رواية الكابوس الفصل العاشر 10 بقلم اسراء الكادي

  رواية الكابوس الفصل العاشر بقلم اسراء الكادي

رواية الكابوس الفصل العاشر 

في مُنتصف الليل كانت تتحرك وَسط الأشجار بهدوء تام حتي وصَلت الي ذالك الجالس بإنتظارها.. 

_اوليفيا هانم خيير كنتي عايزاني في ايه ولا يكون ادهم اللي باعتك؟! 

اوليفيا بغضب وعيون شريره_انا عندي ليك خبر انما إيه حاجه كده ولا الخيال!! 

دانيال بإنتباه_في ايه قولي بسرعه!؟ 

اوليفيا_عارف مين الشخص اللي دخل المقر الأسرائيلي وحاول يبوظ ليكم التجربه ودخل إسرائيل في السر؟؟

_مييين انطقييي؟؟ 

اوليفيا بضحكه شريره_بس انا عندي شرط قبل ما اتكلم 

دانيال بغضب_قولي وانجزي

اوليفيا_تخلصلي علي إسررراء وتشيلها من حياتنا نهائي.. 

دانيال_عايزاني اقتلها يعني ولا ايه مش فاهم!!؟ 

اوليفيا_زي ما تحب عايز تقتلها متقتلهاش براحتك المهم تشيلها من حياتي..! 

=انتي بقيتي تكرهيها ليه كده ايه اللي حصل لده كله؟ 

 _انا كنت حاسه من ساعة ما جات وهيا وراها حجات كِتييره كنت حاسه انها بقت قريبه لأدهم اكتر مني واهي طلعت خطيبته فعلاً! 

=خطيبته!!!!؟ 

_ااه خطيبته بص انا هحكيلك بس تنفذ اللي اتفقنا عليه وادهم مالكش دعوه بيه خااللص مهما احكيلك! 

بغضب_في ايه ماتنجزي بقي؟

_ادهم يبقي هو الظابط اللي دخل المقر بتاعكم وهو اللي دخل إسرائيل في السر وكَشف عنكم كل حاجه.. ادهم بتاعنا هو هو ادهم ظابط المخابرات المصرية خطيب إسراااء..

انتفض من مكانه وقام بغضب وصوت عالي.. 

_انتي بتستهبلي ايه الي بتقوليه ده.. 

وقفت اوليفيا هيا كمان من مكانها ووقفت قصاده تتكلم 

اوليفيا_مبهزرش دي الحقيقه يا دانيال.. 

دانيال _وانتي عايزاني بقي اروح اقتل إسراء علشان خاطر يفضالك الجو تاني مع ادهم؟ 

اوليفيا _بالظبط كده ياحبيبي.. 

دانيال بخبث_لا مش هعمل كده انا بقي جربت الحوار ده قبل كده ومنفعش معايا ف شوفي طريقة تاني ياحلوه. 

اوليفيا بخوف وقلق واضح_دانيال متنساش انك  في الاول كنت بتخطط لوحدك دلوقتي انا معاك وهساعدك.. 

دانيال_وانا هستفاد ايه من الحوار ده مالي انا ومال إسراء.. 

اوليفيا_مثلا تتنقم لبلدك منها وانا ليك عندي اني هرجعك معانا تاني! 

حك دانيال دقنه بتفكير وهو ينظر لها بإعجاب.. 

دانيال_موافق بس التنفيذ امتي بقي؟ 

اوليفيا _بكره الصبح في المختبر هتروح هناك علشان تدور علي اهلها وكلنا هنروح معاها ف دورك انت بقي تفتح اي غرفة من الغُرف اللي هناك وتطلع منها حد ويقتلها هو!

دانيال_مُختبر المووووووت!!!!! انتي اتجننتي عايزاني اروح افتح غُرفه فيها زومبي!!!! 

اوليفيا_هبقي معاك وهسااعدك متخفش.. اتفقنا.؟ 

=اتفقنا ي اوليفيا بس صدقيني لو حصلي حاجه هخليكي تندمي كويس اوووي.. 

(بعد مرور يوم)

ها قد آتي اليوم المنتظر للجميع المنتظر بشوق ولهفه والمنتظر للأنتقام... 

_ادددددددددددددددهم رهههههههف 

قالتها إسراء بصوت عالي وهيا بتنده علي الجميع بحماس للغايه

_ايه اللي حصل في ايه؟؟ 

_مالك يا إسراء 

إسراء بحماس_يلاا بقي نمشي الصبح طلع 

رزان_يعني قولنا  الصبح يبقي الصبح كده علطول.. 

إسراء_ايوه انا عايزه اروح هناك ودلوقتي.. 

إتكلمت رهف بجديه_إسراء حبيبي المُختبر اللي احنا هنروحه ده اسمه مُختبر الموووت اللي بيروح هناك لو حصل غلطه بسيطه بس وغُرفه من غُرف الناس اللي هناك دي اتفتحت يبقي قولي علي نفسك يارحمٰن يارحيم.. 

إسراء بمقاطعه_بس اهلي مش زومبي يارهف...؟ 

رهف _اولا علشان متتعشميش احنا مقولناش اهلك هناك انتي رايحه تدوري عليهم لسه ولو لقتيهم هما مش هيعرفوكي ومش هيتأثرو بوجودك اصلا الناس دي هتكون شبه اهلك بالشكل فقط بس هما مش اهلك دول زومبي يا اسراء هيقتولوكي لو غلطي هناك وقربتي من حد منهم.. 

مُهند بتأييد_يعني مثلا لو لقيتي مامتك او ابوكي.. مامتك دي لو مسكتك هتقتلك وهتخلص عليكي ف بلاش تخلي مشاعرك تسيطر عليكي هنااااك.. 

إسراء_فِهمت خلاص نمشي بقي؟ 

ادهم _نِمشي بس خليكي فاكره ان... 

إسراء بمقاطعه وغضب_يووووه عرفت عرفت والله رايحين مُختبر المووت مخلاص ياجدعان بقي في ايه وه! 

ضحك الكل عليها ومشيو كلهم في نفس الأتجاه إلي مكان كبيير جدااا عباره عن غُرف كتييره مصنوعه من زجاج غير قابل للكسر وكل غرفه من دول موجود فيها انسان او هو شكله شكل إنسان لكن حركاته وتصرفاته عباره عن كائن متوحش منتظر الفريسه بتاعته.. 

إسراء _يالهوووي ايه ده ده معاه درااااع بياكله؟؟؟ 

ادهم بضحك _دي لسه البدايه مشوفتيش حاجه

ليساء_المهم دلوقتي دَوري علي اهلك بسرعه قبل ما يحسو بيناا 

إسراء بصدمه_ انا مكنتش متوقعه كده انا ولا كأني في فيلم اكشن من بتوع MBC.. 

=إسرررررراء مش وقته انجزي 

_مش هعرف حقيقي خايفه انا مش هقدر امشي بين الأوض دي دول بياكلو في نفسهم وفي اعضاء بشريه!!! 

لم ينتبه الجميع لذالك الدانيال الذي يفتح احد غُرف الزومبي خلفهم ولكن أيمكن ان ينقلب السحر علي الساحر في هذه الحاله!!!؟ 

مهند بصدمه_رزااااااااان حااااااسبي حاااااسبي 

بَصت رزان وراها شافت راجل ماليان دم من كل ناحيه ومحني ضهره من خوفها والصدمه فِضلت ساكته مبتتحركش.. 

=اتحركييي من مكااانك بسررررعه 

رزان بخوف ودموع_مش مش قادره رجلي ثابته في الأرض ومتجمده اناا مرعوبه يا مهند هو هو بيبصلي كده لييييه!!! 

رهف_رزاان مش وقته خوف خاالص اضربيه برجلك و اتحركي من مكانك بسرررعه.. 

قبل ما رزان تعطي اي ردة فعل كان الزومبي اللي قصادها رماها علي الأرض وابتدا يتحرك بينهم لحد ما لاحظ شخص معاهم واقف ورا صندوق كبيرر اتحرك الزومبي ناحيته وعلي وشه ابتسامه بلهاء  كبييره لحد ما مسكه من قفاه.. 

بصدمه_دانييييال انت بتعمل ايه عندك.. 

دانيال بخوف_مش وقته اسئله يا ادهم شيله بعيد عني هيقتلناااي 

رهف بصدمه_انت اللي فتحتله الصندوق؟ 

دانيال بتوتر=ايوا 

مهند_علشان كده مسكك انت إستحمل بقي ينجم اللي هيجراالك يلا نمشي احناا بقي 

دانيال بخوف _لا يا مُهند علشان خاطري متسبنيش هنااااا معاهم دول يقطعوني.. 

مُهند _اممم خلاص هقتله بس نتسلي عليك شويه الأول علشان انت تستاهل اللي يجرالك يامعفن!! 

دانيال_يامهند مش وقتك اقتله وخلصني!. 

اوليفيا بتوتر_انت كمان ليك عين تتكلم ايه اللي حابك ورانا تستاهل اللي يحصلك ياغببي.. 

دانيال_متتكلميش انتي احسنلك و يالهووووي الحقوناا ده بيفتح بوقه اقتللللوه بسرررعه...

ادهم_خلاص اسكت استني نشوف هنقتله بإيه وازاي؟ 

اتكلمت إسراء بسرعه بخوف وصدمه _لاا لاااا تقتله ايه؟؟؟ 

_مالك في ايه؟؟؟ 

إسراء ببكاء وخوف_ده بابااااا

دانيااال بصدمه_اييييه ازاااي؟ 

ادهم_ششش اخرص انت خالص دلوقتي.. ابوكي ازاي يا إسراء انتي متأكده؟؟ 

إسراء بعياط_والله والله بااابا بس ابعدوه عن دانيال والنبي.. 

ادهم _انتِ خايفه عليه بعد اللي عمله؟؟ 

إسراء بعياط_انا مش عايزة اشوف بابا بالمنظر ده مهما كان انا ابويا مش قاتللل يا ادهم..! 

شدتها رهف لحضتها وقالت=اسراء حبيبتي فوقي الشخصيه دي شكل باباكي لكن مش هو اللي انتِ شايفاه ده يبقي قاتل إسراء مش شخصية باباكي.. 

بِعدت إسراء عنها بغضب وقبل ما تتكلم قاطعه صوت صريخ دانيااال.. 

دانيال بصريخ وعياط_ادددهم اددهم خدهم بسرعه واخرجو ده عَضني وكسرلي دراعي كام دقيقه وهبقي زيهم يا ادهم اتصررف بسررعه 

رهف _مش هينفع نسيبك!!؟ 

جاك_دانيال متغمضش عنيك فوووق متستسلمش.. 

دانيال بإستسلام وهو بيقع علي الأرض _فاات فاات الآوان 

رزان_انتو هتفضلو ساكتين كده حد ينقذه.. 

صَدمه وخوف بقي موجود في قلوبهم كُلهم مُختبر الموت قلب قصتهم كلها دانيال فعلا خانهم وخان ثقتهم بس في الأخير هو انسان زيهم كان معاهم في يوم من الأيام و.. 

=احنااا لازم نمشي من هنا بسرعه قبل ما دانيال يفوق.. 

إسراء _لا لا مش همشي من هنا من غير ما اشوف ماما.. 

رزان بغضب_انتي متخلفه ما اديكي شوفتي بعنيكي اللي حصل.. 

رهف _مينفعش خلاص علي كده دانيال لو فاق او الزومبي احم قصدي ابوكي لو رجع لينا تاني هيقتلناا كلناا وهيفتحو الغُرف للكل.. 

إسراء بِعناد اكبر_اناااا عايزه اشوف ماااماا وهاخدها هيا وبابا من هنا انا اهلي مش قتالين تمااام...؟ 

مهند بغضب_لا قتااالين ولو فضلتي هنا اكتر من كده هيقتلوكي ويقتلونا ولا هيتأثر بيكي فكرررري بعقلك مش بمشاعرك اللي انتي شايفاهم دول مش اهلك دووول مش أهللك.. احنا لو فِضلنا هنا تاني هننتهي كلنا هنبقي زيهم يا إسراء بناكل في بعض علشان نعيييش.. 

إسراء بعياط_ده مش سهل علياا مش سهل عليا ابدا اني أسيب اهلي هنا وامشي مش سهل عليا اشوف بابا بالمنظر ده وعايزني بعد ما لقيتهم اسيبهم وامشي.!!! 

قالت إسراء جُملتها وانهارت علي الأرض وهيا بتعيط بصوت عالي نِزلت رزان لمستواها وحضنتها =إسراء احنا فاهمينك بس انتي كمان افهمي مامتك اللي ورا الأزاز دي لو طِلعت هتاخد حد مِنا احنا قولنالك قبل كده ان ده مُختبر الموت واللي هتشوفيه بيحصل هنا لازم تكوني قده وتستحملي ف يلا بينا بقي علشان خاطري!! 

رهف _إسراء قومي يلاا مفيش وقت.. 

بَصتلها إسراء ودموعها علي خدها = هو ليه الانسان يتعب بالشكل ده ليه اللي بيحصل ده كله انا جوايا حاجه بتردد ان ده مش مكاني وإن ده مش العالم بتاعي جوايا حاجه بتردد بصوت عالي وبتقولي فوقي انتي في حِلم طويل..

ادهم بهدوء_ قولتلك انتي بطلة الحلم ده مصدقتنيش قومي لسه الحكايه طويله ولازم تكمليه..

إسراء بدموع_مش عارفه ومش قادره اللي بيحصلي ده لو حِلم فعلا ف انا عايزه افوق منه..

رزان_إسراء لو حاسه انك بتحلمي يبقي تستغلي الحِلم  ده وهاتي ايديكي علشان نطلع من هنا وتشوفي الحكايه من شكل تاني والجميل فيها..  

جاك _الحياه صعبه لكن ليست مستحيله بإيديك تغيري شكلها  وتعيشي من اول وجديد

بَصت ليهم إسراء نظره طويله و بصدمه كبيره وكأنها افتكرت شئ ما 

إسراء_اددهم ادددهم فييين هو هنا ولا لاء؟؟ 

مهند بعدم فهم =ادهم ميييين؟؟ 

إسراء _ادهم خطيبي فيين هو كماان طالما ماما وبابا هنا يبقي ادهم كمان موجود.. 

اوليفيا بخضه_ادهم ادهم لا لا مش هنا 

إسراء _متكدبيش عليا ادهم فين طريقه فين؟؟ 

محستش إسراء غير باللي بيضم ايديها في ايده وبصوت هادئ مطمئن بيقول =انا هنا انا معاكي دايما وموجود حواليكي

يتبع الفصل الحادي عشر اضغط هنا

• الفهرس يحتوي على جميع فصول الرواية كاملة :"رواية الكابوس" اضغط على اسم الرواية