رواية الملتزمة الصغيرة الفصل الثاني عشر بقلم سمر ابراهيم
رواية الملتزمة الصغيرة الفصل الثاني عشر
نبدأ بقى بسم الله
فهد بعد عن تفاؤل خالص بسبب كلام أويس بس وزعلان من أويس اوي
بعد مرور أسبوعين
نفس:- توتو حافظة الخلطة السحرية
تفاؤل:- طبعاً ي معلم حبت دموع مع شوية مسكنه وشوية محن على نص كيلو كسرة خاطر وضيفي حبه دموع كمان
نفس:- اشطا أويس وصل اهو
أويس:- يلا البسوا للمدرسة
نفس:- ممكن طلب صغنن قد كدا هو👌
أويس:- لا
تفاؤل:- طيب أنا أختك حبيبتك ممكن اطلب
أويس:- برضو لا
نفس:- تعالي ي تفاؤل احنا ملناش حد يسمعنا وينفذ طلباتنا بلاش تقولي ليه عشان خاطري احنا ملناش خاطر عند حد
أويس:- بس كفاية هعيط الدمعه على طرف رمشي من التأثر
تفاؤل:- اتريق على مشاعر واحسيس بنوته صغيرة ملهاش حد
أويس أبتسم:- وايه كمان
تفاؤل:- ووحيدة زهقت من المدرسة ونفسها تخرج معاك هي وصحبتها لمكان
أويس:- بعد المدرسة اخرجكم ي ستي
نفس:- لا لو ينفع تاخدنا نشوف الشركة بتاعتكم
أويس:- يلا ي بت أنتي وهي من هنا قال شركة قال
نفس:- اهو سمعتي قال يلا طيب يلا ي بت على العربية قبل ما يغير رأيه
تفاؤل:- تعالي نشوف مين يوصل الأول وفضلوا يتسابقوا
أويس ضحك وغصب عنه أخدهم الشركة
،،،،،،،،،،،،،،،سمر إبراهيم
في الشركة دخل أويس النديم بهياته المعتادة ريحت البرفان بتاعته غطت على المكان
الموظفين كلهم التفتوا يلقوا عليه التحية بس الكل كاتم ضحكته على شكل نفس وتفاؤل وهما ماشين ورى أويس دي عاملة دراعه الايمين ودي الشمال ماشين مشيت الحراس وبيحاولوا يقلدوا أويس بس مش عارفين شكلهم يفطس من الضحك
نفس وهي ماشية وقعت عملت نفسها بتعمل تمارين ضغط ملست على طرحتها وقامت بفخر بس مكشوف والضحك زاد اوي
أويس التفت وراه يشوف الموظفين بيضحكوا ليه نفس قامت وبتنفض هدومها
أويس:- في ايه بيحصل من ورايا
نفس:- ولا حاجة وقعت فيها حاجة دي مالهم كدا مشفوش حد وقع قبل كدا
أويس:- ي ريت كل وأحد ينتبه لشغله
أسد:- ايه دا القمر عندنا بلاها شغل بقى تصدقي حظي حلو ومفيش جامعة النهاردة
نفس:- اشطا أبقى هات فشار وتعالى مكتب أويس نتسلى شوية
أويس:- راجل وتعالى وأنا اخلي طنط مريم تترحم عليك
أسد مسك رقبته:- وعلى ايه دي فيها فشار بلاش احسن
نفس بصت لأويس:- كدا بتطفش الزباين ايه رأيك بقى الفشار عليك أنت
أويس:- قدامي منك ليها ي آخرة صبري
تفاؤل:- أنت ملك قلبت حرمة وواخد دور الست الوالده كدا ليه انشف ي باشا كدا
أويس:- قدامي ي بت
شايفين دا المكتب بتاعي وأنا خارج نص ساعة وراجع لو رجعت لقيت كباية الميه دي متحركة من مكانها قولوا على نفسكم السلامه
تفاؤل:- ماشي
نفس:- علم وينفذ ي فندم
وبعد ما خرج:- يلا نبدأ من فين بقى لازم نكتشف المكتب كله ممكن يكون مخبي حاجة كدا ولا كدا
نفس:- الله حلو اوي الزرع اللي في الحيط دي ومسكتها عشان تشمها الزهرية انكسرت وملت المكتب تراب
تفاؤل:- اووووو ي خبر دي انكسرت
نفس:- نخبيها تحت المكتب مفيش مقشه هنا ننظف المكان
تفاؤل:- لا ايه رأيك نزيحهم بالجاكت بتاع أويس ونخبي هو كمان معاهم
نفس:- اشطاا ذكية اوي بس حرام هاتي شوية ورق نرسم فيهم وطلعي الحلويات اللي في شنطتك
تفاؤل ونفس فضلوا يكلوا ويرموا الورق بعد ما يشخبطوا فيه بس كان ورق فاضي وكياس رموها في الأرض
نفس:- أنا زهقت في لعب في الشنطة بتاعتك
تفاؤل:- لا في بومب اللي اشتريته بعد المدرسة
نفس:- اشطا القنبلة وقتها المناسب تعالي معايا وهاتي الكبريت
تفاؤل:- لا بلاش
نفس:- تعالي ي جبانه
نفس ولعت البومب ورمتها نحيت الموظفين الشركة كلها انقلبت صراخ واللي بيجري واللي أتخبى تحت المكتب
نفس:- هههههههه شكلهم يضحك ايه دا الحراس جم اتخبي اتخبي
مصطفى:- ايه اللي بيحصل دا هو في ايه
أويس وصل ومسك أعصابه من التهور:- خلاص كل واحد يشوف شغلة
الحراس:- بس ي فندم دا انفجار
أويس:- دي قنبلة بخمسة جنية ي متعلم
مصطفى:- هو في ايه لو جدو أو بابا شموا خبر الدنيا هتولع وهيقلبوا الدنيا على راسنا كلنا
أويس:- هما في إجتماع والمكان عازل للصوت أنا كنت معاهم و قلبي كان حاسس عشان كدا خرجت اشوفهم ويا ريت ما خرجت
مصطفى:- هما مين
أويس:- نفس وتفاؤل هنا
مصطفى:- ههههه بقى كل الرعب دا من دول هههههههه
،،،،،،،،،،،سمر إبراهيم
تفاؤل:- أويس جه يا نفس
نفس:- ها عادي يلا نعمل نفسنا مخضوضين زيهم
تفاؤل:- لا دا ناوي على شر عيونه بتطلع شرار اعملي نفسك مغمي عليكي بسرعة
نفس نامت على الأرض وضمت عيونها اوي
أويس جه شاف نفس بتمثل وتفاؤل بتعيط بس اللي رفع ضغطه بجد شكل المكتب كله زبالة والتراب مالي الأرض وشكلهم حاولوا يخفوا آثار الجريمة بس فشلوا
تفاؤل:- نفس ماتت يا أويس نفاااااااااااااس
نفس فتحت عيونها بعصبية:- بعد الشر عليا ي معزه دا أنا لسه في عز طفولتي قولي مغمي عليها مش ماااتت اوبس هو أنت هنا😁
تفاؤل:- أنا معزه يا حمارة كشفتينا
وفي نفس اللحظة هما التنين شاور على بعض :-هي اللي قالتلي نخض الموظفين عاقبها هي أنا مليش دعوة
التنين تتكلموا مع بعض:- ي ندله
تفاؤل:- أنتي
نفس:- لا أنتي اللي كان معاكي البومب في شنتطك
أويس:- بسسسسسس أعتقد أني نبهت عليكم اكتر من مرة ولازم يكون في عقاب المرة دي
نفس وتفاؤل اتحولوا لقطط بريئة صغننه
نفس:- اثفه بث بلاش تتعصب بثببنا
تفاؤل:- خلاث بقى إحنا نهون عليك برضو 🥺
مصطفى دخل:- آممممم بقى أنتم اللي عملتم كل دا ي اقزام
نفس:- صاصا ممكن تدافع عننا من الوحش دا احنا غلابة وملناش حد
أويس:- بره يا مصطفى وأنتي وهي تعالوا هنا أنا وحش ي نفس طيب تعالي
مصطفى ضحك وخرج لما شاف البهدلة اللي في المكتب اترحم عليهم:- ي عيني كانوا طيبين بقى دا مكتب أويس اللي الناموسة بتخاف تدخله من نظافته
نفس بخوف:- نعم
أويس:- نفس على الجنب دا وتفاؤل على دا ارفعوا أيديكم و وشكم للحط ومن غير كلام
فضل مذنبهم ربع ساعة نفس بدموع بصت لأويس بترجي:- أنا تعبت اوي ووجعتني هنا وهنا وشاورت على أيدها التنين
تفاؤل:- أسفه آخر مرة ي خويا ي حبيبي
أويس:- طيب كل وحده تقعد على كرسي لو صوتكم طلع نعيد العقاب من الأول
تفاؤل بعد ربع ساعة نامت ونفس لسه صاحية هو عيونه عليها وهو بيشتغل وهي خايفة تتكلم
أويس:- مش نايمة ليه
نفس:- معرفش أنام بالنهار
أويس:- خبيتي فين الجاكت بتاعي
نفس:- نظفنا بيه الأرض وخبيناه تحت المكتب
أويس:- كل دا عملتيه في نص ساعة
نفس:- آسفة
أويس:- مفيش خروج معيا تاني ويلا صحي تفاؤل نرجع البيت قبل الظهر ما يأذن
نفس صحتها وهي زعلانه من نفسها وأويس طلب من العامل ينظف المكتب ومشي
سمر إبراهيم،،،،،،،،،،،،،
في العربية
نفس:- ممكن تشتري لينا غزل البنات
أويس وقف العربية واشترى ليهم وداهم من سكات
نفس بعد دقيقة:- وايس كريم كمان
أويس نزل واشترى ليهم
نفس بعد خمس دقايق:- مش عايز الطعم دا هات بطعم المنجا مش الشكولاتة
أويس:- كلمة تاني وارميكي من الشباك فاهمة
وأخيراً اتكلمت فكرتك بقيت اخرس مش بتتكلم
طيب ايه رأيك أقولك شوية اسئلة قالتهم ليا المعلمة.
أويس:- قولي
نفس:- ما هو اسم الغار الذي احتمى فيه النبي صلى الله عليه وسلم وأبو بكر الصديق رضي الله عنه من المشركين أثناء هجرتهم المدينة
أويس بفخر:- سهله دي غار حراء
تفاؤل:- هههههههه غلط هههه غار ثور غار حراء نزل عليه الوحي وقال اقرأ قال ما أنا بقارء ههه غلط إجابتك ي كبير
نفس:- على أساس أنتي كمان مش غلطي فيها قدام المعلمة وزعقت ليا لما ضحكت عليكي
تفاؤل:- طيب ليه تسيحي ليا قدام الأجانب استري عليا ي أخت
أويس ضحك:- كملي اسئلة
نفس:- ما اسم الدابة اللي ركبها النبي صلى الله عليه وسلم في رحلة الإسراء والمعراج
أويس:- دابة البراق المجنحة صح
نفس:- برافوووووووو شطور
نفس:- هل النبي فسر القرآن كله
أويس:- لا هو فسر بعضه بس واللي كان يصعب على الصحابة فهمه والسبب لأن لو النبي فسره مش هنقدر نفسر غير كلامه صلى الله عليه وسلم وكدا نقدر نتدبر ونتفكر في القرآن ونشغل عقلنا في تفسيره بس لأهل المجال مش اي حد
نفس:- المعلمة قالت كدا كمان وقالت أن كتير بقى يفسر القرآن بكلام ملوش دخل بالتفسير عشان كدا لازم نعرف أن التفسير من البشر يحتمل الخطأ ولازم المفسر يكون علم بما يقول ولا ارتكب ذنب عظيم لو أخطأ
أويس:- ومن الإعجاز العلمي في القرآن في سورة النمل مذكور بسم الله الرحمن الرحيم
«حتى إذا أتوا على وادِ النمل قالت نملة يأيها النمل ادخلوا مساكنكم لا يحطمنكم سليمٰن وجنوده وهم لا يشعرون»
سورة النمل الآية ١٨
التحطيم بتكون في حاجة قابلة للكسر صح هي قالت لا يحطمنكم والعلماء اكتشفوا أن النمل مخلوق من مادة زي الزجاج عشان كدا قابل للتحطيم ودا دليل على إعجاز القرآن وعظمته
نفس:- وقصة العنكبوت مذكور بسم الله الرحمن الرحيم «مثل الذين اتخذوا من دون الله أولياء كمثل العنكبوت اتخذت بيتاً وإن أوهن البيوت لبيت العنكبوت لو كانوا يعلمون»
مذكور اتخذت مش أتخذ ودا دليل أن الأنثى هي اللي بتنسج الخيوط وبتعمل البيت مش الذكر والمعلومة دي اكتشفها العلماء في العصر الحديث
أويس:- سبحان الله القرآن فيه إعجاز كتير نعرفه ومنعرفوش وهو نفسه في لغته وبلاغته إعجاز أتحدى بيه العالم كله يجيب زيه وللأسف احنا هجرنا القرآن ورحنا للأغاني والكلام المقرف مع أنها بتسبب ضيق وحزن ودا ثبت علمياً لأنها بتسبب للإنسان سعادة لحظية وبعد ما تخلص يرجع الواحد لحالته الطبيعية فرق في الشعور رهيب يخليه يصاب بالاكتئاب أما القرآن راحة للصدور وسكينه
نفس:- صح سبنا العلم والقرآن وكل حاجة مفيدة واتجهت للغناء والرقص والكلام الفارغ تصدق امبارح دخلت محل العاب عدة الطبيب كلها السماعة والحقن اللعب كلها بعشرين جنية والصبارة الرقاصة ٤٠٠ جنية وقال ايه دي أسمها الراقصة ي آنسه مش الرقاصة راجل رخم
أويس:- هههههههه الرقاصة 😲 نعم دخلتي ايه وراجل ايه أنتي خرجتي من المدرسة 😠
تفاؤل:- رحنا في البلوش بسبب لسانك منك لله ي شيخة
نفس:- أنا مش شيخة الشيخ يعني أما شاخ في العلم أو في العمر وأنا في العمر لسه في الطفولة وفي العلم لسه في شرخ الشباب
تفاؤل:- يعني ايه شرخ الشباب
نفس:- يعني في نصه مش لما تكسري حاجة بتتكسر من النص اهو أنا كدا في شرخ الشباب
كل دا وأويس بيشيط وهما بيحكوا على أمل أنه ينتبه ليهم وينسى عملتهم
أويس:- نفس خرجتي ليه من غير أذن
نفس خرجت من العربية وهي خايفة وأويس نزل وماشي نحيتها بغضب
نفس:- بص أنا هفهمك استنى بس ....
سكتت مش لقيه حاجة تقولها غمضت عيونها وتشاهدت على روحها
بعد شوية دقيقة دقيقتين مفيش صوت فتحت
نفس:- ايه دا هو راح فين ي بت
تفاؤل:- كان هيضربك بالقلم وأنتي مغمضه عيونك ومسك أيده بغضب ومشي
نفس:- 😲😲 يضربني بس أنا غلطانه
تفاؤل:- تعالي نصالحه
نفس طلعت هي وتفاؤل على المكتب بتاع الشباب
نفس:- احم ممكن أدخل
أويس:- اطلعي برا مش عايز أشوف وشك أنتي ولا هي يلا برااا
نفس بتبص ووقفه في مكانها
أويس:- مش قولت براا
نفس:- وإذا قولت أنا واقفه في حتت أسد أنت ليك الجنب دا مش المكتب بتاعكم أنتم الأربعة
أويس قعد على مكتبة بغضب وعامل نفسه بيشتغل
نفس:- بس أنت بتعرف الإعجاز العلمي في القرآن من فين
أويس نسي أنه زعلان منها:- بحضر برامج محمد راتب النابلسي وبقرأ ليه كتب
نفس:- الشيخ اللي وشه بشوش دا وبيجي في سواعد الإخاء في رمضان
أويس أفتكر:- وأنتي تبصي عليه ليه من الأساس مالك وشه بشوش ولا لا وأنتي بتتكلمي معايا ليه اسكتي
نفس:- عادي دا عنده اكتر من ٦٠ سنه وأنت جاوبت ليه مش زعلان
أويس:- حتى لو ١٠٠٠ سنة متبصيش وأنا مش صغير عشان ازعل أخاصمك بس عقابك مفيش خروج من البيت لمدة شهرين غير الدروس والمدرسة والمسجد ولو عرفت أنكم خرجتوا لأي مكان تاني مفيش كلام معايا طول العمر فاهمين
نفس:- فاهمين اخر مرة
تفاؤل:- فاهمين نفسي أعرف حجات زيكم كدا اشمعنا أنتم يعني
نفس بفخر:- أنتي صغيرة على الكلام دا لما تكبري ي ماما
تفاؤل:- أنا مش صغيرة ليه عاملة عليا كبيرة ي أخت
أويس:- أنتم التنين صغيرين يلا اطلعوا برا عايز أشتغل
نفس:- طيب بزمتك مش أنا عقلي اكبر من سني
أويس:- وأنا أشهد بدا هههههههه
،،،،،،،،،،،،،،،سمر ابراهيم
بعد ساعات نفس وأويس وتفاؤل قاعدين أويس كان بيشرح ليهم
أسد:- أهلا وسهلا بالهوانم ايه ي نفس اللي عملتيه في الشركة دا
نفس:- هو الخبر وصلك ي أبو الأسود دا أنا بقيت مشهورة اهو
أسد:- طبعاً قريباً نشوفك على قناة الحدث ههههه
تفاؤل:- سلام أروح أنام بقى أويس خلصنا كدا
أويس:- ايوه خلصنا تصبحي على جنه
نفس:- سلام ي قمر
أسد:- صح مش أنا سنجل وفركشت معا ميرا وبدور على عروسة حالياً
نفس:- ههه استحي سيبني أفكر يومين هههههههه
أويس مراقب كلامهم ووقف يغلي وبيطلع دخان من ودانه خصوصاً من ضحكتها
أسد هرب بسرعة:- طيب سلام ي جميل اسيبك تفكري براحتك
أويس بيقرب ونفس وهي بترجع لورى
أويس مسكها من أيدها التنين وفضل يهزها بغضب :- أنت بتهزري معاه ليها مش قولتلك كذا مرة ومتهزريش مع رجالة نبهت عليكي صح "قرب من ودنها وصوت زي فحيح الأفعى"
أنتي بتاعتي أنا ملكي فاهمة متهزريش مع حد غيري فاهمة فاهمة انطقي
،،،،،
المشهد دا كانت شايفه فرح من البلكونة ودمعها على خدها بحزن وحسرة كانت بتغلي من الغيره ومريم اللي صورة المشهد عشان تنزل نفس من نظر الكل زي ما كشفت بنتها
نفس بعدت ايده براحة وهوب ضربته كف صوبعها الصغيرين علموا على وشه بقلم ثلاثي الابعاد
ويا ترى هيعمل ايه؟
يتبع الفصل الثالث عشر اضغط هنا
- الفهرس يحتوي على جميع فصول الرواية كاملة :"رواية الملتزمة الصغيرة" اضغط على اسم الرواية