رواية نور وجني الأحلام الفصل التاسع بقلم نجلاء محمد عبدالله
رواية نور وجني الأحلام الفصل التاسع
- تميم يا تميم ! راح فين الجني دا هو استقال فعلا ولا إيه ! تميم
جلست نور طول النهار تنتظر أن يأتي ولم يأتي ابدا فظلت وحيدة تبكي حتى أتى الليل وخرجت للبلكونة لتسهر قليلا فوجدته جالس ارضاً وبيده النسناس
— مساء الخير على الناس السهرانة !
- ايه ال جابك ؟!
— اه انت زعلانة عشان مكنتش موجود طول النهار !
- مين قال كدا ولا يفرق معايا
— بجد ! ماشي براحتك
ساد الصمت لثوان وتميم مازال يحرك لعبته يميناً ويساراً
- تميم !
— أيوة في حاجة
- أنت ممكن تمشي ومنتقابلش تاني ، وجودك يفرق معايا ، أنت صح مجرد وهم في خيالي بس !....أنا مليش اي أصحاب! بهرب من الواقع بأحلامي بس كمان أحلامي اتشوهت مش فاضل غيرك انت ذي نجمة وحيدة بتنور ظهرتلي فجأة وسط غيوم حياتي!
— بس مش همشي غير لما تكوني مش محتجاني في حياتك
- إذا للأبد
— طبعا انت منتظرة اني اقولك حتى تحترق النجوم وتفنى العوالم بس دا مش هيحصل
- أنت رخم
— نور اوعى تنسي اني موجود لأنك عاوزة كدا ، أنا موجود لان جزء من أحلامك ناقص ، أنا موجود عشان نرجع نور تضوي من جديد ، أنا هنا وهفضل طول ما انتي محتجاني تمم
- تمم
— كنت عاوزة اقولك على حاجة!
- ايه
— تعالى معايا
أخذها تميم حتى وصلوا لدولاب ملابسها
- تميم أنت جايبني هنا ليه ؟
- افتحي بس الدولاب
ففتحت لتصرخ من الفزع وسمعت والدتها صوت صرختها
# نور يا بنتي أنت كويسة
- لا يا ماما مفيش كان في صرصار ودخل تحت الدولاب
# حرام عليك خوفتيني طب متسهريش لمتاخر
- حاضر
وعندنا خرجت الأم
- مين ال في الدولاب دا !
—جدي ! افتحي بقا الناس زعلوا مني
- يخربيتك
فتح تميم الدولاب مرة أخرى وبدأ يعرفها على من معه
— اتفضل يا جدي وخد جدتي معاك يلا بسرعة
- اهلا يا جدي منور
— بابا ، ماما عمتي خالتوا يلاا ادخلوا منورين والله
- عمتو ! تميم دي ال اخدت الفستان بتاعي !
— أه كان عندها فرح ولبستوا معلش بقا الاهل لبعضها ،
يلا يا صافيا، عماد يلا ادخلو
- مين دول ؟
— اخويا وبنت خالتي
- هما منورين وكل حاجة بس اي سبب الزيارة الكريمة
# اي يا حلوة مالك زعلانة كدا ليه مش كفايا مرمطة الواد معاك
‐ تميم الحقني دي هتضربني
— اهدى يا عمتو احنا ضيوفها بردو
# ما أنت مش شايفها بصالنا إذاي بدل ما تجبلنا عصير ولا حاجة نشربها احنا طول النهار محبوسين في دولابها الصغير حتى لبسها شبهها ولا فستان حلو ولا بلوزة أحضر فرح بنتي بأية دلوقت !
- طول النهار يعني اي كلامها دا وبعدين هى بتقرب من لبسي ليه ؟!
— بلاش تنفعلي وتعملي حاجة تندمي عليها
- تميم ما تخلص
— أصل أنا طول النهار كنت مخبيهم في الدولاب ، وأنا كنت في المطبخ بحضر هدية!
- وحضراتهم هنا ليه وانجز عشان على اخرى !
# متهدي يا عروسة مالك كدا
- والله اجيبك من شعرك يا بنت أنت أنا من آخر مرة مش حباك والله اقوم اضربك!
— اهدو يا جماعة بقا متتكلمي يماما بقا عاوزين ننجز
نظرت والدة تميم لنور وقالت : الصراحة يبنتي احنا جاينلك في خدمة !
- اتفضلي يا طنط
# احنا عاوزينك تكوني معانا واحنا بنخطب لتميم
- نعم !
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية نور وجني الأحلام" اضغط على اسم الرواية