رواية جنان في بيت صعيدي الفصل العاشر بقلم أسماء حبيب
رواية جنان في بيت صعيدي الفصل العاشر
منصور بصدمه ،،،،، جناااااااااااااان.
جنان بزعيق،،، انتَ بتجرب اسمي ولا اي الحقني يا ابن حميده همووووت.
منصور جري بسرعه وشدها من اديها وشلها...
جنان مبرقه بصدمه وبتبص من الشباك لتحت،،، دنا يا جدع كنت هنزل زرع بصل يااااه.
منصور نزلها من علي دراعه،،، انجنيييتي اياك.
جنان بتمثل الزعيق زيه،،،، متزعقليييش كله بسببك علي فكره لو رديت عليا عليا مكنش دا حصل (وبتمثل البكاء) دنا كنت همووت يا منصور مين هيجبلك شلل من بعدي مييين هيعرف يعملك مصايب زي الي انا بعملها انا عرفاك مبتحبش المصايب غير من ايدي انا، كدا كنت هتخسر جوهره ثقيله في صنع المشاكل اخص يا منصور وفي الاخر تزعقلي زوعيقه.
منصور تنح،،،، زوعيقه اي مفهمش كلمه.
جنان وبتتكلم بسرعه،،،، لا دي لغه هبله ومسكوها طبله متخدش في بالك، احم المهم سامحتني صح.
منصور وحب يطلع الي عملته فيه،،، ابداً يا جنان اني غضبان عليكي ومتكلمنيش واصل وسعي اكده اخد المخده عايز انام.
جنان وبتمشي وراه،،، والله انا اسفه بقي دا انا انزليت زله كلابي كدا، يا منصور ياااا ابني سامحني ينوبك فيا ثواب.
منصور بصلها بحسم،،،، لو سمعت كلما تانيه واللللله يا جنان لكون سايب الاوضه وماشي.
جنان اتنهدت بضيق وجابت هدومها من الدولاب ودخلت خدت شور ونامت او بتمثل النوم وبتفكر ازاي تصالح منصور....
~اما عند بيت عمار...
كانت دنيا وعمار وجهاد كانوا قعدين في البلكونه وبيكلو لب...
دنيا،،،، عمر ما في حد بيطلع الي هو عيزه علي فكره يا عمار كلها احلام.
عمار وبياكل لب وبيرمي القشر وكان بيجي علي جهاد،،، علي رأيك يا اختي والله احلمنا دي عمله زي هيفاء وهبي تشفيها بس مش تطوليها ابدا ولا حتي صوره زكري.
جهاد وبتخبطه جامد في دراعه،،، ما تحترم نفسك بقي وبطل قرف وكمان مترميش لب عليا لنفضك انتَ فاهم.
عمار،،، يا ساااتر علي القعده النكد.
دنيا بضحك،،، الاخت جهاد اداما في القعده اعرف ان الشيخ حسان وسطينا، اتفضل يا شخنا.
جهاد،،، وسعوا كدا والله لنا قيمه.
دنيا،،، استني طااااه يا بت يا جهااااد ههههههه زودناها صح.
عمار،،،، سيبك هي علطول كدا بتقفش زي الموتور الخربان.
جهاد من جوه،،، سمعتك يا معفن يااااساقط يا ساااقط.
عمار بضحك،،، شكرا يا حب بس مدلعنيش كتير علشان يتغر في نفسي.
دنيا بتنهيده وبتبص لسمااا،،، عمار انتَ كان نفسك تبقي اي.
عمار بسرحان،،، يااااه دا انا كان نفسي ابقي محاسب مشهور اوي، بس الحمد الله اهو بقيت شغال في محل وماسك حسباته ههه وبشتغل في مصنع السراميك والدنيا ملبن اهو بقي.
دنيا،،، هو انتَ مبسوط فعلا يا عمار.
عمار،،، ايوه وشيل هم لي ان شلا الدنيا تولع المهم راحت بالي ومبسوط بلي بعمله.
دنيا بتنهيده،،، يا بختك.
عمار وبيخمس في وشها،،، الله اكبر يا ناس يا شر كفايه قر.
دنيا وبتضربه بالقفه،،، ما تتلم ياااض وانتَ شبه الست البيره كتك خيبه ووكسه.
عمار بضحك،،، كدا يا دنيا يا بنت نرجس وربنا منا موصلك بالهجله و سيبك تتذللي زله كلابي كدا علشان اوصلك وانا هعترض واعترض..
دنيا بنصر وبترفع حاجب،،، وبعدها.
همار بفخر،،، بتضربيني افه تبك الاصل لافه ده وبوصلك طبعاً.
جهاد ومسكه مكعبين تلج وبتتسحب براحه وراحت حطه التلج في هدمهم.
دنيا قعده تتنطت هي وعمار زي مهرجين السرك.
دنيا بزعيق،،،، وربنا ما هسييييبك وربنا اااح.
عمار وبيحاول يخرج التلجه،،،، دا انا مش هخلي فيكي حته إلي وتتشاهد علي روحك ااااح.
جهاد ضحكت عليهم ودخلت اوضتها بسرعه،،،، بالشفااا علشان تتريقوا عليااا والبادي اظلم.
دنيا وخرجت التلجه،،، ياااه تصور التلجه طلعت سئعه اوي يا عمار.
عمار ،،، ياااشيخه الدور الجاي نبقي ندفهالك.
نرجس من وراهم،،، لميتوا علينا الجرااان خشوا اتخمدوا بقي لوربناااا بأيد المقشه وعلي دماااغكم.
عمار ودنيا مشين جمب بعض،،، هي لي امك بتعاملنا معامله عبيد بني قريش.
دنيا،،، اسكت لتعاملنا معمله اديلوا متسبهوش خش اتخمد.
عمار،،،، تصبحي علي خير.
دنيا،،،،، وانتَ من اهله.
احمد من تحت البلكونه،،،، عمااااااار.
عمار جري علي البلكونه،،،، حمووودي اااه قلبي يا ناس وصلت متأخر لي يا واد كنت بتخوني صح.
احمد بزهق،،، يا خي المدير زودها معانه المهم انزل نقعد شويه زهقان من نفسي.
عمار،،، معلش يا ماما الواد زهقان من نفسه لازم انزل اقعد معاه ليولع في نفسه، عمر الواد مش بعزئه.
~ اما عند فاروق....
كان صلي العشاء و ادي صلاه استخاره وقعد يفكر شويه..
هدي من بره،،، يااافروق تعاله علشان تاكل.
فاروق،،، حاضر يا امي جاااي اهو.
فاروق راح وقعد علي السفره..
هدي بابتسامه،،، ها اي رئيك في العروسه.
فاروق بضحك،،، دول عيله ما يعلم بيهم الي ربناا والله هههه بس طيبين اوي اوي.
هدي بغمزه لأبنها،،، انا بتكلم عن العروسه.
فاروق،،، احم اه كويسه شويه هشوف لسه.
هدي بهدوء،،،، طيب بس متتأخرش في ردك.
فاروق،،، حاضر يا امي وربنا يقدم الي فيه الخير.
هدي،،، كل عملتلك البميه الي بتحبها.
فاروق بسرعه،،، فين المخلل.
هدي،،،، خلص والله.
فاروق وبيقوم من علي السفره،،، طيب هنزل اجيب من المحل الي هناك ده وهاجي.
هدي،،،، يبني الوقت اتأخر هتنزل علشان مخلل.
فاروق،،، ايوه طبعاًَ يا ماما دا مخلل هو الاكل لعبه.
فاروق نزل وراح محل علي علي اول الشارع ودخل وبعد ما شتري المخلل طان مروح وهنا عز ابن خال دنيا شاف فاروق وهو ماشي وحب يرد اعتباره،،، رجاله الواد ده عايز اعمل معاه الصح.
الشباب الي معاه ابتسموا وفعلا راحوا ووقفوا فاروق.
فاروق بهدوء،،، نعم عيزين حاجه!
عز ظهر،،، اااه انا.
عز جه علشان يديله بالبوكس فاروق مسك اديه،،، ثواني بس المخلل.
الكل تنح لما فاروق حط كيس المخلل في الجاكت ههه وراح ضرب عز بالبوكس ووقع.
عمار بصدمه من بعيد،،، احححمد اللحق فاااروق.
احمد،،، اوووباااا دا هيتعمل عليه حفله.
عمار،،، جااايلك يا جوز اختي المستقبلي.
احمد بضحك،،، مش واخد بالك اننا هنتعمل شورمه.
عمار بتكبر،،، مش مهم نضرب االمهم اننا هننضرب بشرف ورايا... اعااااا ابعد ياااض عن فرفر لنفخك م.. يا جماعه لي العنف اااه.
عمار اضرب بالبوكس من واحد منهم..
احمد بغيظ،،، انتَ بتضرب صحبي يااااض.. ااااه شكرا لرد الاعتبار.
فاروق وبضرب الي ضجرب احمد بس فعلا دول كتير.
عمار بذكاء،،، البوووليس يااااا بولييس.
الشباب بصو وراهم ملقوش حاجه ورجعوا يبصوا ملجوش لا فاروق وعمار ولا احمد.
عز بغيظ،،، راح فين!
اما وري عربيه في الشارع كان عمار بيبص خلسه يشفهم لحد اما مشيوا ورجعلهم وقعد جمبهم ورا العربيه،،،، الحمد الله نفدنه بجلدنا اااااه يا دراعي الواد ضرب جامد ابن المديقه.
احمد ضحك،،، وربنا شكلنا كان يكسف.
فاروق قام وقف،،،، علفكره مش من الجدعنه اننا بقي نسيب الاشكال دي.
عمار،،، اسكت يا فاروق يا خويه دحنا كنا هنطحن لو مجرنااش وبعدين الجري نص الجدعنه يا راجل.
احمد بابتسامه،،، اهلا يا فاروق، انا احمد والله كان نفسي نتقابل في موقف احسن من ده هههه.
فاروق،،،، هههههه ولا يهمك تشرفت يا احمد.
عمار بسرعه،،، لاااا مش وقت تعاارف يلا بسرعه ليرجعوا انا مش مستغني عن عمري انا عندي ولايا يا اخ.
فعلا مشيوا وروحوا بيتهم.....
انتهي اليوم علي كدا وفي صباح باكر ليوم جديد...
~💥 في سرايا حمدان الجبلاوي 💥~
كانت الساعه 5 الصبح وجنان مكنتش نامت وهي بتفكر تصالح منصور ازاي...
جنان بصت لمنصور وهو نايم وقامت لبسه جلبيه فلاحي كدا واشرب فيه ترتر ولفت شعرها بيه وتسحبت من الاوضه ونزلت تحت تند الخدامه وبتحاول تصحيها،،،، يااا ستي اصحييي.
الخدامه الي كانت في اوضه المطبخ،،، نعم يا ست هانم .
جنان،،، بقولك اي هو منصور بحب اي علي الفطار!
الخدامه،،،، بحب البيض المقلي الي بتعمل علي الفرن البلدي الي في المخزن تحت.
جنان،،، بجد والله احلفي.
الخدامه،،، اه والله يا ست هانم وهكدب عليكي لي بس.
جنان،،، حيث كدا انا هعمله الفطار.
جنان اخدت البيض من التلاجه ونزلت علشان تعمله علي الفرن البلدي ودا ببقي مصنوع من بعض الطين وخليط من التبن وماده من الطوب الاحمر...
جنان بتوهان،،، وانا هعمله ازاي بقي اما اروح اسئلها... لاء مش هسألها انا قدها انا كنت اتفرجت علي فلم بحطوا زيت ايوه اهو وبكبوه علي الحطب ده ايون ايون وبعدين.. فين الكبريت ياربي امم امم اهو وبعدين بيرولعوا فيه و... اعااااااااااااااا حريييقاااااااحريقااااا هولع يااااانهااار ازرق.
اما منصور وكان نايم في امان الله سمع صوت دوشه وشامم ريحه دخان ، قام بخضه،،،، يا ستااار ياااارب جنان فين.
بص علي السرير ملقهاش،،، انيييي خابر انييييي خااااابر انها هتجيب اجلي ومهتجبهاش البر ابداً يا تري اي المصيبه الي عملتهاااا المرادي جيلك يا ام المصااايب.
منصور لبس الجلبيه ونزل علي السلم والدخانه جايه من المخزن الي تحت..
حمدان والله طلع من الاوض بخضه...
منصور بوقف واحد ماسك جردل ميا،،، هو فييي ايه.
العامل،،، المخزن بولع تحت يااا كبيررر.
منصور بقلق علي جنان،،، ط طيب وفي حد تحت اياك.
العامل،،، مخبرش يا كبير.
منصور جاي ينزل لقي جنان طلعه من المخزن بتجري علي ركبتها وبأديها لبره،،، يا زهره شبابك الي شاطط يا جوجو.
منصور بصدمه،،، جناااان.
جنان بسرعه وقفت وكان وشها كله اسود وهدمها كلها صماد،،،، وربنااا وربنا شوف انا بحلف اهو كان نيتي خير.
منصور بشلل،،،، خير اي ولعتي في المخزن وتقولي خيييير.
جنان،،، اسمعني للأخر يا منصور والله كان في نيتي اعملك بيض مقلي بس مكنتش اعرف ان انا الي هتشوح ويحصل الي حصل.
فاطمه من وري منصور،،،، بكفياااكي مصايب بقي هتعملي فينا اي اكتر من اكده.
حميده بغيظ،،، ادامه معتعرفيش تطبخي يا بنت البندر اي الي دخلك.
جنان بتتكلم في سرها،،، لاء كدا هاروح في ابو بلاش.
جنان وبتمثل انها ديخه،،،، اااه منصور راسي بتوجعني.
حمدان بخضه،،، جري اي بسى.
منصور وشال جنان وكأنه شايل بنت اخته وجنان لفت اديها حولين رقبه منصور وبكلم ابوه،،، اني هطلعها ترتاح وجاي يا بوي.
اما جنان فطلعت لسنها لفاطمه وغمضه عنيها تاني وسنده علي كتف منصور.
فاطمه بغيظ اكبر،،، ماشي يا بنت الدهشوري اما وريتك.
منصور طلع جنان الاوضه ونزلها علي السرير وجاب فوطه مبلوله وبمسح وشها.
جنان بابتسامه،،، شكراً.
منصور بغيظ،،، انتي تكتمي خالص.
جنان بأسي،،، المنحوس منحوس حتي لو حطوا علي راسوا فنوس، دا بدل متقولي كلمه عدله يا اخ منصور وااا وكستاااه.
منصور بضيق،،، اي الي نزلك تحت ومتقوليليش.
جنان،،، ودي كمااان يا منصووور هقولهالك ناقص استأذن منك علشان ادخل الحمااام.
منصور بضيق،،،، يعني عجبك الي عملتيه ده.
جنان بتنهيده،،، لاء بس انا عملت كدا فكرت هتصالحني بقي اعمل اي منمتش اليل وبفكر في حل اصلحك وملقتش غير الاكل اصل عرفاكر انتي بكرش.
منصور بغيظ،،، كرش ايييي.
جنان بتوضيح،، لاء مش قصدي انك عندك كرش بس اقصد مفجوع وعلي رئس الست فاطمه عيد قلب الراجل معدته.
منصور بحيره،،، اني مش عارف اربطك بجنزير ولا اعمل فيكي اي.
جنان،،، وهون عليك يا ابو الصرصير كدا دا انا مراتك يا جدع دا داااا انا فكرت فيك وغدرت بيا عشمتني بالجواز وفلسعت يا حنفي اعااااء.
منصور بغباء،،،، بتقولي اي مفهمش.
جنان،،، الحمد الله انك مفهمتش، المهم صالحتني!
منصور،،، ولو قولت لاء.
جنان بخبث،،، خلاص افكر في حاجه تانيه اصلحك بيها.
منصور بسرعه،،، عظيم بيمين منتي مفكره تاني اني خلاص امسامحك.
جنان،،، ههههه اييييح رجاله مبتجيش غير بالعنف والمصايب، احم شكرا يا منصور.
منصور بتأكيد،،، مهتعمليش مشاكل تاني صوح.
جنان،،، اممم هفكر.
منصور،،، جنااااااان.
جنان بتمثل الببرئه،،، نحم.
منصور،،، اتعدلي.
جنان،،، لي هو انا معووجه!
منصور،،، اتعدلي في كلااامك.
جنان وبتأدي التحيه العسكريه بتمثيل.،،، حاااضر يااا فندم، ها كدا حلو.
منصور سبها ونزل.....
جنان بزهق ولتتمشي في الاوضه،،، لاااء مش قااادره لازم اعمل حاااجه هدني قعده كدا اسلم علي الحطااان.
~ اما عند زهره....
زهره بتلبس هدومها وبعدين جهزت كتب الجامعه وطلعت،،، حوووسااا ياااا حوووساااام، مش برد لي، يااا ابن روحيه انتَ فيين!
حسام خارج من اوضته وبيظبط الملفات،،، ها عيزه اي!
زهره،،، يلا علشان نمشي مش نتأخر علي الجامعه.
حسام،،، شيفك عنتي بتهتمي بمحضراتك اهو بجد برافوو عليكي.
زهره،،،، اتنيل جتك خيبه دنا بروح اغير جو واكل وبكمل نومي في المحاضره.
حسام وشعلقها من افاها،،، بت انتييي اعمل فيكي اي!
زهره بضحك،،، ادخل بيا جمعيه وقبضني الاول ههههه.
حسام بفرسه،،، ياااا جنابي الي هتفرجع منك يااافرستي.
زهره،،، الي مفروووس مننا يعمل زينااا اااه، المهم صحيح هات فلوس.
حسام،،، مش هديكي شلن عرفاااه.
زهره،،، لا خلهولك انا عيزه 500 علي السريع ونجز اخلص.
حسام،،، شحاته رزله وأتمه لا مش مديكي.
زهره قربت منه وبتخن صوتها،،، طلع ياااض بالحسناااا لعمل معاك القلاشه وام علي وبلحه الشااام.
حسام بسرعه،،، الله ويسلام بقي لو البتاعه الي فيها كريز ده يااااه تحفه.
زهره،،، جدا والله دي جميله اوي و... خدني في دوووكه هات يااض الفلووس.
حسام بتنهيده وبطلع المحفظه،،، علفكره بقي بعد كدا انا الي هشحت منك فلوسي.
زهره بتكبر مصتنع وبتمشي من قدامه ،،،، هبقي اشفق عليك وديك حسنتك يلا ورايه علشان نمشي.
حسام بأسي،،، يارب انا مش بعترض ان انتَ ابتلتني بأخت بس لي النيله دييي اااه يا رب.
زهره من عند باب الشقه وبتناديله،،، اخلص يا ابن روحيه.
حسام بضيق،،، جااااي يا بت اتهدي بقي.
زهره وحسام نزلوا سوا وجت زهره تركب مع حسام بس هو منعها.
زهره،،، اي هتبدأ عركاااا بقي.
حسام بضحك،،، لاي بس صلحتلك العربيه بتاعتك.
زهره بفرحه بتحضن حسام الي بلف بيها بضحك.
زهره بأبتسامه،،، ربنا يخليك ليا.
حسام بأبتسامه،،،وانتي كمان.
زهره،،، كفايه العشق الممنوع علشان بتأثر واختك وحيدا وحدي متوحدا ابعد ياااض.
حسام وبضربها علي درعها،،،، يااارخمه.
زهره جت تضطربه موبيلها رن،،، ثنيه يا ابن روحيه ورجعالك،،، الو.
جهاد،،، زهره انتي فين دا كله.
زهره،،، اااه معلش جايه اووو اقفلي بقي يا اخت عنتره سولااام..... ابن روحيه واد يا حووسام.. مشي اما يرجع.
زهره ركبت عربيتها ومشيت بس لقت جنان بترن لسه بتجيب الموبيل من علي الكرسي ومش وخده بالها من الطريق راحت خبطه في عربيه.
زهره ورمت الموبيل،،، العرررربيه لااااا بالله لااااااء دا حسام يتجلط يموت فيها.
زهره خرجت بسرعه وراحت راحه عند شباك عربيه الشخص ده،،،، اففففتح.
شاب فتح باب العربيه وراح يبص علي مكان الخبطه.،،،.Ohhh, No.
زهره،،، اي الواد ده بـهوهو لي انتي عطشان يا اخ.
الشاب بغضب،،،، مااااذا فعلتييي.
زهره بضحك،،، هو اي عصر فجر الاسلام الي وقعت فيه دااا يلا يا ابني ربنا يسهلك.
الشاب بغضب اكبر وبيقرب ،،، واللله مفكراني هسسسسيبك دااا انـ.
زهره قاطعته بقلق،،، وربنا انا غلبااانه، سبني في حالي وخد فيا ثواب تحرير رقبه
يتبع الفصل الحادي عشر اضغط هنا
- الفهرس يحتوي على جميع فصول الرواية كاملة :"رواية جنان في بيت صعيدي" اضغط على اسم الرواية