رواية أحببت غروره الفصل الواحد والعشرون 21 بقلم نور عبد القادر

   رواية أحببت غروره الفصل الواحد والعشرون بقلم نور عبد القادر

رواية أحببت غروره الفصل الواحد والعشرون

في الفيلا ..دخلت عِشق الفيلا بهدوء ولكن وجدت يد تمسكها..

عِشق بفزع:اييه..

جاسر بإبتسامه:اهدي ده انا..

عشق بسخريه:المفروض ارتاح بقى انا؟

جاسر بمهاوده:ماشي هعديها.

عشق بهدوء:اه صح..هو انا كل يوم اجي الاقيك ف وشي ..هو انت مش بتشتغل ولا ايه نظامك!

جاسر بضحك:لا بشتغل طبعا عندي شركتِ بس بروح يوم واحد بس في الأسبوع بشيّك على الشغل .وبقيت الاسبوع اجازه .

عشق:امم..طيب انا طالعه لسيلين..

جاسر:استني بس..هنتجوز بكره على فكره..

عشق:مين اللي يتجوز؟

جاسر ببساطه:احنا..

عشق ببلاهه:مين احنا؟

جاسر بضحك:فوقي يماما . احنا اللي هنتجوز انا وانتي..

عشق بذهول:بجد والله وده بموافقه مين بقى.

جاسر بإبتسامه:احنا..

عشق:اممم..عارف ام لطفي؟

جاسر بإستغراب:لا مين دي؟

عشق بغيظ:اللي بتنور وتطفي..ده عندها بقى انت فاهم!

جاسر بجديه:على فكره انتِ وافقتي

عشق بتذمر:ايوه بس مش بسرعه كدا!

جاسر بجديه:خلص الكلام..يوم الجمعه الجاي فرحنا..

تركها وصعد إلى غرفتهُ وتركها واقفه تنظر له بذهول تام..

عشق ببلاهه:وه! انا هتجوز!

________

في مطعم ما..

خالد بإبتسامه:تاكلي ايه؟

حبيبه بإرتباك:اا..اي حاجه..

خالد بإبتسامه:طيب هختارلك انا..

اومأت له وصمتت..

خالد:احم..مش عايزه مثلا يعني تسأليني عن اي حاجه عني؟ بيقولوا فتره الخطوبه دي تعارف..

حبيبه بهدوء:مش عارفه..مفيش في دماغي اي اسأله معينه..بس انت عرفني عن نفسك وانا لو فيه حاجه جت في دماغي هسأل..

خالد:تمام..انا خالد السويسي..٢٨ سنه ..امي وابويا متوفيين من وانا صغير..بشتغل مع جاسر واعرفه من وانا صغير لان ابويا وابوه كانو صحاب وكذلك مع الامهات..متخطبتش قبل كده خالص..ها عندك اسأله؟

حبيبه بتفكير:اممم..صاحبت قبل كده او ليك علاقات مع بنات؟

خالد بإرتباك:ها..لا لا..

كاد أن يُكمل جملتهُ الكاذبه ولكن جاءت فتاه تُنادي عليهِ ..

سونيا بدلع:خالد! وحشتني خالص .مُختفي فين كل ده!

نظر لها خالد بصدمه ونظرت حبيبه لِ خالد بتساؤل!

خالد بلجلجه:ااا..انا بخير ..

سونيا وهِيا تنظر إلى حبيبه من فوقها إلى تحتها:امم مش تعرفنا..

حبيبه بغيظ:انا خَطيبته يا حلوه..انتي مين بقى؟

سونيا بذهول:خطيبته! مكنتش اتخيل خالص ان الدنجوان يتخطب ويعمل علاقه حلوه كده..عالعموم مبروك يااخالودي..

خالد بإرتباك:الله يبارك فيكي شكرا..

تركتهم سونيا وهِيا تمشي بدلع..

حبيبه بخيبة أمل:مكنتش اتوقع ان العلاقه تبدأ يكذب كده ..ده انا كنت لسه بسألك وقولتلي لا! لو كنت قولت بصدق كنت هحترمك والله ليه كدبت!

خالد بتبرير:والله والله كنت هقولك

حبيبه:كنت هتقولي امتى؟ لما نتجوز كنت هتقولي؟ اه ساعتها كنت هبقى مراتك وكده بقيت متدبسه فيك وكنت مش هطلق..صح كده؟

خالد بنفى:لا والله لا ..بس كنت خايف تسيبيني والله..

تنهدت بمحاوله تهدئت نفسها..

حبيبه بهدوء:اتفضل احكي..

خالد بحزن:كنت بعمل علاقات كتير جدا مع بنات وكنت بروح كباريهات وبشرب كتير..لغايت مَ جاسر في مره فوقني واللي انك مش هتكسب من ده حاجه ولازم تتوب..ساعتها توبت وبقيت بصّد اي بنت كنت بقابلها وبقيت مروحش الاماكن ولا بشرب..

تابع بصدق وحب:لغايت ما قابلتك وانتِ غيرتي نظرتي للبنات خالص ..ساعتها حبيتك وجيت اتقدمت ليكي ..

انتي طبعا معاكِ حرية الاختيار انك تسيبيني او تفضلي ..تابع بحزن:بس اتمنى تفضلي معايا لان بجد انا مش عايزك تمشي..مش هقولك بحبك عشان مينفعش اقولك كده واحنا لسه مخطوبين..بس هقولك اني مش عايزك تمشي يا حبيبه..

نظرت له ولم تجد رد

خالد بحزن:هسيبك تفكري وتبلغيني رأيك ..معاكِ اسبوع وتبلغيني رأيك .

اومأت له بصمت وتركتهُ وغادرت المطعم..

نظر إلى آثرها بحزن ..

قبل آخر يوم من الاسبوع..

في بيت حبيبه ..كانت جالسه في غرفتها بحزن ..

دخل عليها وليد الغرفة..

بجديه:خالد مستنيكي برا ..البسي واخرجي..

نظرت له بفرحه مكتومه أنه جاء لها ..قامت تُجهز نفسها وخرجت من الغرفة بهدوء..

نظر لها خالد بإبتسامه هادئه..

خالد بحزن:وحشتيني..

حبيبه بهدوء:شكرا .

خالد بغيظ :ماشي هعديها..ممكن بقى اعرف ردّك عشان انا خللت وبقيت شبه الخيار ..

حبيبه بضحك مكتوم:امم..موافقه.

خالد بذهول:قولي والله..

حبيبه بخجل: والله..

خالد بفرحه وصوتٍ عال:زغرطي ياام حبيبه..

دخل عليهم حنان و وليد بضحك..

حنان بضحك:احب اقولك انها واقعه اصلا وكانت مستنياك تيجي.

حبيبه بغيظ:ماما ! بجد الامهات حله بغطا مخروم..

حنان بضحك:اتلمي يجزمه..

خالد بإبتسامه:ممكن بقى الفرح يبقى بكره..

حبيبه بنفى:لا طبعاا..مش هنلحق..

خالد :لا لا هنلحق ملكيش دعوه..انا مظبط مع عمو حبيبي..

وليد :احم ..هو فعلا مظبط اه..

حبيبه بغيظ:وانا آخر من يعلم بقى صح؟ لا تمام ياابويا..

نظروا لها بضحك وسعاده..

_____________________

في الفيلا..

جاسر بضحك:مين فرحه بكره؟

عشق بهدوء:مش انااا..

جاسر بغيظ:غصب عنك هتتجوزيني على فكره..

جاءت لهم رزان ..

رزان بسخريه:انتي كمان مش موافقه..هه..كنتِ تلاقي اصلا زي جاسر..

جاسر بغضب:رزان! كلمه كمان وهتلاقي قلم نازل على وشك..خليكي في نفسك..

نظرت له بغضب وتركتهم بتوعد..

جاسر بأسف:اناا..

عشق بمقاطعه:متتأسفش انت ملكش دعوه اصلا..

جاسر:بكره هعدي عليكي اخدك للبيوتي سنتر وهِناك هيكون موجود الفستان..

عشق بغيظ:والله اصلا انا مش مصدقه اني هتجوز في يوم وليله..انت قولت لأختي اصلا!

جاسر بثقه:طبعا..

عشق بفضول:في يوم اما كنت عندنا وانا كنت في المطبخ صح؟

جاسر بضحك:لا بتفهمي يبت..

_________________________________________

في صباح يوم الفرح..

فاقت من نومها وجاء جاسر لها واخذها لِ بيوتي سنتر..

في البيوتي سنتر..

حبيبه بفرحه:مش مصدقه يبت ان حلمنا اتحقق وهنتجوز في يوم واحد يااه..

عِشق بضحك:ياهبله..بالله احنا هنبقى قد المسؤوليه!

حبيبه بتفكير:الصراحه مفتكرش..بس المهم ان هيبقى لينا قره عين بقى..

نظرت لها وضحكت..

"بعد فتره كبيره.."

نظروا الى بعضهم في المرآه بإنبهار..

حبيبه:والله قمرات اووي بالفستان الأبيض ده..

عشق بإبتسامه:لا وكمان مفيش ميكب كتير بس هيا مرطبات وميكب يكاد يكون معدوم اصلا ..

حبيبه بفخر:احنا قمرات اصلا يبت ...

تفتكري رد فعلهم ايه؟

عشق بتفكير:مش عارفه والله ..متفكريش اتفاجئي وخلاص..

حبيبه بضحك:صح عندك حق..

جميله بإبتسامه:اخواتي قمر والله ربنا يبارك فيكم يحبايبي..

عِشق بدموع:انا مش عايزه اسيبك يجوجه..

جميله بدموع محبوسه:والله ولا انا..بس دي سنة الحياه ..

عِشق :هتوحشيني اووي ..

نظرت لها جميله وكادت ان تبكي ولكن تماسكت وضمتها بحب..

حبيبه بضحك:ايه يجدعان ..طب انا مش هوحش حد؟

حنان بدموع:هتوحشيني انا يجزمه..

حبيبه بإبتسامه:يعني حتى في الجمله دي شتيمه..بس هتوحشيني اوي يامامتي ياقمر..

'جاء وقت خروجهم'

حنان:يلا جه وقت الخروج هما مستنين برا..

كادت حبيبه ان تمشي بسرعه ..

حنان بغيظ:يهبله يهبله استني ايه الدلقه دي!

عشق بضحك شديد:ياربي عليكي..انتي مدلوقه اوي كده..

حبيبه بغيظ:اتريقوا اتريقوا ماشي ..

'في الخارج..'

جاسر بملل:ايه كل ده! انا رجلي نمّلت..

خالد بملل مماثل:والله وانا مش قادر..

قطع حديثهم خروج عِشق وحبيبه بهدوء وخلفهم جميله وحنان يرفعون مايسمى'ديل الفستان

نظر لهم جاسر وخالد بإنبهار واقتربوا مِنهم..

'عِند جاسر'

جاسر بإبتسامه وانبهار:ايه القمر ده ..عروستي قمر.

نظرت له بكسوف:اا..شكرا

جاسر بضحك:دبش والله ..

'عِند خالد

خالد بهيام:يالهوااي عالحلاوه يجدعان ..معقول الجمال ده ليا انا لوحدي ..لا لا مش معقول لا..

حبيبه بضحك وفخر:عشان تعرف بس اني كتير عليك..

ضربها على مقدمه رأسها بخفه واردف..

ثقه جامده اوي يبت..

تابع بغمزه:بيقولو فيه حضن دلوقتي كده..

حبيبه بضحك:تؤ..لسه فيه جمله بارك لكم وجمع بينكما في خير يولا استنى واصبر..

خالد بتذمر:طيب هسكت..

ضحكت على تذّمره .

'في القاعه'

تمّت مراسم كتب الكتاب وجاءت جملة..

بارك لكما وبارك عليكما وجمع بينكما في خير ...

ضمّ خالد 'حبيبه' بحب واردف بهمس..

مبروك عليكي اناا ياعروستي..

حبيبه بهمس وحب:الله يبارك فيك ياخالوودي..

خالد بضحك:يولاا..تطورنا خالص..

ضمّ جاسر 'عِشق بجفاء واردف ببرود.

مبروك يااعِشقي..

استغربت من جفاءه وبروده ولكن ابتسمت سريعًا من كلمة 'عِشقي

عِشق بإبتسامه:الله يبارك فيك ..❤

كانت تقف رزان تنظر لهم بغل وينظر أمير لهم بغل وحقد..

اخذت رزان بالها من نظرات امير ..نظرت له بإستغراب واقتربت منهُ..

رزان:احم..انا رزان قريبة جاسر ..ممكن اتعرف بيك..

امير ببرود:أهلا..انا امير قريب عِشق..

رزان بترقب:هو ممكن اعرف انت بتحب عِشق؟

امير برفعة حاجب:وانتِ مالك؟

رزان ببرود:اصل انا كمان بحب جاسر ..ف بسأل..

امير بضحك:لا بجد..وعايزه ايه بقى؟

رزان بجشع:عايزه اتفق معاك عليهم..

نظر لها بتمعن

_________________________________________

في بيت خالد..

خالد بفرحه:اتفضلي بِ رجلك اليمين ياعروستي..

دخلت حبيبه بهدوء

خالد بغمزه:ايه ؟

حبيبه :ايه؟

خالد بغيظ:ايه انتي !

حبيبه:لاااا..انت عايز ايه؟

خالد بذهول:انتِ هبله يبت..؟

حبيبه:اعع..انت عايز تاخدني كده بالساهل ..انت كنت فين انت وانا متمرمطه في الدروس وانا صغيره؟

خالد:ااا..

حبيبه:كنت فين و انا متمرمطه في الشغل!

خالد بتبرير:اااا..

حبيبه:كنت فين وانا بنادي كل يوم يااقره عيينييي..

خالد :اسكتييي..ايه كل ده صدعتيني..

حبيبه:من اولها كده صداع! لا لا طلقني..

خالد بسخريه:ده عند الست الوالده..

حملها بغمزه:تعالي بقى يااعروسه..

حبيبه بتوتر:انت بتغمز ليه ها ؟

خالد بضحك:لا ولا حاجه يروحي..

________

في الفيلا.. دخل جاسر وعِشق غرفتهم..

دخلت عشق الى الغرفه بتوتر..

جاسر ببرود:نورتي..

عشق بتوتر:ش..شكرا..

هدخل الحمام اغير الفستان..

اومأ لها ..وهِيا جلبت بيجامه رقيقه ودخلت المرحاض..

بعد وقت..

خرجت من المرحاض وهِيا تفرد شعرها برقه..

نظر لها واردف بسخريه..

حلو اوي شكلك..بس ياترى عامله كل ده ليه؟

عشق بصدمه:انت بتقول ايه؟

جاسر ببرود:بقول انتي عامله كل الزينه دي ليه؟ ليا مثلا؟

عشق بحيره وصدمه:اا..اكيد

جاسر بسخريه:طيب بصي بقى..انا متجوزك لسبب واحد بس..وهو عشان تكوني ام لسيلين..انما بقى جو حب وكلام فارغ لا..انا كنت مضطر امثل عليكِ كل الكلام ده عشان توافقي..بس مكنتش اتخيل انه يدخل عليكِ كده..

تابع بقلب بارد:اسمعيني بقى..انا حبيت مره والمره دي فشلت ومستحيل اني اكرر نفس الغلطه مرتين انتي فاهمه؟

ظلت تنظر له بصدمه و كأن لسانها اتعقد! ولم تجد رد..

يتبع الفصل  الثاني والعشرون  اضغط هنا

• الفهرس يحتوي على جميع فصول الرواية كاملة :"رواية أحببت غروره" اضغط على اسم الرواية