رواية غرام وانتقام الفصل السادس عشر بقلم أميرة جمال
رواية غرام وانتقام الفصل السادس عشر
مين اللى عامل الاكل ده
انا يامدام رزان
غسلتى ايدك كويس يااسمك ايه انتى اه نغم تقريبا
الحمد لله انا نضيفه جدا واكيد مش هطبخ وايدى مش نضيفه واضر ادم او حماتى يعنى تقدرى تاكل براحتك
رزان لو مش عاجبك الاكل تقدرى تقومى ماحدش ماسك فيكى
انت بتطردنى ياادم
لا انا بريحك مش اكتر اصلك مش واخده على اكل بالطعامه دى
*وقطع كلامهم كلام نجوى*
ايه كميه الملح دى
ازاى ياماما الاكل مظبوط جدا
دوق ياادم وانت تعرف
ورينى كده فعلا طبقك زاد ملح اووى ماخدتيش بالك من طبق ماما يانغم
ياادم الاكل كله جاهز مع بعضه ونفس الملح
اه يبقا انتى عايزه تموتينى علشان الدكتور قال الملح الكتير مش كويس علشانى
يا طنط والله ابدا ايه اللى يخلينى اعمل كده
قولى لنفسك
يا ماما مستحيل نغم تعمل كده عمد اكيد جات غصب عنها
ماتدافعش عنها خلاص شوفت بنفسك مش ظلماها انا طالعه اوضتى ياداااده حضريلى غداء مش هاكل من ايد الهانم خالص على كده
ياماما بس...
خلاص ياادم انا مش بفترى عليها انتهينا
نغم طلعت تجرى على اوضتها وهى بتعيط وادم طبعا وراها بعد ماطلعوا قعدت رزان على السفره تتغدى وهى حاسه بالانتصار من جواها ومرسومه على وشها ابتسامه سخريه وبتفتكر اللى حصل من دقائق
فلاااااش بااااااااااااااااااك
رزان بعد ماخلصت تدريب فى النادى وصلت الفيلا شافت نغم وهى بتجهز السفره واستغلت ان نغم مااخدتش بالها منها و فضلت مختفيه عن عيون نغم واستغلت ان نغم دخلت المطبخ بتجهز باقى الاكل بطريقه كويسه علشان تحطه على السفره و زودت ملح فى الشربة فى طبق حماتها وخرجت تانى من الباب قبل حد مايشوفها وطبعا هى عارفه ان نغم اللى جهزت الاكل النهارده بفضل ليلى اللى بتنقلها كل حاجه وبعدها دخلت وهم بيتغدوا علشان ماحدش يشك فيها....
خلاص بقا يانغم اهدى انتى عارفه ماما كويس ياحبيبتى
بس انا مازودتش ملح والله ياادم انت بنفسك دوقت الأكل
احلى اكل اكلته فى حياتى تسلم ايدك ياحبيبتى
بجد عجبك
مااخدتيش بالك وانا مخلص طبقى كله واكلت تانى من الصينيه ده انا كنت شبه اللى ماشفش اكل فى حياته والله ههههههه
بالهنا والشفا ياحبيبى
ممكن تنسي بقا اللى حصل
طيب وطنط
هجيبلك هديه ربنا يباركلى فيك ياادم عارف ايه اللى هيجننى الملح زاد ازاى فى طبق طنط
دى سيبهالى انا هتصرف فيها ماتشغليش بالك بقا وعلفكره احنا كنا بنقول كلام مهم ماكملنهوش
امتى ده
قبل الغداء بالتحديد قبل ماتهربى منى على تحت
بصراحه مش فاكره لا
بصراحه دى احسن حاجه علشان عايز افكرك انا ماتتعبيش نفسك فى التفكير خالص
آدم اعقل
انا عاقل طول حياتى سيبينى اتجنن مره من نفسي بقا ولم ينتظر ردها وذهب معها فى عالم خاص بهم يملأه الحب والدفء والأمان بعيدا عن مخططات الجميع لافساد حياتهم
يتبع الفصل السابع عشر اضغط هنا
- الفهرس يحتوي على جميع فصول الرواية كاملة :"رواية غرام وانتقام" اضغط على اسم الرواية