رواية روح الأدهم الجزء الأول 1 الفصل الثاني بقلم هاجر العفيفي
رواية روح الأدهم الجزء الأول 1 الفصل الثاني
فى صباح اليوم التالى
فى فيلا عاصم
روح وهى نازله من على السلم
روح : خالتو ياخالتوا
رحاب وهى خارجه من المطبخ : نعم ياحبيبتى
روح : انتى بتعملى الغدا النهارده ولا ايه
رحاب : أه اصل جاى لينا ضيوف
روح : اممم شكلهم مهين ال يخلوكى تهتمى بالغدا بنفسك كده
رحاب : أه طبعا صحبتى وبنتها وابنها
روح : ماشى ياخالتوا أنا هاروح مشوار مع جنه ومش هتأخر
رحاب : متتأخريش عشان تتغدى معانا
روح : أوك ياخالتوا سلام
رحاب : مع السلامه ياحبيبتى
فى الوقت ده دخلت بنتها
رحاب : مايا عايزاكى
مايا : نعم يامامى
رحاب : انتى طبعا عارفه طنط رحاب صح
مايا بعدم اهتمام : اممم مش أووى ايه يعنى مالها
رحاب : جايه النهارده هى وابنها وبنتها عايزاكى تكونى اطيفه معاهم وبلاش طريقتك دى
مايا : والله هغير طريقتى عشانهم
رحاب : أيوه ياريت يعنى
مايا : اممم تمام تمام
رحاب : مايا ياريت تعملى ال بقولك عليه من غير نقاش كتير
مايا : حاضر حاضر يامامى انا هطلع اغير هدومى باى
وسابتها وطلعت
رحاب بنفاذ صبر : ربنا يهديكى يابنتى
💗💗💗💗💗💗💗💗💗💗💗💗💗💗
فى فيلا الحديدى
وبالذات فى غرفة أدهم
استيقظ على رنين هاتفه
أدهم بانزعاج : مين الرخم ال بيرن دلوقتى
وفتح الفون
خالد : ألو يا أدهومى
أدهم بنعاس : انت الرخم عايز ايه على الصبح
خالد : اخس عليك يا أدهومى بدل ماتتطمن عليا وتقولى وحشتنى ياخالد عامل ايه ياخالد أخبارك ايه ياخالد
أدهم : هو أنا اتجوزتك ونسيتك ياخالد
خالد : فصيل والله ها هتفضل نايم لحد امتى ورانا شغل قوم كده اعمل مصلحه
أدهم : حاضر ياخويا هو ال يعرفك يعرف النوم والراحه هقوم اهو ياخويا
خالد : اشطا سلام ياصاحبى
أدهم : سلام
أدهم قفل معاه وقام دخل الحمام أخد شاور واتوضى وخرج بدل ملابسه واده فرضه ونزل تحت
أدهم : صباح الخير يا أمى
فاطمه : صباح النور ياحبيبى
أدهم : هى فين ندى عشان أوصلها وأنا رايح الشركه
ندى وهى نازله من على السلم
: أنا هنا يا أدهومى
أدهم بضحك : أول مره تقولى يا أدهومى بس حلوه منك الصراحه
ندى بغرور : كل حاجه أنا بقولها حلوه
أدهم : طب يلا ياست المغروره اتاخرت
فاطمه : مش هتفطروا
أدهم : لاء مفيش وقت هفطر فى الشركه عشان الحق
ندى : وانا هفطر فى الكليه يامامى عشان الحق المواصله ال ببلاش دى
فاطمه : ههههه ماشى ربنا معاكم
أدهم وهو يخبطها على راسها بخفه : طب يلا عشان هرميكى فى نص الطريق عشان متبقاش مواصله ببلاش
ندى : خلاص بهزر يابشا احنا اسفين
أدهم : أيوه كده يلا
وخرجوا الاتنين مع بعض وكانت ندى متعلقه فى دراع أدهم وبتضحك
وكان بتراقبها من بعيد عيون سليم وكان مش عارف ده يقرب ليها ايه ممكن يكون أخوها خطيبها بس هو مش من حقه يسالها فضل حيران وراح ركب عربيته ومشى بيها
💗💗💗💗💗💗💗💗💗💗💗💗💗💗
روح : ياجنه أنا فرهدت منك حرام عليكى
جنه : حرام عليا عشان بخليكى تعملى رياضه
روح : رياضه ايه ال تخلينى امشى ده كله اعرف بس انتى مش عايزه تركبى ليه
جنه : عشان مش عايزه اركب سؤال غبى أووى ياحبيبتى
روح لسه هترد كانت فيه عربيه وقفت قدامهم فجأه وخبطت جنه بسيط ووقعت على الأرض وروح اتصدمت
جنه بالم : ااااه انتى لسه هاتبصيلى قومينى😔
الشاب نزل من العربيه
الشاب بلهفه : حصلك حاجه يا أنسه
جنه بغضب : ماهو لو انتوا عاملين حسابكم ان فى ناس عايشه معاكم مكانش هيحصل كده منك لله
الشاب بصدمه من الكلام بتاعها : انتى بتدعى عليا انتى مش عارفه أنا مين ولا ايه أنا خالد القناوى يعنى انتى تلزمى حدودك معايا
جنه بسخريه : يامى يامى خاف ياعيد
روح : يخربيت لسانك اسكتى خلاص ياكابتن حصل خير
جنه : حصل خير ايه انا عايزه اروح القسم حالا
خالد بعند : وانا معاكى يلا
روح : يانهااار مطلعلوش شمس قسم ايه الله يهديكى يلا ياحبيبتى هنتأخر
خالد : شوفتى صحبتك ذوق ازاى مش زيك دبش
جنه : أنا دبش يامستفز يال من ساعة ماشوفتك مش شايفه خير أبدا
روح : لاااا كده كتير
وشدت جنه وبعدتها
روح : أنا اسفه لحضرتك هى أكيد مش قصدها معلش
خالد : خلاص ولا يهمك عشان خاطرك بس
جنه راحت عندهم تانى : بتعتزريله ليه ها مين ال المفروض يعتذر دلوقتى بقا
روح : يلااا
وشدتها ومشيوا
خالد راح ركب عربيته : اقسم بالله مجنونه وبابتسامه بس الصراحه قمر يعنى وشغل عربيته ومشى
عند روح وجنه
روح : حرام عليكى جبتى كرامة الراجل الأرض خالص ايه مبتسكتيش
جنه بضيق : هو ال انسان مستفز ده حتى معتزرش
روح : هو انتى ادتيلوا فرصه ماصدقتى فتحتى
جنه : خلاص بقا ال حصل يلا نروح
روح : يلا ياختى
💗💗💗💗💗💗💗💗💗💗💗💗💗💗
فى شركة الحديدى
أدهم كان فى مكتبه دخل عليه خالد وهو باين عليه الضيق
أدهم : مين ضربك على الصبح
خالد بضيق : بنت لسانها مبرد ماشاء الله خبطتها بالعربيه بدون قصد فتحت ومسكتتش
أدهم بضحك : يعنى عايز تخبطها وتسمى عليك احمد ربنا انها مودتكش القسم
خالد : ماهى كانت عايزه تروح وانا كنت هروح معاها فعلا بس صاحبتها طلعت هاديه عنها ومش عايزه مشاكل
أدهم بسخريه : طب الحمد لله بدل ماكنت اروح ازورك بعيش وحلاوه
خالد بضيق : بتتريق
أدهم ببراءه مصطنعه : أنا لاء أبدا
خالد : بس الصراحه البنتين قمراات أووى يا أدهم مش عارف ايه ده الواحد ملحقش يعرف أى حاجه عنهم خالص ولا عنوانهم ولا راقمهم
أدهم : اممم انت كنت مركز فيهم بقا مش الحادثه ال اتعملت دى
خالد : أنا يابنى لاسمح الله
أدهم : خالد روح خلص شغلك بدل ماتتظبط دلوقتى
خالد حط ايده على وشه : لاء وعلى ايه هشتغل أحسن سلام
أدهم : سلام ياخويا
خالد خرج وأدهم ركز فى شغله
💗💗💗💗💗💗💗💗💗💗💗💗💗💗
فى منتصف النهار
أدهم خلص شغل وراح أخد أخته وأمه واستعدوا انهم يروحوا فيلا عاصم وكانت رحاب فى استقبالهم
وبعد وصلوا عند الفيلا ونزلوا كلهم وأدهم ركن العربيه ونزل معاهم ودخلوا كلهم وفتحت ليهم رحاب
رحاب بترحاب : أهلا أهلا وسهلا نورتونا
فاطمه : وحشتينى والله
رحاب : وانتى كمان والله اتفضلوا اتفضلوا
دخلوا الجميع على الاستقبال
رحاب : ثانيه واحده والغدا يكون جاهز
فى الوقت ده دخلت مايا عليهم وأدهم مكانش بيتكلم خالص
مايا : هاى
وراحت سلمت على فاطمه بغرور
فاطمه : أهلا ياحبيبتى انتى مايا صح
مايا : اهه
وراحت عند أدهم ومدت ايدها
أدهم سلم عليها عادى لانها ملفتتش نظره اصلا
وسلمت على ندى
رحاب : مايا تعالى عايزاكى
مايا خرجت مع امها
ندى لأمها : ماما هى بنتها عامله كده ليه
فاطمه : عامله ازاى
ندى : بتتكلم بالعافيه كأنها خايفه تتكلم
أدهم كتم ضحكته على كلام أخته لأن عندها حق
فاطمه : ندى عيب مينفعش كده
ندى : خلاص سكت
وبعد وقت اجتمع الجميع على سفرة الطعام ماعدا روح
رحاب : مايا هى فين روح
مايا بعدم اهتمام : مش عارفه تلاقيها لسه مجتش
وفى الوقت ده دخلت روح بابتسامتها المعتاده
روح بابتسامه : سلام عليكم
الجميع التفت ليها : وعليكم السلام
بس أدهم عينه اتثبتت عليها أول ماشافها
رحاب : روح اتاخرتى كده ليه تعالى ياحبيبتى دى بقا ياجماعه بنتى القمر التانيه
فاطمه بابتسامه : ماشاء الله قمر
روح سلمت على الجميع ماعدا أدهم طبعا عشان هى مش بتسلم على رجاله
روح جلست بجانب خالتها وامام ادهم ومن ساعة ماهى دخلت وهو مش مركز مع حد غيرها
مايا بسخريه : ايه ياروح لقيتى شغل ولا زى مانتى بتروحى وتيجى وخلاص
روح باحراج : الحمد لله على كل شئ
أدهم مسرع : هو انتى خريجة ايه
روح : احم هندسه معماريه
أدهم بدون تفكير : أنا محتاج مهندسين فى الشركه بتاعتى ممكن يعنى لو تيجى بكره الشركه
روح باحراج : متشكره لذوقك جدا
أدهم : دى مش مجامله على فكره هاتى السى فى بتاعك وكل حاجه هتخلص
روح بابتسامه خطفت قلبه : تمام حاضر
مايا اتغاظت جدا من كلامهم وقامت من على الاكل
مايا بغيظ : أنا شبعت
وسابتهم وطلعت أوضته
رحاب : كملوا أكل بقا
انتهوا الجميع من الطعام واتجمعوا لتناول الشاى وبعدها فاطمه ورحاب فضلوا يتكلموا وندى مسكت فونها تلعب فيه
وروح خرجت الجنينه وفضلت باصه لاازهار بشرود واستمتاع
أدهم : ممكن أرخم عليكى
روح بصت خلفها بخجل : لاء متقولش كده عادى
أدهم بابتسامه : أنا أدهم الحديدى صاحب شركات الحديدى للاستيراد مليش غير أمى وأختى بس وانتى بقا
روح برقه : أنا روح عاصم بابا وماما متوفين ومليش غير خالتوا وبس
أدهم بتوهان فى عنيها : بس انتى مختلفه تماما عن بنت خالتك دى
روح : ازاى
أدهم : يعنى فى لبسك فى طريقتك فى أسلوبك فى روحك الحلوه
روح : هههه لاء مش كده أووى يعنى الحكايه كلها ان هى بس ليها شخصيه مستقله لوحدها ومختلفه مش أكتر
أدهم : بجد انتى جميله أووى
روح بخجل : ميرسى
أدهم لسه هيرد قاطعته ندى
ندى : أبيه أدهم انت روحت فين
أدهم : أنا هنا ياندووش تعالى
ندى : روح ازيك معرفتش اتكلم معاكى خالص هاتى رقمك بقا عشان شكلك عسل كده وتتحبى بامارة أخويا أدهم سابنا كلنا جوه وجه يشم هوا هنا
أدهم جز على اسنانه وبصلها بغيظ
روح بخجل : خدى الرقم اهو يا
ندى باتسامه : اسمى ندى
روح : أحلى اسم
ندى : مش أحلى من اسمك
روح : تعالوا ندخل جوه عشان نشوفهم
الجميع دخل وكلهم كانوا متجمعين وبعد وقت استأذنوا عشان يمشوا
أدهم بتاكيد : هتيجى بكره ياروح عشان الشغل
روح : أكيد ان شاء الله
أدهم بابتسامه : تمام
الجميع مشى وروح طلعت غرفتها ورحاب هى الأخرى اما مايا منزلتش خالص من ساعة ماطلعت
يتبع الفصل الثالث اضغط هنا
- الفهرس يحتوي على جميع فصول الرواية كاملة :"رواية روح الأدهم" اضغط على اسم الرواية