رواية عصافير الغرام الفصل الرابع عشر بقلم تسنيم محمود
رواية عصافير الغرام الفصل الرابع عشر
دخل عدي وتكلم بصوت يكاد يكون مسموع: همس!!!
همس مسحت دموعها باحراج هي في عمل ولا جايه تفضفض عن حياتها
أيهم بتوتر وسرعة: عدي.. احم تعالي يا شاطره اعملي اتنين قهوة مظبوط
عدي بص لأيهم بغضب وعدم فهم: ايه ده؟
أيهم بهدوء: عدي انت مش فاكر شكلها حتى.. ومش لمجرد إنها حكت الحادثة يبقى هي اختك ممكن تكون لعبة كبيرة اوي يا صاحبي
عدي: انا منستش شكلها ابدا يا أيهم...
أيهم: خلاص يبقى نتأكد
عدي بابتسامة جذابة: تسلم يا صاحبي
....
همس خرجت وهي محرجه جدا ولسه بتعيط
تقابلت معه نهاية الدرج
حمزة: انتي مبتبطليش عياط؟
مسحت دموعها من غير ما تبصله
حمزة: مبترديش ليه؟
همس ببرود: العين ما تعلاش عن الحاجب يا حمزة بيه حمزة اتعصب جدا من كلامها وفهم هي بتقوله كده ليه صعد لجناحه بالأعلى ... بدل ملابسه لملابس بيتيه.. وتوضأ وصلى العصر
حمزة: اسمع معاك لبكره الساعة ١٠ تجبلي كل المعلومات عن ***
ابتلع الشخص ريقه بصعوبة كبيرة: بس الوقت ده قليل اوي يا باشا
حمزة: براحتك... ولو ده ما اتنفذش رقبتك الحلوة هتكون كبش فدى ليا
واغلق الهاتف بدون أن يسمع رد الرجل واتنهد: مش هتكوني لحد غيري يا همستي.. لأني ببساطة بعشقك مش بحبك بس
نزل لغرفة مكتبه ظل يدرس بعض التصاميم بتركيز واندماج شديد
.....
بعد مرور وقت
في الحديقة الأمامية للفيلا وكان أيهم وعدي قاعدين
حمزة: مساء الخير
أيهم: مساءنا عسل ملزق في السدوشات
عدي: يخرب بيت ألفاظك يا شيخ
أيهم: انتو ناس معقدة انا مالي بيكوا؟
حمزة ضربه بالقفا: مبقتش معقد انا كده صح؟
أيهم حط ايده على قفاه: ربنا ينتقم منك يا حمزة يابن ام حمزة .. سايبهالكم مخضرة
ولسه هيمشي لقي باب الفيلا يفتح على مصاريعه
أيهم بجنون: ساااامر
حمزة: انا بشك انك اخويا والله
عدي ضحك: ولا يمدلك بصله ولا لعيلتكم اصلا
حمزة ضحك: اكيد غلطوا فيه اصل ده مش ممكن يكون اخويا ابدا
نزل من سيارته وحضن أيهم وهو مبسوط: انت اخو المعقد اللي هناك ده؟
أيهم بوجع: اااه سامر ايدك والجرح
سامر: آسف
أيهم: ولا يهمك يا معلم.. هو متبري مني اصلا
سامر وهو بيشاور على حمزة وعدي وهم بيتكلموا ومندمجين في الحديث بضحك: بيتفاوضوا على ايه دول مش بطمن لما بشوفهم مع بعض
أيهم ضحك بصوت عالي: سيبك منهم .. احنا بالنسبالهم فشلة
سامر بصدمة: احلف؟
وقضوا سهرتهم ضحك وهزار وتحدثوا في عدة مواضيع مختلفة..
وفي صباح اليوم التالي
في فيلا العسيلي
بعد ساعة من ممارسته للرياضة .. اخد شاور وبدل ملابسه للزي الرسمي للعمل وصفف شعره الأسود الطويل الناعم بحرفية وارتدى ساعته ووضع عطره الخاص الذي يجعله يخطف قلب الفتيات بطلاته تلك.. واستعد للخروج
نزل يتناول فطوره
حمزة: صباح الخير
مليكة بابتسامة: صباح الخير
أيهم بحب: صباح الفل والياسمين على عيونك يا زومي
وتناولوا فطورهم وانطلق نحو الشركة
.....
في الجامعة عند همس طلعت من الامتحان ولقيت خطيبها في وشها
د.احمد: صباح الخير
همس بابتسامة مجبرة: صباح النور
فاطمة بغمزة: طيب يا همسة خلصي وتعالي انا في الكافيه
د.احمد: اخبار الامتحان ايه؟
همس: الحمد لله كويس
د.احمد بجمود: تمام... همس احنا لازم نسيب بعض
اتصدمت وخلعت الخاتم من ايدها بهدوء وادتهوله ومشيت ليه الكل مصمم يلعب بمشاعري ليييه انا عملتلهم ايه؟
احمد ودموعه بتنزل: بحبك بجد بس مش بأيدي حاجه خرجت من الجامعة كلها بدون ما تشوف فاطمة.. كانت تشعر بالسعادة فهي لم تحبه يوما ولكن كان حبل النجاة بالنسبة لها
فزعت عندما رأته في وجهها بطلاته الخاطفة للأنفاس وسط نظرات الإعجاب والهيام من الفتيات
بنت: مين القمر دا؟
بنت٢ بذهول: مش ده حمزة العسيلي؟
بنت٣ بهيام: يالهوووي هو ده امه كانت بتتوحم على ايه وهي حامل فيه؟
نظر حمزة في عيناها الخضروات بعشق وصل حد النخاع: صباح الخير
همس مصدومة: هاااه؟ انت ايه اللي جابك هنا؟
حمزة بخبث: جاي اشوف حبيبتي عندك مانع ولا ايه؟ وجاب بوكيه ورد شكله رائع بكل ما تحمله الكلمة من معاني... ايه رأيك الورد هيعجب حبيبتي؟
همس بغيظ وغيرة: لا وذوقك مقرف .. وجات تمشي مسكها من ايدها قائلا بهيام وهو ينظر بعيونها: بحبك
همس اتصدمت واتوترت ووشها حمر من شدة الخجل
حمزة ضحك: حد قالك قبل كده اني بعشق الطماطم؟
وأخرج من جيبه خاتم الماس ولبسهولها وباس ايدها بحب: تقبلي تتجوزيني يا همستي؟
تعالى صوت الصفير ونظرات تتمنى لهم حياة سعيدة ونظرات تحقد وتحسد
اخذت بوكيه الورد وهربت من أمامه سريعا وهو يضحك على منظرها ... ركب سيارته وانطلق نحو المقر الرئيسي لشركات العسيلي
.....
في مكان آخر
مجهول١: مش هينفع نقعد كده كتير لازم نتصرف
مجهول٢: خلاص نظهر احنا ونلعب ع المكشوف
مجهول١: انت غبي صح؟ قولي انك غبي
مجهول٢: خلاص فكر انت
مجهول١: بص سليمان بيه كان بيحكي لحمزة كل حاجة كبيرة وصغيرة اعداءه ومنافسينه في السوق ومنهم عصام ... واكيد انا فا انا لازم اكون بعيد عن الانظار خالص لحد ما يطلع عصام وميار ونتصرف
مجهول٢: مهو اكيد طالما من ساعة ما مسك الشركات ومش شايفك بتلعب ادامه ع المكشوف هيكون شاكك فيك انك زعيم المافيا... انت لازم تظهر ادامه بأي طريقة حتى لو هتعمل شركة وهمية وتنزل بشخصية مزوره
مجهول١: وعصام مهو عمل كده واتكشف الغبي
مجهول٢: لولا انه دخل بنت اخوه عشان يبرأ نفسه مكنش اتكشف
مجهول١: والله لو ميار دي عرفت ان عصام هو اللي قتل أبوها هتقتله ... واحنا هنكون الضحية لأننا مساندينه وهي طماعة وكلبة فلوس هتقتلنا عشان ضيعنا عليها فرصة إنها تاخد كل فلوس حمزة العسيلي لنفسها
مجهول١: ومين هيقولها
مجهول٢ بغل: حمزة العسيلي وأيهم العسيلي.. عارفين كل حاجة
.....
في مقر شركات العسيلي
دلف حمزة مكتبه في صمت وهو سعيد
حمزة بفرحة: مبسوط مبسوط اوي يا سيمو
سامر عقد حواجبه: سيمو ومبسوط؟؟ لا فيك حاجه غلط النهاردا يا حمزة، وقعد يلمس وشه بطريقة مضحكة: ما انت مش سخن اهو
حمزة: اخس على شكلك يا حيوان...
سامر: طب فرحني معاك
حمزة بغموض: هتعرف كل حاجة في وقتها
سامر: تمام.. هتقابل معايا المندوبة اللبنانيه يا حمزة بيه
حمزة ضحك: من عيوني يا سيمو
.....
مر اليوم وجاء الليل وهمس لسه مروحتش بيتها وطول اليوم مبسوطه وبتبتسم لوحدها
أيهم ومليكة قاعدين في القاعة، وفجأة لقيت نفسها بتترفع من الأرض وحد حاضنها جامد وبيلف بيها ويصرخ باسمها بجنون: همممممممممممممس!!!!
صرخت بأعلى صوتها: اعااااااا ابعد عني يا حمااااااااااار
عدي نزلها ومسك وشها بحنية ودموع الفرحة على وشه: وحشتيني اوي اوي اوي يا همس
حمزة واقف هيولع من الغيرة.. مليكة صقفت بطفولة: برافووووووو
همس: ابعد ايدك يا متخلف ... ابعد ايدك عني إياك تلمسني كده تاني
عدي ضحك وقرب منها: واقدر ابوسك كمان وقبلها من خدها
حمزة كان بيحترق من الغيرة... غيران عليها حتى من اخوها ومن قبل ما تصبح زوجته
صعقت همس... وتكلم هو والدموع تسيل على وجهه والفرحة مش سيعاه: همس انا انا عدي اخوكي
وحضنها باشتياق وفجأة بدأت تبكي وجسمها اتنفض ويتشنج وسقطت مغشاة عليها بين يديه
حمزة: منااااال هاتي ميه بسرعة
جابوا ميه وفوقوها وهي انكمشت في نفسها وضمت رجليها لصدرها وبتعيط في صمت رهيب
حمزة قلبه بيتقطع على حالتها ومش فاهم هي ليه حصل معاها كده.. عدي بذعر وخوف ولسه هيلمسها قعدت تصرخ مثل المجنونة وتفتكر زوج والدتها: ابعدواااااا عني محدش يلمسننننننننني
حمزة بهدوء: سيبها تهدى يا عدي
عدت ساعتين وهي لسه على نفس الحالة
أيهم: نطلبلها دكتور؟
عدي: مش عارف همس اختي كانت شرسة ومش بالضعف ده
أيهم ضحك: يالهوي فيك نفس تهزر
همس فكت واستوعبت اللي حصل بس برضو مش مصدقة ان ده عدي اخوها: حمزة
حمزة بحب: عيونه
صدمة حلت قسمات وجه عدي ... ولكن أيهم ومليكة كانوا في قلب الحدث
همس ببكاء وصوت مخنوق ومبحوح: ده عدي اخويا بجد؟
هز رأسه بابتسامة جذابة ذادته وسامة: ايواا ... وطلع نتيجة تحليل فحص DNA وعطهولها
عيطت وحضنته جامد واغمض عيناه بوجع ... رفعت ايدها وهي بتترعش ولمست وشه بعدم تصديق ودموعها تغرق وجهها
همس بصوت مبحوح: عدي
عدي: قلب عدي وروحه
همس: انت هتسيبني وتمشي تاني؟
عدي: لا يا قلبي مش هسيبك ابدا
حمزة بغيرة: ما خلاص ياعم عدي
عدي ضحك: حالتك صعبه... وبعدين اختي وغايبه عن عيني ليها عشر سنين عايزني اعمل ايه؟
همس وهي مش واعيه للي بيحصل وان في اللحظة دي اخوها واقف ادامها قعدت تتأمله لوقت مش قليل
عدي مسح دموعه: همس ليه اغم عليكي لما حضنتيني؟
ارتبكت بشدة ومعرفتش تتكلم
حمزة: متضغطش عليها يا عدي .... وبعدين روح شوف والدتك
همس بدموع: عدي انت مش عايز تشوف ماما؟
عدي بحزن: لا يا همس عايز اشوفها وحشتني اوي يلا بينا
حضن مليكة: برافو عليكي يا ملوكتي
مليكة بمشاكسة: ?Where is my favorite chocolate
عدي بفرحة: دا انا هعملك مصنع شوكولااا
كل ده تحت صدمة همس اللي مش مستوعبه اللي بيحصل أدام عنيها وبصت لحمزة بفتحة فم
عدي: ميرسي يا أيهم
أيهم ضربه: عيب عليك يا جدع ... احنا اخوات والاخوات مفيش بينهم شكرا
حضن حمزة من غير ما يقول حاجه... وخرجوا من الفيلا
.....
في الطريق لبيت همس
عدي: بقيتي حلوة اوي يا همستي
همس: نسيت شكلي يا عدي؟
عدي اتنهد: انتي نسيتي؟
همس: منستش شكلك ابدا ابدا ولا يمكن انساه بس لما ظهرت ادامي كده مش عرفاك خالص
عدي: نفس الأمر انا بس انا كان أصعب شوية ومفيش حتى صورة ليكي معايا يا حبيبتي...
همس: ليه ما رجعتش البيت يا عدي؟
عدي: عارفة لما ماما طردتني من البيت الشرطة وقتها كانوا قالبين عليا الدنيا ومسكوني...
شهقت همس ببكاء
عدي ضحك: متخافيش دلوقتي انا ضابط شرطة يا همس
همس في سرها يالهوي لو فاطمة عرفت ان المز ده اخويا هههه: عدي.. انت خبطت واحده بالعربية اسمها فاطمة؟
عدي بصلها وظهرت على وشه علامات الصدمة: اوعي تقولي انك تعرفي البنت اللي لسانها عايز قطعه دي
همس ضحكت ومسحت دموعها: دي صاحبتي الانتيم يا ديدو
عدي بحزن: ليه رحتي تشتغلي الشغل ده يا همسة؟
همس: هحكيلك كل حاجة عني بس مش وقته
عدي: هي ماما اتجوزت فعلا يا همس؟
همس بتنهيدة: ااه يا عدي
وصلوا عند بيتها وعدي فضل شوية ساكت..
همس مسكت ايده: يلا
طلعوا شقتهم وهمس وقفت ورا ضهره ودموعها بتنزل وخايفة أمها متكنش موجوده
دقوا الجرس وفتح حمدي الباب: اخيرا شرفتي يابنت المحروسة؟
همس رفعت وشها وبصت لعدي
صباح من جوا: ميين يا حمدي يا حبيبي؟
وقع الكلام على ابدانه مثل السم
دخل عدي وقعد يبص للمكان بخنقه
حمدي ولسه هيمد ايده يجيب همس من شعرها: جايبالنا رجالة البيت كمان ... حالت بينها وبين يد حمدي ايد عدي وهو يتحدث بصوت هادي مميت: إياك تفكر انك تلمس اختي يا حيوان
جات امه من جوا وبرقت عنيها لما شافته
صباح موجهه كلامها لهمس: مين ده يابت محمد عثمان؟
همس بسخرية: دا؟ ده ابنك يا أمي
صباح: ايه اللي جابك هنا؟
اغمض عيونه بوجع وكسرة... امسك بيدها ليقبلها سحبتها منه بسرعة: ميدخلش بيتي قتال قتله اطلع بره
يمر شريط ذكرياته أمام عيونه للمرة المليون
عدي: انا جاي اخد اختي يا أمي
صباح: يلا بالسلامة خدها واطلعوا بره متدخلوش هنا تاني
همس بصراخ: كفاية حرام عليكي كفااااية
عدي بهدوء: يلا يا همستي هاتي حاجتك وانا هستناكي
يتبع الفصل الخامس عشر اضغط هنا
- الفهرس يحتوي على جميع فصول الرواية كاملة :"رواية عصافير الغرام" اضغط على اسم الرواية