رواية حورية الفارس الفصل الثالث عشر بقلم أمل السقا
رواية حورية الفارس الفصل الثالث عشر
سجى رجعت البيت وهي مش بتتكلم خالص وباصه قدامها و والدتها بتكلمها مش بترد كأنها فى دنيا تانيه خالص.
والدة أنس: إيه يا سجى انتي اتأخرتي كده ليه؟ وبرن على تليفونك مش بتردى ليه؟ ما تردي يا بت هو انا مش بكلمك؟
سجى سابت مامتها ودخلت على أوضتها وقفلت على نفسها وفضلت تعيط وتفتكر اللي حصل معاها على البحر.
F. b.
سجى وأحمد قعدو على الشط وأحمد شاف مطعم قريب منهم نزل جاب فطار وقعدوا يفطروا سوا.
سجى وهي باصه للبحر بابتسامة: ما تكلمنى شويه عن نفسك يا أحمد انا معرفش عنك حاجه غير انك اسمك أحمد وخريج صيدله.
أحمد بسرحان: بصي يا ستي انا إسمي أحمد محمد عوض، اصلي من الصعيد أهلي ناس علي قد حالهم كنا ساكنين فى الصعيد الجواني يعني صعايده اصلي كل عيلتي عندهم ارضهم حياتهم وطبعا البنت متطلعش بره العيله الولد اولى ببنت عمه، أنا ابويا الوحيد اللي كانت دماغه خارجه عن دماغ اهله كلهم كان بيفكر تفكير مختلف يعني كان شايف انه لازم الولد يتعلم ويلف ويعرف العالم ويتعرف علي ناس جديده وانا في اعداديه جدي كان عايزني اخطب بنت عمي اللي هي فى سنى وكان عايز فتره الخطوبه تبقى 3 سنين عشان ابقى كملت ال 18 سنه وبكده هي كمان متكونش قاصر، بس ابويا رفض وبصراحه انا كمان عمري ما شوفتها غير كأخت مع انها كانت ما شاء الله جميله جدا جدا جدا.
سجى بمقاطعه وغيره واضحه: طب مالك مركز على كلمة جميله كده ليه ما كنت اتجوزتها وخلصنا.
احمد بضحكه: يا ستي والله ما اقصد انا بس بقولك ان الجمال مش السبب اللي خلاني مقبلهاش وان السبب الوحيد هو اني كنت عايز اتعلم واخلع من الصعيد بس جدي طرد ابويا من البلد ساعتها وحرمه من كل حاجه مع انه كان العمده ومحدش قده وعنده مال كتير بس حرم ابويا منه وانا جيت هنا وابويا اشتغل عليا وطفح الدم عشان اتعلم وفي الاخر دخلت صيدله واشتغلت فى شركه ادويه بس منه لله واحد كان معايا لبسني تهمة سرقه وخلاهم طردوني.
سجى: طب عملت ايه بعد كده؟ وشغال فين دلوقتي؟
احمد بتنهيده: فضلت ادور علي شغل لحد ما لاقيت شغل عند راجل محترم قوي فى شركته وانا دلوقتي يعتبر ايده اليمين بس ابويا الله يرحمه اتوفى وانا دلوقتي عايش مع امي.
سجى بابتسامة: الله يرحمه بس تصدق انا فخورة بيك قوي يعني اتحديت اهلك عشان تتعلم و وصلت للي انت عايزة اهه حتي لو مش فى مجالك بس قدرت توصل رغم ان اكيد كان فيه صعاب كتيره واجهتك بس موقفتش عندها "وسقفت بإيدها" براڤو براڤو براڤو.
احمد بابتسامة حزينه: سجى انتي انسانه طيبه قوي علي فكره انا محكتلكيش كل حاجه انا حكتلك الاساسي بس، بس مش لازم توثقي فى حد بالبساطه دي عشان متتوجعيش في الاخر.
سجي بقلق : انت بتخوفني ليه هو فيه حاجه؟
احمد اتنهد جامد: سجى انا فيه حد زقني فى طريقك عشان اوقعك وفي الاخر يذل أنس اخوكي.
سجى:.......
Back.
سجى فضلت تعيط جامد وفي الاخر نامت من كتر العياط.
&______نروح للمستشفى وتحديداً فى غرفة ندى.
فارس وجاسر دخلوا لحور جري.
جاسر: حور ندى فين يا حور؟ ندى فين؟
حور ادتهم ورقه وجاسر بدأ يقراها.
"عزيزتي ندى، أعلم جيد
أنك الآن يدور فى ذهنك العديد من الافكار السيئة تجاهي لكنني اقسم أنك تسرعت فى الحكم علي........................................................... والدك يحيى".
جاسر بهدووء: يعني زي ما توقعت تماماً والد ندى متجوز من غير ما يقولها لأ وكمان عنده بنت و ولد توأم.
حور: ندى كانت رافضه فكرة ان باباها يتجوز بعد مامتها الله يرحمها عشان كده اكيد هو اتجوز من غير ما يقولها.
جاسر: ايوه ده اللي انا استنتجته فعلاً لما هي كلمتنى ولما أنا قولتلها اني شاكك انه يكون متجوز زعلت منى جدا.
فارس بهدووء: طب دلوقتي احنا عايزين نعرف مكان ندى فين؟
حور: هي اكيد فى بيتهم عشان تشوف باباها بس يا ترى هي لحقته ولا لا.
جاسر بضيق: طب مروحتيش وراها ليه يا حور افرضي عملت فى نفسها حاجه دلوقتي انتي عارفه انها فى حاله نفسيه.
حور بتوتر: أصل اصل بصراحه خوفت.
فارس بدهشه: خوفتي؟؟؟! خوفتي من ايه؟
حور: قصدي يعني...
جاسر بمقاطعه وعصبيه: انتو لسه هتتناقشوا يلا نروح لندى يا استاذ انت وهي.
فارس وجاسر وحور ركبو العربيه وراحو علي بيت ندى.
&______في بيت حور جرس الباب رن وحنان راحت تفتح وكانت مفكره انها حور.
حنان بتتكلم وهي بتفتح الباب: الف حمد لل....... حازم!! ايه اللي جابك السعادي.
حازم دخل وقعد وحط رجل علي رجل: ايه يا حنون انتي كنتي مستنيه حد ولا ايه؟
حنان ببرود: عايز ايه يا حازم؟ انا لسه مفاتحتش حور فى موضوع الشغل لان فيه ظروف مع ندى صاحبتها لما تيجي ان شاء الله هابقى اكلمها.
حازم ببرود: لا يا حنون انا جايلك فى موضوع تاني خالص غير موضوع الشغل.
حنان: موضوع ايه ده ان شاء الله خير؟
حازم وهو بيولع سيجارة: أنا جاي اطلب ايد حور.
حنان: نععععم حور مين؟ حور بنتي؟ تتجوزك انت؟ انت اتجننت؟ انت عارف انها مستحيل توافق.
حازم بعصبيه قامت وقف قصادها: ومتوافقش ليه ناقص رجل ولا حاجه؟ ولا تكونش حاطه عينها على الواد اللي معاها اقسم بالله يا حنان لو بنتك ما وافقت لاروح لجدها الصعيد وانتي عارفه يعني ايه البنت تبص لراجل بره العيله ومتنسيش ان انا السبب انكم تفضلوا هنا خصوصا بعد عمي ما مات، فكري يا حنان عشان متخسريش بنتك. سلام "وسابها ومشي ورزع الباب وراه.
حنان اترمت على الكرسي اللي جنبها وفضلت تعيط.
يتبع الفصل الرابع عشر اضغط هنا
- الفهرس يحتوي على جميع فصول الرواية كاملة :"رواية حورية الفارس" اضغط على اسم الرواية