رواية الكابوس الفصل الأول بقلم اسراء الكادي
رواية الكابوس الفصل الأول
ماماااا انا داخله انام محدش يصحيني غير لما انا اصحي واحدي آااامين آااامين ان شاء الله
الأم(سعاد)_ تنامي ايه يابت انتي مش وراكي مذاكره لسه وعندك امتحانات
إسراء_ يادي النيله عليا وعلي ايامي يا امي ياحبيبي انا في كليه ياماما وهذاكر الماده انا وانتي والشارع كله مع بعضينا بس سبيني انااام والنبي
سعاد_بتتريقي عليا ياست اسراء ماشي براحتك نامي براحتك يكش تنامي لسنين قداام بس اما ابوكي يجي ماليش دعوه بق باللي هيحصلك.
اسراء وهيا بتحط راسها علي السرير_ حاضر ياماما هعمل كل اللي انتي عايزاه بس بالله سبيني انااام علشان هموووت بجد.
سعاد_ طب وخطيبك اللي جاي بعد شويه ده اقوله ايه؟
اسراء بتعب_قوليله ماتت او حصلها حاجه
سعاد بغضب_اسراااااااء اتعدلي
اسراء_ يووووه ياماما بقي قوليله جات من الكليه تعبانه ونامت يعني هتقوليلي ايه غير كده.
=ماشي هسيبك تنامي بس علي قبل المغرب هصحيكي علشان نبقي متفقين من اولها.
اسراء بضحك_تمام براحتك ياست الكل خدي الباب في ايدك بقي واطفي النور شالله يخليكي.
(احم احب اعرفكم بيا انا اسراء عبدالله في كلية تمريض عايشه مع بابا وماما وبس ماليش اخوات بس مقدرش اقولكم انا بعشق النوم قد ايه حقيقي )
طلعت امها من الأوضه واسراء دفنت راسها جوه المخده بسعاده
اسراء_يااااه بجد طب والله مافي احلي من النوم والسرير بتاعي ياااه لو افضل نايمه كده علطول من غير كليه وقرف او تنضيف بيت وخناقات ياااااه ياعبد الصمد يااااه..
بعد الجمله دي اسراء دخلت في نوم عمييييق ومحستش بأي حاجه بتحصل حواليها لحد ماصحيت من نومها ولقت ضوء الشمس مالي اوضتها مسكت موبايلها كالعاده وبتبص فيه.
اسراء بخضه وهيا بتقوم من علي سريرها_يا نهااار ابيض يامامااااا سايباني نايمه لحد ضهر تاني يوم كده مش قولتي هتصحيني علي المغرب انا قولتلك سبيني نايمه بس الفتره دي كلها يعني من امتي باخد حقي في النوم في البيت ده يعني هااا من امتي..!
والغريبه ان محدش رد عليها ومفيش اي صوت في البيت يَدل علي وجود اشخاص فيه صوتها هيا بس اللي بيرن معاها طلعت من اوضتها وفضلت تنده علي مامتها او ابوها بس مفيش حد بيرد وبحثت عنهم في البيت كله وبردو مفيش رد..؟
اسراء_ ياربي يعني هيروحو فين في الوقت ده حتي لو ماما بتنزل بتصحيني او يمكن هيا صحتني وقالتلي انها نزلت وانا محستش يلا اروح افطر تكون جات .
ساعه اتنين تلاته فضلت مستنيه مفيش حد مفيش صوت ظاهر في الشوارع كمان كانت فاكره انو عادي وممكن يكون مفيش زيطه وزوعه زي كل يوم بس الموضوع بقي غريب اكتر لما مسكت الموبايل وشافت تاريخ النهارده
اسراء بصدمه _ 2036\10\18 ودا اللي هو ازاي ممكن يكون في غلط في تاريخ الموبايل واتشقلب من سنة 2021 لسنة 2036 عادي يعني بتحصل.
حاولت تغيره مره واتنين بس مبيتغيرش التاريخ ثابت 2036
اسراء بغضب_ لا ماهو مش معقول اللي بيحصل من ساعة ماصحيت ده ماما مختفيه والموبايل تاريخه بايظ والشوارع هاديه غير العاده..! الشوارع، معقول بجد الناس هتفضل ساكته الفتره دي كلها مفيش صوت عربيات وصوت بياعين الخضار المزعج في حاجه غلط النهارده والله انا حاسه ..
طلعت تجري علي الشارع بس الغريبه انها مالقتش حد خالص الشوارع فاضيه ولحظه المكان اللي هيا واقفه في دلوقتي مش شارعها اصلااا...؟
اسراء بخضه_عااااااااا يالهوي الحقوني الشارع بتاعنا فين..؟ فين الناااس ودي دي مش عمارتنا بس ازاي اللي فوق دي شقتنااا فضلت تنده بأعلي صوتها_يااناااااس ياعااااالم يامامااااا الحقيني انا فين وفين شارعناا وعمارتنااا حد يرد عليااا انا بعمل ايه هنا وايه اللي جابني هنا..؟
فضلت اسراء تدور في الشوارع كلها بس مفيش حد مفيش بني آدمين خالص وكأن الارض بلعتهم كل اللي ظاهر حواليها عباره عن عربيات مركونه وبيوت مقفوله مفيش حد فيها قعدت لحد ما الشمس اختفت وهيا بتعيط بتمشي في الشوارع وهيا تايهها زي الأطفال مفيش حد سامعها مفيش حد يرد عليها هيا فضلت تجري وتجري لعَل تلاقي مكان في نااس وحد يرد عليها تلاقي حد يطمنها فضلت تجري وهيا بتعيط من الخوف لحد ما شافت خيال شخص بيتحرك حواليها.
اسراء_ ياااه الحمدلله يارب اخيرا لقيت حد،استني انااا هناا بتجري مني ليه اناااا هنااا ده ده خيال كلب مش انسان
يااااربي بقي انا تعبت طيب فين الناس معقول تكون القيامه قامت مثلا وانا نايمه طب اناا مامشتش معاهم ليه انا مين وفين اهلي.؟
فضلت ماشيه برعب في الشوارع كانت خايفه ترجع البيت تاني كل مكان بتروحه بتنده بأعلي صوتها علشان حد يسمعها بس مفيش حد سامعها بس كانت بتكتب اسمها علي كل بيت وكل حاجه تقابلها لسبب ما..! لحد ما وصلت لمكان كبير محطوط عليه بااب خشب كبييير اوي وفجأة ابتسمت والأمل لرجع لقلبها من تاني وندهت بأعلي صوتها
اسراء_ استنوووووني انا موجوده لسه في انسانه هنااا اناا موجوده لسه هنا مبتردوش عليا ليه استنووني و انقذوووووووووووني.....
"حكايه ورا حكايه بنعيشها كل يوم وكل ساعه وكل دقيقه تفاصيل كتير تاهت في رحلتنا الطويله بس ياتري احنا حاسين ولا لسه الحكايه هتتغير وتاخد مَجري تاني وساعتها هنندم اننا وقفنا عند النقطه الغلط او ربما كانت كل حكايه محتاجه تعديل !... 🤎♕"
فضلت ماشيه برعب في الشوارع كانت خايفه ترجع البيت تاني كل مكان بتروحه بتنده بأعلي صوتها علشان حد يسمعها بس مفيش حد سامعها بس كانت بتكتب اسمها علي كل بيت وكل حاجه تقابلها لسبب ما..! لحد ما وصلت لمكان كبير محطوط عليه بااب خشب كبييير اوي وفجأة ابتسمت والأمل لرجع لقلبها من تاني وندهت بأعلي صوتها
اسراء_ استنوووووني انا موجوده لسه في انسانه هنااا اناا موجوده لسه هنا مبتردوش عليا ليه استنووني و انقذوووني.....
مره واحده بعد ما كانت لوحدها في المدينه لقت 10 اشخاص متعرفهمش يمكن ساعات الأنسان بيتمني يكون لوحده في العالم بس تجربة اسراء ليوم واحد من غير بشر حواليها خلاها بقي عندها يقين تام ان وجود الناس حواليها مُهم لأبعد الحدود..
كانو 10 اشخاص منهم 6بنات و4رجاله كل واحد منهم جنسيّة مختلفه عن التاني.
جاك بتساؤل (امريكي)_Who are you
اسراء وهيا بتنهج_ اناا اسراء احم اسمي اسراء وانتو مين
جاك_I Can't Understand you.
قاطع الحوار بينهم بنت اسمها رزان.
رزان(لبنانية)_ حبيبي انتي من وين وليش عم تبكي هيك شو صارلك؟
اسراء بغضب وصوت عاالي_ ايه هو اللي ليه انتو بجد مش حاسين باللي حواليكم مش حاسين ان مفيش ناااس مفيش روح في الشوارع والدنيا فاضيه الدنيا مقلوبه مفيش حاجه في مكانها وانتووو انتو بتعملو ايه هناا وانتو مين اصلاا؟؟
رزان بضحك_ يابنت انتي في سنة2036 وطبيعي هالحاال وانت تحمدي الله انك لساتك عايشه لأنو طالما انتي لسه موجوده لحد دلوقتي يبقي انتي مميزه وفريده من نوعك زيناا كده احنا ال10.
اسراء بصتلها بصدمه _يعني ايه 2036 يعني انا موبايلي مكنش بايظ؟ يعني ايه انا نايمه بقالي15سنه انتي بتقولي ايه انتي ده عُمر بحاله استحاله طبعاااا اكون نمت الفتره دي كلها ده كلام اهبل اللي بتقولوه ده.
قاطع كلامهم وصدمة اسراء صوت بنت بس صوتها صوت واحده واثقه من نفسها صوتها بيدل علي انها مش اي بنت دي واحده واثقه ورافعه رأسها لأبعد الحدود.
رهّف بصرامه (فلسطينية)_باقي خمس دقايق والباب هيتقفل تلقائي يلا نمشي وبعدين الاسئله والكلام ده كله..
جاك بإبتسامة لإسراء_ Will you Came with, princess Esraa
اسراء بعياط _ اجي معاكم فين طيب وانتو مين اناا تعبت ومبقتش فاهمه حاجه انام في سنة 2021 واقوم من نومي الاقينا في سنة2036 ده معناه ايه بس انااا تعبت والله.
شدتها رَهف من ايديها ودخلت جوه البوابه_تعالي معانا وبعدين تفهمي واحنا جوه هنعرفك علينا ونتعرف عليكي ولا ايه
اسراء _ ماشي براحتكم واساسا انا كده كده هاجي معاكم معرفش فين بس المهم اني لاقيت بني آدمين حواليا.
الكل ضحك عليها وأول ما دخلو البوابه اتقفلت تلقائي.
اسراء بتساؤل_ياااااني ازاي ده وايه التُحف دي كلها والمكان ده ازاي معمول من قزاز كده وايه كمية التماثيل دي ..
رد عليها دانيال(اسرا*ئلي)_ القصر ده اتعمل لينا علشان مكنش موجود غيرنا ف احنا اللي جمعنا التماثيل والحجات اللي انتي شايفاها دي وخلناها هناا..
اسراء بعد ما سمعت انو اسرا*ئلي اتجننت ونطت عليه فضلت تضرب فيه والكل بيحاول يبعدها بس مش عارفين.
اسراء بغضب_ يابن ال*** واقف تعرفني بنفسك وبتقول بكل فخر انك اسرا*ئلي ده انا هموتك هناا ياعالم زباااله ياحراميه والله وبالله بحق كل دمعة طفل بسببكم بحق كل دمعة بنت علي فراق ابوها او اخوها وبحق كل دمعة بنت انكم اخدتو شرفها بحق كل طفل برئ قتلتوه وبحق السنين اللي اخدتو فيها ارضنا والقدس لا هدفعك التمن غالي هطلع النار اللي جوايا فيك كلها
دانيال_ انزلي من علي رقبتي وسبيها هموووت كده
اسراء بغضب اكتر_ فاكرني هزعل مانا عايزاك تموت بس عارف قبل ما تموت بما ان في بنت فلسطينيه هناا هخليها هيا اللي تقتلك الأول شارت لرهف _ تقدري!!؟
رَهف_اكيد اقدر وهو كمان يقدر يدافع عن نفسه بس سايبك بمزاجو سبيه مالكيش دعوه الأمور اتحلت خلاص اصلا
اسراء سابت دانيال وبصتلها بغضب_ يعني ايه اتحلت يعني ايه اسيبه انتي مش المفروض ارضك مُحتله بسبب الزباله دول مش المفروض ان ده اكبر عدو ليكي فين انتمائك لأرضك فين خوفك علي اهلك انتي ازاي بالبرود ده..؟
ليساء بإبتسامه(سورية)_ حبيبي ممكن تهدي وتِفهمينا الأمور اتحلت فعلا دانيال لا يُشكل اي خطر علينا ولو مش هتفهمي منا ف ادهم مصري الجنسيه زيك اسأليه.
ادهم بصلهم وفضل ساكت ما اتكلمش.
دانيال_دي انسانه مريضه مش فاهم ازاي فضلت عايشه ايه المميز فيها علشان تعيش..
واسراء فقدت السيطره علي نفسها_ بقولك ايه ياجدع انت اقسم بربي لو نطقت كلمه كمان ماهرحمك هناا انا كل مااشوفك بفتكر اللي عملتوه في حي الشيخ جراح واللي عملتو في الاطفال وبعدين دقيقه كده شاورت علي رهف وليساء_انتو ازاي بالبرود ده بجد ايه القرف اللي انتو فيه ده مش المفروض ان الراجل ده اكبر عدو ليكم فين انتمائكم لأرضكم وغيرتكم عليها ايه نسيتم ان هو السبب في قتل كل طفل وموت اب واخ علشان بيدافع عن اهل بيته نسيتم البنات اللي سحبو منهم شرفهم انتووو ايه البرووود ده..
ليساء بنفس الابتسامه_ خلصتي!! اهدي بقي وافهمي انك في عصر غير اللي كنتي عايشه فيه ولازم تفهمي انك دلوقتي في عصر تاني خااالص..
اسراء بغضب_بقولك ايه يا خيساء ولا ميساء انتي ابعدي عن وشي وبعدين يعني ايه انا موجوده في زمان غير الزمان..
هنا اسراء فقدت السيطرة علي نفسها واتكلمت بأعلي صوتها_تمام دقيقه دقيقه انا مصريه وانتو كل واحد من جنسية مختلفه ومتجمعين هنااا والمفروض اننا في سنة 2036 تمام انا استوعبت ده بس برضو ليه الناس تختفي مره واحده فين اهلي واصحابي الشوارع مش في مكانها ليه مش معني ان احنا اتقدمنا بالسنين ان كل حاجه تختفي كده فهموووني وبعدين ايه كلمة مميزه وفريده دي اللي طالعينلي بيهاا وايه كيمة البرود اللي انتم فيها دي من واحد المفروض انو اكبر عدوو ليناا كلنا..؟
فجأه كلهم بصو لبعض وخوف سَكن جوه قلوبهم من رد فعل اسراء لما تعرف الحقيقه..
رزان بغموض_ لأن كل حاجه انتهت واحنا اللي فضلنا من العالم كله ..كل حاجه انتهت وانتي مش اسراء اللي نامت في سنة2021 انتي دلوقتي واحده منااا واحده الزمن عدي بيها 15 سنه من غير ماتحس..
اسراء بغضب_نعمم يختي يعني ايه !!
وفجأه اسراء اغمي عليها ووقعت علي الارض وكلهم جريوا عليها
ادهم بغضب_دي استحاله تكون زينا او من عالمنا البنت دي م.....
~”الغرقُ ليسَ السُّقوط في الماء، لا أحد يصِفُ السَّمَكة بالغارقة، لكنَّها تغرقُ في الهواء، وتختنِق، الغرقُ معنى، الغرقُ أن تسقط في مكانٍ ليس لك.
يتبع الفصل الثاني اضغط هنا
- الفهرس يحتوي على جميع فصول الرواية كاملة :"رواية الكابوس" اضغط على اسم الرواية