رواية انجبته بالخطأ البارت العشرون 20 بقلم همس حسن
رواية انجبته بالخطأ الفصل العشرون 20
تامر : مش وقته يامرواااااان .. مراتك في خطر ولازم نلحقها
مروان بيبرق : مراتي في خطر ؟!!!!
فيه اااايه ياتامر انطططططق
💎💎💎💎💎💎💎💎💎💎💎💎
*في المستشفي *
حازم قاعد قدام العناية المركزة ماسك المصحف .. ساند دماغه ع الحيطة اللي وراه ونايم من تعبه
صالح جاي بيطبطب عليه : حازم .. ياحازم
حازم قام اتنفض : ايه في ايه أسماء فين
صالح : اهدي اهدي يابني مفيش حاجة ، انا بصحيك بس عشان تروح تناملك ساعتين وترجع تاني
حازم : لا لا أنام ايه يابا .. انا مش هتحرك من هنا غير وفي ايدي أسماء
صالح : ماشي يابني اللي يريحك
حازم : بابا انت كويس ؟؟؟
صالح : اه الحمدلله
حازم : اه ايه هو انا هتوه عنك ياحج .. متخبيش عليا يابا قولي مالك بالله عليك انا أعصابي مش مستحملة
صالح : رهف اختك
حازم بيبرق : مالها اختي
صالح : مختفية من صباحية ربنا وجوزها مش عارف يلاقيها .. عمالين نقول يمكن راحت هنا ولا هنا بس هي اتأخرت جدا
حازم بيحط ايده على دماغه : لا حول ولا قوه الا بالله .. الاقيها منين ولا منين بس يارب
أعمل ايه ولا اروح فين انا دلوقتي
بيلف وبيدب عالحيطة : اعمل ااااايه
الدكتور جاي من بعيد
حازم بيجري عليه : طمني يادكتور .. مراتي وابني عاملين ايه ؟؟
الدكتور : إبنك حالته بتستقر الحمدلله وممكن نطلعه من الحضانة على بكرا
حازم : طب ومراتي يادكتور
الدكتور : مدام أسماء من ساعتين الممرضة قالتلي إنها لمحت إستجابة بسيطة منها .. دا مش معناه إنها فاقت ١٠٠٪ طبعا ، معناه إن فيه بصيص أمل انها بتبدأ تفوق
حازم بيغمض عينه : الحمدلله يارب .. الحمدلله
صالح : طيب هنقدر نخرجها من العناية امتى يادكتور
الدكتور : لما حالتها تستقر شوية عن كدا
صالح : تمام يادكتور .. اتفضل شوف شغلك معلش عطلناك
💎💎💎💎💎💎💎💎💎💎💎💎
تامر بيلبس جري وعمال يلم في حاجته وشمس قاعدة عالسرير متوترة وخايفة جدا
جاد داخل الأوضة : جرا ايه ياتامر بقالك نص ساعة عمال تنكش ومش ساكت ، دا انا سمعت صوتك من اوضتي يابني
تامر : مفيش يابابا مشوار شغل مهم بس لازم اروحه حالا
جاد : أمان يعني ؟؟
تامر : أمان ياحج متقلقش
جاد : ماشي انا هنزل لعمك شوية
نزل جاد على تحت .. تامر خلص لم في الحاجات ، رايح عشان ينزل شمس مسكت ايده قبل ما يمشي
شمس : تامر .. طمني أول بأول بالله عليك
تامر بيشيل ايديها : آل يعني فارق معاكي اوي .. هو انتي لو مكنتيش اديتيها العنوان كان زماننا في المصيبة دي دلوقتي ؟؟؟؟
شمس : تامر أبوس ايدك انا قلبي بيتحرق لوحده مش ناقصة
تامر : بإذن الله خير .. خليكي هنا واوعي تتحركي
مروان بيتصل بيه
تامر بيرد : أيوة يامروان
مروان : انت فيييين كل دا انا تحت البيت ، هتنزل ولا تديني العنوان واروح انا واخلص ؟؟؟؟؟
تامر : يابني نااااازل ، أصبر على رزقك
💎💎💎💎💎💎💎💎💎💎💎💎
*في جنينة بيت خالد الخواجة *
زياد وخالد قاعدين ..
زياد : مالك سرحان في ايه كدا ياريس
خالد : الواد أحمد مختفي بقاله يومين وبكلمه مبيردش
زياد : غريبة دي !
هو متعود يختفي كدا في العادي
خالد : أحياناً بياخد بريك كدا ويروح يدلع نفسه في أي حتة ويقفل التليفون .. بس في العادي بيقولي قبلها ، المرة دي معرفش في ايه
زياد : تلاقيه بيعمل حاجة ولا مسحول في اي حوار ، مش اخوك اللي يتخاف عليه يعني ياريس 😂
خالد : ربنا يستر ..
الساعة قربت على ١٠ .. هدخل أشوف الاستاذة قررت ايه
💎💎💎💎💎💎💎💎💎💎💎💎
خالد بيفتح باب الأوضة وداخل ..
رهف رفعت وشها بصتله
خالد : ها ياعروستنا .. قولتي ايه
رهف بتبصله باحتقار وساكتة
خالد : لا ماهو مش هينفع بردو .. الساعة بقت ١٠ يارهوف ، وعدم ردك دا هيخليني أعمل حاجات مش عاوز أعملها
بيقرب على رقبة رهف وعينه كلها شر ..
رهف بتغمض عينيها وبتصوت جامد : خااااالد ابعد عننننننننني
خالد بيبعد عنها وبيضحك : متخافيش متخافيش 😂😂 لو كنت عاوز أعمل حاجة كنت عملتها لما جاتلي الفرصة لحد عندي
مسألتيش نفسك وقتها انا ليه مستغلتش الفرصة .. وبدل مااكون انا أبو الطفل دا حطيتلك عينة راجل تاني 🤔🤔
رهف : مسألتش نفسي عشان انت جاوبتني من قبل مااسأل من شوية .. عشان تنتقم مننا احنا الجوز في ابننا
خالد : السبب دا القشرة اللي من برا .. إنما السبب الأهم منه
إني راجل مزاجنجي وتنك شويتين .. أحب لما أعمل حاجة أعملها بإتقان ، ولما أتعامل مع حد يبقى هو اللي عاوز يتعامل معايا مش العكس .. وعشان كدا صبرت واستنيت كلللل دا وانا متأكد إن هييجي اليوم اللي تسلمي فيه وتقوليلي انا ملكك
رهف : اليوم دا عمره ما هييجي .. لأني محبتش في حياتي غير راجل واحد بس
والراجل دا يبقى أبو الطفل اللي في بطني واللي انت بنفسك حطيته ، الراجل اللي قرب ييجي يثبتلك بنفسه الحب ممكن يعمل ايه
خالد بيضحك بصوت عالي : 😂😂😂😂😂😂😂😂 ضحكتيني يارهوف .. وانتي بقا فاكراني غبي للدرجة دي 🤔 والله اخس عليكي .. متقلقيش انا عامل حساب كللللل حاجة بالمسطرة ، وأهم حاجة عامل حسابها إنك لما تفكري تتحديني تكتشفي إني المادة الخام للعند والتحدي
قام فك رجلها من الكرسي في ثواني وراح شايلها .. رهف بترفص وبتضربه برجلها وايديها متكتفين .. اخدها وجري بيها على برا
رهف بصوت عالي : يااخي حرام علييييييك واخدني على فييييين ، مش مكفيكوا اللي عملتوه في البت الغلبانة اللي دمرتوا مستقبلها عايزين تموتوا إبني انا كمان ... نزلننننننني بقووولك
رماها في العربية .. حط بلاستر على بوقها ودور العربية وطلع
طلع الفون وبعت رسالة لزياد
" الواضح إن فيه حد بيساعدها يعرف مكاننا ، ومكانش صح إننا نفضل بيها في بيتي ، هبعتلك لوكيشن المخزن اللي هنكمل .. هات معاك الرجالة والسلاح وروح للدكتور هاته هو كمان وتعالى ورايا "
💎💎💎💎💎💎💎💎💎💎💎💎
*في عربية كريم *
إيمان قاعدة منهارة عياط
كريم : يابنتي اهدي بقا .. انتي بقالك ساعة بتعيطي
إيمان : قلبي مش متطمن ياكريم حاسة أختي حصلها حااااجة
كريم : ياستي بعد الشر ايه اللي بتقوليه دا .. اهدي أبوس ايديكي هتخليني اعيط انا كمان والله
إيمان : احنا مينفعش نقعد كدا .. لازم نقوم نكمل تدوير
كريم : نكمل فين يابنتي دا احنا مسيبناش خرم إبرة مدورناش فيه ، حتى مروان مبيردش شكله لسة بيدور هو كمان
إيمان بتعيط زيادة : ياترى روحتي فين يارهف .. قلبي واجعني عليكي اوووي
ياريتك قولتيلي قبل ماتنزلي ، ياريتني كنت معاكي
كريم بيبصلها وعينيه بتدمع من زعله عليها .. مد ايده يمسح دموعها
رفعت عينيها الحمرا والمليانة دموع وبصتله
مسح دموعها بسرعة ونزل ايده
كريم : استني انا هنزل اجيبلك حاجة تشربيها يمكن تهدي
إيمان بتمسك ايده : لا استني متنزلش .. انا مش عايزة أشرب حاجة
وصلني المستشفى بقا وروح بيتك انت عشان مراتك اللي قاعدة مستنية كل دا
كريم بيبص قدامه : لا ماهي مش قاعدة مستنية ولا حاجة
إيمان : مش فاهمة !
كريم : انا طلقت بسمة من ٣ أيام
إيمان بتبرق : ااااايه !!!!
انت بتقول ايه ياكريم
كريم : زي ما سمعتي كدا .. سكتنا مع بعض انتهت لحد كدا
إيمان : ازاي يعني .. ايه اللي حصل !
كريم : انا وهي روحنا متنافرة عن بعض
تقدري تقولي كدا كل واحد عايش في وادي
بتحلم بحياة عكس اللي بحلم بيها ، بتفكر بطريقة غير اللي بفكر بيها ، متمردة على حياتها معايا ١٠٠٪ اللي انا باذل اقصصصى جهدي إني اخليهالها زي الفل
في الآخر هي بني ادمة محترمة وبنت ناس .. بس للأسف انا وهي طريقنا مختلف 🙂
إيمان : لا إله إلا الله .. انا مش عارفة ايه اللي بيحصلنا دا بس ياربي ، انا تعبت
كريم تليفونه بيرن .. مروان
كريم بيرد : أيوة يامروان .. وصلت لحاجة ؟
مروان : انت فين ؟؟؟
كريم : انا على بعد كيلو كدا من المستشفي اللي محجوزة فيها أسماء وابنها
مروان : طيب وصل إيمان في ثواني لحد المستشفي وانا جايلك بالعربية هاخدك ونروح مشوار مهم
كريم : تمام بس دا مشوار اي...
مروان : ششششش .. متحسسهاش بأي حاجة ولا تقول حاجة لحد
كريم : خلاص ماشي
💎💎💎💎💎💎💎💎💎💎💎💎
رهف راكبة العربية بتاعة خالد عمالة تحاول تتحرك وتدب برجلها ورا .. عمالة تعيط بهيستيريا مش عارفة ايه اللي مستنيها
وقف خالد العربية قدام المخزن ونزل .. فتح الباب اللي ورا وشال رهف ، دخل بيها على المخزن .. دخل في أحسن أوضة موجودة فيها ونيمها على السرير
رجع تاني قفل بيبان المخزن بالمفاتيح ، ورجعلها .. فك ايديها ورجليها وشال البلاستر من على بوقها
رهف : اللي بتعمله دا غلط وهتندم عليه ندم عمرك
خالد : هو انا لسة عملت حاجة ؟
اومال لما تشوفي إبنك بيموت قدام عينيكي وتحسي بيها بقا هتعملي ايه 😂
رهف باستحقار : وبتقولي بحبك !!!
حب ايه اللي يعمل كدا .. ياخي ملعون أبو الحب لو هيخلي صاحبه مريض نفساني
الحب بيدي مبياخدش ياخالد .. بيعلى مش بيوطي
خالد : بقولك ايه الله يباركلك انا مش ناقص فلسفة ها .. هسألك لآخر مرة
اختاري حاجة من الاتنين
يامروان .. ياانا وابنك
رهف : مروان وابني
خالد : بردو مصممة تتحديني ؟!!!
رهف : اللي معاه ربنا مبيغلبش ياخالد
خالد بيضرب كف على كف : انا مش فااااااهم انتي جايبة أم الثقة دي منييييين
واحدة مخطوفة ومتكتفة وحالتك بالبلى .. ماكفاية عناد ومكابرة بقا وسلمي للأمر الواقع
رهف بتبص على باب الأوضة لقيته موارب .. قامت جريت علي الباب لكن خالد لحقها ومسكها .. شدها رماها على السرير ، كتف كل ايد في إتجاه وبصلها بتبريقة وعينه حمرا من الشر المكتوم جواها
خالد : هو انا مش مالي عينك ؟!!
عايزة تهربي مني وانا قااااعد قدامك .. يابجاحتك ياشيخة
رهف : سيبني ياخاااالد .. سيبني أحسن مااصوت وألم عليك الخلق
خالد بيضحك بسخرية : لا صوتي .. انا عايزك تصوتي بعلو صوتك وتوريني مين اللي هيتلم
رهف بتبصله بغيظ واحتقار
خالد : مش عارفة تصوتي 😳
تحبي أساعدك تصوتي ؟؟؟
غالية والطلب رخيص
وفجأة نزل عليها وحاول يغتصبها فضلت تصوت وتصرخ وتضرب وتزق فيه بعزم ما عندها لحد ما ايديها طالت سلك الشاحن اللي في الفيشة اللي جنبها شدته بسرعة وحاولت تخنقه بالسلك
على ما عرف يفك نفسه كانت زقته وقامت تجري .. فتحت الباب وخرجت جري على برا تدور على مخرج ، تحاول تفتح الباب دا مقفول بالمفتاح .. ودا مقفول بالقفل من برا
دا مقفول بالترباس اللي فووق .. ودا مقفول بردو بالمفتاح اللي مع خالد
وقفت تددددب ع الباب بأقوى ما عندها : الحقوووووووني
لا حد سامعها ولا حاسس بيها
خالد خارج على برا بيضحك بصوت عالي وبيتقدم خطوات بطيئة ناحيتها
خالد : انتي فاكرة دخول الحمام زي خروجه ياقطة
💎💎💎💎💎💎💎💎💎💎💎
*في العربية *
مروان بيسوق وجنبه تامر .. كريم قاعد ورا
كريم : دوس بنزين ع الآخر يامروان الوقت عمال يجري
مروان : دااايس ياكريم أعمل ايه تاني
اتحملي يارهف .. اتحملي شوية كمان بس لحد مااجي اخلصك من كل دا
💎💎💎💎💎💎💎💎💎💎💎💎
خالد : انتي فاكرة دخول الحمام زي خروجه ياقطة
رهف بترجع لورا وعينيها بتدمع : خالد أبوس ايدك .. أبوس ايدك تسيبني أمشي
إبني ملهوش أي ذنب في مشكلتك معايا انا وأبوه ارجوووووك تسيبني أمشي
خالد بيقرب عليها زيادة : ايه دا ايه دا مالك قلبتي قطة غلبانة ليه كدا .. مش كنتي من شوية مطلعة ضوافرك وبتخربشي 🤔🤔
رهف بتبعد لورا : أرجوك ياخال...
قاطعها وراح شايلها وداخل بيها تاني على جوا ، سابها ع السرير
خالد : نص ساعة بالظبط وهيوصل الدكتور .. هيتم المخطط التاني اللي اتفقنا عليه بس مع تعديل بسيط في الإتفاق
كنت قايلك اختاري حاجة من الاتنين .. يااقتلك إبنك واسيبك ، يااسيب ابنك عايش وتفضلي معايا ونتجوز
دلوقتي إبنك هيموت .. وبردو هتفضلي معايا
رهف : لاااا ياخالد أبوس ايدك
سابها وخرج من الأوضة ، وقفل الباب وراه بالمفتاح ..
رهف بتعيط : انت فين يامروااااان .. اتأخرت اووووي
إبنك هيموت يامروان ، هيموت بسببي وبسبب غباااائي
بتحط ايديها على بطنها : متقلقش ياحبيبي ، ماما معاك
ويانعيش مع بعض ، يانموت مع بعض
💎💎💎💎💎💎💎💎💎💎💎
*بعد نص ساعة *
مروان وكريم وتامر وصلوا بالعربية عند العنوان اللي قالت عليه شمس .. طلعوا جري ، دخلوا البيت .. لقوه فاضي تماماً
مروان : نعم بقا .. البيت مفيهوش نملة ياتامر
تامر : دا معناه إنه راح بيها على مكان تاني
كريم : طب هنوصل للمكان دا ازاي ، دا مفيش حتى علامة صغيرة توصلنا بالمكان .. لازم نتصرف
مروان : انا مش همشي من هنا غير ومراتي في ايدي .. تعالوا ورايا
💎💎💎💎💎💎💎💎💎💎💎💎
*بعد ربع ساعة في المخزن *
خالد داخل بالدكتور ، زياد واقف مستني برا عشان مينفعش يوريها وشه .. على باب المخزن مترصصين رجالة خالد
خالد بيفتح الباب وداخل .. رهف قامت اتنفضت
رهف بترجع لورا بخوف : فيه ايه ياخالد .. ومين اللي جايبه معاك دا !!
خالد بيقرب عليها : دا الدكتور اللي هيعملك العملية ياروحي .. مش قولتلك بلاش تتحدي خالد الخواجة بالذات
رهف لسة هتجري راح ماسكها من ضهرها حاضنها ومكتفها .. وطي على ودنها وقال
خالد : لسة قدامك فرصة أخيرة ، لو وافقتي هطير الدكتور دا من هنا وهتعيشي ملكة .. ها قولتي ايه
رهف بتزقه : قولتلك مش هخون جوووووزي .. انت مبتفهممممممش
انا بحب مروان ومش هحب غيره وعلى جثتي راجل غيره يلمسني ابعدددد كدا
جريت على الدكتور : أبوس ايدك يادكتور تمشي من هنا .. انا في عرضك أم وابني هيموت
الدكتور بيبصلها باستصعاب بس للأسف ما باليد حيله !!
خالد : خلصانة .. يلا يادكتور ابدأ
بس رحمةً بيها خدرها الاول ، يلا خليها عليا .. عشان تعرفي إني بحبك بس
جري عليها مسكها وكتفها تاني .. رهف نايمة على السرير ، خالد قدامها ومكتف ايديها وراها .. الدكتور جنبه بيحاول يديها حقنة البنج وهي بتصوت بعلو صوتها
اداها الحقنة فعلاً .. رهف بتدوخ وخالد بيبتسم ، وفجأة ..
مروان جاي من ورا حاطط سلاح في راس خالد .. تامر جاي من ورا حاطط سلاح في راس الدكتور
دخلوا ازاي ؟ ايه اللي حصل قبلها ؟
طب ياترى الحادثة دي كلها هترسى على ايه .. دا اللي هنعرفه البارت الجاي ..
- تابع الفصل التالي عبر الرابط: "رواية انجبته بالخطأ" اضغط على أسم الرواية