رواية بنات نعمة الفصل التاسع عشر 19 بقلم أحمد حسن
رواية بنات نعمة الفصل التاسع عشر 19
مرسي .. اهلا بيك ياولدي في مملكة أبوك
فؤاد .. ايه الڤيلا الجامدة دي ياأبويا
مرسي .. إيه رأيك في أبوك عاد
فؤاد .. دي خرافة ياابوي ، بس ليه سبت بيت جدي
مرسي .. إنسا حكاية بيت جدك بعدين أحكيلك وتعالى خلينا
نتغدا
____________
نروح عند ناصر وريهام
ناصر .. ممكن تهدي وتحاولي تقدري الورطة ال إحنا فيها
ريهام .. ومين كان السبب فيها !
ناصر .. اهدى ياريهام دي كلها ليلة ولا أتنين والساكن ال فوق
يمشي ونطلع نقعد فوق
ريهام .. ممكن متتكلمش معايا ولا تنطق أسمي على لسانك
علشان أنا قرفانة إني أبص في وشك أو اسمع صوتك !
ناصر .. اووووووف عالعموم نامي على السرير وانا هفرش
على الأرض
بعد ساعتين
قلق ناصر من نومه سمع صوت حسرة ريهام بصلها لقاها
قاعدة في أخر ركن في الأوضة وبتتحسر والدموع مغطية
وشها وبترتعش ، من كتر المشهد المؤلم ناصر صعبت عليه
نفسه وبكا هو كمان بس عرف يسيطر على نفسه وقام مشي
ناحية ريهام ومد إيده ليها عشان تقف بس هي رفضت
وقامت لوحدها وبصت على ناصر وتفت على وجهه
ناصر إتمالك غضبه ورجع ينام في مكانه
_____ في الصباح ____
كريمة زوجة عم عبده خبطت على الباب
قام ناصر لم فرشته بسرعة وراح فتح الباب
كريمة .. صباح الخير
ناصر .. صباح النور
كريمة .. الساعة بقت 11 انا جهزت ليكم لقمة فوقو كده
على ما أحط الأطباق
ناصر .. تمام ماشي ياست كريمة معلش تاعبينك معانا
كريمة .. عيب ياابني متقولش كده يلا جهزو نفسكم وتعالو
____________ على الفطار _____
عم عبدو .. مالك يابنتي مبتاكليش ليه !
الست كريمة .. شكلها الأكل مش عاجبها ☺️
ريهام .. لا مليش نفس
عبدو .. ليه يابنتي اوعى ياناصر يابني تكون زعلتها
ناصر .. هو في حد يقدر يزعل مراته حبيبته
ريهام .. بعد إذنكم انا داخلة
كريمة .. بقولك ياعبدو ياريت تستعجل حوار الشقة عشان
شكلها ريهام مش مرتاحة في القعدة
ناصر .. لا ياست كريمة إحنا عمرنا ما هنلاقي ناس زيكم
عبدو .. ربنا يخليك يابني بس أنا شايف إن خالتك كريمة
عندها حق واضح إنك مراتك مدايقة
ناصر .. ياعم عبدو جميلك ده أنا هشيله فوق راسي وبعتذر
إن كنا تقلنا عليكم
عبدو .. ياابني انت ابن بلد وفاهم إن كلامك ده يزعل
كريمة.. أيوة والله دي مشالتكوش الأرض نشيلكم فوق
دماغنا
ناصر .. ربنا يباركلكم يارب
ناهد .. عالعموم ياريت تاخدلها الأكل جوة وتحاول تأكلها
مازن .. ايوه ناهد عندها حق خد الأكل جوة وحاول تأكلها
ناصر .. وهو كذلك
عبدو .. وانا من ناحيتي ياسيدي هطلع للساكن واتكلم معاه
لو ظروفه تسمح إنه يمشي النهاردة وتطلعو في شقتكم
ناصر .. فيك الخير والله ياعم عبدو
_______في الأوضة ____
ناصر .. ينفع كده ياريهام
ريهام .. قولتلك متنطقش أسمي على لسانك😡
ناصر .. طب الأكل اهو ياريت تاكلي لقمة لأنك من ساعة ما
خرجنا من البلد مكالتيش وده مش حلو عشانك
ريهام .. وأنت مالك اكل ولا ماكلش!
ناصر .. ماشي خلاص
_________
في بيت هدى
كامل .. الو مين معايا ؟
المستشفى .. حضرتك تبع الست نعمة الموجودة عندنا بالمستشفى؟
كامل .. ايوة
المستشفى .. طيب الحالة ال تبعكم هنا فاقت وإتحولت للرعاية
كامل .. بجد
المستشفى .. تقدر حضرتك تيجي تتأكد بنفسك
_____
كامل .. ياهداااااااااى ياهدى
هدى .. ايه في ايه !!!
كامل .. امك فاقت واتنقلت للرعاية 😍
هدى .. بجد ♥️♥️
كامل .. اه والله لسه المستشفى مكلماني
هدى .. ومستني إيه ! يلا بينا
كامل .. اتصلي على تغريد عرفيها
فعلا إتصلو على تغريد وفرحت أوى وطلعت تحي هي كمان
على المستشفى
بس بعد ما وصلت لقت هدى وكامل قاعدين بره مدخلوش
عند امها
تغريد .. امي عاملة ايه ، ومالكم قاعدين بره ليه !!!
هدى .. كامل إحنا مدخلناش عندها أصلا
رياض .. ليه خير يارب !!؟
تغريد .. امنا جرالها حاجة ياهدى !؟؟؟
هدى .. أمك هتسألني على ريهام ياتغريد ، هرد عليها اقولها
فين ياتغريد 😥!!!؟
تغريد .. ايوه صح 😥
كامل .. انا بقول نهدا شوية ونفكر يمكن نوصل لحل
هدى .. بفكر أقولها إن ريهام في كلية وساكنة في السكن
الجامعي في القاهرة
رياض .. فكرة ممتازة
تغريد .. يلا بينا بسرعة
فعلا دخلو على امهم لقوها نايمة حضنوها بطريقة مؤثرة
وقعدو جنبها والدكتور قالهم إنها ساعة وهتفوق لان العلاج
ال اتعلق ليها فيه نسبة مخدر
تغريد .. مالك ياهدى بتعيطي ليه
هدى .. كان نفسي ريهام تبقا معانا ومستنية امها لما تفوق😥
تغريد .. ياحبيبتي ياريهام 😥 ياتري أنتي فين دلوقتي😥
رياض .. ريهام جدعة وميتخافش عليها بدليل إنها في عز
محنتها قتلت ابن مرسي بعد ما إغتصبها
كامل .. وانا سألت على الواد ابن وفيق ال هرب معاها لقيته
عيل محترم وكل الناس بتشهد ليه بالأخلاق لدرجة إني
إستغربت إزاي كان مشترك مع ابن مرسي في خطف ريهام
هدى .. اقفلو الموضوع انا مش عايزة افتكرو 😥
رياض .. ايه ده !!
تغريد .. أمي عنيها بتنزل دموع وهيا نايمة !!!!!!
كامل .. معقول تكون سمعتنا !!!!
نعمة .. اختكم فين يابنات 😥
هدى .. امي 😥 حمدلله ع سلامتك ياحبيبتي 😭😭
تغريد .. ملناش لزمة من غيرك والله ياست الكل 😭😭😭
نعمة .. ريهام فين
هدى .. ريهام في السكن الجامعي 😥
نعمة .. معرفتيش تحافظي على أختك ياهدى 😥
هدى .. لا والله ماتزعلى نفسك بالله عليكي 😭😭😭
تغريد .. الزعل وحش عليكي ياامي إحنا مصدق ما سمعنا
صوتك 😭😭😭
نعمة .. متخافوش عمر الشقي بقي
__________________
عند مرسي وابنه فؤاد
فؤاد .. ازاي ياابويا سايب نسل نعمة يعيش وهم السبب في
قتل أخويا
مرسي .. وشكلنا ايه قدام الناس لما نقتل ولاية ، وبعدين
مش هيشفي غليلي غير لما أمسك البت ال اسمها ريهام
والواد ناصر ويمين الله ياولدى لأعمل من عذابهم صنعة
وأخليهم يتمنو الموت حتى الموت هخليهم يموتو بالبطيئ
فؤاد .. انا سمعت ان ال اسمها نعمة بيقولو فاقت في
المستشفى
مرسي .. الست دي زي القطط بسبع ارواح بس المرادى
هتفلت من يدي
فؤاد .. لا خليك انت ارتاح شوية اقعد شوف واستمتع بعمايل
ابنك
مرسي .. انا طول عمري بقول إنك شبل من ضهر أسد ههههه
_______________
عند ناصر وريهام
عم عبدو .. السلام عليكم
كريمة .. وعليكم السلام احنا بقينا العصر رحت فين
عبدو .. كنت عند الساكن ال فوق والراجل طلع محترم ووافق
إنه يخلي الشقة النهاردة
ناصر .. يعني نقدر نطلع الشقة النهاردة
عبدو .. طبعا ياابني
كريمة .. هنتعشا الأول يكون الراجل مشي وبعد كده تقدرو
تطلعو فوق
فعلا إتعشو وخدهم عم عبدو وداهم على الشقة ومشي
ناصر .. الشقة ياستي واسعة فيها بدل الاوضة اتنين غير
الصالة شوفي الأوضة ال تعجبك واقعدى فيها
ريهام .. على فكرة أنا مسألتكش على حاجة 😡
ناصر .. انا بس قلت ..
ريهام .. ممكن تعتبرني مش موجودة ومتوجهليش كلام !
ناصر .. حاضر
فعلا كل واحد فيهم نام في اوضة والصبح ناصر خد قرار إنه
يبحث عن شغل عشان الفلوس ال معاهم خلصت
ناصر خبط على ريهام بس هي ولا فتحت ولا ردت رغم انها
صاحية وسمعاه
ناصر .. انا عارف إنك سمعاني عالعموم أنا قولت أعرفك إني
نازل أدور على شغل عشان لو صحيتي ملقتينيش متقلقيش
_____ فعلا خرج ناصر قلب الدنيا على شغل في كل المحلات
بس ملقيش شغل خاصتا وإن الثورة كانت موقفة الدنيا
مشي شوية لقي مكان بيتجمعو فيه عمال اليومية
قعد على الرصيف جنبهم عشان يشوفهم بيشتغلو إزاي
شوية ولقي واحد واقف قدامه وقاله تعرف تشيل اسمنت
وطوب ، بدون تردد قاله أيوة أعرف ، رغم إنه عمره ما
أشتغل بإيده ولا يعرف حاجة عن الشغل
المهم إن اليوم خلص بعد معاناه كبيرة لناصر سواء من تقل
الشغل أو معاملة صاحب الشغل ال كلامه كان ناشف مع
ناصر لقلة خبرته بالشغل
المهم إن ناصر خد فلوسه القليلة وكان مبسوط جدا لأن دي
أول فلوس يعملها من عرق جبينه ، كمان وهو راجع على
البيت جاب أكل ومشروبات وروح على البيت وصل عند باب
الشقة لقى الباب مفتوح دخل جوة الباب وبدأ ينادى على
ريهام ، بس محدش رد كمان لقي كل الغرف مفتوحة
رمى ناصر الحاجات ال في إيده على الأرض وطلع يجري
على غرفة ريهام لقى __
- تابع الفصل التالي عبر الرابط: "رواية بنات نعمة"اضغط على اسم الرواية