها..
حسن: لا وع اى سلام عليكم يلا ي ملك دى وليه شرانيه ..
ملك بجمود : بقولك اى اجمد كدا ، انا اصلا هعيط من الخوف هبقى انا وانت ..
ملك حاولت تتماسك : احم هديكى اكتر من إللى هى دفعته وصدقينى انا ف صفك ومش عاوزة اذيكى ،، كل اللى طلباه أن أعرف الحقيقه ليه عملت كدا ..
فتحيه : هى عندك ابقى اساليها ،، يلا من هنا ..
ملك : براحتك بس اما اورى الفيديو ده للظابط ساعتها مش هيبقى فيه فلوس لا هيبقى فيه حبل مشنقه .. وهى لو عليها هتخرج منها وهتبيعك ف لحظه . ع العموم براحتك يلا ي حسن..
حسن بصوت واطى : انتى صورتى فيديو امتى..
ملك : اسكت ي غبى انا بخوفها .. اسكت .
ولسه بيمشوا ،، استنى ..
ملك : ها شكلك فكرتى كويس ..
فتحيه : اى المطلوب منى بالظبط ، واضمن منين أن مش هتحبس ..
ملك بارتياح : متقلقيش اوعدك .. عاوزاكى تحكيلى بالظبط اى اللى حصل وماتت ازاى ..
بدأت فتحيه تقول كل حاجه .. هى طلبت منى إن اقتلها .. ولما سألت ليه .. قالت مش شغلك تنفذى وبس وانا عبد المأمور .. هى قالتلى ع رقم اوضتها دخلت لقيتها بتلم ف حاجاتها باين كدا كانت ماشيه ..
فلاش باك :
ساره : انتى مين .. خلاص انا قربت اخلص مش محتاجه مساعده ..
كانت فتحيه بتقفل الباب وبتقرب منها ..
ساره باستغراب : بتقفلى الباب ليه وانتى مين اول مره اشوفك ..
وفتحيه مش بتنطق بحرف واحد .. وطلعت حبل وحاولت تخنقها بيه .
وكانت ساره بتقاوم ..
ساره : سبينى انتى عاوزة منى اى .. الحقونى وصوتها مش طالع ..
وحاولت تفك نفسها منها .. ولقت الباب مقفول ..
ساره بعياط : عاوزه تموتينى ليه ،، انا عملتلك اى طيب ..
وقربت من الشباك بدون وعى زقتها وطلعت أجرى ومعرفش اى اللى حصل بعدها..
بس فيه حاجه ع مزقتها ونزلت مكنتش لسه وقعت ..
ملك بتمسح دموعها : ازاى يعنى ؟!
فتحيه : اهو دا إللى لحد دلوقتى مش فهماه من لخبطتى انا طلعت أجرى بسرعه قبل محد يشوفنى ولا يكشفنى ..
فات خمس دقائق ولقتها وقعت ..
بعد شويه وصل لملك رساله وفيه فيديو..
حسن : فيديو بتاع اى ده ..
ملك : اصل يوم الحادثه عرفت أن الأوضه دى بالذات كاميرات المراقبه اتشوش عليها كلمت مركز الصيانه وحاول أنه يرجع الفيديو .. وبدأو كلهم يشوفوا ..
وفعلا كان كلام فتحيه زى ماقالت .. بس كانت ساره ماسكه ف الشباك وبتحاول تطلع كانت غاده دخلت ،، وحاولت تشد أيدها .. وفجأة سابتها ووقعت ..
فتحيه بصدمه : يعنى اى !! يعنى انا مكنتش وقعتها زى مقولت .. والضكتوره هى السبب ف قتلها وانا كنت مجرد وسيط..
ملك بعياط : يعنى كانت هتعيش .. وهى السبب ف قتلها ..هى السبب ي حسن .. انا كنت متأكدة من الاول ..
حسن : اى دا ي جدعان دا ولا فيلم اكشن اى ده هو دا بجد ..
فتحيه : وكانت كل مره تهددنى ... المره دى انا إلى هلوى دراعها ..
ملك بجمود : اسمعى من بكرا الصبح ..هتيجى ع النيابه ولازم كل حاجه تتكشف وتقولى ..
فتحيه : مكنش دا اتفقنا .. انتى قولتى عاوزة تعرفى وخلاص ..
ملك بعصبيه : واللى ماتت دى ذنبها اى .. انتى مش هيبقى عقابك زيها هى هتتعدم .. انتى كلها خمس سنين ومش جديد عليكى .. فكرى كويس بدل متلبسيها لوحدك ..هكلمك بكرا
يلا بينا يا حسن ..
خرجوا وركبوا العربيه ..
"*"*"
فتحيه بخوف : انا لازم اهرب انا مش قدهم .. وبدأت تلم ف هدومها ولسه بتفتح الباب لقيت غاده ف وشها ..
غاده : ع فين ؟!
،،،،،،
حسن : هنعمل اى دلوقتى ..!
ملك : بص بعد الحقيقه متكشفت ، الست اللى اسمها فتحيه أكيد مش بالساهل كدا تبلغ عن نفسها .. ممكن تهرب أو تعمل اى حاجه ..
حسن: ولما انتى عارفه كدا سبتيها ليه ؟؟!.
ملك : عشان معانا ده ،، انا سجلت كل كلمه قالتها ومعانا دليل الفيديو..
حسن : لا جدعه .. اظن دول كافيين .
ملك : لا .. فاضل حاجه كمان ودى اهم دليل خلال التلت سنين بعد الحادثه غاده كانت فين وبتعمل اى دا المهم..
حسن : ازاى ؟!
ملك : احنا لازم نعرف كل حاجه عملتها ف الفتره دى ، محتاجين حد يجيب لينا معلومات عنها من اول مسافرت لحد مرجعت..
حسن : حيث كدا عندى واحد صاحبى هيفيدنا اوى متشليش هم ..
ملك : طب كويس .. قريب اوى حقك راجع ي ساره ..
حسن بخوف : ملك .. عاوز اقولك حاجه بس تماسكى .
ملك : ف اى ي حسن؟
حسن: مافيش فرااامل .
ملك بصدمه : بتقول ااااااااااااى ؟!!!!
يتبع الفصل التالي:اضغط هنا
- الفهرس يحتوي على جميع فصول الرواية كاملة: "رواية ملاكي البرئ" اضغط على أسم الرواية