رواية بنات نعمة الفصل الرابع عشر 14 بقلم أحمد حسن
رواية بنات نعمة الفصل الرابع عشر 14
أصعب وجع ، وجع بنات نعمة في حلقة النهاردة تعالو نشوفها
خلصت الأمتحانات وفي إنتظار النتيجة
في الفترة دي كانت هدى وريهام وتغريد متابعين المحل
ومش ناسيين امهم بيزروها كل يوم
في يوم جه مرسي وقف على باب المحل
مرسي .. السلام عليكم
هدي قامت وقفت ومسكت في إيديها السلاح المترخص
بتاع المحل ومشيت ناحية مرسي
مرسي ..ايه ده عاد يابنت نعمة بترفعي السلاح في وش عمك
هدى .. اخرس ياندل ، وحق الله ما أشوفك تقف على باب
المحل ولو صدفة لأخلى الرصاصة تعدي في دماغك
مرسي .. هه والله عال ، هي دي تربية نعمة ال الناس
بتتحاكى بيها
هدى .. اسمعني كويس يامرسي أمي كانت ست طيبة
وبتسامح في حقها وطول عمرنا بنقول إن مفيش زيها
فمتنتظرش مني إنك تلاقي نسخة من نعمة تاني قدامك
إحذر منى يامرسي أنا أمي في عداد الموتى وأبويا أعتبرته
مات من زمان فمعنديش حاجة أعيش عشانها أو أخاف عليها
وأسهل ما عندي ( شدت ألأجزاء وضربت طلقة من فوق راس
مرسي رعبته ووقعت قلبه ) المرادي يامرسي الطلقة كانت
فوق راسك بس أوعدك المرة الجاية هتبقى بين عينيك
غور من وشي ومشوفش وشك هنا تاني
رياض .. ايه ياهدى في أيه ، انا سمعت ضرب نار وانا في
المخزن !!!
هدى .. مفيش يارياض كنت بنضف السلاح وطلقة طلعت
بالغلط
_______________
هدى لمت شمل إخواتها وقدرت توقف المحلات على رجلها
في فترة بسيطة وصيتها سمع عند الناس بقوة شخصيتها
وإن عضمتها ناشفة ومش سهل حد يدوس ليها على طرف
وفي يوم قاعدة في المحل وجوزها الدكتور كامل وصل
كامل .. إزيك ياهدى
هدي .. أهلا ياكامل إزيك
كامل .. مش كويس ياهدى
هدى .. ليه بس
كامل .. مش أن الأوان تيجي بيتنا بقا ال انتي لحد دلوقتي
مشوفتيهوش
هدى .. وامي ياكامل !
كامل .. أمك لو عايزة تبقي عندها كل يوم معنديش مانع
هدى .. طب والمحل وشغلنا
كامل .. معنديش مانع تيجي تشوفي شغلك ومصالحك
هدى .. طب وأختي
كامل .. تيجي تعيش معانا إيه المشكل أنتي عارفة السرايا
كبيرة وتشيل
هدى .. طب سيبني شوية أفكر وأعصابي تهدا
كامل .. لاحظي إننا لحد دلوقتي لينا أكتر من سنة متجوزين
على الورق بس
هدى .. قولتلك سيبني شوية أفكر
كامل .. ماشي ياهدى هسيبك شوية كمان بس ياريت تفكري
في منظري على الأقل قدام أهلى
--------
تغريد .. معلش بقا ياهدى إني هتدخل انا سمعاكم وانا قاعدة
جوة ، ياهدى كده ميصحش وميرضيش ربنا وجوزك صبر
عليكي كتير
هدى .. خبر ايه يامقصوفة الرقبة انتي بتتصنتي عليا ولا ايه
تغريد .. متغيريش الموضوع ياهدى ، أنتي زودتيها قوي مع
الدكتور كامل جوزك وانتي المفروض فاهمة إن طاعة الزوجة
لزوجها فرض
هدى .. انا عارفة ياتغريد إنى ظلماه معايا بس أعمل إيه
رياض.. السلام عليكم
تغريد .. تعالى يارياض أتكلم مع هدى يمكن تقنعها
رياض .. خير في إيه !
تغريد .. جوزها للمرة المليون جه عشان يروحها وبرضه
رفضت شوفلك صرفة معاها أنا قايمة رايحة عند امك اتطمن
عليها
رياض .. ماشي خلي بالك من نفسك
تغريد .. مع السلامة
رياض .. ها ياهدى مش عايزة تروحي بيت جوزك ليه!
هدى .. مش عارفة ليه مش حاسة إني أصلا متجوزة
رياض .. طب ليه وافقتي عليه لما أنتي مش عايزاه
هدى .. ومين قالك إني مش عايزاه بس كل ما أشوفه
أفتكر ال حصل لأمي
رياض .. طيب وبعدين ياهدى !
هدى .. مش عارفة ، وكل ما تيجي في دماغي فكرة إني
اطلب منه نتطلق بحس إنى هكسره من جواه وقدام أهله
وناسه خصوصا إنه تعب معايا واستحمل كتير
رياض .. بصراحة مينفعش يابنت الناس ، الدكتور كامل راجل
مواقف واستحمل معاكي كتير واظن مفيش رجالة زييه
دلوقتي
هدى .. بعد نتيجة الإمتحانات يحلها ربنا
_____________
في بيت صابر
صابر رجع من المحكمة كان بيحضر جلسة في قضية الورث
كوثر .. خير ياصابر عملت إيه ؟
صابر .. كالعادة ياكوثر إتأجلت
كوثر .. وبعدين بقا في موضوع التأجيل ده
صابر .. أنتي عارفة الإجراءات لازم تاخد وقت
.......
في غرفة أولاد صابر
عثمان .. مالك ياإبراهيم شارد كده سرحان في إيه
ابراهيم .. شاور بعينه على وضعه وهو قاعد على الكرسي المتحرك
عثمان .. تاني ياأبراهيم رجعت تفكر في موضوع عجزك
ابراهيم .. لف وشه الناحية التانية
عثمان .. متقلقش ياإبراهيم حقك في رقبتي وهجيبهولك لو
حتى في بوق الأسد ولو بعد عشرين سنة حقك هاخده من
بيت المغازي كله ، وصدقني ياأخويا مش هخليهم ينامو
الليل ولا يهدا ليهم بال ، إتطمن ياأبراهيم أخوك راجل
ومبينساش
____________
يوم النتيجة
تغريد وريهام راجعين يعيطو
هدى .. في ايه يابت انتي وهي !!
تغريد .. مفيش 😥
هدي .. النتيجة فيها حاجة !
ريهام .. لا مفيهاش نجحنا وتغريد دخلت حقوق 😥
هدي .. طب لما نجحتو بتعيطو ليه !
تغريد .. كان نفسنا نترمي في حضن امي ونفرحها بنجاحنا
زي كل سنة 😥
هدي .. 😥 ، خلاص ياحبايبي إرتاحو من المشوار وأخدكم
ونروح نزور أمكم 😥
ريهام .. وانتي عملتي إيه ياهدي
هدى .. نجحت الحمدلله بس لأول مرة نجاحي يبكيني
ميفرحنيش
تغريد .. ياااااه ياهدى الحياة ملهاش طعم وكل حاجة ملهاش
طعم من غير نعمة 😭
هدى .. امسحو دموعكم وفوقو شوية مش عايزة حد يشوف
كسرتنا وضعفنا بعد أمك
ريهام .. يااااه للدرجادي الناس مبترحمش ياهدى
هدى .. مش كل الناس ياحبيبتي لسة الدنيا بخير
مش يلا بينا بقا نروح عند أمنا
___________
هدى .. السلام عليكم يادكتور
الدكتور .. وعليكم السلام يابنات
هدى .. نقدر ندخل عند امي دلوقتي
الدكتور .. أه طبعا اتفضلو بس ياريت يكون كلامكم جنبها
محفز والأخبار السيئة بلاش تتكلمو فيها جمبها لأنها في
مرحلة كويسة وعندنا شك إنها ممكن تكون بتسمع ال جمبها
بس ده طبعا لو حصل يبقا بالنسبالها حاسه بيه زي حلم
ياريت ترسمو أحلام امكم بدقة
هدى .. حاضر يادكتور وشكرا لحضرتك على توضيح ووصف
المعلومة بالطريقة الحلوة دي
الدكتور .. أنا سمعت إنك بتدرسي في كلية الطب تحياتي
ليكي يادكتورة مقدما وربنا يقويكي
هدي .. متشكرة جدا يادكتور
___________
هدي .. اظن سمعته الدكتور قال إيه يعني ولا بكاء ولا أخبار
مش حلوة ولا كلام يوجع القلب فاهمين
ريهام .. اه
تغريد .. تمام
_______
دخلو عند امهم الست نعمة
اول ما دخلو من الباب وشافوها تلقائيا عيونهم دمعت
وقلوبهم في قمة الإنهيار
بس بكائهم كان من غير صوت كاتمين في نفسهم وعاملين
نفسهم بيضحكو ومبسوطين
وهما كل كلمة بتطلع منهم بتطلع بالعافية والضحكة المزيفة
بالعافية
وجههم يسبح في الدموع والشفتين مبتسمتين
يصرخون الف صرخة من داخلهم ولاكن لايصل نعمة إلا
صوت الضحك
قمة الوجع أنك تكون متبهدل حرفيا من جواك
مع إحساسك بالوحدة وقلة الأمان
ومع ذلك بتعرف تضحك حتي الضحكة للأسف مجبر تضحكها
كان الله في عون كل من بداخله أشياء تؤلمه ولا يستطيع
البوح بها..
- تابع الفصل التالي عبر الرابط: "رواية بنات نعمة"اضغط على اسم الرواية