رواية جنان في بيت صعيدي الفصل الثالث عشر بقلم أسماء حبيب
رواية جنان في بيت صعيدي الفصل الثالث عشر
زين الي متشعلق من هدومه فتح عينه بصدمه،،،، م من منصووور.
جنان بضحك،،،،، الفتحه علي روح المرحوم.
زينه وبتقوم تمشي،،، طيب عن ازنكم بجي اني ماشيه شكل اكده امي عيزاني.
زين بسرعه،،،، زيييينه م متمشييييش استني هتسبيني مع اخوكي كدا ميصحش.
زينه بضحك ودخله جوه السرايا،،،، اني مليش دعوه بيكم اني لسه اصغيره اخاف علي نفسي.
زين وبيبص لمنصور،،،، وربنا منتي عامل حاجه غير لما افهمك.
جنان وبتقوم علشان تمشي ،،،، تفهموا اي يتك نصيبه دا سمع كل حاجه من تقتق للسلام عليكم، وأحم وانا هقول بقي السلامو عليكووو علشان محبش ابقي عزول بينك وبين منصور انا مفياش خبطه وربنا.
زين بسرعه،، علفكره يا منصووور بقي جنان هي السبب هي الي عاايزه توقع بنااا ( وبص لجنان) كدا يا مرات اخويه عيزه تعملي انقلاب عسكري عليا انا واخويه ( وبص لمنصور الي لسه مشعلقه) نصيحه روح طلقها وتعلالي.
جنان بغيظ،،،،، والله.
منصور،،،، خلطت كلامك يا زين.
زين بسرعه ،،، لسه استني.( وبص لجنان) ياااا استاذه يا محترمه لازم تعرفي ان مفيش حد هنا كلامه بيمشي علي منصووور باشا كبير البلد (وبص لمنصور) خلصت يا منصور كلامي اتفضل.
منصور بسخريه،،، ومفكرني اهبل وهصدقك ولا ايه.
زين بابتسامه،،، مفروض تعمل كدا لاني اخوك.
منصور وبشاور لجنان علي الحبل محطوط في لارض بعيد نوعاً ما...
جنان بابتسامه وبتبط لزين بشر،،،، فهمممت يا ابو الصرصير دااا انا بعز زييين اوي دا اخو الغالي برررضوا.
زين بسرعه،،، لاااء يا جنان يا جماعه استهدوا بالله لي العنف ما نمشيها بالتراضي.
بعد حوالي 5 دقايق.....
زين مربط في النخله الي في الجنينه،،، حراااام يا منصور كدا دا انا اخوك يا جدع.
جنان قعده جمب منصور وبتبص عليه بتسليه،،،،، تفتكر يا منصور محتاجين حبل زياده ولا نشفق عليه ونسيبه كدا.
منصور وبقشر القصب،،،،، لاااه هو كدا تمامه.
جنان بغيظ،،، ما تقشرلي يا منصور قاعد تزغط نفسك دا حتي مش من باب الزوق تسبني قعده ابصلك في القصبايه عيني فيها بقي علي فكره.
كانت فاطمه خرجه وشافت زين مربوط في النخله ومنصور قاعد هو وجنان جمبه بيكلوا قصب.
فاطمه بشهقه،،، وه وه اي ده يا منصور رابط زين اكده لي.
جنان بلا مبالاه،،، لا دا علاج طبيعي بارشاد البشدكتور منصور يلا روحي شوفي انتي راحه فين الله يسهلك يا بنتي.
منصور بص لجنان باستفزاز،،،، لاااه تعالي يا فاطنه اقعدي معانه.
جنان بصتله بغيظ وفي سرها،،، ماشي يا ابن حميده البادي اظلم ان مخليتك تجري ورايه لحد اما تتكفي علي بوزك مبقاش جنان.
فاطمه بتقعد بعند في جنان....
منصور وأدي فاطمه قصب،،، خدي يا فاطنه دا القصب جميل قوي.
جنان راحت وخداها قبل ما فاطمه تاخدها،،،،، أظن بالدور وانا قولت الاول هات بقي.
فاطمه بضيق،،، جري اي يا جناان هو اهلك مربوكشي يحترمي الناس ولا ايييه.
جنان بغضب،،، اهلي احسن منك مااشي ملكيش دعوه بيهم وانتَ ساكت يا منصوررر هو انا مش امراتك ولا المأزون كان بلعب معانه كيلو بميه.
فاطمه قامت بغضب،،، اني جايمه اغور من خلقتك منيش قاعده وياكي.
جنان،،،، احسن وانا خلقتي احسن منك و ومنك اه هو كدا بقي يا يااااا رزله هه بس.
منصور بغضب وقام وقف،،، جنااااان.
جنان بضيق ووقفت،،، عايز اي انت كمان سبببني في حالي وملكش دعوه بيه اجري روح ليها يا خويه رووح.
منصور ومشي فعلاً..
جنان بغضب،،، ايييوه رووح أللهي يارب تتشك في صابع رجلك الصغير ويبقي مدوحس يا ابن حميده ماشي انا جنان اتهذئ كدااااا اه يا فرررستي ياااافرستي يانا يما.
زين والي مربوط وراها،،،، احممم يعني لو مش هتعبك يا جنان بس ك.....
جنان بغضب،،، عايز اييي متكلمنيش وانت شبهه لانزل عليك ضرب انا بصصصص بقي عاااااااااه.
زين بخضه،،،،، ينهار ازرق ياااااا منصوووووور الحقنيييي امراتك اتهبلت يلهوي هش ابعدي.
جنان بهدوء فجأه،،،،، واد يا زين.
زين ببلع ريقه،،،، ن نع نعم خ خير يا باشا جنان هانم.
جنان،،،، تعرفففف تتخرس ومسمعش صوتك ده وبذات منصور.... شفت مش دافع عني ازااي وراااحلها ابن حميده غلطااان ولا مش غلطاان.
زين،،، بالله العظيم تلاته غلطان وارفعي عليه قضيه وانا هشهد معاكي بس ابوس ايدك ابعدي علشان شكلك مش طبيعيه كدا هو انتي بتشربي حاجه!
جنان بحزن فعلا حست انها وحيده في البيت ده ومشيت..
زين بنادي عليها بس مش شايفها لانها مشيت عكس ما كان مربوط،،،، جنااان يا دي اليوم الازرق وانا هدني مربوط كداااا لحد ما اخلل زي الفسيخه.
فجأه لقي الحبل بتفك....
جنان بهدوء ونبره حزن ،،، انا اسفه زعقت فيك بس كنت مضيقه شويه كدا حققك عليا يا باشمترجم.
زين وبيرمي الحبل،،،، انتي زعلانه من فاطمه مش كدا.
جنان بغضب فجأه،،، متجبليش سيره الوليااا دي وربنا اتزرزر عليك وروح فيك في دهيه انا بقولك اهو.
زين بضحك،،، والله انا ما بقيت فهمك خالص بتقلبي عليا لي ولا علشان ضعيف ومكسور الجناح تن تن.
جنان بابتسامه بسيطه وقعده علي لارض،،، شكلك طيب اقعد اقعد يكش يطمر فيك انت.
زين قعد،،،،، مالك بس شيله طاجن ستك لي كدا ثم ان منصور علي طول عصبي فمش تزعلي دا جوزك برضوا ولازم تستحمليه يا جنان مع انه بصعب عليا والله انا مش عارف بتعامل معاكي ازاي هههههه اذا كان انا اتخضيت منك فكرتك ملبوسه.
جنان،،، طيب اتخرس لطلعه عليك كتك نصيبه سديت نفسي عن الكلام دنا كنت عايزه ابوعلك الي في قلبي.
زين بصوت نسائي،،، بوعي يخشي بوعي.
جنان ضحكت،،، والله طيب وهبل بس عسول يا زين مش زي منصور شخط ونطر وزعيق وحاجه قله قيمه دا برستيجي سقط من الدور العاشر معاه يا جدع اييييح بس اهو بقي النصيب ومكتوب علي الجبين يا ابن حميده.
زين بأبتسامه،،،، بتحبيه مش كدا.
جنان بترفع مزيف،،، انااا احب منصووور ده مستح.... لا بجد انا معجبه بيه و.... ثواني انت ايش حشر منخيرك في حياتي يا ابن حميده شكلك هتطلع لومك منا عرفه انتم غدرين.
زين بضحك،،،، يليهوي دي فكرتك عني دنا وحيداً وحدي متوحداً هنا يعتبر زيك مش في حد بفهمني خالص ممكن تقولي كدا طفره جينيه جت غلط في العيله الي ما يعلم بيها الي ربنا دي ههههه.
جنان وبتبص يمين وشمال برسها...
زين بهمس،،، هو في اي هنسرق ولا اي يا معلمي.
جنان بهمس،،، اششش هقولك سر بس محدش يعرفوا خالص اتفقنه يا ابن حميده.
زين بهمس،،، حاضر يا كبير متخفش سرك في بير مخروم.
جنان بنص عين،،، اوعي تفتن عليا والله هخصمك وحدفك بالطوب.
زين بتنهيده،،، يا ستي اخلصي بقي مكنش كلمتين هتبوعيهم يعني هههه.
جنان بهمس ،،، انا ومنصور متجوزين علي ورق اااه وربنا يا زين بس اوعي تقول هيزعقلي وهروح في ابو بلاش.
زين بهمس،،، منا عاارف يا ست ابوها هههههه.
جنان بتتكلم عادي،،،، الفتااااان شوف فتن السر ازاااي.
زين،،،، نعم يختي، طيب منتي عملتي زيه وبعدين منصور بصراحه مبخبيش عني حاجه.
جنان بتنهيده،،،، طيب يا سيدي بس مش تعرفه ينوبك فيا ثواب.
زين بهدوء،،، مش جوبتيني يعني بتحبيه يا جنان.
جنان،،، لااااء مش بحبه ممكن اكون معجبه بيه علشان طيب شويه صغيرين كدا.
زين بخبث،،، اممم يعني مش بتحبيه خالص مالص.
جنان بهدوء،،، لااا يا ابني وهحبه لي يعني هو حبني علشان احبه...... لاء انا فعلا شكلي كدا بحبه يا زين اختك بتلوص يا ابني ساعدني ينوبك الثواب اعااااااء البت الوليا فاطمه دي هتخطفه مني وانا شكلي هقعد اغني ظلمووو.
زين بضحك،،،، ههههههه يا مجنونه طيب انا هحاول اسعدك علشان شكلك غلبانه.
جنان،،، هو انا بشحت من اهلك بقولك ساعدني مش تدفعلي سبيل.
زين بجديه،،، انتي لازم تكوني مع منصور الفتره دي وانا هحاول ارسيكي هتعملي اي.
جنان،،، حلو اوي انا هشتغل معاه هناك ولو مش رضي هخلي عموا حمدان يشعلقه من افاه المهم وبعدين!
زين،،، صحيح يا جنان بينك صغيره هتشتغلي ازاي!
جنان بفخر،،، يا ابني انا خريجه معهد تمريض منزلي تحت اشراف ستك ام بدوي الشغاله بتاعه البيت واقدر اسد في اي شغلانه.
زين بضحك،،، لا بجد ودا ازاي مش فاهم.
جنان هفهمك،،، لما بابا الله يرحمك يا حج كان تعبان وبياخد حقن وانا اتعلمت بقي من ام بدوي وكنت في نيتي بصراحه بعد ما اخلص اخر سنه في الدبلوم التجاره ادخل المعهد ده.
زين،،، اي ده هو انتي مكنتيش تعليم عالي.
جنان بضحك،،، يا عم صلي علي النبي في قلبك هو انا نفعه ببصله في التعليم دنا كنت بقره في بحر العلم، المهم انا بجد اعرف اشتغل في اي حاجه قولي بس اشتغلها ازاي وانا ابقي فوريره فيها دا انا في الصنعه اعجبك اوي.
زين تنح،،،، وعاااايزه تشتغلي في الديوان.
جنان،،، قلي بس اشغل الديوان ازاي وانا اشغلهولك فوريره.
زين،،، انا موتي من منصور هيبقي بسببك انتي.
بعد دقايق منصور كان قاعد في لاوضه ومش طايق نفسه وجنان دخله بتصفر...
منصور وقف وقرب منها،،،،، انتي ايه الي هببتيه تحت وده كلوااا تحت!
جنان بلا مبالاه،،، عادي كنت قعده مع زين وبعدين انا حره زي منتي حر بقي سبني انام متصدعنيش.
منصور وبشدها من اديها بغضب،،،، انتقييي كنتي بتعملي ايه ده كلوا تحت.
جنان بضيق،،، اي اطرش مش بتسمع قولتلك مععععع زين تحت بنتكم سوه فيها حاجه دييي.
منصور ضغط علي اديها اكتر وجنان اتوجعت اوي،،،، اني جوزك يعني تحترميني وتتكلمي معااايه زي الناااس لفتح نفوووخك فهمااااا.
جنان بألم بس متماسكه،،،، انااااا حره بقي ملكش دعوه بيه وانت جوزي بس افتكر انه جوااز شكلي قدام الناااس يعني انت من طريق وانا من طرررق وكل واحد يعمل الي يريحه فاااهم ووبعد علشان بتوجعني.
منصور زق جنان بشده ووقعه علي السفره الصفيره الي كان عليها العشا لأنها مكنتش اكلت معاهم وحمدان بعتهلهم....
جنان بصراخ لان الكبيات اتكسرت ودرعها جاب دم....
منصور بخضه وبيسندها،،، جنا...
جنان بعدته عنه بعياط،،، ملكش دعوه بياااااا انت فاهم ابعد عني.
منصور جاب قطن من الدولاب وقعد جمبها علي لارض بسرعه،،، وريني اكده ب...
جنان بعياط،،، قولتلك ملكش دعوه بيااا يا منصور ا...
منصور قاطعها بجديه،،، قووولت وريني دراعك.
جنان بعند،،، لاااااء يا ابن حميده ميلزمنيييش.
منصور شدها غصب عنها وقطع كم البلوزه وبدأ يداويها وبعدين جنان قعده علي السرير وبتعيط
منصور بتنهيده زعل،،، حقك عليا.
جنان بعياط وبتديلوا دهرها،،،، ملكش دعوه بيا ومتكلمنيييش خالص اناااا تزعقلي كدا وتعورني تعااويره كبيره يا اخي دي بتوجع جامد يااارب تتعور زي كدا وربنا ما هعبرم.
منصور بتمثيل وبيقوم من جمبها لانه حفظها،،، طيب اني هنام تصبحي علي خير.
جنان التفتت ليه،،، نعم يا خويه تناااام نامت عليك حيطه مش تصالحني لاول وتتحليل عليا واذلك شويه ولااا اي منا مش فرقه معاااك مااااشي ماااشي يا ابن حميده روح ربنا ينتقم منك وانا دعيه عليك اهو.
منصور ضحك عليخا اوي.....
جنان بنرفزه اكبر،،، اضضضضحك ولا اقولك سخسخ ضحك..... بسسسس بقي متضحكش بتنررررفز ( ورمت عليه المخده).
منصور ومسك المخده وراح قعد تاني جمبها وحط المخده علي السرير،،،، خلاص اهو مش هضحك بس حقك عليا متزعليش.
جنان بتغمض عنيها وبترفع رسها وبتربع اديها،،،، مش سمعه قولت اي اصل وانا اصغيره وقعت علي وداني.
منصور بهمس عند ودنها،،، حقك عليا.
جنان لفت بسرعه وقعده بحماس،،،،، اشطاط انا مسمحاك بس بشرط يا ابو الصرصير.
منصور بتنهيده،،، اي هو ده.
جنان،،، تشغلني معاك.
منصور وقف بعصبيه،،، مني قولت لاااه ايه موعياش الحديت زين ولا اي!
جنان بسرعه وبتقف جمبه،،، والله يا منصور ما هعمل دوشه هلعب يوه احم اقصد هشتغل بـ سكات اه والله.
منصور بنظره غامضه ،،، طيب يا جنان اني بقي عارف هعمل أي.
جنان بخضه،،، اي النظره دي صرصييرو متتحولش اصل وربنا اصوت..
منصور،،، اتخمدي.
جنان،،، يخرب بيت الفاظك، هدخل اغير هدومي منك لله كم البلوزه اتقطع دي كانت غليه عندي اوي منك لله يا ابن حميده.
منصور بتنهيده وبيشيل ألازاز من علي لارض،،، الله يسامحك يا بوي اي الجوازه الهباب دي.
جنان وفتحت باب الحمام،،، سمعتك علي فكره يا صراصيروااا.
منصور،،، اتهدييي لاجي اكسر نفوخك.
جنان،،، متشكرين يا رجوله.
عدت اليله دي علي الكل وفي صباح يوم الجمعه مليان احداث لا تغمض لها الجفون....
~ في بيت عمار....
دنيا بتظبط لبسها وجهاد جمبها،،،، ها اي رئيك يا جهاد قمر مش كدا.
جهاد بأبتسامه،،، احلا قمر يا ناس والله.
دنيا،،، هو منخوري حلو كدا ولا اقلبه.
جهاد بضحك،،، سلامه عقلك يا دودو يلا يا بت بطلي هبل فاروق قاعد بره انجزي.
دنيا بتوتر،،، انا مش عرفه هتكلم ازاي خيفه يا بنتي اغلط في كلمه كدا ولا كدا يا جهاد نوريني يختك ينوبك فيا ثواب حسنه قليله تمنع بلاوي كتيره وكله علي الله هاتي جنيه.
جهاد بضحك،،، بس كفايه تسول مكنش مقابله تعمل فيكي كدا اطلعي بقي بلاش فضايح.
دنيا طلعه ومشيه نحيه الصالون بتوتر،،، يارب انا غلبانه استرها عليا يارب ومغلطش في الكلام الي حفظته.
دنيا ودخلت بهدوء،،، السلام عليكم .
فاروق ووالدته ونرجس وعمار،،،، وعليكم السلام ورحمه الله وبركاته.
دنيا وقعدت جمب هدي ،،، ازيك يا طنط هدي.
هدي بحب،،، الحمد الله يا دنيا انتي عمله اي!
دنيا بهدوء،،، الحمد الله علي كل حال... صح كدا انا قولتها صح.
عمار وبمسح وشه وبصوت واطي،،، كسفتينا وفضحتينا يا بنت نرجس منك للله.
فاروق بضحكه خفيفه،،، صح.
دنيا بتنهيده،،، الحمد الله يا اخ فاروق شكر الله سعيك.
فاروق ضحك اوي هو وهدي وعمار ضحك غصب عنه ونرجس بتتمني الارض تنشق وتبلعها بسبب بنتها الي تكسف.
دنيا باستغراب،،، اي يا جماعه هو انا قولت حاجه تضحك ولا اي.
عمار بضحك،،، قلبتي القعده عذااا منك لله بص يا فاروق زي ما اتفقنا خدها وهكتبلك ضمان لمده سنتين وربنا يعوض علينا بقي.
دنيا بغيظ،،، كدا ماشي لينا حساب تاني با عمار.
عمار،،،، حببشي والله يا دودو تعاله يا فاروق علشان تقعدوا تتعرفوا وربنا يسهل الامور بقي.
فاروق قعد في الصاله قصاد عيونهم...
عمار قبل ما يمشي بهمس ،،، اوعي تقرب منها دي ممكن تعضك ميغركش الوش ده صدقني.
فاروق،،،، هههههههههه طيب يا مجنون.
عمار بابتسامه،،، حبيب اخوك يا فرفر.
عمار مشي وفاروق اتكلم بهدوء،،،، ازيك يا دنيا.
دنيا بتوتر،،، الحمد الله.
فاروق بهدوء،،، ممكن اطلب منك طلب.
دنيا،،، اه ماشي اطلب.
فاروق،،،، خليكي علي طبعتك ممكن.
دنيا بتنهيده،،، يا عم منا لو كلمتك عادي مش هيعجبك كلامي انا عارفه مش كدا برضوا.
فاروق،،، ومين قال كدا!
دنيا،،، لاء انا بذكائي استنتجت كدا.
فاروق،،، طيب انا مش هضايق لما تكوني علي طبعتك بالعكس ممكن انهي العلاقه دي لو استمريتي كدا.
دنيا بخضه،،، لا وعلي اي هتكلم برحتي يا خويه.
فاروق،،، ماشي.
عمار قاعد يبص علي فاروق ودنيا الي بتكلموا بتنهد،،، ياااه لو شرين تتكلم معايه كدا مش مصدؤالي الوش الخشب.
فاروق بصدمه،،، بتقولي اي حفظه قد اي.
دنيا بفخر،،، الجزء الاول من المصحف والله بجد.
فاروق،،، ومالك منشكحه لي كدا.
دنيا،،، اي يا فاااروق بقي حسه في كبامك بنبره سخريه وأستهذاء مع وقع التنفيذ الحالي عيب ممتتريقش.
فاروق،،، يارب خلاص ماشي ماما تحفظك لحد اما نبقي نكتب الكتاب.
دنيا،،، هي والدتك حفظه كام جزء بقي.
فاروق،،، كله.
دنيا،، احلف كدا طاااا.
فاروق بتنهيده،، يارب صبرك يعني انا هكدب يا دنيا.
دنيا،،، خلاص يا ابو السيد وصل الكلام المهم جبت المعلوم.
فاروق تنح.....
دنيا،،، مالك في اييي بس!
فاروق،،، ه هوي اي الكلام ده متأكده انك مدرسه.
دنيا بسخريه،،، لا بلطجيه في بركه السبع يا عم ركز جبت المعلوم.
فاروق تنح....
دنيا بغيظ،،، متفكرنيش بالواد حمؤه علطول لما اسأله يتنحلي كدا وبصراحه بقي بتنرفز.
فاروق،،، لا انا بسحب كلامي اتكلمي عدل بعد ازنك مش فاهم.
دنيا،،، منا قولتلك عملتلي فيها الفدائي في معركه حطين ( وبهمس) انا قصدي الجاتووو جبته ولا اي علي فكره انا بحب الحجات دي جداً.
فاروق سكت.
دنيا بابتسامه هبله،،، نقول السكوت علامه الرضا يا فاروق ولا شووو.
فاروق بصوت واطي،،، انا شكلي جيت هنا غلطه ولا اي.
دنيا بهدوء،،، علفكره يا فاروق انا بابا مات لما كنت صغيره فانا اعتمدت اني ابقي شديده فخد علي كدا لو حابب تكمل يعني اصل انا مليش بصراحه في المحلسه والذي منه فهمني.
فاروق،،، هو انا فهمت المحلسه لاكن الذي منه فالله اعلم بس الفكره العامه وصلت كملي.
دنيا،،، كنت بلبس لبس اخويه عمار مش جو شحته هو سرقه بصراحه هههه بقيت انا وعمار مع بعض تصرفنا كان واحد بس لما دخلت ثانويه عامه بقيت افهم بقي الدنيا دي مشيه ازاي وكدا حاولت والله اني اطلع روح جعفروز من جوايه بس هو لابس ومتبت اعمل اي بقي معلش لو عجبتك علي كدا كان بها لو معجبتكش كان بها برضوا عادي 😌.
فاروق بتنهيده،، طيب يا دنيا عايزه تسأليني في حاجه.
دنيا،، بصراحه مش في حاجه في دماغي هبقي احوشلك شويه وبقي اقولك يا فاروق.
فاروق طيب.
فاروق ودنيا رجعوا قعدوا شويه وبعدين روحوا..
فاروق وهو في الشارع ماشي وبيتكلم بصوت واطي،،، المعلوم يعني الجاتوه و وهي قالت اي تاني!
هدب بقلق،،، سلمتك يا ابني بتكلم نفسك!
فاروق،،، هااا ل لا عادي يا أمي هو في معلوم في قصدي في مخلل في البيت ولا خلص.
عمار وجهاد ونرجس وقفين حولين دنيا الي قعده علي الكرسي....
دنيا بتبصلهم ببطئ،،، خير يا جماعه اي حصن نابليون ده!
جهاد بمحلسه،،، ها يا دودو كونتي هاديه!
عمار بهدوء غريب،،، قلبي حببتي اوعي تكوني عكيتي في الكلام وشخصيه جعفر طلعت هااا.
نرجس،،، اوعي يا بت تكوني قولتي كلمه كدا ولاكدا.
دنيا بابتسامه،،، بصراحه انا نيلت الدنيا بس فاروق كان طيب.
عمار بزعيق،،، يخربيت شخصيه سيد السباااك الي مش ليها علاج دي ، شوفي يمااااا البت دي حلها تنزلي عليها ضرب بشبشب الحمام.
.......... في الديوان ............
منصور دخل الديوان وجنان معاه.
منصور بجديه،،، انتي عارفه لو طعتي من اهنه هعمل فيكي أيه خمس دقايق وجاي .
جنان بأبتسامه،،، حا.. ضر.
منصور سبها وراح يكلم الموظفين..
منصور بجديه،،، عايزكم ادخلوا المكتب ده في المكتب ابتاعي يلا هموا.
العامل،،، امرك يا كابير.
منصور رجع للمكان الي ساب فيه جنان مش لقاها،،، وه راحت فين دي.
عامل جاي يجري بسرعه،،،، الللحق يااااكبير الست هااانم .
منصور بخضه عليها ،،، جرييييي اي انطق وهي فين.
منصور سمع صوت جنان جاي من بعيد...
جنان بصراخ،،،، الحقنااااااااي يا منصووور انتي فين يا ابن حميده هروووح في ابو بلاااااش يختااااي.
منصور طلع يجري علي بره لقي جنان فوق شجره والشجره دي تحتها ترعه مليانه مياه في اليوم ده.
جنان بعياط،،،، همووووت غرقااانه خلااص مفيش امل ولا ام ابراهيم حته.
منصور بصدمه،،، اطلعتيييي كيف اهنه.
جنان بزعيق من وسط عيطها،،،، انت لسه هتسأل انجز اتصرف.
منصور طلع بس الشجره ضعيفه وممكن تتكسر لو قرب،،،، قربي انتيييي هاتي ايدك.
جنان بخوف،،،، مش عرفه اتحرك اخاف اقع.
منصور بزعيق علشان يشجعها ومش تخاف بس منصور كان مرعوب اكتر منها لان فعلا احتمال كبير تقع ،،، مش اتنرفزيني قربي متخفيييش بس براحه.
جنان بتبلع رقها ولسه بتتحرك الغصن اتكسر.،،،، منصووووووور ااااااا
منصور بصراخ،،،،، جنااااااااااااان.
يتبع الفصل الرابع عشر اضغط هنا
- الفهرس يحتوي على جميع فصول الرواية كاملة :"رواية جنان في بيت صعيدي" اضغط على اسم الرواية