رواية حورية الفارس الفصل الخامس عشر بقلم أمل السقا
رواية حورية الفارس الفصل الخامس عشر
__في كافية هادي وجميل سها قاعده مستنيه حد.
سها بتأفف: اوووووف اتأخر ليه ده كمان؟
احمد من وراها: سورى جدا جدا جدا الطريق زحمه أوى والله.
سها بابتسامة: تمام قولى بقا ايه الأخبار؟ صابت ولا لسه؟
أحمد بخبث: اكيد صابت يعني هو انا نويت أعمل حاجه قبل كدا ومقدرتش؟
سها بضحكه عالية: لا لا سمح الله ازاي تقول كده يا جدع "وبعدين رجعت بضهرها لورى" هيييييييح والله يا أنس الكلب لاربيك.
&_____'___تحت بيت حور ف المكان اللي واقف فيه حازم وفارس.
حازم ساب شعر حور ولف لقى فارس.
حازم ببرود: أهلا أهلا بالحبِّيب مش كنت تقولي يا جدع كنت افرشلك الأرض زلط.
فارس بنفس البرود: المرة الجاية المره الجايه هبقى اقولك بس مش عشان تفرشلي الأرض زلط تؤ تؤ عشان تفرشها ورد وتحضر الشربات "وبعدين شاور على ايده اللي كان ماسك بيها شعر حور" وايدك دي لو تتمد عليها تاني هحرمك منها طول العمر فاهم.
حازم بتجاهل لكل كلامه الاولاني بس حاول يفهم بقيت كلامه: احضر شربات ازاي يعني؟ تقصد ايه؟
فارس بضحكه عالية: لا دي بقا خليها مفاجأة
"حنان نزلت وهي خايفه علي بنتها بس اتطمنت لما شافت فارس"
حنان: ازيك يا فارس يبني م مشتوش ليه كده هتتأخرو علي ندى وجاسر.
فارس بهدووء: حاضر يا طنط يلا يا حور "وفتح باب العربيه لحور ومشى بالعربية من غير أي سابق إنذار لحازم"
حازم بص لحنان بغل واضح: انا مش قولتلك ان بنتك لو اتعاملت معلش حد تاني من العيال دي هتبقى جنيتي عليها وعلى نفسك.
حنان بتوتر: يا حا....
حازم بمقاطعه وغضب: ششششششش انتي تسكتى خالص قابلي بقا يا حنان قابلي وعلى فكره انا هتجوز حور بس هفاجئك سلام " وسابها ومشي "
___في الطريق عند حور وفارس حور ساكته مش بتتكلم خالص وفارس متدايق من حازم جدا بس قطع الصمت.
فارس بهدووء: هو انا ممكن اعرف فيه ايه بينك وبين اللي اسمه حازم ده؟
حور بعدم فهم: ايه اللي بيني وبينه ازاي؟ مفيش حاجه بيننا؟
فارس: أومال ليه موافقتيش تشتغلي معاه فى شركة باباكي؟
حور بتوتر ودموع ولفت وشها الناحيه التانيه: مرتاحتش هناك.
فارس وقف العربيه ونزل وبعدين فتح باب العربيه من عند حور: انزلى
___عند جاسر ساق بأقصى سرعه لان المستشفى اللي ندى قالت عليها كان بعدها ياخد وقت ساعتين ونص بس هو حاول يجري بالوقت واول ما وصل لقى ندى قاعده في الاستقبال ومعاها ولد وبنت نايمين على رجليها.
جاسر: ندى.
ندى شافت جاسر ونيمت الطفلين على الكرسي وقامت جري على جاسر واترمت في حضنه.
جاسر شدد من حضنها ومسد على شعرها بحنان كبير: انتي كويسة؟ بتعملي ايه هنا؟ ومين دول؟ وليه سبتي المستشفى كده احنا كنا هنموت من القلق عليكي.
ندى بدموع: بابا يا جاسر بابا عمل حادثة وهو رايح المطار و مراته اتوفت وهو فى العنايه دلوقتي.
جاسر بحزن: لا حول ولاقوة الابالله ربنا يرحمها يارب وان شاء الله هيقوم بالسلامه انتي عرفتي ازاي؟ طب مين دول؟
ندى: دول اخواتي، انا لما كنت في المستشفي جالى جواب من بابا انتو اكيد شوفتوه، لما قريته طلعت من المستشفى زى المجانين عشان الحقه قبل ما يسافر ولما وصلت ملقيتش حد، "سكتت شويه بتعيط" وبعدين جالى تليفون ان صاحب الموبايل ده عمل حادثه على الطريق الصحراوي ومراته اتوفت فى ساعتها "بصت لاخواتها اللي نايمين" وكان فيه طفلين معاهم ولد وبنت بس الغريبة ان محصلهمش أي حاجة خالص بالرغم ان الحادثه كانت صعبه جدا، انا مستحملتش الخبر ومكنتش عارفه اعمل ايه سألت على عنوان المستشفى وبابا كان سايبلي العربيه بالسواق عشان بعد ما يمشي محتاجش حاجه من حد خليته جابني هنا وهو دلوقتي في العنايه انا ابويا هيروح مني يا جاسر انا السبب انا السبب بابا لو حصله حاجه انا مش هسامح نفسي انا ظلمته ظلمته ااااااه "وقعدت على الارض وفضلت تعيط بهستيريا وجاسر نزل لمستواها وحضنها وفضل يهدى فيها."
_نروح بقا لحور و فارس.
فارس ببرود فتح باب العربيه اللي عند حور: انزلى.
حور بتعجب: نعم؟
فارس بغموض: بقولك انزلى.
حور بخوف: انزل فين يا فارس انت مجنون؟
فارس ببرود شدها من ايديها ونزلها وقفل باب العربيه، حور كانت خايفه جدا هي مفكراه منزلها وهيسيبها وهيمشي.
حور: انت هتس.....
فارس بمقاطعه: تعالي "ومسك ايدها وراحوا على جنب الطريق ناحية جبل وساب ايدها وقعد وقالها" اقعدي.
حور بعدم فهم: أنا عايزة اروح لندى انت جايبني هنا ليه؟
فارس ببرود: اقعدي يا حور واحكي ايه اللي بينك وبين حازم ابن عمك واللى مخليكي خايفه منه كده.
حور بتوتر: خلينا نروح لندى الاول وبعدين نتكلم.
فارس: مش هنتحرك من هنا غير لما تتكلمي وتقوليلي كل حاجه.
حور قعدت جنبه وبصت قدامها بشرود: عايز تعرف ايه يا فارس؟
فارس: ايه اللي بينك وبين حازن؟ وليه موافقتيش تشتغلى معاه في الشركه؟
حور: قبل ما احكي أي حاجة انا عايزة افهم انت ليه مهتم قوي بالحجات اللي تخصنى وعلى فكره انت مش من حقك اصلا تسألنى عن أي حاجة فى حياتى.
فارس ببرود: بحق إني ف مقام خطيبك دلوقتي.
حور بدهشه: نعم؟ خطيبي؟ خطيبي ازاي يعني؟
فارس بكدب: انا طلبت ايدك من والدتك وهي وافقت فاضل بس اقول لبابا واجي اتقدملك رسمي. ها فهمتي احكي بقا.
حور بغضب: انت مجنون وانت مفكرني هوافق اتجوزك بالطريقة دي يا فارس لو مفكر ان ليك سلطه عليا تبقى غلطان وغلطان أوى يا فارس بيه ولو سمحت بقا اتفضل وديني لندى.
فارس بغضب: انا قولت اللي عندي يا حور وهتوافقي غصب عنك هتوافقي وزي ما قولتلك مش هنتحرك من هنا غير لما تقوليلي كل حاجه فاهمه يا حور "قالها وهو بيبص فى عنيها بتحدى كبير".
_عند ندى الدكتور خرج من العنايه من عند والدها وندى وجاسر جرو عليه.
ندي بلهفه: خير يا دكتور طمني ارجوك.
الدكتور: انا آسف جدا بس الخبطه جت جامده على دماغه وال24 ساعه الجايين صعبين شويه فنرجو الدعاء ليه وان شاء الله يقوم بالسلامه بعد اذنكم. ومشى
ندى قعدت على الكرسي وفضلت تبص لاخواتها وتعيط، جاسر قعد عند رجليها ومسك ايدها.
جاسر: ندى لازم تتماسكي عشان اخواتك باباكي ان شاء الله هيكون بخير بس دول والدتهم ماتت فى السن ده وهما محتاجينك جمبهم لازم تكونى قويه عشانهم دول اخواتك يا ندى وانتي سندهم بعد ربنا.
ندى بصت لجاسر بابتسامة بهتانه وعيونها بتدمع وهزت راسها بمعنى حاضر.
يتبع الفصل السادس عشر اضغط هنا
- الفهرس يحتوي على جميع فصول الرواية كاملة :"رواية حورية الفارس" اضغط على اسم الرواية