رواية المغامرة المجنونة البارت العاشر 10 بقلم حنين عادل
رواية المغامرة المجنونة الفصل العاشر 10
هنا: خلاص ما عتش قادرة 😭
ريم: اهدي ياحبيبتي طلعت اهي ..
بتطلع ريم الرصاصه وبتلزق السكينه مكانها فابتصرخ هنا بصوت عالي وبتعيط وبيغمي عليها .
بتحط ريم السكينه جمبها وبتمسح عرقها وبتغطيها .
ريم : ارتاحي يا هنا انت تعبتي كتير بس وحياة دموعك دي لنجيب حقنا منه ومن الدنيا كلها ..
.....................
قدام البحر ..
جاسر بدموع : انا كنت متشعبط في الحياة عشانك كان نفسي اقابلك واحكيلك عن كل حاجه احكيلك اني اتجرحت كتير مش من ريم لأ من قبل ريم بكتير من ام جابتني علي الدنيا عشان اتعذب لما اشوفها من وانا عيل صغير كل يوم في حضن واحد شكل ومش هاممها شكلها في نظري ونظر الناس اللي ابويا مات لما شافها في منظر زباله مع واحد مع انه ما كانش مقصر معاها في حاجه كان يتمني ليها الرضا ترضي كان طالع عينه في الشغل عشان يقدر يكفي طلباتها اللي ما بتخلصش بابتسامه وعمره ما اشتكي اللي لما شافها ما تحملش جاله سكته قلبيه خلتني انسان معقد مش بيثق في حد ولا بيصدق حد ..
هنااااااااااا بصراخ ..
.....................
في الصباح ..
ريم : صباح الخير يا مدام R
هنا : مدام R ايه بقا ..
ريم : انت عمله ايه دلوقتي
هنا: الحمد لله هوا انتي قلتي لأستاذ طم....قصدي لجاسر ايه ..
ريم: قلت له انك موتي .
هنا: ايه .
ريم: صدقيني كده احسن كان هيكشفنا بس موتك بالنسباله هايضيعه ويوتره لانه شكله بيحبك
هنا بابتسامه : ايه بيحبني
ريم : وايه اللي فرحك كده .
هنا: ولا حاجه ولا حاجه .
ريم: هنا انتي اختي اختي التوأم يعني كنا في بطن واحدة وانا اكتر واحدة افهمك صدقيني جاسر انسان مش طبيعي ومش كويس زي ماانتي شايفاه اظن انا قلتلك فترة معرفتي بيه كانت ازاي كانت بتستنزف كل طاقتي عشان كنت بحبه كنت بموت نفسي بالبطيئ ده سابني عشان كنت قايلاله هاروح مواصلات وواحد زميلي روحني لاني ما لقيتش مواصلات زقني قدام عربيه بدم بارد ومشي انتي تفتكري دي واحد تأمني علي حياتك معاه .
هنا: لسه بتحبيه يا ريم
ريم: ما كرهتش في حياتي حد قد ما كرهته ..
...............
البواب: استاذ جاسر استاذ جاسر
جاسر بيصحي من نومه علي ايد البواب وهو بيصحيه بعد ما نام علي الاستراحه .
البواب: ايه اللي نيمك هنا يا بني كده هتتعب
جاسر: راحت عليا نومه هنا اعملي قهوه يا عم عبده
البواب: جاهزه يابني هاروح اجبها
جاسر عدل في شعره وبيبص تجاه البحر لقي شاب بيشوفه كتير..
جاسر قرب منه ..
جاسر: انت بتدور علي حد .
بيلف الشاب وشه وبيكون عامر..
عامر: ايوه بدور علي حبيبتي
جاسر: حبيبتك وضاعت منك ازاي وليه بشوفك هنا بتبص علي العمارة علطول .
عامر: مستنيها يمكن ترجع
جاسر: ليه هيا كانت ساكنه في العماره
عامر: ايوه كانت ساكنه بس ما قعدتش كتير
جاسر: انا صاحب العماره اوصفهالي ممكن اعرفها
عامر: دي حاجه فوق الوصف انا هاوريك صورتها
جاسر: تمام
عامر بيطلع الصوره وبيديها لجاسر ..
جاسر بصدمه: هنا
عامر: انت تعرفها .
جاسر : ايوه اعرفها
عامر: طب هيا فين مكانها فين قولي ارجوك
جاسر: للاسف هنا تعيش انت
عامر: ايه ..وفجأه حس بدوخه ..
جاسر: استهدي بالله يا استاذ يا استاذ
جاسر حاول يفوق فيه وقعده علي الاستراحه
عامر: وعرفت ازاي
جاسر: عرفت ...
عامر: مستحيل تكون ماتت انا شوفتها .
جاسر: ممكن تكون شوفت البنت اللي شبهها
عامر: هوا في بنت شبهها .
جاسر: ايوه في بنت اسمها ريم .
عامر: ايوه هيا قالت انها اسمها ريم طب تعرف عنوانها
جاسر: صدقني اللي بتعمله مافيش منه فايده
عامر: ارجوك انا متأكد ان هنا ما متتش اديني عنوان البنت اللي شبهها دي مع اني حاسس انها هنا ..
جاسر: اللي يريحك العنوان ********
عامر قام وقف بسرعه
جاسر: استني شويه لما ترتاح ..
عامر: مش هارتاح غير لما الاقيها ..
مشي عامر وساب جاسر محتار .
جاسر لنفسه : ياريت تكون لسه عايشه بس ياتري هيا كانت بتحبه ولا لأ .
..............
هنا : كفايه بقا يا ريم مش قادره
ريم : كلي يا هنا لازم تعوضي الدم اللي نزفتيه
هنا: يابنتي بطلي افتري بقا انتي ماكلاني فرخه كفايه بقا هانفجر من الاكل.
ريم مسكت حته فايدها: خلاص اخر حته
هنا: دي من اخر عشرين حته
ريم : اسمعي كلام مامي يا بنت
هنا: ربنا يرحمها يا رب
ريم : انتي هتعيطي وهاتقلبيها غم بقا طب علي الاقل شوفتيها انا ماشوفتهاش المفروض اقلبها مناحه بقا
هنا: مش اي حد عنده القوه اللي عندك يا ريم
ريم : احسديني بقا علي حبه القوه اللي عندي
هنا: ههههههه
ريم: ايوه اضحكي كده ما حدش واخد منها حاجه .
لييييه يا هنا
هنا وريم بيبصوا علي مصدر الصوت ..
هنا بصدمه: عامر ..
ريم: انت 🤨..
- تابع الفصل التالي عبر الرابط: "رواية المغامرة المجنونة" اضغط على أسم الرواية