رواية زوجتي بالخطأ الفصل الرابع عشر 14 بقلم غادة أشرف
رواية زوجتي بالخطأ الفصل الرابع عشر 14
رعد بغضب نارى. انتى عااااوزه تروحى عند مامتك ولا عشان تشوفى احمد
ماسه بصدمه. ايييه انت بتقول اى
رعد .متكدبيش قولى الحقيقه انا سمعتك وانتى بتتكلمى مع داده ندى
ماسه بألم ودموعها تهطل على خديها . انا والله عاوزه اروح افهمه الا حصل ده صدقنى والله انا مش بكدب
ثم انفتحت فى البكاء بشده
نظر لها رعد نظره لم تفهمها ماسه وقام وارتدى ملابسه وخرج
بينما ماسه فكانت تبكى بصمت حتى نامت مكانها
فى مكان آخر يبدوا عليه الهجر من شكله المخيف والمرعب حيث كان يعمه الظلام الشديد ، كانت تقف مايا أمام ذلك الشخص الغامض
مايا. ايه مش هنفذ الخطه ولا اى
الشخص. لا شويه لسه كله بغباءك لو ماكنش الا حصل ليكى و انخطفتى ماكنش حصل كل ده ومكناس قعدنا نخطط من تانى
مايا بغضب. هو فى اى انت بتعاملينى كدا لى اومال لو ماكنتش من دمك كنتى عملتى فيا اى المفرود تبقى اكتر واحده حنينه معايا وعليا كل ده ليه
الشخص بغضب. عشانك عشان اخليكى عايشه عيشه متحلميش بيها عشان اخليكى ملكه بفلوسك
مايا بسخرية. عشانى؟ انتى بتكدبى عليا ولا ع نفسك انا عارفه وانتى عارفه أن انتى بتعملى كل ده عشانك انتى وانا مجرد لعبه فى ايدك بتستخدميها وقت ما تحبى
الشخص. خلاص بكره تعرفى أنى بعمل كل ده عشانك المهم خلينا فى الخطه
نظرت لها مايا بسخرية وغضب
الشخص. حكايه خطفك دى مدبره ومقصوده ولازم نعرف مين لا وراها المهم دلوقتى لازم تحاولى مع رعد وتخليه يجوزك ويرجعلك بأى طريقه
مايا. تمام حاجه تانى
الشخص. لا
مايا. ماشى سلام
ترجلت مايا سيارتها وغادرت
عند كيان
كانت مستلقيه ع الفراش تحاول النوم ولكن بلا فائده حتى دخل عليها والدها لتنفزع وتقوم
منصور بشر . فين الفلوس الا انا قولتلك عليها
كيان. اهم اتفضل
اخذ منها منصور المال
منصور. اعملى حسابك أن كتب كتابك على جلال ابن عمك الخميس الجاى
كيان بصدمه. ايه؟ الا انت بتقوله ده استحاله اتجوزه دا دا دا تاجر مخدرات وشمام ازاى تسلمنى لواحد زى ده
صفعه قويه هوت ع وجهها واسقطتها أرضا
منصور بشر. انتى بتعارضينى يا بنت *** دا انا مصدقت لقيت حد اطلع من وراه بقرشين وايه رأيك أن انتى هتتجوزى جلال ورجلك فوق رقبتك
كيان بدموع. لا مش هتجوزه والا يحصل يحصل انا استحاله اتجوز واحد زى ده حرام عليك بقى كفايه كفايه عذاب فيا ارحمنى بقى حرام عليك مكافكش عذاب فى امى لغايت أما ماتت مكافكش عذاب فيا طول حياتى عايشه معاك اسود ايام حياتى رضيت ب العذاب ده وب قسوتك عليا وسواد قلبك كمان عاوز تدبحنى بسكينه بارده بالجوازه دى انت اى يا اخى شيطان انت استحاله تكون بنى ادم زينا انت شيطان شيطان
نظر لها منصور والشرار يتطاير من عينيه وصفعها بقوه على وجهها وأخذ يردد لها الصفعات المتتالية واللاكاكيم والضربات دون رحمه
منصور. بقى انا شيطان يا ** يا بنت** والله منا سايبك يابنت ** وهتتجوزيه ورجلك فوق رقبتك
تركها منصور بعد أن اغشى عليها من كثرة وشدة الضرب وغادر المنزل واتجه إلى القهوه
عند رعد
عاد إلى المنزل مره اخرى وترجل إلى جناحه وفتحه ودخل ونظر إلى ماسه المكوره فى نفسها وكانت تحاوط نفسها بيديها اتجه رعد إليها وأخذ يتأمل وجهها الملائكى الجميل مسح بيديه خدها الذى كان به أثر دمعه
قام واتجه إلى المرخاض وابدل ملابسه وخرج واتجه إلى السرير وتمدد بجانب ماسه وأخذها بأحضانها واستنشق عبير شعرها ودفن رأسه في عنقها وذهب فى ثبات عميق
عند منصور كان جالسا وبجواره شخص ما
منصور. بقولك اى يا جلال ما تكتب الكتاب بكرا وتاخد بنت* وتخلصنى منها
جلال. ماشى بكرا بكرا انت عارف ان انا بحب كيان وكان نفسى اتجوزها من زمان
منصور بطمع. اومال فين المهر ولا بنتى هتتجوز من غير حاجه
جلال وهو يعطيه الكثير من المال. اهو مش خصاره فى كيان
اخذ منه منصور المال وهو ينظر له بطمع شديد
منصور. ع خيرة الله بكرا كتب كتابكم
مابك يا رجل أيعقل انك اب؟ ايوجد اب يبيع ابنته من أجل المال؟ حقا لقد عماك المال وجعلك تبيع ابنتك من أجله ، وتجعلها سلعه وتبيعها لمن يعطيك أكثر ، حقا لقد برهنت انك لا تمتلك قلب ولكن تمتلك صخره من الحجر الأسود وتسببت فى إيذاء اقرب الناس اليك، فسوف تندم غدا ع تلك الأفعال الفاحشه و الصفقات الباشعه التي تبيع ابنتك بها
تانى يوم ملئ بالاحداث
استيقظت ماسه لتجد نفسها داخل احضان رعد اخذت تتأمل ملامحه الرجوليه الجميله وتتحسس لحيته المحدده
شعرت ماسه أنه على وشك الاستيقاظ فقامت من بجواره ليجذبها رعد مره آخره الى أحضانه
انصدمت ماسه من فعلته ونظرت له بعيونها الخضراء الساحره بعدم فهم ليفاجأها رعد بقبله فى كفها من الداخل ثم يقوم متجها إلى المرخاض
ماسه. اى ده هو ماله امبارح يزعق ويهزأ وانهارده كويس هو ملبوس ولا اى
نظرت ماسه الى كفيها مكان قبلته وأخذت تتحسس مكانها وتبتسم بخجل
رعد. قومى عشان هوصلك الجامعه فى طريقى
نظرت ماسه خلفها بخضه
رعد. اى مالك
ماسه. مافيش انا هقوم اهو
واتجهت إلى المرخاض واغتسلت وترتدت بنطلون جينز فيرانى وبلوزه من اللون البرتقالي ولفت حجابها وأصبحت جميله للغايه ثم خرجت
رعد بغضب. اى القرف الا انتى لابساه دا
ماسه وهيا تنظر إلى ملابسها. قرف ؟ قرف اى ماله الا انا لبساه
رعد. خوشى اقلعى البنطلون ده
ماسه. لى
رعد. اسمعى الكلام يا ماسه ومتستفزنيش
ماسه بعند. لا هو حلو ومش هغيره ها
رعد بخبث وهو يقترب منها. بقى كدا
ماسه وهيا ترجع للخلف. ا اه ك كدا أن انت م مفكرنى ه هخاف منك ولا
حملها رعد على كتفيه
ماسه. اعااااا انت هتعمل ايه عاوز تموتنى عاوز ترمينى من البلكونه انا عارفه انا ان انت عاوز تموتنى ماهو انا غلبانه لا ليا حبيب ولا قريب ولا غريب
رعد. باااس اسكتى اى مصوره بصى يا حلوه أنا مش هموتك ولا هرميكى من البلكونه ولا شغل الافلام ده طلاما انتى مش عاوزه تغيرى لبسك ده عادى اغيرهولك انا
ماسه. لااااا وحياة امك انا هغيره والله بس نزلنى
نزلها رعد مره اخرى
رعد. خمس دقائق تغيرى البنطلون ده وحسك عينك اشوفك لابسه بنطلون تانى يلاااا
اسرعت ماسه الى المرخاض لتبدل ملابسها سريعا
بعد دقائق قليله خرجت مرتديه فستان من اللون البنفسج وطرحه من اللون الابيض
نظر لها رعد بإعجاب شديد وقال فى نفسه . كدا حلو وكدا احلى اعمل ايه بس اخبيكى فين عشان ماحدش يشوفك
ماسه. ها حلو كدا
رعد. اه يلا
مسكها رعد من يديها ودلفوا إلى الاسفل ليتناولون طعامهم
ماسه. صباح الخير
الجميع ماعدا مها ومايا. صباح النور
مايا وهيا تنظر لماسه بكره. انتى ماسكه فيه كدا هو هيطير
ماسه محاولتا ايغاظتها أكثر . ايوا هيطير
واحتصنت ماسه دراع رعد أكثر
ابتسم رعد بخفه عليها وعلى عنادها
جلس رعد وبجانبه ماسه وأخذوا يتناولون فطورهم بين نظرات رعد وماسه الغامضه ونظرات مها ومايا الحاقده
وبعد قليل
رعد. يلا يا ماسه عشان اوصلك الجامعه
ماسه. يلا
مها. ما تسيبها تروح لوحدها ولا تركب تاكسي
رعد. والله دا شئ ميخصكيش وانا ماسمحش أن مرات رعد الناصري تركب تاكسى مع حد غريب يلا يا ماسه
امسك رعد بيدها واتجه إلى الخارج واستقل سيارته هو وماسه وركبوا واتجهوا إلى الجامعه ووصلوا بعض قليل
رعد. ماسه
ماسه. نعم
رعد. لو لمحتك واقفه مع اى شاب هتشوفى منى حاجه مش هتعجبك
ماسىه. اووف حاضر حاجه تانى
رعد. لا
ليمسك كفها ويضع قبله بداخل كفها
خجلت ماسه بشده وتوردت خدودها وترجلت من السياره سريعا ودخلت إلى الجامعه
بينما ضحك عليها رعد وعلى خجلها الشديد وقاد السياره مره اخرى وذهب إلى شركته
فى شركة ادم
كان ادم فى مكتبه يحاول الاتصال بكيان ولكنها لا تجيب مما زاد قلقه عليها
ادم. ياترى انتى فين يا كيان ومبترديش لى ياترى حصلك اى انا من امبارح وانا مش مطمن
قام ادم وخرج من مكتبه ونظر إلى مكتبها ولم يجدها به فجلس عليه وأخذ يحاول الاتصال مرات عديدة ولكن بلا جدوى حتى دخلت عليه جنات
جنات. ادم اومال فين كيان
ادم بقلق. مش عارف يا جنات ماجتش انهارده وعمال اتصل عليها مبتردش وغير كدا امبارح ماكنتش طبيعيه وكان باين عليها التعب والحزن
جنات فى نفسها. ياترى انتى فين يا كيان لا يكون ابوكى عملك حاجه ربنا يسترها
ادم. جنات جنات
جنات. امم نعم يا آدم
ادم. اى سرحانه فى اى
جنات. لا ابدا بفكر فى موضوع كيان ده
ادم بقلق ظاهر. انا قلقان اوى احسن يكون جرالها حاجه
جنات بخبث. قلقان اممم ياترى بقى نفسر حالتك دى بى اى
ادم. بقولك اى يا جنات بطلى شغل الخبث ده
جنات. اخص عليك يا دومى بقى انا خبيثه
ادم. لا طبعا حد يقدر يقول كدا انا الا خبيث
جنات. ايوا انت الا خبيث
ادم. هههههههههه ماشى دانتى مصيبه
جنات. بس زى العسل
ادم. ياعم المتواضع
جنات. انا هروح مكتبى ولو وصلت لحاجه هقولك
ادم. ياريت يا جنات
جنات. لا دانت حالتك ساءت خالص
ادم. امشى يابت
أخذت جنات تضحك بشده عليه وخرجت من المكتب وجاءت أن تتجه إلى مكتبها ليوقفها صوت احمد
احمد. جنات
جنات . نعم يا احمد
احمد بجمود. كنتى بتضحكى على ايه انتى وآدم
جنات. ابدا عادى يعنى
احمد. وهو العادى أن الأبناء تضحك وتهزر مع المدير بتاعها
جنات. احمد خود بالك من كلامك وشوف انت بتقول ايه وبعدين انا حره اعمل الا انا عوزاه
احمد . بقى كدا تمام اوى
تركها احمد وذهب إلى مكتبه بينما غضبت جنات بشده واتجهت إلى مكتبها
عند كيان
استيقظت كيان وكادت تموت من شدة الوجع اخذت تبكى بحرقه على حظها
كيان. لازم امشى من هنا لازم اهرب استحاله اتجوز الا اسمه جلال ده لازم اهرب بس ههرب اروح فين انا معرفش حد ولا ليا حد
اخذت تبكى كيان بشده حتى صفع الباب ودخل والدها
منصور. جرا اى يا بنت** انتى هتنيكى طور النهار نايمه قومى حضرى نفسك المأزون جاى بالليل اخيرا جيه الا ياخدك ويريحنى منك
كيان بدموع. لى كدا ارجوك سيبنى انا مش عاوزه اتجوزه انت كل اما تطلب منى حاجه بنفزها وانا اول مره اطلب منك حاجه عشان خاطر ربنا بلاش تجوزنى ليه انا مبحبوش طب بص انا هديك كل شهر المرتب بتاعى انا مش عاوزه منه حاجه بس والنبى ما تجوزنيش ليه عشان خاطر ربنا
منصور. انا قولت كلمه وهتتنفز يلا قومى تدك داهيه تاخدك بت **
يا الله لقد تمزق قلبى من اجلك يا فتاه فكم انتى تعانى من تلك الحياه التى لم يحالفك الحظ فيها ولو مره واحده حتى حنان الاب التى حرمت منه واعطتك الحياه القسوه والشده ومن من؟ من ابيكى ، ابيكى الذى يجب عليه أن يكون المصدر الذى تستمدى منه الامان والحنان والحب والعطف والدفئ، ولكن مهلا يا فتاه فربما يأتى يوما وتنقلب حياتك الى الافضل لعل يحدث شيئا يبدل من حالك
خرج منصور وهمت كيان بالوقوف حاتمه أمرها على الهرب فلن تجد حلاً اخر غيره اخذت هاتفها واتصلت بجنات
كيان. الو ايوا يا جنات
جنات. كيان انتى فين ماجتيش انهارده ليه احنا قلقانين عليكى اوى خصوصاً ادم
كيان ببكاء. اسمعينى يا جنات انا محتجالك اوى انا ههرب من البيت وعيزاكى تساعدينى
جنات. ايه ؟ هتهربى؟ لى فى اى
ابوكى عملك حاجه
كيان. اسمعى يا جنات انا أما اشوفك هحكيلك بس لازم تساعدينى انا ماعرفش حد غيرك ياجنات ارجوكى ساعدينى
جنات. حاضر والله طب انتى هتهربى ازاى وقدرى ابوكى شافك
كيان. لا متقلقيش انا هعمل احتياطى المهم تعاليلى واقفة على بابا الحاره وانا هنط من شباك المطبخ
جنات. حاضر قوليلى العنوان
كيان. العنوان ****
جنات. تمام نص ساعه واكون عندك حضرى نفسك انتى واستننى ع بابا الحاره وانا هجيلك حالا
كيان. حاضر متغبيش بالله عليكى سلام
جنات. سلام
قفلت كيان الخط وخرجت من الغرفه
منصور. انا نازل رايح القهوه وانتى جهزى نفسك وشنطتك
كيان بهدوء. حاضر
قام منصور وخرج من المنزل بينما كيان دخلت غرفتها واحضرت حقيبتها ووضعت بها ملابسها والأشياء التي تحتاجها وأخذت نقودها وذهبت إلى المطبخ ونظرت إلى الشباك
كيان. انا هنزل ازاى انا خايفه اوى لا انا هتسلق على المصوره لحد اما انزل
حملت كيان الحقيبه على ظهرها ووقفت على النافذه وتسلقت على المصوره وأخذت تنزل بحرس شديد حتى لا يصيبها شيئا حتى نزلت وأخذت تجرى بسرعه كبيره حتى لا يراها احد حتى خرجت من تلك الحاره ثم وجدت جنات بإنتظارها فاتجهت إليها وركبت السياره
جنات. كيان فى اى مالك وايه الا حصلك
ارتمت كيان بأحضان جنات وأخذت تبكى بهستريا وتقول بعض الكلمات الغير مفهومه
جنات. أهدى يا كيان أهدى مش عاوزه اعرف الا حصل معاكى دلوقت بصى انا هخدك شقه بتاعتنا احنا مش بنروحها خالص وهيا فاضيه دلوقت اقعدى فيها
كيان. انا متشكره اوى يا جنات انتى الوحيده الا بتقفى جمبى
جنات. احنا اصحاب وأخوات كمان
قادت جنات السياره واتجهت إلى الشقه
فى الجامعه
ماسه. مالك يابنتى عامله زى المجانين كدا لى
شهد. انتى مش شايفه الدكتور زين المحترم والا بيعمله
ماسه. بيعمل اى يعنى
شهد بغضب. انتى هتنقطينى مانتش شيفاه وهو عمال يضحك مع البت المايصه الا واقفه معاه اه تلاقيها حبيبة القلب ضربه فى قلبها هيا وهو
ماسه. ويهون عليكى
شهد سريعا. لا طبعا
ماسه. ايوا بقى دحنا وقعنا وماحدش سمى علينا
شهد. بت انتى اظبطى كدا
ماسه. خلاص انكشفتى يختى انتى بتغيرى يا بطه
شهد. وهغير لى هو بس ع عشان الدكتور ب بتاعنا و والمفروض مايعملش كدا ولا يهزر مع الطلاب
ماسه. يختى قميله شهد حبت وبقت تغير يا ناس
شهد بشر وهى ترفع اكمامها. ماشى أستعنى ع الشقا بالله
ماسه. أهدى يا وحش دنا حبيبك
وفرت ماسه هاربه من أمامها سريعا وجريت خلفها شهد
فى شركة رعد
رعد. الو ايوا يا صالح اى الاخبار
صالح. كله تمام يا باشا الست هانم كويسه وانا شفتها خارجه دلوقتى مع واحده
رعد. تمام
وقفل رعد الخط وانتهد
فى منزل رعد
دخلت ماسه المنزل واتجهت إلى المطبخ لترى والدتها
ماسه. ماما
ندى. ماسه حمدالله على السلامه يا روحى
ماسه. الله يسلمك امزه انا جعانه موووت
ندى. من عيونى بس مش هتستنى رعد ع ما يجى
كادت ماسه أن تجيب لترى مايا أمامها فتجيب سريعا وتقول
ماسه. اه رعد حبيبى زمانه جاى من الشغل وبعدين انتى عارفه يا ماما أن لا أنا ولا هو نقدر ناكل غير مع بعض عشان بنفتح نفس بعض
تعجبت ندى منها ونظرت خلفها لتجد مايا واقفه تكاد تشعل من شدة الغيظ
ندى بإبتسامه على أفعال ابنتها . ماشى يا حبيبتى استنى رعد
ماسه. عن اذنك بقى يا ماما خطبه عشان اخد ساور زمان رعد حتى حبيبى جاى
ندى. ماشى يابنتى
ذهبت ماسه ببطئ وهيا تنظر إلى مايا بإنتصار
ودلفت ماسه الى جناحها وأخذت تضحك على مايا بشده
ماسه. عاااا ماشى يا مايا أن مخلتكيش تمونى من الغيظ مبقاش انا ماسه اى ده أنا نسيت موبايلي تحت أما انزل اجيبه
واتجهت ماسه الى الاسفل
واتجهت مايا هيا الآخرى إلى غرفتها وهيا غاضبه
مايا. ماشى يا ماسه وحياة امك لاوريكى بقى حتة بت زيك متسواش قرش تغظنى انا ماشى صبرك بس
قامت مايا واتجهت إلى جناح رعد ودلفت داخل الغرفه بحزر ولم تجد مايا لتذهب إلى المرخاض وتصتنت عليه من الخارح وتدلف إلى الدعخل بحزر وتضع انبوبه من البخار وتخرج وتختبأ خلف السرير لتجد ماسه تدلف الى الغرفه وتتجه إلى الحمام فاتجهت مايا بحظر وأغلقت الباب بالمفتاح من الخارج وغادرت الغرفه سريعا
عند كيان وجنات
وقفت جنات بالسياره أمام عماره ضخمه فترجلت من السياره وكيان هيا الاخرى واتجهوا إلى الدخل وصعدوا فى المصعد ثم خرجوا واتجهوا إلى شقة ما
دلفت جنات داخل الشقه وخلفها كيان
أخذت تنظر كيان حولها بإعجاب شديد فكانت الشقه كبيره وجميله للغايه
جنات. ها حلوه الشقه
كيان. جميله اوى
جنات. بصى دا المفتاح وانا هسيبه معاكى وهسيبك ترتاحى وتريحى اعصابك وهجيلك بكرا ونروح الشركه بعص
كيان. أنا متشكره اوى يا جنات مش عارفه لولاكى كنت هعمل اى
جنات.احنا قولنا اى بس انتى محكتليش الا حصل معاكى
كيان ببكاء. بابا كان هيموتنى بالحيا يا جنات كان عاوز يحكم عليا بالاعدام من جواز ابن عمى جلال
جنات. أهدى انا مش فاهمه حاجه
كيان. بابا عاوز يجوزنى ابن عمى جلال ولما انت رفضت فضل يضرب فيا من غير شفقه ورحمه لحد اما اغمى عليا وقالى أن هو هبجوزنى غصب عني
جنات. طب وانتى اى الا يخليكى ترفضى ابن عمك ده مش يمكن العيشه معاه تبقى احسن من العيشه مع ابوكى
كيان. دا دا تاجر مخدرات وشمام وماشيه كله شمال وحياتى هتبقى جحيم معاه بابا كان عاوز يبعنى ليه يا جنات قالى ماصدق أن لقى مصلحه يطلع بيها من ورايا بقرشين قلهالى فى وشى يا جنات باعنى عشان الفلوس يا جنات
وانفتحت كيان فى البكاء
سحبتها جنات إلى أحضانها وأخذت تهدأها
جنات. أهدى انا فى حياتى ماشفتش اب بيعمل فى بنته كدا أهدى يا كيان هو ميستاهلش
كيان. انا خايفه ليعرفوا طريقى هيجبونى يا جنات انا عارفه
جنات. أهدى انشاء الله مافيش حد هيهرف طريقك بس خشى خودى شاور وغيرى هدومك واستريحى وانا هتصرف
كيان. ح حاضر
جنات. انا همشى بقى عشان اتأخرت واقفلى على نفسك كويس
كيان. حاضر
خرجت جنات من الشقه بينما اتجهت كيان إلى المرخاض وأخذت شاور وارتدت ملابسها وأدت فريضتها واتجهت إلى السرير وتمددت عليه بتعب شديد وذهبت فى ثبات عميق
عند ماسه
كانت فى المرخاض ورأت بخار كثيرا ولكن لا تعلم من اين ذلك البخار وبدأت تشعر بالاختناق وتحاول فتح الباب ولكنها لا تستطيع اخذت تدق الباب بشده وتنادى بأعلى صوتها وتصرخ ولكن دون جدوى ذاد اختناقها من شدة البخار وأخذت تسعل للغايه حتى اسودت الرؤيه أمامها واستسلمت وسقطت على الأرض غير داريه بما حولها
- تابع الفصل التالي عبر الرابط: "رواية زوجتي بالخطأ "اضغط على اسم الرواية