رواية أختي العمياء الفصل التاسع بقلم جيسي سلامة
رواية أختي العمياء الفصل التاسع
في صباح اليوم التالي
يتحدث مالك مع خديجة عبر الهاتف
مالك : خديجة اجهزي هانخرج بليل وصحابي علي وصول دلوقتي
خديجة : ماشي يا مالك سلام عشان تجهز وتكون في استقبالهم
مالك بتوتر : استني كنت عايز اسأل هو يعني طنط ميرفت كلمت مامت عائشه عشان تخرج معانا
خديجة بمكر :ايوه بس مامتها رافضه جدا
مالك بحزن : ليه متحاولي تكلميها انتي
خديجة بمكر : ليه مش مهم تكون موجوده انت هاتاخد بالك مني ولا انت عايز ان هي تكون موجوده
مالك :خديجة بلاش رخامه بقي انتي عارفه ليه
خديجة بابتسامه : بس عايزه اسمعها منك
مالك : ايوه يا خديجة انا بحب عائشه ومش عارف أمته ولا ازاي حبيتها من مرتين بس شوفتها فيهم بس الي اعرفه ان هي ضافت لحياتي لون مختلف ومش قادر اتخيل حياتي من غيرها
خديجة : واخيرا اعترفت متقلقش انا هاساعدك تقول ليها
مالك : وحياتك حاولت اوضح ليها بس صاحبتك غبيه اوي 😂
خديجة : هههههههههه لا هي بتعمل كده عشان تخبي مشاعرها هي كمان
مالك بسعاده : بجد يعني هي كمان بتحبني
خديجة بابتسامه : ايوه
مالك : طيب حاولي تقنعي مامتها بقي
خديجة : هههههههههه هو انا مقولتلكش مش مامتها موافقه من الاول وانا كنت بوقعك في الكلام 😂😂
مالك بعصبيه مصطنعه : احمدي ربنا ان مش قدامك دلوقتي
خديجة : خلاص احنا اسفين يا صلاح، بقولك اي رائيك تعمل ليها مفاجأة انهارده وبعدها تروح تتقدم ليها وبعدها نعمل فرح وبعدها تروحوا شهر العسل وبعدها **
مالك : حيلك حيلك ما تقولي نخلف كام عيل بالمره
خديجة : مالك خلاص انا قررت انت انهارده هاتعترف لعائشه بحبك ليها
مالك : 😂 خلاص نزل القرار وانا لازم انفذ اعمل اي بقي
خديجة : هاقولك *********
...............................................................
عند زين واحمد وخلود في العربيه
زين : منك لله كل ده عشان تجهزوا
احمد : اختك ياعم انت انا مالي
خلود :اي يا عم انت وهو هما ٣ ساعات تأخير مش حاجه الكوكب مولعش يعني
زين : عاااا شللي علي ايدك يا مفترية عليكي ربنا احنا المفروض نكون وصلنا من ٤ ساعات
خلود : أوڤر اوي انت يا زينو
زين لأحمد : شيل مراتك عشان هقتلها وكمان اي كل الشنط دي ده هما يومين ثلاثه جايبين ٤ شنط ناوين تفضلوا هناك 😒
احمد : أنا شخصيا مش عارف بس كل مانسافر بيكون في اكثر من كدا اسأل اختك
خلود : اي يا جماعه انا مرضتش اجيب حاجات كتير عشان عارفه ان احنا مش هانطول
زين : ارحمني يارب
احمد : بكره تتعود لما تتجوز ويجيلك تناحه وتكسب مناعه 😂
زين : هو الي يشوف علاقتكم يتجوز بعدها
خلود :مالنا يا اخويا مااحنا كويسين اهو وبنحب بعض مش انت بتحبني يامودي
احمد : طبعاً ياروحي
زين : جتكم القرف علاقه تقرف
خلود : عدو النجاح
زين : يا شيخه انا اتشليت منكم عقدتوني اكثر ما انا متعقد
احمد : العانس بيلبسها فينا بكره يا اخويا قلبك ميكنش ملكك ونشوف حالتك هاتكون عامله ازاي
ويعم الصمت في السياره
زين في داخله : ومين الي قال ان قلبي لسه متسرقش
............................................................
يصل زين واحمد وخلود ليستقبلهم مالك
مالك : حمدلله على السلامه
ليردوا عليه : الله يسلمك
احمد : احنا هانطلع نرتاح فوق شويه
مالك : تمام بس متنساش هانخرج بليل
احمد : اوكي
ليصعد احمد وخلود ويبقي مالك وزين
زين : اخبار الصفقه اي
مالك : ايوه كل حاجه تمام
زين : أشطا انا هاطلع ارتاح شويه
مالك : ماشي بس عايزك تساعدني عشان بجهز حاجات كده
زين : تجهز اي
مالك : أخبر مالك زين بما يخص عائشه
زين : الف مبروك مقدماً يا صاحبي ربنا يتممها علي خير
مالك : الله يبارك فيك يا صاحبي يلا اطلع ارتاح بقي
زين : تمام سلام
مالك : مع السلامة
...............................................................
في فيلا المنشاوي
تتحدث رقيه في الهاتف مع الشخص الموكل بمراقبه مالك في الإسكندرية
الشخص : **************
رقيه :اي عايز يتجوزها
الشخص: ***********
رقيه : اسمعني كويس البنت دي لازم تموت انهارده
الشخص :*****************
رقيه : ماشي هدفعلك الي انت عايزه
..............................................
في المساء/ في بيت عائشه
عائشه : ماما انا هاخرج انا عشان لسه هاروح لخديجة
نيفين بقلق ( ام عائشة) : ماشي يا بنتي ابقي خلي بالك من نفسك
عائشه : حاضر بس مالك يا ماما
نيفين : مش عارفه قلبي مقبوض ووجعني اوي
يا بنتي
عائشه : خير يا حبيبتي متقلقيش خوشي ارتاحي شويه وصلي ركعتين وانتي ترتاحي شويه ان شاء الله
نيفين بدموع : يوسف وحشني اوي يا عائشة
عائشه : يا حبيبتي يا ماما والله وحشني او انا كمان وعمري ما نسيته خالص بس ده قدر ربنا ولازم نصبر ونقول الحمد لله على كل حال
نيفين : الحمد لله، وهي تمسح دموعها يلا يا بنتي روحي انتي عشان متتاخريش انتم هاتروحي فين الأول
عائشه : هاروح اخد خديجة بتقول اخوها باعت العنوان في رساله ليها هاخدها ونروح عشان اخوها مش هاقدر ياخودنا
نيفين : ماشي يا حبيبتي يلا روحي عشا
ن متتاخريش
خديجة : ماشي مع السلامة يا حبيبتي خلي بالك من نفسك
نيفين : حاضر، توصلي بالسلامة
عائشه : الله يسلمك مع السلامة
......................................................
في غرفه هايدي تتحدث في الهاتف
هايدي : حاضر هاحاول اعمل كده
المجهول : *************************
هايدي : لا متقلقش كل حاجه هاتكون تمام
المجهول : ************************
هايدي بابتسامه : لازم اعمل كده
المجهول: *****************
هايدي : ربنا يخليك ليا
المجهول :
هايدي : مع السلامة
.....................................................
عند خروج عائشه من منزلها تأتي سياره في اتجاه عائشه وتقف امامها وينزل منها بعض الرجال ليسحبوا عائشه لداخل السياره وتسمع احدي الرجال يتحدث في الهاتف
الرجل : كل حاجه تمام يا باشا.......
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية أختي العمياء" اضغط على اسم الرواية