رواية بنت القرية الفصل الثاني عشر بقلم ملك كريم
رواية بنت القرية الفصل الثاني عشر
بمنزل عائلة الغريب
احد العمال : ابراهيم بيه فى حد عايزك بره
ابراهيم : مين يا اللى عايزنى
العامل : سليم الشامى
ابراهيم بصدمه : سليم الشامى ....انت متأكد من كلامك ده
العامل : اه والله هو سليم الشامى بذاته ...وواقف برا
ابراهيم : طيب دخله خلينا نشوف عايز مننا ايه
دلف سليم إلى داخل منزل عائلة الغريب
سليم : السلام عليكم
ابراهيم : وعليكم السلام. ..انا اول مره اشوف حد جاى لقضاه برجليه
سليم : انا جاي علشان نفض الموضوع ده
ابراهيم : ازاى يعنى مش فاهم
سليم : يعنى ميبقاش فى طار
ابراهيم : مستحيل ...على جثتى وطارى هخده منك دلوقتى ...وأخرج سلاحه ووضعه على رأس سليم
سليم بثقه : لو فكرت تضغط على الزناد هتكون ميت ...
ابراهيم بتوتر وهو ينزل سلاحه : طب اقعد فهمنى عايز تعمل ايه
سليم : انتوا قتلتوا واحد مننا واحنا قتلنا واحد منكوا يبقى كده خالصين
ابراهيم : عايزنى اسيب حق اخويا لا مستحيل
سليم : يا حاج ابراهيم دلوقتى لو اخدت حق اخوك وقتلتنى هيجي ابويا يقتل ابنك عربى والدايره دى هتخليها مفتوحه ومش هنخلص انا عايز اعيش حياتى زى الناس الطبيعيه اطلب اللى انت عايزه وانا هنفذ بس نخلص من الموضوع ده
ابراهيم :كلامك مظبوط كل ده مش ذنبك يا ولدى ..ذنبك كبار العيله وانت كنت الضحيه وانا مش عايز ده يحصل فى ابنى
سليم : هو ده الكلام المظبوط ..كده يعنى خلاص مفيش طار ولا غيره صح
ابراهيم بابتسامة : مفيش حاجه يا ولدى المسامح كريم ....من دلوقتى هعتبرك زى عربي ابنى
سليم : وانا هعتبرك زى ابويا كارم ....ها لسه برضوا عايز تضربنى بسلاحك
ابراهيم بضحك : قوم امشي يا واد
سليم بضحك : ماشي همشي انا .....وأثناء سيره أوقفهم صوت عربي الغاضب : انا شايف الضحك واصل لآخر الدار
ابراهيم : اه يا ولدى خلاص موضوع الطار راح لحاله وسليم من هنا ورايح زى ولدى
عربى : اتنازلت عن حق عمي يا ابويا ...
سليم : اللى هيحصل معايا ...هيجي يوم ويحصل معاك يا عربى وانا ميرضنيش كده ...وانت عارف انك طول عمرك تبقى صحبى
عربى : صاحبك قبل متقتلوا عمى
سليم : يعنى ابوك الحاج ابراهيم موافق وانت اللى معترض
عربى : اه مش موافق
ابراهيم : خلاص يا عربى ...سلم على صاحبك وخلونا نخلص من الموضوع ده
اقترب سليم من عربى : ها يا صاحبي هتسلم عليا ولا امشي
عربى : هسلم عليك يا صاحبى ...
سليم : كده اقدر امشي عايزين حاجه
ابراهيم : لا كتر خيرك يا ابنى ..
.............................................................
فى غرفة تميم ونور
كانت نور بوضع اخر اللمسات على ملابسها قبل خروجها مع بسمه
وقاطع استعدادها دخول تميم اللى الغرفه
تميم : خلصتى ؟؟
نور : اه ...فيه حاجه
تميم : لا مفيش حاجه ...خدى دى
نور : ايه دى
تميم : الفيزا بتاعتى علشان لو حبيتى تشتري حاجه
نور : لا انا مش هشتري حاجه ..انا هروح مع بسمه وخلاص
تميم : خدي الفيزا يا نور ...انا جوزك وكل حاجه تخصك انا المفروض اقوم بيها
نور بخجل : عارفه بس انا فعلا مش هشتري حاجه
تميم : خديها احتياط علشان لو حاجه عجبتك
اخذت نور الفيزا : انا همشي بقى علشان متأخرش على بسمه ...
تميم : طيب روحى .....علفكره شكلك حلو اوى
نور بابتسامه : بجد ..شكرا ....متنساش تاخد الدوا بتاعك
تميم بأبتسامة : حاضر
وذهبت نور مع بسمه اللى المول للتسوق
بعد مرور ساعتين
بسمه : ايه رأيك وحلو عليا
نور : اممم مش قوى شوفى حاجه غيره
بسمه : طب ده
نور : حلو ده
بسمه : كده انا خلصت ...بس انتى مجبتيش اى حاجه خالص كده مينفعش
نور : أنا عندى حاجات مش عايزه
بسمه : لا استنى انا هختار حاجه على زوقى ....ايه رأيك شكله حلو
نور بفرحه : شكله حلو اوى يا بسمه
بسمه : خلاص هناخده
نور : ايه يا بنتى مش هنروح انا تعبت من اللف
بسمه بضحك : علشان فى الاول بس عارفه لو جيتى معايا مرتين كمان هتتعودى
نور : انا حرمت مش هاجى معاكى تانى
.............................................................
فى منزل عائلة الشامى
كارم : ايه يا ولدى اتأخرت كده ليه وكنت فين كل ده
سليم بهدوء : كنت عند ابراهيم الغريب
رابحه : يالهوى بتعمل ايه عندهم دول يموتوك
سليم : اطمنى يا امى انا زى الفل اهو ...وخلاص مفيش مشاكل بعد كده
كارم بحيره : مش فاهم تقصد ايه
سليم : اقصد أن موضوع الطار اتقفل وانا وعربى رجعنا حبايب تانى وكله تمام
رابحه : عملت كده ازاى يا سليم
سليم : اقعدوا بس وانا هفهمكوا كل حاجه ...
وجلس كارم وبجانبه رابحه للاستماع لحديث سليم
كارم بفرحه : يعنى كده مفيش طار ومش هنمشي خايفين
سليم بأبتسامة : أه خلاص هنعيش بأمان
رابحه : لولولولى ....فرحتنى اول يا سليم ...ربنا يجبر بخاطرك ويوقفلك ولاد الحلال
سليم : يارب يا امى ...انا كنت عايزكم فى موضوع تانى
كارم : موضوع ايه
سليم : انا لازم اكون فى اسكندريه بكره الصبح ومش عارف هرجع امته
رابحه : تانى يا سليم هتروح الشغل ده
سليم : انتى عارفه يا امى ان انا ليا وضع مهم هناك وليا اسهم فى الشركه دى وحصل شويه حاجات كده فلازم ارجع هناك ..
كارم : طب ورحمه اللى هنروح نقرأ الفاتحه عندهم النهارده ايه وضعها
سليم : انا استريحتلها وبقول نكتب الكتاب واخدها معايا ولمى ارجع نبقى نعمل فرح كبير أن شاء الله
رابحه : انا هقول لأمها كده ونشوف ردها هيبقى ايه
سليم : تمام ... بلغونى برأيها ...هى فين سلمى
كارم : برا فى الجنينه
سليم : طيب
.............................................................
فى قصر عائلة الهلالى
سيلين بفرحه وصوت مرتفع : النتيجه ظهرت ....انا نجحت جبت مجموع كليه الهندسه
الجد نوح بسعاده : الف مبروك يا حبيبتي ..عقبال التخرج ..
ايمن : ألف مبروك يا سيلين ..هتنافسي معتز بقى مش كده
سيلين : اكيد طبعا
وفى هذه الأثناء أتى صوت معتز : ايه الدوشه دى
سيلين : النتيجه بتاعى ظهرت وجبت مجموع كليه الهندسه .انا فرحانه أوى يا معتز
معتز : وانا فرحت اوى يا سيلين ..بس انتى كده هتتبقى المنافسه بتاعتى مينفعش الكلام ده
سيلين : اهو نتعلم منك شويه ..ولا مش ناوي تعلمنى
معتز : اكيد هعلمك طبعا ...انتى المهندسه سيلين الهلالى
سيلين : خلاص متكسفنيش بقى
ايمن : خلاص يا ولاد يا نروح علشان الاكل جاهز
.............................................................
فى المساء ( منزل رحمه )
رابحه : والله يا حاجه سلوى كان نفسنا فى فرح وكده بس هنعمل ايه الشغل بتاع سليم .
سلوى : مش مهم ورحمه موافقه يبقي خلاص ..
سليم : اوعدكم اول لمى الشغل يخلص هنعمل فرح كبير البلد كلها تحلف بيه
كارم : يلا يا شيخنا ابدأ
بعد مرور فترة من الزمن
المأذون : ( بارك الله لكما وبارك عليكما وجمع بينكما في خير )
سلوى ورابحه : لولولولولولي الف مبروك يا ولاد
رحمه وسليم : ربنا يبارك فيكوا
سليم : هنمشي احنا بقى علشان نلحق نوصل اسكندرية ...ثم وجهه حديثه لسلمى : ثلاثه ايام بالكتير وتيجي اسكندريه علشان المشروع تمام
سلمى : تمام بس ليه الاستعجال ده هو ايه اللي حاصل هنام
سليم : تميم ومعتز عملوا حادثه وتميم فقد الذاكره والشغل كله على معتز وهو لسه تعبان شويه فلازم اكون هناك
سلمى بصدمه : كل ده حصل وانا معرفش طب يعنى همى لسه فى المستشفى ولا روحوا
سليم : لا همى فى البيت ...لمى تيجي هتعرفى كل حاجه
وبدأوا فى توديع الأهل ثم انطلق سليم ورحمه متجهين الى مدينه الاسكندرية .
.............................................................
فى قصر عائلة القاسم
عصمت : ورونى يا بنات جبتوا ايه
بسمه : جبت الفستان ده لحفله التخرج وجبت كمان دول للخروج العادى ها شكلهم حلو
عصمت : حلوين اوى ..والوانهم احلى ...وانتى يا نور
نور : أما جبت الفستان ده بس
عصمت : واو شكله تحفه ..بس ليه مجبتيش حاجه كمان
نور : انا اصلا مكنتش محتاجه هدوم بس بسمه أصرت انى اشتري حاجه فجبت ده
بسمه : نور بتتعب بسرعه اوي يا ماما
نور : علشان مش متعوده على اللف الكتير ماما هى اللى كانت بتجبلى الهدوم فمكنتش بخرج
عصمت : اممم ...طيب اطلعى استريحي انتى تعبتى النهاردة
نور : حاضر عن اذنكم
.............................................................
وبعد مرور عده ساعات
سليم : اتفضلى يا رحمه احنا وصلنا
رحمه : هى دى الشقه اللى كنت عايش فيها
سليم : اه شقه على قدى بس ميزتها أنها على الكورنيش علطول
رحمه بفرحه : بجد ..ممكن اشوف
سليم بأبتسامة : اه طبعا تعالى ...وأخذها على التراس : ها عجبتك
رحمه : عجبتنى اوي ..انا عمري مجيت اسكندريه قبل كده
سليم : مجتيش خالص
رحمه بحزن : لا ولا مره كنت يشوفها فى الافلام والمسلسلات لكن عمري مشفتها ..
سليم : اوعدك كل يوم لمى أخلص شغل هخدك نتمشي واعرفك على اماكن حلوه هنا
رحمه بساعده : بجد ...انا هبقى اسعد واحده فى الدنيا
سليم : رحمه انا عارف ان كان نفسك فى فرح زى باقى البنات وفستان ابيض وكده بس ظروف شغلى مسمعتش بده ...حقك عليا
رحمه : متزعلش عادى تتعوض ..المهم أننا اتجوزنا وخلاص ..تعرف انا اسعد واحده فى الدنيا دى كلها دلوقتي
سليم : ليه بقى
رحمه بخجل : انا مش عارفه هقول كده ازاي بس ..انا بحبك يا سليم من واحنا عيال صغيرين كنت بشوفك وانت بتلعب مع العيال وليك هيبه كده محدش يقدر يعملك حاجه وحتى فى المدرسه كنت كده لحد مكبرنا كنت بسمعك تقول أنا لمى اكبر هخش كليه حقوق ودخلتها.. يوم النتيجه بتاعتك ...انا كنت فرحانه اوي كان نفسي اجى اشوفك واقولك الف مبروك بس مينفعش وبعدها بيومين عرفت انك سافرت علشان موضوع الطار ده ومن اليوم ده وانا حزينه جدا ...واول معرفت انك رجعت البلد بعد السنين دى كلها ومعاك الرجاله بتوعك والناس كلها كانت بتتكلم عن الموضوع ده ...انا كنت فخوره بيك بشكل ...لا واليوم اللى امى قالت فيه انك جاى تطلبني للجواز ..انا كنت هموت من الفرحه ..وقعدت ارقص بعد م امى مشيت واقول أخيرا دعائى استجاب ..اصل انا كنت يدعى فى صلاتى انك تكون من نصيبى واهو اتحقق
سليم بفرحه متعجبه : كل ده وانا مش واخد بالى منك ..أنا تقريبا كنت مغفل ..بس تعرفى انا لمى شفتك اول مره حسيت انى اعرفك من زمان مش عارف وكمان اليوم اللى وصلتك فيه الجامعه انا بعد مسبتك حسيت بفرحه غريبه باين كده انى وقعت فيكى وحبيتك .
رحمه بضحك : بس انا حبيتك الاول ..
سليم بضحك : بس انا حب من اول نظره ..ربنا يفرح قلبك زى مفرحتي قلبى
رحمه : يارب يا سليم
.............................................................
فى غرفة تميم
نور بهدوء : تميم انت قاعد بقالك كتير بتشتغل على اللاب توب استريح شويه وكمان انت لسه تعبان
تميم : انا خلصت اهو ... وأغلقت الحاسوب ..ثم تابع : تعالى اقعدى جنبى عايزك فى حاجه مهمه
ذهبت نور وجلست بجانب تميم : ايه بقى الحاجه المهمه
تميم : شايفه الدولاب ده افتحيه هتلاقى صندوق هانيه وتعالى
ذهبت نور وأخذت الصندوق وعادت مره أخري بجانب تميم
نور : الصندوق ده فيه ايه
تميم : افتحيه وانتى تعرفى
فتحت نور الصندوق ووجدت بداخله نفس الكتب الذى أحضره لها والدها وكوبين واحد مرسوم عليه كتاب والآخر قهوه
نور بفرحه : ده نفس الكتاب اللى القهوه وقعت عليه اول مره اتقابلنا فيها وكمان موقع من الكاتب
تميم بسعاده : وكمان شوفى جبت لكي كوبايه عليها كتاب وليا عليها قهوه
نور : بجد ربنا يخليك يا تميم الهديه عجبتنى اوي
تميم : ممكن أسألك سؤال
نور : اه طبعا
تميم : هو مين البحر اللى كنتى بتتكلمى عليه لمى كنا بنلعب صراحه
نور بخجل : اممم ...بصراحه كده البحر ده يبقى انت
تميم بأبتسامة : بجد ...البحر ده يبقى انا ...يعنى انتى شيفانى بحر
نور : اه ...شكلك جذاب بس جواك غموض محدش يفهمه شويه تبقى هادى وشويه تبقى عصبي زى موج البحر كده .....قولى انت مين بقى النجمه
تميم بضحك : النجمه دى تبقي انتى ....اول مره شوفتك فيها لقيت فيكى حاجه مختلفه مش موجوده فى بنات كتير ...انا كل البنات اللى شفتهم كانوا عايزني علشان فلوس والكلام ده بس انتى غير ...شبهتك بالنجمه علشان بعيده صعبه المنال فى وسط ضلمه الليل بتبقى منوره وانتى جيتى نورتى حياتى كلها ....بحبك يا نور من اول مره شفتك فيها
نور بخجل : وانا كمان بحبك يا تميم
اعتدل تميم : انتى قولتى ايه اصل صوت الموسيقى عالى فمش سامع ممكن تعيدي تانى
نور بضحك : أعيد ايه اصلا مفيش حاجه شغاله
نهض تميم واحتضن نور وظل يدور بها فى أنحاء الغرفه : بحبك يا نور ..بحبك اوى
نور بضحك : وانا كمان والله بحبك بس نزلنى انا دوخت
أنزلها تميم : نزلتك بس علشان دوختى وانا عادي ممكن اخليكى فوق علطول معنديش مانع
نور : لا خلينى على الأرض افضل بكتير
تميم بتوتر : نور انا عايز اعترف بحاجه كده
نور بتوتر : انت خوفت حاجه ايه
تميم بقلق وتوتر : ..
يتبع الفصل الثالث عشر اضغط هنا
- الفهرس يحتوي على جميع فصول الرواية كاملة :"رواية بنت القرية" اضغط على اسم الرواية