رواية حب حادق الفصل العاشر بقلم نسمه مالك
رواية حب حادق الفصل العاشر
بعد مرور اسبوع.......
..قلبى مبقاش ملكى..عمر امتلكنى كلى ...حبيته وعشقته رغم كل اللى عمله واللى بيعمله معايا..كنت ديما اسمع ابويا الله يرحمه بيقول... حبيبك يبلعلك الزلط وعدوك يتمنالك الغلط...وانا عندى استعداد ابلع كل الزلط اللى عمر بيحدفنى بيه..قدرى اقع فى حب❤المقدم عمر شهاب الدين❤مش بس وقعت فى حبه دا انا كمان بقيت مراته وحامل منه❤اينعم هو رمى عليا يمين طلاق..لكن انا عمرى ما هبعد ولا هتخلى عنه...انا عارفه انه بيحبنى يمكن اكتر ما انا بحبه كمان...هفضل وراه بقلبى وحبى وهستحمل كل حبه الحادق لحد ما يعترف بحبه ويسلمنى قلبه وسعتها هدوقه الحب الحلو❤من ساعه ماقالى انه ابن صاحب المول اللى انا بشتغل فيه وانا معرفش عنه حاجه..بعترف انى غبيه ازاى افتكرت انه بيشتغل فى المول بكل الشياكه والحلاوه اللى هو فيها دى...بقالى اسبوع منمتش فى حضنه واحشنى اوى اوى بروح شغلى يمكن المحه هناك محولتش اسأل عليه المهندس شهاب ممكن يعرف ان فى مشكله بنا وانا مش عايزه اى حد يدخل بنا بزور ماما زى ما كنت بزورها بعلمه مرتين فى الاسبوع...وأدينى قاعده فى بيت جوزى مش هسيبه رغم انه طردنى منه قبل ما يمشى وقالى عايز لما ارجع تكونى مشيتى..لكن انا املى فى الله كبير وان شاء الله يرجعلى ويردنى انا واثقه من حبه ليا وشيفاه فى عيونه بس هو حبيبى حبه حب حادق🌶🌶
//////////
شهاب:ممكن ادخل؟؟
نجلاء:طبعا ممكن انت بتستأذن تدخل اوضه فى بيتك ياشهاب!!!قرب منها ساند على عكازه ووقف قصدها يبصلها بعشق..
شهاب:دا بيتك انتى يانجلاء..بيتك انتى وانا اللى ضيف فيه واخيرا رجعتى نورتيه تانى..
نجلاء:رفعت عيونها اللى اتملت بالدموع وبصتله بخجل شديد...لسه بتحبنى بعد كل اللى حصل واللى انا عملته ياشهاب؟؟!!
شهاب:قرب ومسك ايدها وباسها بعشق....ولو عملتى اكتر من كده يا روح شهاب هفضل احبك..انتى مالكه قلبى يا ام عمر.
نجلاء:سامحتنى على كل السنين اللى بعدت فيها عنك..انت عارف غصب عنى والله انا بشر...لتبكى بنحيب..قلبى بيتقطع على عمر ياشهاب مش عارفه هيسامحنى ولا هيفضل طول عمره يعاقب مراته على غلطتى انا...
شهاب:قرب منها وخدها فى حضنه وهى مابعدتش عنه زى كل مره ودا فرحه جدا..انا مسامحك يا حبيبتى ...وعمرى ما ازعل منك..انتى اللى متزعليش منى انا حبيتك اوى و عملت المستحيل علشان اتجوزك...واطمنى عمر هيبقى كويس هو مش زينا ندى بتحبه اوى ومش هتسيبه ابدا انا متاكد..لكن انتى سبتينى علشان مش بتحبينى او يمكن انا معرفتش اخليكى تحبيبنى بس مقدرتش اطلاقك يا نجلاء مقدرتش كفايه عليا تفضلى مراتى حتى لو على ورق انا راضى بأى حاجه منك...
نجلاء:تبكى بحرقه وتشدد من احتضانه اكتر....واحشتنى ياشهاب.
شهاب:انتى قولتى ايه وحشتك انا سمعت صح ولا غلط.
نجلاء:سمعت صح واحشتنى اوى.
شهاب:رمى العكاز من ايده وشلها رفعها من على الارض لحضنه بفرحه عارمه...حبيبتى انتى اللى واحشتينى واحشتينى اوى يا نجلاء..
نجلاء:شهاب نزلتى علشان رجلك.
شهاب:رفع راسه لوشها وبدأ يبوسها من خدودها...انا مرتاح كده وعندى استعداد اشيلك فى حضنى كده لحد ما اموت..
نجلاء:هى مش بتوجعك امال ماسك العكاز اللى كان فى ايدك دا ليه؟؟
شهاب:دا علشان اضرب بيه الواد عمر هههههه الواد طلعلى بالظبط بيعمل كل نصيبه ونصيبه بيجننى انا مش عارف انتى استحملتينى 13 سنه ازاى.
نجلاء:انت اللى استحملتنى ياشهاب واستحملت دلعى عليك..كنت اضربنى ياشهاب انا استاهل الضرب لأنى مشفتش كل حبك دا وبصيت تحت رجلى وانى مغصوبه على جوازنا اللى طلع احلى واحسن حاجه حصلتلى فى حياتى انا اسفه..اسفه يا حبيبى على كل حاجه.. لتضمه لحضنها وتغرق معه فى بحر حبه لها تحاول تعويضه عن بعدها وحرمانه منها سنوات...
//////////
مدريه امن القاهره...
مخبر:تمام يا عمر باشا المدام اللى مكلفنا بمرقبتها مسبتش العماره اللى قاعده فيها بتروح شغلها فى مول وبترجع المغرب وراحت تزور واحده مرتين فى الاسبوع لما سألنا على اللى بتزورها طلعت مامتها ومبتروحش فى اى مكان تانى غير مره واحده للسوبر ماركت القريب من البيت ومحترمه جدا رغم كميه المعكسات اللى بتتعكسها لكنها زى الألف ولا بترد على حد ولا بتكلم حد غير واحده معاها فى المول اسمها سهى ودى كمان طلعت نفس اخلاقها تأمر بأى حاجه تانيه عمر باشا...
عمر:لا تمام كده عنيكو عليها واى جديد تبلغنى بيه على طول..لينصرف المخبر من امامه بعد القاء التحيه العسكريه ويعتتدل فى جلسته بفرحه وكبرياء وغرور ويحدث نفسه...بقى كل اللى عملته معاكى وعملته فيكى ولسه قاعده فى بيتى مستنيانى ياندى واحده غيرك كانت ماصدقت تخلص منى...ليتحدث بألم..غيرك سابت ابويا رغم حبه وعشقه ليها سبته سنين يتعذب لوحده فى بعدها ويمكن كان مات لو انا كنت مشيت معاها زى باقى اخواتى...لكن انتى يا ندى انا طلقتك وانتى اللى عيزانى اردك بعد كل الوجع اللى سببتهولك ليه يا ندى ليه تستحملى كل دا... ليعود بذاكرته ليوم زفافهم...
فلاش بااااااااااك
بيحضنها بكل قوته وايده بدأت تتحرك على ضهرها ومنحنياتها وكأنه اوشك على فقدان عقله من قربها ورائحتها المسكره وهى بتهمس فى اذنه بدموع.
ندى:كنت متأكده انك هترجعلى.لينتبه لصوت عمها.
علام:الف مبروك ياولاد ربنا يسعدكم ويفرح قلبكم ببعض يله ياام ندى حضرى العشا للعرسان.
عمر:بيحاول يسيطر على مشاعره ونزل ندى من حضنه بهدوء لكنه مبعدهاش عنه..احححم لا عشا ايه احنا هنتعشى انا وندى فى بيتنا مش كده ياندى..
ندى:بخجل شديد وتوتر.اححم احححم بيتنا ايه لا دا كتب كتاب لسه مش جواز..
ام ندى:لا تاخدها ايه ياعمر يابنى انا عايزه افرح ببنتى الوحيده واشوفها بفستانها الأبيض..
علام:اهدى يا ام ندى واسمعى جوز بنتك قالى ايه هو عايز مراته معاه شقته جاهزه من كافه شئ واستأذنى اننا نعتبر انهارده الحنه وبكره بأمر الله هيكون الدخله وبنتك هتلبس فستانها الأبيض وتفرحى بيها وكل اللى انتى عيزاه ها ايه رأيك يا ام ندى وانتى كمان ياعروسه ايه رأيك..
ندى:انا مش عايزه فرح....لتتجمع الدموع بعينها بغزاره ليقربها عمر لصدره اكثر محاوط خصرها بيده ويده الاخرى ممسكه بيدها يقبلها بعشق...مش هعمل فرح وابويا لسه مكملش 4شهور على وفاته..
ناديه:تبكى بحرقه..ومين سمعك يا بنتى الله يرحمك يا ابو ندى ويصبر قلبى على فراقك اللى ندى عيزاه هنعملو عايزه ايه يا ندى...ليقترب منها عمر بجرائه امام اعين عمها ووالدتها ويضمها لحضنه بالقوه مره أخرى واضعا جبهته على جبهتها رغم محاوله فرارها منه وخجلها الشديد..
عمر:هتلبس احلى فستان وهاجى اخدها بكره بأذن الله وهعملها احلى زفه ونعمل سيشن تصوير ياام ندى ونروح على بيتنا بعد اذن حضرتك عمى علام..ها ايه رأيك يا مراتى ليغمز لها بعينه..
ندى:بصوت هامس يكاد يكون مسموع من شده خجلها...موافقه..
علام:يبقى على بركه الله وبالنسبه لجهاز بنتنا انت قولت ان شقتك جاهزه يابنى وفلوس جاهز ندى برضو جاهزه ليقطعه عمر بحزم بعدما افلتت ندى من بين يديه بأعجوبه..
عمر:عمى علام ندى بقت مراتى وانا مضيت على بياض ومش عايز اى حاجه غيرها وبس..ليشعر بيدها تتمسك بقميصه الأبيض بشده....ويقترب علام يقبل رأس ندى ويهمس لها بأذنها ليكى منى 50الف زى بناتى تمام دول كانو لجهازك هحطهم بأسمك فى البوسته والله يابنتى لو معايا اكتر ما هتأخر عليكى..لتبكى ندى بنحيب شديد وتحتضن عمها وتتحدث من بين شهقاتها..
ندى:ربنا يخليك لينا ياعمى طول عمرك حنين بس انا مش عايزه حاجه خلى الفلوس ل هبه و هناء هما احق بيها منى..
علام:دى فلوسك وخلاص خرجت من زمتى بأسمك اعتبريهم نقطتك ومتخفيش على اخواتك انا عينلهم حقهم زيك بالظبط ربنا يستر عرضكم وعرض الولايه كلهم يارب..يله ياام ندى العشا للعرسان..
عمر:وهو يلتقطها من يد عمها..لا ياعمى معلش خلى اول عشا مع مراتى يكون فى بيتنا انا هامشى على طول علشان احضر للزفه وهبعتلها كذا فستان هنا تختار منهم اللى يعجبها واشوف اى حاجه ناقصه واعملها...
ام ندى:عدم لمؤاخده ياعمر يابنى الا مشفتش حد من اهلك..
عمر:اححم اه انا بعتذر نيابه عنهم اخواتى وأمى مسافرين وانا ووالدى فى سوء تفاهم بنا وبأمر الله فى اقرب فرصه هعرفكم عليهم بس لما والدتى واخواتى يرجعو من السفر..
ليقبل ندى من وجنتيها ..انا همشى انهارده لوحدى وهاجى اخدك بكره..لينصرف ويترك العروسه لوالدتها التى قامت بتجهيزها كعروس على اكمل وجه وجاء اليوم التالى سريعا...واختارت ندى من مجموعه الفساتين الذى ارسلها لها عمر فستان رقيق بحجابه فى غايه الرقه والرقى فكانت رائعه الجمال واخيرا وصلت بيتها برفقه زوجها...
ندى:بخجل وتوتر وفرحه وخوف ايضا.ممكن تسبنى اغير واتوضى واجيلك..اقترب منها وشدها لحضنه بعنف وتحدث بغضب امام شفيفها وقد عاد الوحش لطبيعته..
عمر:بقى انتى توافقى تتجوزى واحد غيرى...ليبعد حجابها عنها ويخلل اصابعه بشعرها بعدما ازاح مشبكه ويشدها منه بعنف لتصرخ ندى بألم..انتى لعبتى انا لوحدى بتاعتى وملكى لوحدى يابت فاهمه..
ندى:ااااه شعرى ياعمر لعبتك ايه انت اتجننت ولا ايه...لتصرخ بألم اكبر بعدما ضربها بعنف على وجهها وألقاها على السرير ويتحدث وهو يتخلص من بدلته..
عمر:انا هوريكى الجنان ازاى وهعرفك يعنى ايه انتى لعبتى من اللى هعملو فيكى...ليجعل اول لقاء بعلاقتهم الحميمه اشبه بالأغتصاب وكلما أرادها يأخذها غصب عنها وبعنف ولكنه عنفه يمتزج بقليل من الحنيه معها رغم اعتراضها ودموعها والمها طوال الوقت الا انها لم تخبر عن علاقتهم لأى احد حتى والدتها..وبرغم أخر علاقه بينهم وكم كانت مليئه بمشاعر حب وعشق وشغف وعلمه بعدها بحملها لكنه قرر الابتعاد عنها فقربها سيصبح خطر على قلبه وهو لم ولن يضعف امام حبها فحب الرجل للمراءه من وجهة نظره ضعف وقله كرامه للرجل...
نهايه الفلاش باااااااك
عمر:لا مستحيل احبها انا مش ضعيف مش هكون زى ابويا لا . ليتحرك سريعا بعدما اخذ مجموعه من الاوراق بحوزته...اما اشوف اخره تحملك ياندى..
/////////
ندى:شكرا بجد يا سهى تعبتك معايا ياحبيبتى عقبال ما اتعبلك وانتى عروسه يارب..
سهى:تعب ايه بس ياندى ولا يهمك ياحبيبتى انتى بس اتعبينى كل يوم وملكيش دعوه انا روقتلك المطبخ بعد ما عملتلك الاكل يله بقى انا همشى علشان ماما متقلقش عليا ولو احتاجتى اى حاجه كلمينى على طول هكون عندك فى ثوانى..
ندى:حبيبتى يا سهى متحرمش منك يارب بس مش هتمشى غير لما ناكل سوا هتسبينى أكل لوحدى مش هعرف اكل وهنام من غير اكل علشان خاطرى كلى معايا..
سهى:حبيتى والله ما ينفع ماما مبتكلش غير لما اتجمع انا واخواتى وانتى لازم تاكلى كويس يا ندى علشان النونو وعلشان ابو النونو لما يرجع من السفر يلاقيكى حلوه ووزه وقمر كده مش تعبانه ومدروخه يابت اجمدى كده..وقبل ما تكمل كان الباب اتفتح ودخل عمر اللى اول ما ندى شفته جريت بكل سرعتها واترمت فى حضنه ودفنت وشها فى رقبته تشم رحته اللى بتعشقها..
سهى:بخجل وفرحه من قلبها لصديقتها...الحمد لله ان حضرتك جيت ندى مش عايزه تاكل وانا لازم امشى لأنى اتأخرت عن اذنكم خرجت تجرى من كستفها...
ندى:وهى تبعد عن حضن عمر وتجرى ورا سهى...استنى يابنتى هنتغدا سوا.
سهى:بهمس..امشى يابت ارجعى لجوزك ربنا يحفظكم لبعض يارب يله اشوفك بكره فى الشغل سلام.
ندى:سلام ياحبيبتى خلى بالك من نفسك. قفلت الباب ورجعت جرى تانى لحضن جوزها لفت ايدها على خصره وبتحضنه بكل قوتها..كنت عارفه انك هتيجى كنت متأكده انى هوحشك وهترجعلى..وبلحظه كان شدها من شعرها بعنف بس هى مصرختش زى كل مره بصتله وابتسمت من بين دموعها...حتى قسوتك واحشتنى ياعمر.
عمر:بوجع ظاهر على ملامحه..مش قولتلك ارجع ملئكيش هنا ها يابت شكلك بتحبى المرمطه..شدها من شعرها ورماها بعنف على اقرب كرسيى واتكلم بكل غرور..كويس انك لسه هنا..طلع ورق من جيبه ورماه فى وشها. اقرى كل اللى فى الورق بصوت عالى وسمعينى وسمعى نفسك كده...قعد على كرسيى قصدها ورفع رجله على الطربيزه.
ندى:فتحت الورق وقريت اللى فيه وانا ببتسم بعد ما شوفت امضتى اللى مضتها لما كان خطفنى...دا اقرار منى انى اعيش لابنى او بنتى ومبعدش عنهم ابدا ولا افكر فى الجواز نهائى ولو اتجوزت يكون دا تنازل عن حقى فى اى شئ يخص ابنى او بنتى وانى اسخر كل وقتى بس علشانها او علشانه وباقى الورق وصلات امانه بحوالى 100مليون جنيه. رفعت عينى وبصتله..وبعدين وايه كمان ياعمر؟؟
عمر:ببرود واستفزاز..يعنى انا مش هردك ياندى ليعتدل ويقترب منها فجأه ويسحبها من شعرها مره اخرى بعنف أشد..ولو فكرتى بس مجرد تفكير تبعدى عن ابنك او بنتك هسجنك اقسم بالله هسجنك عمرك كله ياندى فااااااهمه...ليقذفها بعنف شديد لتفقد توازنها وتقع ارضا من اعلى الكرسيى ويتجه هو نحو باب الشقه وكاد ان يفتحه ليتصنم مكانه حينما سمعها.
ندى:بضعف وبكاء مرير..انا بحبك ياعمر بحبك اوى ومستحيل اكون لراجل تانى غيرك وهفضل هنا مستنياك ترجعلى ..هترجعلى يا عمر..
عمر:تحدث دون ان يلتفت لها وهو يعتصر يده ويغمض عينه بألم ودموعه تهدد بالنزول .لو رجعت لقيتك لسه هنا هرميكى من البلكونه لينهى حديثه ويخرج سريعا دون النظر لمن تمددت ارضا بهدوء غائبه عن الوعى
يتبع الفصل الحادي عشر اضغط هنا
- الفهرس يحتوي على جميع فصول الرواية كاملة :"رواية حب حادق" اضغط على اسم الرواية