رواية انتقام وعشق الفصل الحادي عشر 11 - بقلم اميرة محمود

رواية انتقام وعشق البارت الحادي عشر 11 بقلم اميرة محمود

رواية انتقام وعشق الفصل الحادي عشر 11

سليم أنا جبت المأذون ساره فين

سليم ، مينفعش البنت منهاره فوق مشي المأذون حالا

رائد ، مش همشيه وساره هتبقي مراتي الليله لو سمحتي يا منال طلعيلها الفستان ده عشان أنا حاجز الياخت وهعمل الحفله الليله

منال ، ساره منهاره يابني مينفعش مش هترضي

رائد ، طب أنا طالعلها عن اذنكم

منال ، يارائد لو سمحت اسمع الكلام البنت اتعرضت لصدمه كبيره مش هينفع ووشها وارم من الضرب اللي الحيوان ضربهولها مينفعش خالص

رائد ، طب ممكن اطلع لها بس 

منال ، ماشي بس والنبي ماتخليها تنهار تاني أنا مصدقت أنها هدت

رائد ، عن اذنكم وطلع لها جرى 

رائد خبط علي الباب 

ساره واقفه قدام المرايا تعيط علي شكل وشها والضرب اللي معلم عليه

ساره ، ادخلي يافرح 

رائد فتح الباب ودخل 

رائد ، أنا آسف اني اجيت متأخر 

ساره لفت بسرعه ، انت ازاي تدخل هنا اطلع بره

رائد قفل الباب ودخل ، لازم تسمعيني

ساره ضربات قلبها بقت سريعه وبدأت تنهج بصوت عالي ، اطلع بره كلكم كده

رائد ، كلنا مين اهدي يا ساره

ساره ، لا مش ههدي وامشي وبدأت تعيط عياط هستيري

رائد ، أنا جيبلك بوكيه الورد ده وحبيت اجيبه كله ابيض عشان ده لون قلبك 

ساره ، أنا قلبي معتش قادر يستحمل كفايه اللي حصلي

رائد ، ممكن تنسي اللي حصل ونبتدي بدايه حلوه مع بعض أنا جبت المأذون وحجزت اليخت وجبتلك فستان ابيض عشان نبتدي حياه جديده مع بعض

ساره ، هتقدر تنسي شكل الحيوان وهو بيقطع في هدومي وبينهش فيا هتقدر لا مش هتقدر يا رائد ولو مثلت عليه انك مش فارق معاك أنا اللي حصلي عمرى ما هنساه و معتقدش اني هقدر أنساه 

رائد ، أنا من خمس سنين كنت ظابط مخابرات وليه اسمي ومركزى قدرت اعرف كتير عن جواسيس رجال أعمال كبار بيخونوا البلد ودخلت وسطهم وعرفت الكبير اللي فيهم اخدوا مراتي وكانت حامل ودبحوها وبعتولي فيديو باللي حصل أنا مهدتش الا أما قتلت كبيرهم بايدي وصفصفتهم كلهم وبعدها سيبت شغلي وحلفت أن عمرى ماهعلق قلبي بحد تاني بس اول ماقبلتك حبيتك حاولت اعاند نفسي وابعد عنك كنت بتعذب بجد مكنتش بنام وانا مزعلك قلبي بيقولي انت بتحبها وعقلي بيقولي ابعد عنها انت مش ناقص عذاب وفراق بس للاسف عقلي طلع معاه حق أنا همشي يا ساره ومش هوريكي وشي تاني أنا هسافر تركيا ومش راجع هروح اعيش وسط خيلاني وراح يفتح الباب عشان يخرج

ساره ، رائد

رائد ، نعم

ساره ، بجد بتحبني

رائد ، انتي شايفه ايه

ساره ، شايفه أن اللي حصلي ده يخليني اكره ابص في وش اي راجل

رائد ، اممم اتخدت في الرجلين يا رورو

ساره بضحك هستيري ، أنا بحبك اوي

رائد جرى عليها اخدها في حضنه جامد

رائد ، وانا بموت فيكي ياللا ننزل بقي المأذون تحت

ساره ، هو الراجل ده ماشي ورانا في كل حته

رائد ، اكل عيشه يعمل ايه ههههه

ساره ، طب انزل هغير هدومي وانزل معاك

رائد ، أنا جيبلك الفستان ده البسيه وانزلي ورايا

ساره ، اوك انزل وانا هنزل وراك

رائد ، هتوحشيني

ساره ، امشي بقي ده انت لزقه

رائد ، اممم كده ٱطمنت انك بقيتي كويسه أما انزل بقي متتأخريش

،،،،،،،،،،،،

سليم ، اي عملت اي

رائد ، بتلبس الفستان ونازله اطلعي يا فرح ساعديها

سليم ، طب احنا هنطلع نجهز عشان هنسهر علي حساب البرنس

رائد ، عيوني انت تؤمر أمر

منال ، شكرا يا رائد انت بجد راجل وجميلك ده فوق راسي 

رائد ، جميل ايه وايه اللي بتقوليه ده اطلعي يا مونه اجهزي الله يخليكي عايز نص ساعه والكل يكون جاهز

منال ، ماشي يا حبيبي ربنا يهنيك يارب

نرمين ، أنا ممكن اجي معاكوا أنا وأحمد

رائد ، تنورى يا نرمين بس مش عايز اشوف وش البني ادم ده

سليم ، علي فكره احمد طيب وغلبان ملوش دعوه باخوه هو اصلا متبري منه

رائد ، لا يا سليم

احمد دخل عليهم ، لا ليه يا رائد 

رائد ، انت ايه اللي جابك هنا

احمد ، جاي اكون شاهد علي جوازه اخويا

رائد ، اخوك اخوك منين روح لاخوك اللي كان هيدمرلي حياتي والله ما هسيبه غير أما اخد حق ساره

احمد ، بس احنا اصحاب يا رائد وانا مليش دعوه باللي اخويا عمله

سليم ، احمد ابن عمي زي ما اسر ابن عمي بس احمد غيره يا رائد احمد اخويا المحترم واخوك اللي اي حاجه بتحصلنا بيكون هو طوق النجاه واكيد هو مش راضي عن اللي عمله أخوه

احمد ، خلاص يا سليم هو حر لو هو مش عايزني مش هفرض نفسي عليه وعلي العموم أنا آسف عن اللي حصل يا رائد واسف اني اجيت عن اذنكم

رائد بص لاحمد لقي احمد ماشب

رائد ، استني روح ادي بطاقتك للمأذون

احمد حضن رائد ، حبيبي يا صاحبي 

سليم ، ايوه كده احنا التلاته سند لبعض

نرمين ، اووف ايه الجمال ده

سليم وأحمد ورائد بيبصوا علي نرمين لقوها باصه علي السلم علي ساره وهي نازله بالفستان الابيض فستان مجسم بديل طويل نازله علي السلم تشبه اميرات ديزني

رائد فضل باصص عليها و سرح في جمالها

رائد ، ايه الجمال ده

ساره بكسوف ، مش اوي ده انا وشي مشلفط جامد فرح تعبت عما دارت الجروح بالميكب

رائد ، معلش يا حبيبتي يومين وهتبقي كويسه

ساره حبت تغير الموضوع ، بس الفستان جميل اوي يا رائد تحفه

رائد ، حلو عشان انتي اللي لبساه يا حبيبتي 

احمد ، طب ياللا يا قطاقيط المأذون خلل جوه

رائد ، اوف نسيته ياله ياحبيبتي 

دخلو كتبوا الكتاب 

بارك الله لكما وبارك عليكما وجمع بينكما في خير

رائد ، يعني كده بقت مراتي صح 

المأذون ، ايوه يا بني

رائد شالها وقعد يلف بيها من الفرحه

ساره ، والله دوخت خلاص بقي يا رائد

رائد ، ياللا عشان نروح اليخت كلنا 

ام ساره ، ياللا ياحبيبي

،،،،،،،،،،،،،،،

في اليخت

ساره دخلت مع رائد اليخت وهي طايره من الفرحه

رائد ، علي فكره انهارده عيد ميلادي

ساره ، كل سنه وانت طيب ومعايا

الشيف حط التورتايه قدامهم 

ساره ، اي ده

رائد ،، كنت كل ما بشوفك كنت بصورك غصب عنك وأما كلمت الشيف يعمل التورتايه عطيته الصور دي كلها وقولتله حطوهملي علي التورتايه كلهم

ساره ، أنا بحبك اوي

رائد ، وانا بعشقك اومي نرقص سوا

ساره ، مش بعرف

رائد ، ويعني أنا اللي بعرف اهو نقعد نلف وخلاص

ساره ، هههههههه نلف ده انت مسخره

رائد ، ياللا بينا

وقاموا يرقصوا سوا

رائد ، يخربيت جمالك عارفه جمالك هادي اوي

ساره ، بتعاكسيني أنا ممكن اعمل فيك محضر حالا 

رائد ، وانا هاجي معاكي اشهد علي نفسي في المحضر

،،،،،،،،،،

سليم ، تعالو يا جماعه نسيبهم ونمشي احنا ياللا من غير مايخدو بالهم

منال ، هي هتروح معاه

سليم ، مش بقي جوزها 

منال ، والله هتوحشني وراحت معيطه

سليم ، ياللا مش وقت دموع ياللا بينا

،،،،،،،

ساره ، اللا بالحق هو انت خيلانك قاعدين في تركيا ليه

رائد ، عشان بلدهم امي اصلا من تركيا

ساره ، اووف يعني انت تعرف مهند اكيد ماهو انت شبهه بس هو احلي شويه

رائد ، اخرسي خالص 

ساره فجأه عينيها اتملت دموع

رائد ، مالك انتي زعلتي 

ساره ، رائد أنا مش قادره انسي أنا بحاول اهزر عشان مزعلكش بس بجد مش قادره أنا عايزه امشي

رائد ، لو بتحبيني متعيطيش وحاولي حاولي عشاني

ساره ، ماشي وبصت حواليها مره واحده ، هما فين

رائد ، والله بيفهموا سابونا ومشوا تعالي نروح بقي

ساره ، أمممم هنروح فين

رائد ، فيلتي

ساره ، هي دي الفيلا اللي اتجوزت فيها هنا

رائد ، لا 

ساره ، اومال فيلت هنا فين

رائد ، كنا متجوزين في شقه عالنيل بس مبروحهاش 

ساره ، ليه

رائد ، مش حابب اتكلم في الموضوع ده ياللا نروح الفيلا بتاعتي

ساره ، بس انا عايزه اروح شقه هنا

رائد ، لا

ساره ،. لا هروح الشقه يا رائد

رائد بنرفزه ، وانا قولت لا

ساره ، خلاص براحتك بس انا هكلم ماما اشوفها فين وهروح معاها وسابته ومشت

رائد شدها من أيدها ،

ساره ، اااااه أيدي 

أيديها مزرقه من ربطه الحبل اللي كان ربطهولها اسر

رائد بص لايدها ووطي باسها ، أنا آسف

ساره بدموع ، طب ياللا روحني لماما

رائد بنرفزه ، ماشي ياللا 

،،،،،،،،،،،

رائد وقف قدام برج بيطل عالنيل

ساره ، انت وقفت ليه هنا

رائد ،. الشقه الدور الاخير هتطلعي واللا اعمل ايه

البارت القادم روعه

• تابع الفصل التالي عبر الرابط: "رواية انتقام وعشق" اضغط على أسم الرواية