رواية ورطة مع زوجي البارت التاسع 9 بقلم اسماء الكاشف
رواية ورطة مع زوجي الفصل التاسع 9
شديت أسامة من ايده وأنا بتنفس بسرعة من جري الاهبل وبصولي بدهشة
*استاذ أسامة ايه الى جابك قولتها ب*قلة ذوق
ليبتسم بخبث وهو يسمع محمد
- ايه ق*لة الذوق دى يا مسك قالها ليه بنهر وبيبص عليه بغيظ
*قصدى ليه تعبت نفسك وجايب هدايا قولتها بتوتر وبظبط من منظرى قدامهم وعينى على كيس الهدايا فى ايده
^ حاجه بسيطة مش هتدخلينى ولا ايه
محمد بصلي بعصبية ووسعت بإرتباك
*طبعا اتفضل قولتها وببص ليه بتحذير يتكلم عن موضوع القضية دلوقتى والمهمه إلى وافقت انفذها عينيه لمعت بمكر
^ مسك دايما كده يااستاذ محمد متسرعة بس طيبة قالها بهدوء بعد ما قعد على كرسي فى الصالون وانا كالعاده قعد قريب منه وببعت تنبيهات ليه مش عايزه محمد يعرف من حد غيري
- مش هتقدمي حاجه يا حبيبتى قالها محمد بهدوء وبيبص عليه بعينيه إلى شدتنى كالعاده وخصوصا كلمة حبيبتى منه ليها طعم ثاني فوقت على صوته
- هتلاقى العصير في الثلاجة حبيبتى هتعرفى لوحدك ولا أجى اساعدك
* ياريت تيجى معايا قولتها بسرعة ودلع علشان مايقعدوش لوحدهم من غيري هو أنا هبلة يعني ضحك أسامة
^ ربنا يسعدكم هى دايما كده ملبوخة حتى فى الشغل الله يعينك يااستاذ محمد
- محمد بس احنا بقينا اصحاب خلاص
^اكيد يا محمد
ببص عليهم بغيظ العلاقة بينهم زادت استأذنا ودخلنا المطبخ
ذقيته بعصبية على الثلاجة وراه وأنا واقفه قدامه
* انت عرفت أسامة ازاى ها رد عليه وايه إلى عزمة وجابة بيتنا قولتها بعصبية وخايفة إلى حسيته يكون صح ويكون بينهم علاقة شغل ويكون محمد عارف موضوع عيلة الدمنهورى
بقلم أسماء الكاشف
- انتى مهتمية ليه بالموضوع ده
قربت منه ومسكت قميصه بغيظ وهو وراه الثلاجة وأنا قدامه مباشرة
*مش كل سؤال ترد عليه بسؤال منكن افهم ايه إلى بيحصل من ورايا
نفسى زاد مع عصبيتى وهو واقف بكل برود وبيضحك عند النقطة دى اتعصبت أكثر..
*بارد
قولتها بعصبية وسيبت قميصه بإحراج والتفت أبعد عنه لكن قبل ما أبعد لقيته مسك ايدى برقة اتحولت لهمجية لما دفعني أنا ناحية الثلاجة وأماكنا اتبدلت بصيت بصدمة عليه وهو بيقرب وشه مني اوى
*منكن اعرف ايه إلى معصبك من انى اعرفه أو لاء
بعد وشى بصعوبة عنه
- انا انا
*انتى ايه
قالها بهدوء وانفاسه بتضرب وشى قريب لدرجة الهلاك وعينيه بتسحرني بصيتله بتيه وغمضت عينيه لما لقيته بدء يقرب مني وعينيه على شفايفى فضلت مغمضة شوية وحسيت بفراغ حواليه ففتحت عيني لقيته فتح الثلاجه وبيسكب العصير بصلى وهو طالع بشقاوة وغمزلي وخرج وأنا فضلت متنحة خبط رأسى بايدي
*غبية قولتها بعصبية من نفسي ومنه وخرجت الحق ما يمكن إنقاذه
قعد مكاني وكان الاثنين منسجمين وبيضحكو على كذبة محمد ازاى اتخبط في رأسه وحطيت ليه شاش وأنا قاعده على اعصابى
^ بصو بقى كنت عايزكم فى موضوع مهم
قلبى وقع في رجلي وبصيتله بتحذير ومحمد بص عليه بتركيز
^ طبعا تسمعو عن عيلة الدمنهورى المعروفة انها بتاجر فى الآثار فأنا محتاج خدمة منكم انتم الإثنين
- اتفضل طبعا احنا فى الخدمة طالما قضية مهمه ذى دى وتفيد البلد احنا نقدم إلى نقدر عليه
قالها بجدية
- جدع اووى وابن بلد كنت عارف انك راجل بيحب وطنه المهم عايزكم تدخلو وسط العيلة دى على أنكم زوجين أجانب يعنى اجنبي ومراته المصرية علشان شكلك مش اجنبى يا مسك وهتفضحينا قالها بسخرية غاظتنى بس فرحت لانه مابينش انى اعرف اى حاجة عن الاتفاق
بقلم أسماء الكاشف
^ جاين وبتدورو على آثار تهربوها لبلدكم
بدء يحكى طريقة الدخول وكلام كثير صدعني وانا من الأساس ما ركزتش وكنت سرحانة في ابو عيون زرق إلى بدء يشدني ليه كل يوم أكثر من إلى قبله
عايزه ب*وسه يا حلوه قالها بسخرية وانتبهت على انى سرحانه وببص علي شفايفه وماحستش ان أسامة مشي من بدرى
حركت رأسي بدلع واغراء وقربت منه ووو
- تابع الفصل التالي عبر الرابط: "رواية ورطة مع زوجي" اضغط على أسم الرواية