رواية حورية الفارس الفصل الرابع عشر بقلم أمل السقا
رواية حورية الفارس الفصل الرابع عشر
حور وفارس وجاسر وصلوا لبيت ندى وملقوش حد، جاسر فضل يرن على موبايلها وكان مقفول وحور مش مبطله عياط والخوف بدأ يتسلل لقلوبهم كلهم، جاسر وفارس وصلوا حور للبيت وكانت منهارة جدا عشان ندى وجاسر مكانش بيتكلم أبداً مع حد وفارس هو اللي كان بيهدى فيهم مع انه كان قلقان زيهم جدا، بعد ما وصلوا بيت حور، حنان قابلتهم وسلمت عليهم حور دخلت اوضتها ونامت من كتر العياط والتعب وفارس وجاسر كانوا لسه هيتحركوا ويمشوا.
حنان بسرعه: فارس يا ابني ممكن اتكلم معاك في موضوع مهم.
جاسر شاور لفارس بمعنى خليك انت وانا همشي وفارس فهم وفعلا فارس دخل وقعد وجاسر مشي.
فارس بقلق: خير يا طنط فيه حاجه؟
حنان بتوتر: بص يا بني حور بنتي فى خطر ومفيش غيرك يقدر ينقذها عشان كده انا متكلمتش مع حد غيرك.
فارس بقلق: خطر ازاي يعني؟
حنان خدت نفس عميق: انا هقولك.
عند سجى صحيت تاني يوم وعينيها ورامه من العياط ولبست ونزلت قبل ما والدتها تشوفها وراحت عند مكانها المفضل وقعدت شويه مع نفسها سرحانه بس فاقت على صوت وراها هي عارفه صاحبه كويس جدا.
أحمد بهدووء: ممكن اعرف مش بتردي علي مكالماتى ليه؟
سجى ببرود: كنت نايمه معلش.
أحمد قعد جنبها: يا سجى عشان خاطري افهميني انا كنت مغصوب والله العظيم انا مش عارف اعمل ايه انا مليش غير امي وسها الزفته هددتنى انها تقتلها وانا مستحملتش افضل مكمل فى اللعبه دي وقولتلك عشان ارضي ضميري، يا سجى انتي البنت الوحيدة اللي قلبي دقلها اقسم بالله واطيب حد شوفته عشان كده مقبلتش اني اخدعك انا بحبك يا سجى من أول مره شوفتك فيها وعلى الرغم من اني كده بعرض حياتي وحياة امي للخطر بس رفضت اني اخدعك وقولتلك الحقيقه.
سجى بدموع: انت عايز ايه دلوقتي يا أحمد؟
أحمد بحزن: تسامحيني اني خدعتك من الأول وانا هوعدك اني مش هظهر فى حياتك تاني أبداً بس مش عايز افارقك وانتي مجروحه منى او حاسه اني ضحكت عليكي، سجى انا من ساعة ما شوفتك لحد اللحظه دي مقربتش منك ولا حتى حاولت أاذيكي على الرغم من ان اتفاقي مع سها غير كده خالص بس مقدرتش حقيقي مقدرتش انتي متستاهليش كده وكله بسبب اخوكي على فكرة لأن هي كمان اتظل........
سجى بمقاطعه وصوت عالى وعصبيه: انت بتدافع عنها ليه هه زعلان عليها قوي ولا تكونش بتحبها ولا حاجه قول قول اقولك انا روحلها روحلها وخفف عنها اصل يا عيني تلاقيها زعلانه أوى "وقامت عشان تمشي بس احمد مسك ايدها وفضل يضحك بكل صوته"
احمد: خلاص خلاص هههههههه انا غلطان هههههههه اخوكي مغلطش خالص هي اللي تستاهل هههههههه حلو كده هههههههه اقعدي بقا خلينى اصالحك ونشوف هنعمل ايه.
_جاسر روح البيت وهو تايه ومش عارف يعمل ايه وبيفكر بصوت عالي ودموعه نازله "يا ترى يا ندى انتي فين دلوقتي؟ وايه اللي حصل معاكي ويا ترى انتي كويسه ولا لا انا اكيد مش هسيبك تروحي منى انااكيد مش هفضل قاعد كده مستني أي خبر عنك" وقام مره واحده من مكانه "انا هدور عليها في كل حته مش هسيبها مش هسيبها وخد مفاتيحه ونزل ركب عربيته وفضل يدور فى كل المستشفيات ويلف فى الشوارع ومش لاقي اثر لحد ما قرر انه يروح قسم الشرطه ويبلغ وفعلا اتجه بعربيته ناحية طريق القسم بس وهو فى الطريق موبايله رن واول ما شاف المتصل رد بلهفه
جاسر /الو...... ندى انتي فين يا ندى قلقتيني عليكي أوى.
ندى بتعب واضح من صوتها: انا محتاجاك أوى يا جاسر محتاجاك.
جاسر بخوف: ندى أنتي فين وانا اجيلك فوراً.
ندى: انا في مستشفى (...........) متتأخرش عشان خاطري يا جاسر.
جاسر طمنها وقفل عشان يرن على فارس وحور
_فارس روح البيت وهو تايه ومش عارف يعمل ايه وزى كل يوم راح لقى شاهي قاعده بتسمع كرتون كأنها بنت عندها 10 سنين وابتسم لما شافها وقعد جنبها.
شاهي بابتسامة جميله: ابيه عامله ايه 😂الله طلعت حلوه هههههههه
فارس بتعجب: انتي بتضحكي علي ايه؟
شاهي بضحكه عاليه: على أبيه عامل ايه دي القافية ماشيه معاها أوى هههههههه عامل ايه بقا؟
فارس همس: ربنا يهدي وبعدين قال بصوت طبيعي انا كويس انتي عامله ايه يا شو شو.
شاهي بنص عين: لا يا فروسه شكلك مش كويس فيه ايه مالك؟
فارس رجع بضهره لورى: محتار
شاهي بعدم فهم: محتار؛! محتار ف إيه ندى حصلها حاجه ؟ او حور.
فارس: لا بس فيه موضوع محيرني ومش عارف اتصرف ازاي.
شاهي: طب موضوع ايه طيب ونفكر سوا ونشوف حل.
فارس: شاهي إيه رأيك فى حور؟
شاهي بتعجب: من ناحية ايه بالظبط وليه السؤال ده؟
فارس: جاوبي بس الأول ومن ناحية كل حاجه.
شاهي: حور بنت جميله جدا انا بحبها الصراحه لدرجة اني اتمنيت انها تكون مراتك فى يوم من الأيام بس طبعا مش هينفع عشان ليلي "قالتها بخبث"بس ليه بتسأل بقا؟
فارس: عشا...... "قطع كلامه رنة تليفونه وكان جاسر"
جاسر/ايوه يا فارس انا عرفت مكان ندى وهي دلوقتي فى مستشفى(...........) أنا فى الطريق دلوقتى ورايحلها هات حور وتعلالي على هناك وقفل الخط.
فارس قفل وقام وقف بسرعه وقال لشاهي نتكلم بعدين وخرج من غير ما يسمع ردها.
فارس رن علي حور وقالها تجهز عشان يعدي عليها ياخدها وحور فرحت جدا عشان عرفوا مكان ندى.
حور جهزت واستنت فارس تحت البيت وكنا بعد نص الليل، حور واقفه تحت البيت ومامتها واقفه ليها في البلكونه عشان تطمن عليها لحد ما تمشي، بس اللي هي كانت متوقعاه حصل، حور وهي واقفه لقت اللي بيتكلم وهو بيلف حواليها.
حازم حاطت ايده فى جيوبه وبيتكلم وهو بيلف حوالين حور: امممممم ممكن اعرف المحترمة رايحه فين فى نص الليل كده؟
حور بتأفف: ملكش دعوه يا حازم خليك فى حالك وانا محترمه غصب عنك.
حازم شدها من شعرها: لسانك هيطول هقصهولك فاهمه يا بت حنان
حور بألم: سيب شعري يا حازم عشان مصوتش والم عليك النااس دلوقتي.
حازم وهو بيشدد من قبضه ايده: ويا ترى هتقوليلهم ايه هه هتقوليلهم ابن عمى بيضربني عشان خارجه فى نص الليل والله اعلم بتروحي فين ومع مين؟ تلاقيكي مقضياها شقق مفروشه مع الواد الصايع اللي بتشتغلى معاه بس اقسم بالله ما هخليكي تفرحي يا حور وهتيجي تحت ايدي وهعاملك معاملة الكلاب.
وفجأة جه حد من وراه: مش لما تبقى راجل تبقى تتكلم عن الأخلاق.
حازم ساب حور ولف لفارس اللي واقف وعينه بتطلع شرار
يتبع الفصل الخامس عشر اضغط هنا
- الفهرس يحتوي على جميع فصول الرواية كاملة :"رواية حورية الفارس" اضغط على اسم الرواية