رواية ناضجة بقلب طفلة الفصل الخامس عشر بقلم أميرة جمال
رواية ناضجة بقلب طفلة الفصل الخامس عشر
نستكمل الحديث عند بيت نيهال حيث يجلس حازم مع نيهال
حازم:انتى كنتى عايزه تنفصلى فعلا
نيهال:اه قبل مااعرف مين زوجى لان الموقف كان صعب وانت
حازم:اتصدمت برضو وقولت لازم انفصل علشان بحب بنت وكنت بدور عليها علشان اتجوزها
نيهال(شعرت وكانه دلو من الماء البارد قد سقط عليها):لم تتحدث
حازم:مش عايزه تعرفى هى مين
نيهال:مالهوش لزوم دى حياتك الخاصه كانت تتحدث والدموع فى عينيها وهمت بالرحيل
حازم:وقف امامها مسرعا ليمنعها من الخروج
نيهال:لو سمحت عدينى كده الخلاص مالهوش لزوم نقعد
حازم(بحركه مباغته):رفع طرف ذقنها لكى تنظر اليها فالتقت الاعين ببعضها وتحدث بعد فتره من الصمت،بس البنت اللى بحبها تبقا انتى
نيهال:فرحت كثيرا بداخلها ولكنها خجلت واصبحت خدودها مثل الجمر ونظرت الى الارض
حازم:ههههه حلو اووى الكسوف ده تحبى بقا نتمم جوازنا امتى
نيهال:مش عارفه كلم بابا واصلا لسه ماوافقتش عليك
حازم:يا سلام ده انا كنت فى كل دعوه ليكى
نيهال:هى هى نوران قالتلك تحدث نيهال بتلعثم وابتلعت ريقها بحرج
حازم:ههههه ولاقالتلى ولاحاجه انتى اللى وقعتى بلسانك اهو
نيهال:انت رخم على فكره
حازم:كده يامراتى ياحبيبتى
نيهال:شعرت بانها امتلكت كل سعاده الدنيا عندما سمعت كلمة حبيبتى منه كانت تتمنى ان تلقى نفسها فى احضانه
حازم:بصى بقا يلا ماتفضليش معجبه بيا كده كتيير وياريت تناديلى على عمى
نيهال:حاضر وذهبت لوالدها واحضرته فدخلت نوران معه
فهمى:خير ياابنى
حازم:خير باذن الله ياعمى عايز احدد ميعاد مع حضرتك اجى انا وبابا نتفق بقا على كل حاجه ونحدد ميعاد الفرح
فهمى:طيب ياحبيبى مش لما اشوف العروسه رايها ايه الاول
حازم:طبعا ياعمى ايه رأيك ياعروسه
نيهال:اشتعل وجهها بحمرة الوجه ونظرت الى الارض فى خجل
نوران:موافقه ياعمو هى خلاص
فهمى:هههههه نتاكد طيب يانوران
نوران:لالا خد المفيد منى نيجى تانى امته بقا ها
فهمى:هههههه تشرفوا فى اى وقت ياحبيبتى
حازم:طيب ياعمو يبقا كمان يومين كده على الساعه 8اجى انا وبابا ونوران مش مهم مش هنجيبها
نوران:مين قالك انى هاجى معاك انا من طرف العروسه اساسا واحتضنت نيهال
حازم:بقا كده
نيهال:ايوه طبعا
حازم:ههههههه كده اتفقتوا عليا واسترسلوا قلليلا فى الحديث حتى غادر كلا من نوران وحازم فى فرحه عارمه عليهما وعلى منزل نيهال ولكن هل يستمر هذا الفرح ام ان وقته قصير
.............. ................. ..................... ....................
فى الصباح الباكر عند فيلا نوران اثناء جلوسهم على الفطار
هشام:ايه رايك بقا فى العروسه
حازم:زى القمر يابابا وانا خلاص موافق
هشام:ههههههه عاشان تعرف اختيار ابوك
حازم:هههههه احلى اختيار ده ولاايه
نوران:وكمان يابابا نيهال صاحبتى اصلا فى الجامعه
هشام:طيب كويس اووووى يعنى كله بيحب بعضه
حازم:ههههه اه جدا،بعد اذنك يابابا حددت معاهم ميعاد الخميس على الساعه8نروح نتفق على كل حاجه
هشام:وماله ياحبيبى خير البر عاجله،ايه رأيك يانوران نخلى فرجك بقا مع صاحبتك
نوران:فكره جميله يابابا دى اختى مش صاحبتى هااا
هشام:هههههه الحق شكلهم هيبقوا متفقين عليك
حازم:هههههه ماتقلقش انا مسيطر
واثناء حديثهم ضرب جرس الباب ففتح احد الشغالين ووجد رجل من رجال الشرطه يطلب هشام بيه لخروجه وعندما اخبرهم احد الشغالين بذلك خرجوا جميعا اليه
الضابط:هشام بيه مطلوب القبض على حضرتك
هشام:ايه ليه ياحضره الضابط
الضابط:الشحنه الاخير تبع حضرتك كان فيها اكياس هيروين
حازم:ايه بتقول ايه بابا معروف فى السوق وسمعته سابقاه
الضابط:انا عارف ده كويس بس للاسف ده اللى حصل
هشام:بس اخر شحنه دخلت تحت مسؤليه هاشم الىى شغال معايا
الضابط:هاشم للاسف مش لاقيينوا وحضرتك لازم تيجى معايا حالا
هشام:حاضر ياابنى وانت ياحازم اطلع على الشركه هتلاقى فى الخزنه عقود الصفقه دى كان ماضى عليها هاشم انها تحت مسؤليته هاتها بسرعه وحصلنى بالمحامى
حازم:حاضر يابابا بس اجى الاول ورا حضرتك واكلم عمى شوقى يحصلنا على هناك،بعد اذنك ياحضره الضابط ممكن بابا يركب معايا فى عربيتى
الضابط:تمام بس انا كده هركب معاكم
حازم:تمام اتفضل حضرتك واحنا وراك على طوول
نوران:ببكاء لايابابا ماتروحش
هشام:اهدى ياحبيبتى انا معايا كل العقود وان شاء الله مش هيحصل حاجه
حازم:نوران روحى عند نيهال وكلمى عمو زين عقبال منا مااحصل بابا وارجع الشركه بسرعه اجيب العقود
نوران:من بين شهقاتها حاضر وانطلق الجميع كل الى وجههته
ياترى!!
هشام هيطلع منها؟؟
هيقدروا يلاقوا هاشم؟؟
القضيه هتنشى ازاى؟
يتبع الفصل السادس عشر اضغط هنا
- الفهرس يحتوي على جميع فصول الرواية كاملة :"رواية ناضجة بقلب طفلة" اضغط على اسم الرواية