رواية حب ورد البارت العاشر 10 بقلم اية هلال
رواية حب ورد الفصل العاشر 10
ورد : نوران ! انت واقف معاها ليه ؟
ادهم :عادي ياورد مدرسة جديدة وبتعرف عليها هو انتي تعرفيها ؟؟
ورد وهي بتجز علي سنانها : لا ابدا يامستر معرفهاش ... معلش يامس ممكن اتكلم معاكي علي جمب
نوران : عن اذنك يامستر ادهم اشوف ورد عايزة ايه ...اه احنا لسة مكملناش كلامنا
ورد اخدت نوران علي جنب
ورد :بقا هو هيحبك كده لما تيجي هنا وتتدعي انك مدرسة كده هيحبك يعني ..
نوران :ادعي ان انا مدرسة مانا اصلا مدرسة يابنتي انا مش فاهمة انتي مالك بس واحدة وبترجع خطيبها تاني انتي ماااالك
ورد : بقا كده انا مش هرد عليكي عشان واثقة في ادهم واستحالة يحبك اصلا
ورد رجعت لادهم تتكلم معاه
ورد : هو حضرتك عندنا في الحصة الكام يامستر ادهم
ادهم باستغراب :حضرتك ؟ ومستر ؟
ورد :اه يامستر هو في حاجة ولا ايه انا قولت حاجة غلط
ادهم :هو انتي بتتقلي عليا ولا ايه
ورد :هو انا بيضة عشان اتقلي ؟؟
ادهم بضحك :انتي فهماني كويس انتي مقموصة صح
ورد وهي بتبص علي نوران :جميلة اوي مس نوران دي صح يا مستر ادهم حلوة اوي وعنيها حلوة وشعرها احلي وملامحها احلي واحلي
ادهم :وانا مالي بيها حميلة ماشاءالله بس انا مالي انتي بتوقعيني في الكلام صح
ورد :ابدااا اطلاقاااا عن اذنك
ادهم :استني رايحة فين لسة الحصة مبدائتش
ورد : لا هسيبك تكمل كلامك مع مييس نوران
ادهم :يادي مس نوران هي مديقاكي في ايه بس بتغيري مثلا لو بتغيري لا حقك والله
ورد :لا مبغرش هغير ليه وعلي ايه
ادهم :انتي جايباني تهزئيني طب انا ماشي
ورد ببرود :اوكي متتاخرش يا مستر علي الحصة اي ويل ويت يووو
ادهم :يابرودك خارجة من التلاجة وجاية المدرسة
ورد :سوري لازم انا الي امشي عشان محدش يفهمني غلط واناواقفة معاك يامستر ادهم سلام
ادهم بعد اما ورد مشيت :نفسي كده امسكك كده وتخلصي ثانوية عامة عشان نتخطب يخربيت الحظ
دخلت ورد الفصل وتقريبا كان نصه مش موجود
عاليا :الي انا شيفاه ده بجد جيتي امتي يادود ومقلتليش ليه دي احلي مفجاه والله العظيم
ورد :مش وقته يا عاليا انا متخلبطة خالص ومش عارفة اعمل ايه
عاليا :مالك بس في ايه حصل جديد مع ادهم
ورد :المشكلة مش في ادهم المشكلة في خطيبة ادهم
عاليا : نعممم طلع خاطب مش المرة الي فاتت كانت مزيفة ولا ايه الي حصل
ورد حاكتلها كل حاجة
عاليا :اكيد البت دي بتكدب انتي صدقتي وخلاص وبعدين مش انتي قولتي انه بيحبك قلقانة ليه بقا
ورد :انا مكنتش متخيلة انها تيجي لغاية هنا عشان تخليه يحبها بس انا مش هسمحلها ابدا بكده وهنط عليها كل شوية ومش هديها فرصة تقف تتكلم معاه ابدا
عاليا :ايوا كده خليكي قوية وانا متاكده انها بتكدب متقلقيش ياروحي
ورد :ربنا يستر ...علينا ايه دلوقتي
عاليا :امممم ورانا عربي بعد كده انجلش وبريك وحصة ادهم بعد كده رسم ثم اخر حصة كميستري
ورد : ومين ان شاء الله الي هيدينا كمياء بعد مستر اشرف
عاليا :استني اقوم اشوف ...اسمها نوران
ورد :يوووووووه يادي النيلة
عاليا : هي دي خطيبته الي مش فاكرها ؟
ورد :ايوا جاتلي برجليها.....
عند ادهم في اوضة المدرسين
نوران :مستر ادهم هو حضرتك مرتبط ؟ خاطب او حاجة
ادهم :هو سؤال شخصي شوية بس لا مش مرتبط
نوران :انا سعيدة جدا باني هشتغل معاكم بالذات حضرتك يامستر ادهم
ادهم :نورتي يامس نوران المدرسة . لازم امشي عشان ورايا حصة عن اذنك
نوران :ماشي يا ادهم بس انا مش هيأس وهترجعلي زي زمان ياحبيبي والبت ورد دي هنهي وجودها من علي وش الارض
خرج ادهم لحصته ونوران بتغلي في المكتب هتموت وترجع لادهم وورد باردة في فصلها بس الي هي متأكدة منه حب ادهم ليها
وقت البريك
خرجت ورد تراقب نوران عشان متقفش مع ادهم ثانية
عاليا :مالك يابنتي واقفة كده ليه مش هتاكلي حاجة
ورد وهي مركزة :لا كلي انتي انا براقبها
عاليا : اااه ربنا يستر عليها
ورد : طيب امشي كده عايزة اشوف كويس
نوران لسة رايحة تتكلم مع ادهم
ورد : مستر ادهم عايزة حضرتك تحللي المسئلة دي
نوران :مينعش ياورد تخليها وقت تاني ؟ احنا في البريك يعني روحي العبي ولا اشتري حاجة حلوة او اقلك هاتي كلبظ
ورد تجاهلت كلامها وبكل ثقة وجهت كلامها لادهم : ها يامستر حضرتك فاضي تحللي المسئلة دي
ادهم : ايوا طبعا ياورد فاضي تعالي بس في حتة مفيهاش دوشة تعالي في الفصل ده
ورد بابتسامة :شكرا
ادهم : اوكي تعالي وانا هسبقك اجيب شاي واجي وراكي .. عن اذنك يامس نوران
ادهم مشي
ورد : انا انضج من اني ارد عليكي بكلام همجي او سوقي كل الي اقولهولك انك مش صالحة ك مدرسة من اساسه واحب اقولك اني اعقل منك بمراحل اه صحيح انا بحب الكلبظ جدا هجيب انا وادهم تحبي اجبلك معانا ؟
ورد سابتها ومشيت ونوران وشها بقي احمر ولسانها وقف عن الكلام بس كل الي في دماغها بتكره ورد وبتحب ادهم ونفسها تفرق بينهم باي طريقة ....
دخلت ورد الفصل عند ادهم ومعاها قلبظ : خد كل معايا
ادهم : فين يابنتي المسئلة الي عيزاني احلها ؟!
ورد وهي بتاكل : لا مفيش مسئلة انا عملت كده عشان متتكلمش معاها
ادهم قاعد علي كرسي رجع لورا :ااااه ده الغيرة بتزيد كل شوية بقا
ورد ببرود : اها ومغرش ليه معنديش فيلنجس
ادهم :انا اصلا مش مرتاح للي اسمها نوران دي كويس والله انك بتنقذيني منها
ورد :عد الجمايل بقا
ادهم : لا ده انا هعد الشهور عشان اجي اتقدملك
ورد ابتسمت
وهما كده دخلت عليهم المديرة
المديرة : الطالبة ورد متقدمك فيكي شكوة وتم رفدك من المدرسة نهائيا
ادهم وورد بصوا لبعض بصدمة وورد ابتدت تدمع
- تابع الفصل التالي عبر الرابط: "رواية حب ورد" اضغط على أسم الرواية