رواية قلب لا يقبل الهزيمة الفصل الحادي عشر بقلم دودو محمد
رواية قلب لا يقبل الهزيمة الفصل الحادي عشر
بالاسكندريه......فى فيلا اشرف
نزلت رضوى إلى الأسفل لتعرف ماذا يريد عمها اشرف منها ولكنها تفاجئت بوجود والدها تنهدت بضيق ورجعت للخلف واستدارت حتى تعود إلى غرفتها مره اخرى ولكن وقف أمامها سليم لكى يمنعها ان لا ترحل لتنظر له قائله بضيق
رضوى :- وسع يا سليم خلينى اطلع اوضى
سليم :- أهدى يا رضوى ده مهما كان ابوكى
رضوى :- تكلمت بضيق قائله أبويا؟! دلوقتى أبويا وعرفنا كان فين هو من زمان كان نايم فى حضن الست هانم اللى نسيته أن ليه زوجه وبنات سايبهم فى الصعيد قوله ملوش دعوه بيا وينسانى ارجوك
اشرف :- أهدى يا حبيبتى بس واستهدى بالله وتعالى
رضوى :- بصوت مختنق وترجى ارجوكم يا جماعه بلاش تتغطوا عليا سبونى اطلع اوضى
سليم :- ربت على ظهرها بحنو قائلا أهدى يا رضوى وتعالى بس اقعدى واللى انتى عايزاه هيتنفذ
رضوى :- نظرت لسليم وتنهدت بضيق وذهبت معه إلى الاريكه وجلست بجواره
منصور :- رضوى يا بنتى
رضوى :- بصوت مختنق متقوليش يا بنتى
منصور :- تنهد بحزن شديد ونظر لها بألم وقال انا عارف ان من حقك تعملى كده واكتر كمان بس انا عايزك تحطى نفسك مكانى لو اتفرض عليكى امر واقع انتى رافضه وكنتى راسمه لنفسك طريق تانى خالص هتعملى ايه هترفضى صح وهو ده اللى انا عملته رفض بس جدك صمم وقتها أن اتجوز امك وكلامه هو اللى يتنفذ يا اما كده يا يحرمنى من الورث ويرمينى فى الشارع رفض وفعلا عمل كده بس لاقيت نفسى مش قادر استحمل النوم فى الشارع بعد ما جدك قال لاهل البلد كلهم محدش يدخلنى بيته ولا انام عندهم مكانش معايا جنيه واحد فى جيبى كنت هموت من قلة الاكل وقلة النوم رجعت تانى ليه وغصب عنى قولتله أن انا موافق اتجوز امك وفعلا اتجوزنا ورجع ليا كل حاجه بس مكنتش قادر ابص فى وش امك حتى كنت مخنوق اوى منها لانها اتفرضت عليا وقعد مده كبيره وانا مش عايز اقرب منها وهى شهاده لله عمرها ما اشتكت لجدك على اللى انا كنت بعمله فيها وفى يوم جدك استغرب ازاى امك لحد دلوقتى محملتش وقرر أن يجيب ليها الحكيمة تكشف عليها وتعرف السبب وساعتها كل حاجه ظهرت وعرف أن انا ملمستهاش وهددنى لو مدخلتش على امك هيرمينى تانى فى الشارع رميت الكلاب وعلشان جربت النوم فى الشارع مكانش قدامى حل تانى غير أن أدخل على امك وفعلا ده حصل وبعد شهرين حصل حمل وجدك رضى عنى وطلبت منه انزل اعيش عند اخويا اشرف فى اسكندريه واشتغل معاه وافق وعرض عليا أن اخد امك معايا انا رفض بحجة أن انا مش هينفع اخدها تعيش عند اخويا قال يجيب ليا سكن رفض وقولتله أن مش هكون مطمن على امك أنها تقعد لوحدها طول ما انا فى الشغل وجدك وافق أن انزل اسكندريه واسيب امك معاه فى البلد وكنت بروح ليها كل شهر يوم واحد وارجع تانى اسكندريه لحد ما جدك عرف من ناس أن انا متجوز هنا وطلب منى اروح ليه كانت اسماء اختك مولوده عندها شهرين او تلاته المهم روحت ليه وكان متعصب وطلب منى أن انا أطلق رحاب مراتى رفض وقولتله أن انا مقدرش استغنى عنها لأنها حب اربع سنين فى الجامعه اتعصب وهددنى لو مطلقتهاش هيحرمنى من الورث وهيعتبرنى موت وادانى يومين افكر فيهم وكنت قاعد اليومين دول فى البلد وامك متكلمتش معايا ولا كلمه ولا سألتنى ليه اتجوزت عليها من أساسه ووقت ما طلبت منها حقى الشرعى كنوع من انواع التهديد ادتهونى ومرفضتش وكانت مش عامله حسابها وبعد كده عرفت ان حصل حمل واختك لسه عندها شهور بس ساعتها كنت قررت أن اسيب كل حاجه و مطلقش رحاب وجدك نفذ تهديده ليا وحرمنى من الورث وحرمنى أن اشوفكم لحد ما امك اتحيلت عليه أن انا اجى ابص عليكم انشالله مره واحده فى الشهر و بالعافيه جدك وافق وبقيت اجى ليكم كل شهر مره بس من غير ما جدك يكلمنى ولا حتى اقرب من امك والمسها ومع مشاغل الحياة بطلت اجى ليكم خالص لحد ما كبرتوا وبقيتوا عرايس اختك اسماء قدرت شعورى ده إنما انتى لاء يا بنتى نظرة عينك ليا صعبه فيهم كره كبير ليا كان غصب عنى، كل اللى حصل ده جدك هو السبب فيه يا رضوى مش انا
رضوى :- نهضت بعصبيه وقالت والله وانت مفكر بكلامك ده هجرى عليك واترمى فى حضنك واعيط واقولك حقك عليا يا بابا انا اسفه علشان ظلمتك بس للاسف ده مش هيحصل علشان بعد اللى قولته ده انا كرهتك اكتر علشان وجعت قلبى على امى اكتر انت ايه يا شيخ معندكش قلب ازاى هان عليك تعمل فيها ده كله ولا علشان كانت غلبانه ومش بتتكلم دوست على قلبها وكسرته بالطريقه دى انا الاول كنت بكرهك علشان مسألتش فينا دلوقتى كرهتك اكتر بعد ما عرفت اللى انت عملته فى امى من يوم ما اتجوزتك منك لله انا عمرى فى حياتى ما هنسى كسرت قلبى منك ولا عقدة حياتى بسببك انا بكرهك يا منصور وعمرى فى حياتى ما هسامحك ودمعه نزلت من عيناها قامت بمسحها سريعآ ونظرت له نظرات مليئه بالكره والوجع وقالت ياريت تعتبرنى ميته وتشيلنى من تفكيرك زى ما اعتبرتك ميت من زمان اوى يا منصور
اشرف :- لتهدأت الموقف قال أهدى يا بنتى كل واحد مننا ليه عذره ومحدش فينا عارف لو كان مكانه كان هيتصرف ازاى
رضوى :-بكره وعصبيه قالت لو اى بنى أدم مكانه وعنده قلب كان هيتصرف بحنيه اتجاه الست اللى صانة شرفه ورضيت بالقليل الست اللى رغم كل اللى عمله فيها ده لسه بدافع عنه وبتتوسط ليه عند جدى ده لو كان حجر كان هيلين يا عمى
منصور :- نهض وذهب خلفها ووضع يده على كتفها قائلا بترجى امك سامحتنى من زمان اوى يا بنتى واختك سامحتنى متبقاش غيرك انتى يا رضوى
رضوى :- نظرت له فى عينه بتحدى قائله وانا بقى لو مسامحتى ليك هى اللى هتحيك مش هسامحك برضه لترمقة بنظره اخيره و تتركه وتصعد إلى غرفتها فى الاعلى
سليم :- ركض خلفها إلى الأعلى
اشرف :- نظر لأخيه وقال معلش يا منصور سيبها تريح اعصابها شويه وانا وسليم نبقى نقنعها تسامحك
منصور :- نظر لأخيه بحزن شديد وخيبة امل وتركه ورحل إلى الخارج
اشرف :- تنهد بضيق وقال ربنا يهديكى يا رضوى و تسامحيه بقى وذهب إلى غرفته
&&&&&&&&&&&&&&&&&&&&&&&
بالقاهره......فى فيلا هشام
غرفة رحيم واسماء
خرجت اسماء من المرحاض وهى ترتدى ملابس النوم ووقفت امام المراه تمشط شعرها نظر لها رحيم بحزن وذهب لها وقال
رحيم :-اسماء
اسماء :- اغلقت عيناها بتوتر وتنهدت وقالت ايوه يا رحيم
رحيم :-احنا لسه مكملناش كلامنا
اسماء :- مبقاش فيه كلام يا رحيم انا مش بحبك ولا عمرى هحبك خليك عند وعدك ليا قبل الجواز وطلقنى زى ما متفقين
رحيم :- نظر لها بترجى وقال ارجوك يا اسماء خليكى جمبى انتى لو بعدى عنى هموت من غيرك
اسماء :- يا رحيم ابوس ايدك بلاش كلامك ده انت متعرفش حاجه انت بالذات مينفعش
رحيم :-ليييييه يا اسماء منفعش، فيا حاجه مش عجباكى قوليلى عليها وانا اغيرها
اسماء :- بالعكس والله انت جدع وفيك حاجات حلوه كتير المشكله فيا وفى قلبى
رحيم :-انا سألتك يا اسماء فيه حد فى حياتك قولتيلى لاء يعنى قلبك مش مشغول وسكت لحظات واردف كلامه وقال ولا انتى بتحبى حد وخوفتى تقولى ليا
اسماء:- استدارت واغلقت عيناها ولم تجيب عليه
رحيم:- وقف امامها ومسك ذراعيها وقال بتسأل ردى عليا يا اسماء فيه حد فى حياتك
اسماء :- بدموع ارجوك يا رحيم سبنى
رحيم:- اممم يعنى فيه حد فى حياتك وترك ذراعيها واستدار وقال ليه يا اسماء ليه عيشتينى على امل فاضى ليه مقولتيش الحقيقه من الاول كنت معشمتش نفسى بحاجه مش هتحصل ليه وتنهد ونظر لها وقال عمومآ انا عند وعدى ليكى هتمشى مع امك وورقتك هبعتها ليكى على الصعيد وتركها وذهب المرحاض
اسماء:- جلست على السرير و انهمرت الدموع من عيناها
رحيم:- دخل المرحاض واغلق الباب خلفه واسند ظهره عليه والدموع انهمرت من عيناه وقال ليه يا اسماء تكسرى قلبى اللى حبك ليه
&&&&&&&&&&&&&&&&&&&&&&
بالاسكندريه......فيلا اشرف
فى غرفة سليم
دخلت رضوى إلى الغرفه والقت جسدها على الاريكه ووضعت يدها على وجهها وبدأت بالبكاء وسمعت صوت الباب ينفتح مسحت دموعها سريعآ ونامت على الاريكه جلس سليم بجوارها وقال
سليم:- رضوى انتى كويسه
رضوى:-انا كويسه يا سليم بس عايزه انام تصبح على خير
سليم:- طيب قومى عايز اتكلم معاكى
رضوى:- معلش يا سليم نبقى نتكلم الصبح
سليم:- لاء يا رضوى هنتكلم دلوقتى قومى بس
رضوى:- تنهدت بضيق وقامت جلست وقالت عايز ايه يا سليم
سليم:- مش عايزك تنامى زعلانه
رضوى:- انا مش زعلانه ومتخلقش لسه اللى انام بسببه زعلانه
سليم:- لاء زعلانه يا رضوى ورغم انك انتى بتحاولى تظهرى قويه بس عيونك مكسوره وباين عليها الوجع
رضوى:- والله وانت بقى خبير عيون وانا معرفش
سليم:- لاء مش خبير عيون بس قلبى حس بيكى وبوجعك
رضوى:- بقولك ايه يا سليم سيبنى انام مدام مفيش حاجه مهمه
سليم:- على فكره غلط اللى انتى بتعمليه ده مش لازم طول الوقت نظهر اقوياء لازم فى لحظه نظهر ضعفنا بس فى الوقت والمكان المناسب مع الناس اللى تكونى حاسه انها منك وهتحس وجعك
رضوى:- اتكلمت بصوت مختنق وقالت بضيق انا لا عايزه اظهر قويه ولا عايزه حاجه من حد تصبح على خير ووضعت رأسها على الوساده و اعطته ظهرها
سليم:- نظر لها وتنهد وقام وضع جسده على السرير ونظر لرضوى بوجع
رضوى:- بدأت دموعها تنهمر منها على الوساده ووضعت يدها على فمها حتى لا يصدر صوت منها ويشعر بها سليم
&&&&&&&&&&&&&&&&&&&&&&&&&&
اشرقت شمس صباح يوم جديد بنورها الساطع فى سماء الاسكندريه لتبدء مى بفتح عيناها وهى تشعر ببعض الألم في أسفل البطن لتنظر اتجاه جاسر وتقول
مى :- جاسر يا جاسر قوم
جاسر :- فتح عيناه ونظر لها قائلا فيه ايه يا مى
مى :- بألم عندى مغص جامد فى بطنى يا جاسر
جاسر :- نهض وجلس قائلا بقلق مغص جامد
مى :- اومأت برأسها قائله ايوه جامد اوى
جاسر :- طيب استنى اتصل بالدكتوره ومسك هاتفه واجرى اتصالا ووضع الهاتف على أذنه لينتظر احد يجيب عليه وبعد عدة مرات من الرنين اجابه صوت قائلا
السكرتير :- السلام عليكم
جاسر :- وعليكم السلام ورحمه الله وبركاته لو سمحت ممكن اكلم الدكتوره انا زوج مدام مى
السكرتير :- طيب خليك ثوانى وتركه على الهاتف لبضع دقائق وعاد قائلا معاك الدكتوره اهى اتفضل
الدكتوره :- السلام عليكم
جاسر :- وعليكم السلام ورحمه الله وبركاته
الدكتوره :- اتفضل يا استاذ جاسر
جاسر :- المدام تعبانه جدآ وعندها مغص جامد فى بطنها من تحت كده فيه خطوره على البيبى
الدكتوره :- نزل دم ولا اى حاجه
جاسر :- مش عارف ونظر إلى مى متسائلا فيه دم نزل عليكى
مى :- نظرت له بتوتر قائله حاجه بسيط جدآ ومره واحده بليل
جاسر :- رمقها نظره مطوله وقال ومقولتيش ليه
مى :- بتلعثم ا.ا انا قولت دى حاجه بسيطه مش مستاهله
جاسر :- أجاب قائلا ايوه يا دكتوره نزل عليها حاجه بسيطه
الدكتوره :- أجابته قائله تمام خير ان شاءالله هتجيب ليها (.....) وتخده مره واحده فى اليوم وحقن (....) مره واحده فى اليوم على تلت ايام وتنام على ضهرها متتحركش نهائى وان شاءالله تجيبها ليا اخر الشهر ده
جاسر :- طيب مفيش اى خطر على البيبى
الدكتوره :- لاء أن شاءالله اهم حاجه متعملش مجهود خالص وتنام على ضهرها
جاسر :- شكرآ يا دكتوره واغلق الهاتف ونظر لمى قائلا بتوعد لو شوفتك بتتحركى من مكانك يا مى مش هيحصلك كويس فاهمه
مى :- يعنى ايه مش هنزل الشغل
جاسر :- بعصبيه شغل ايه وزفت ايه بقولك مفيش حركه خالص
مى :- يووووه بقى
جاسر :- بقولك ايه انا هجيب ليكى امك هى اللى هتخليكى تقعدى غصب عنك
مى :- طيب انزل الشغل ومش هعمل مجهود خالص والله
جاسر :- نهض من على السرير بعصبيه قائلا يووووه متبقيش عناديه بقى يا مى لو بتحبينى بجد اسمعى الكلام استحملى شويه لحد ما الحمل يثبت بس وبعد كده انزلى الشغل براحتك
مى :- مسكت بطنها بألم ونظرت إلى جاسر قائله ماشى بس هات ماما تقعد معايا
جاسر :- حاضر يا ستى من بكره عمتى هتكون عندك
مى :- ماشى
جاسر :- ذهب إليها واقترب منها وقبل جبينها بحنو قائلا انا بحبك يا مى وبخاف عليكى وعلى اللى فى بطنك مش عايز حاجه تحصل ليكم عايزكم دايمآ بخير يا قلبى ويجى بقى ينور حياتنا
مى :- نظرت له بحب قائله أن شاءالله يا حبيبى
جاسر :- دخل المرحاض وبعد مرور وقت قصير خرج منه و ارتدى ملابسه وقام بتأدية فرضه ونظر اتجاه مى قائلا عايزه حاجه يا قلبى
مى :- لاء يا حبيبى عايزه سلامتك
جاسر :- هخليهم يجيبوا ليكى الفطار ومتتحركيش من مكانك علشان خاطرى
مى :- حاضر
جاسر :- قبل وجينتها ودلف خارج الغرفه واغلق الباب خلفه ونزل إلى الأسفل وبلغ والده بكل شئ وتركه وذهب إلى عمله
&&&&&&&&&&&&&&&&&&&&&&&
فى غرفة سليم
تململت رضوى فوق فراشها على الأريكة لتبدء بفتح عيناها ونظرت اتجاه السرير لتجد سليم مازال نائمآ اطالت النظر له تتمعن ملامح وجهه وارتسمت بسمه على شفاها تنهدت ونهضت من فوق الأريكة لتتجه إلى المرحاض وتغلق الباب خلفها فتح سليم عينه ونظر اتجاه الباب وجلس على السرير ووضع يده على وجهه ومر وقت قصير وخرجت رضوى من المرحاض لتنظر لسليم الجالس فوق فراشه قائله
رضوى :- صباح الخير
سليم :- بأبتسامه صباح النور
رضوى :- قوم يلا اجهز علشان اتأخرنا النهارده على الشغل
سليم :- نهض من فوق فراشه واتجه إليها وقال عامله ايه دلوقتى
رضوى:- كويسه وزى الفل
سليم:- على فكره مش لازم تمثلى انك قويه قدامى يا رضوى انا حاسس بيكى طول الليل وانتى بتعيطى بس مرضتش اضايقك
رضوى:- انا مش محتاجه امثل قدامك ولا قدام غيرك يا سليم اه بزعل بس متعودش الزعل ياخد من وقتى كتير اضعف بس متكسرش ابكى بس ضحكتى متغبش عنى يعنى من الاخر انا رضوى سويلم يا سليم وابتسمت له
سليم:- نظر لها بأعجاب وقال ماشى يا بنت عمى منك اتعلم وتركها وذهب المرحاض واغلق الباب خلفه نظرت رضوى اتجاه الباب وتنهدت واتجهت الى خزانة الملابس وبدلت ملابسها واختارت الملابس لسليم ووضعتها على السرير واتجهت الى التسريحه ووقفت امام المراه ووضعت الحجاب فوق رأسها ونظرت لنفسها بأعجاب وقالت
رضوى :- زى القمر يا روضه لتسمع صوت سليم قائلا
سليم :- ده القمر اللى شبهك يا رضوى مش انتى اللى شبه
رضوى :- تسمرت مكانها بخجل ونظرت له وقالت بتلعثم ا.ا.انت هنا من امته
سليم :- ابتسم على خجلها الواضح وقال من ساعة ما كنتى بدلعى نفسك فى المرايا
رضوى :-بتوتر احم ع.ع.عادى يعنى واخلص بقى اجهز علشان اتأخرنا
سليم :- قهقه وقال بتبقى زى العسل وانتى مكسوفه كده
رضوى :- نظرت له بأبتسامه وقالت هدومك اهى البس بقى واخلص
سليم :- انتى صليتى
رضوى :- ها ل.ل لاء
سليم :- طيب كويس تعالى نصلى جماعه
رضوى :- ل.ل لاء صلى انت
سليم :- ليه انا جوزك عادى اصلى بيكى جماعه
رضوى :- احم م.م.ما هو انا مش هينفع اصلى
سليم :- بعدم فهم ليه يعنى
رضوى :- احم م.م.ما هو انا م.م.مينفعش اصلى اليومين دول
سليم :- فهم ما تريد قوله نظر لها وقال احم اه فهمت طيب عامله حسابك ولا انزل اشترى ليكى حاجه
رضوى :- بأحراج نظرت إلى الأرض قائله ل.ل لاء عامله حسابى
سليم :- ماشى وتركها وارتدى ملابسه وقام بتأدية فرضه ونظر إلى رضوى وقال يلا بينا
رضوى :- نهضت من على الأريكة وقالت يلا ونزلوا الاثنين إلى الأسفل لينظر سليم إلى أبيه قائلا
سليم :- صباح الخير يا بابا
اشرف :- نظر الاتجاه الآخر ولم يجيب عليه
رضوى :- نظرت إلى سليم ثم نظرت اتجاه عمها قائله صباح الخير يا عمى
اشرف :- صباح النور يا بنتى
سليم :- بابا انت لسه زعلان منى
اشرف :- لم يجيب عليه
سليم :- يا بابا انا عارف ان غلط وهحاول اصلح غلطى ده بس ارجوك بلاش تزعل منى علشان مقدرش على زعلك والله
اشرف :- نهض من مقعده وقبل أن يتحرك نظرت له رضوى قائله
رضوى :- علشان خاطرى يا عمى سامحه هو اعترف بغلطة واحنا بشر و معرضين للغلط احنا مش ملايكه يا عمى
اشرف :- بس غلط عن غلط بيفرق يا بنتى وجوزك معملش لاى حد فينا اعتبار وراح اتجوز من وراه ضهرنا واحده شمال وعرفت توصل للى هى عايزاه يشوف بقى هيعرف يسد ليها المبلغ بتاع المؤخر منين وسابهم ومشى
سليم :- تنهد بضيق ونظر لرضوى قائلا أنا مش هقدر استحمل زعل بابا منى يا رضوى
رضوى :- اهدا بس وانا أن شاءالله لما نرجع بليل هدخل أكلمه
سليم :- نهض وقال ربنا يسهل يلا بينا
رضوى :- نهضت هى الأخرى ونظرت لسليم وابتسمت له قائله كل حاجه هتتحل أن شاءالله
سليم :- أن شاءالله ومسك يدها ونظر لها قائلا ربنا يخليكى يا رضوى وميحرمنيش منك
رضوى :- ابتسمت له وسحبت يدها وقالت يلا بينا وخرجوا الاثنين خارج المنزل وصعدوا السياره وقادها سليم إلى الشركه
&&&&&&&&&&&&&&&&&&&&&&
بالقاهره......فيلا هشام
استيقظت اسماء من نومها ونظرت اتجاه رحيم وجدته مازال نائمآ نهضت من على فراشها وذهبت له ورقدت على ركبتيها أمامه ونظرت له على ملامح وجه ليبدء رحيم بفتح عيناه رمقها نظره مطوله ونهض من على الاريكه وتركها بدون ان ينطق معها كلمه واحده نهضت اسماء من على الارض وجلست على السرير ونظرت اتجاه باب المرحاض وبعد وقت خرج رحيم وقال
رحيم :- اجهزى علشان ننزل تحت
اسماء :- رحيم
رحيم :- خلصنا يا اسماء مبقاش فيه كلام تانى يتقال
اسماء :- رحيم انا بحترمك جدآ وشايفه انك راجل وشهم بجد مش معنى ان رفض حبك ان بقلل منك بس دى حاجه مش بأيدى
رحيم :- من غير ما ينظر لها قال مش عايز كلام فى الموضوع ده تانى لو سمحتى، وارتدى ملابسه وقام بتأدية فرضه وتركها ونزل إلى الاسفل
اسماء :-نظرت له وتنهدت ودخلت المرحاض
رحيم :- نزل إلى الاسفل وقال صباح الخير
الجميع :- صباح النور
صباح:- اومال فين اسماء
رحيم :- فى الاوضه فوق نازله ورايا
منال:- مالك يا ابنى فيه حاجه مزعلاك ولا ايه
رحيم:- لاء يا مرات عمى انا كويس عن اذنكم
هشام:- اقعد كل يا ابنى
رحيم:- معلش يا بابا متأخر على الشغل عن اذنكم وتركهم وذهب
اسماء :-صباح الخير
الجميع:- صباح النور
صباح :- ماله رحيم يا بنتى
اسماء:- بتوتر ر. ر. رحيم ماله
صباح:- انتى بتسألينى انا يا بنتى
اسماء:- ه. ه. هو قال ليكم حاجه
هشام:- لاء مقالش علشان كده بنسألك
اسماء:- م. م. معرفش يا عمى ماله
منال:- نظرت لابنتها بقلق
صباح:- طيب انتو زعلانين مع بعض
اسماء:- ها ل. ل. لاء
صباح:- لاء ابنى زعلان من حاجه ابنى رحيم بيبان عليه الزعل بسهوله اتكلمى يا حبيبتى لو زعلانين من بعض قولى واحنا نتدخل فى الموضوع
احمد:- وهو يجلس على المقعد اوبااااا خناقه مين مع مين
هشام:- اخوك رحيم شكله زعلان واحنا بنحاول نعرف من اسماء ماله
احمد:- عملتى فى الواد ايه يا بت انطقى
اسماء:- خليك فى حالك
منال:- بت يا اسماء اتكلمى عدل انتى اتجننتى
احمد:- سبيها يا مرات عمى هى كده مسحوبه من لسانها اللى عايزه قطعه ده قومى انجرى قدامى يا زفته
اسماء:- عايز ايه
احمد:- اش ياخد الريح من البلاط قومى قدامى لاكسرك صف اسنانك ده
اسماء:-مش قايمه
احمد:- انتى يا زفته مفيش حد قادرك ولا ايه هتقومى ولا اجرك من شعرك على الجنينه
اسماء:- زفرت بضيق وقامت وقفت وذهبت إلى الحديقه
منال:- نظرت إليهم بقلق
صباح:- هو احمد اللى هيعرف منها كل حاجه ويقدر يراضيهم مع بعض لو زعلانين
منال:- تنهدت بقلق وقالت بصوت منخفض ربنا يستر
يتبع الفصل الثاني عشر اضغط هنا
- الفهرس يحتوي على جميع فصول الرواية كاملة :"رواية قلب لا يقبل الهزيمة" اضغط على اسم الرواية