رواية مثلث برمودا البارت الواحد والعشرون 21 بقلم ايزيس
رواية مثلث برمودا الفصل الواحد والعشرون 21
(ان عاد بي الزمن مرة أخري كنت سأختاركي حبيبتي في كل زمان..فلست نادما علي حبي لك مهما خسرت ستظلين انتي اعظم انتصاراتي ❤️)ياسين ويامان لكنز و نوريس❤️
ياسين قعد جمبها وحاوطها بايده وقال بابتسامه .. اخيرا البيت مافهوش غيرنا .. كنا بنقول ايه بقي يا كوكي
كنز بحزن وغضب ... لا ياسين مش وقتك خالص أنا قلقانة علي يامان
ياسين بتعبير وش باكي .. وانا المسكين مين يقلق عليا
كنز بصت له بتكشيرة مصطنعة وبعدين حطت أيدها علي خده وابتسمت
ياسين بادلها الابتسامه وبعدين اتكلم بجدية وهو محاوطها باديه .. نتكلم جد شوية بقي .. احنا لازم نرجع الأرض عشان كده أنا عندي فكرة
كنز بصت له باهتمام ... وهو تابع .. احنا نروح للملك تاران ونطلب منه أنه يقنع جان أنه قول لنا علي المخرج ، انا لاحظت أنه ما يقدرش يرفض أمر الملك
كنز بإعجاب .. فكرة حلوة أنا كنت هاقولك نطلب كده من تالين
ياسين .. لا تالين مش هتأثر فيه زي الملك أنا واثق
كنز ابتسمت .. بيعجبني تفكيرك اوي
ياسين قربها منه اكتر .. تفكيري بس اللي بيعجبك ثبت عينيه علي وشها وهي بصت لتحت وفجأة خبط شديد ع الباب
ياسين بعد عن كنز و قام بسرعة وقال .. دا اكيد جان .
ياسين فتح الباب وفعلا لقي جان
جان دفع الباب بكل قوته وغضب الدنيا كله في عينيه قال
.....اين هو ؟؟!!
كنز خافت وجريت استخبت ورا ياسين ، أما ياسين كان بيمثل الجهل .. الأمير جان اتفضل .. بتدور علي حاجة
جان دخل زي المجنون بفتح أبواب الغرف ويدور علي يامان ويصرخ باسمه
ياسين بهدوء .. امير جان يامان مش موجود
جان بغضب .. اين ذهب
كنز بخوف .. مانعر... قبل ما تكمل كلامها ياسين برق لها عشان تسكت واتكلم ببرود
.. يامان شاب طيب قرر يسبب لنا البيت عشان عرسان جداد وكده واكيد هيرجع اتفضل استناه لو عايزه في حاجة مهمة
*ياسين كان حابب يعطل جان عشان يامان و نوريس يبعدوا اكتر *
تابع ياسين .. كنز اعملي اعشاب البحر للأمير
كنز بتوتر .. ح حاضر حالا
جان كان بيبص ل ياسين نظرات كلها شك .. هل انت واثق أنه سيأتي
ياسين مثبت عينيه في عنين جان وقال بثبات انفعالي غريب .. اكيد سيأتي !
جان قعد فترة غير معلومة بس الواضح أنه زهق لانها قد تكون طويلة وكا
جان وقف وقال بنبرة تهديد وصوت يشبه فحيح الافعي .. إذا لم يأتي فلن ارحم أحدا
ياسين زم شفايفه .. ربنا اللي بيرحم مش انت
جان خرج زي الاعصار
كنز رمت نفسها ع الكنبة وحطت أيدها علي قلبها وقالت .. انتهينا يا ياسين
ياسين كان شارد ومش بيرد
كنز قربت ومسكته من دراعه .. ياسين روحت فين
ياسين فاق من شروده .. ها ايه مالك؟!
كنز .. بتفكر في ايه
ياسين ... هيبقي صعب اوي أنه جان يوافق انه يقولنا طريق الرجوع بعد ما يكتشف أنه يامان و نوريس هربوا !
كنز زمت شفايفها .. عندك حق
***************
بعد فترة غير معلومة يامان و نوريس بعدوا كتير بالعربة وحسوا أنهم في امان وفجأة الحصنة تفك من العربة من شدة السرعة ويقع يامان و نوريس في حتة كلها أشجار
كثيفة
وقع يامان نوريس فوقيه حس بألم شديد في راسه من شدة اصطدامه بالأرض
نوريس اتعدلت وحطت أيدها تحت راس يامان .. يامان هل انت بخير ارجوك تكلم
مسك راسه بأيديه الاتنين وحاول يخفي الام اللي حاسس به .. انا بخير لا تقلقي
قام من الأرض ونفض هدومه و بص للمكان بتمعن بيحاول يلاقي اي مكان يقعدوا فيه
مالقاش اي حاجة تنفع يباتوا فيها قرر أنهم يمشوا شوية يمكن يلاقوا مكان
فضلوا يمشوا لغاية ما نوريس حست انها مش هتقدر تقاوم تمشي تاني قعدت علي جزع شجرة مقطوع وحطت ايديها علي رجيلها وقالت وهي بتنهج .. لم اعد اتحمل لن أستطيع أن أقاوم يامان فقدت كل قوتي
يامان قعد علي رجليه ومسك ايديها وقال بحنان .. اعتذر منكي ايتها الأميرة فلم استطع ان اوفر لكي قصرا كالذي كنتي تعيشين فيه
نوريس .. مسكت وش يامان بإيديها وقالت بحب ... هذا القصر بدونك لم يكن سوي سجنا لي اسواره تفقدني حريتي ، أنا غير نادمة علي الاطلاق يامان ،
يامان طبع قبلة هادية علي شفايفها وقال .. احبكي ايتها الأميرة
نوريس ... لا تقل لي اميرة
يامان ابتسم لها .. انتي اميرة قلبي
وبعدها شالها علي ضهره وكملوا الطريق
**************
أصالة وعمر رجعوا تاني امريكا لشريف
وأصالة حكت له عن كل اللي شافوه وكانت واخدة معاها كاميرا وصورت لحظاتهم المميزة
أصالة بفرحة ... زي ما بقولك كده يا اونكل طلعنا برج ايڤيل كله واتصورنا في الطابق الاخير
ومشينا بقي في شارع الشانزيليزيه استمتعنا بجد
شريف بابتسامة .. ربنا يسعدكم يا بنتي
عمر كان سرحان ومش بيتكلم
أصالة شاورت قدام عينيه .. عموري مالك
عمر انتبه .. ها ايه
أصالة .. سرحان في ايه
عمر .. لا ابدا أنا طالع ارتاح شوية
وسابهم وطلع اوضته
شريف بدهشة .. ماله عمر ؟
أصالة بحيرة .. مش عارفة يا اونكل
عمر طلع فوق فتح اوضة ياسين ودخل أتأمل فيها شوية اتنهد بحزن ومسك صورة ياسين بص فيها شوية ومدد علي سريره
وفضل باصص للسقف لغاية ما غلبوا النوم ونام
بعد فترة تحت في الفيلا نزلت أصالة
أصالة بدهشة .. عمر نايم في اوضة ياسين
شريف ... كنت متأكد أنه هيعمل كده اصلك ما تعرفيش عمر وياسين كانت علاقتهم عاملة ازاي كانوا عيلة بعض في الغربة اتربوا مع بعض يا بنتي احساس صعب اوي اللي بيمر بيه عمر
أصالة مسكت ايد شريف وقالت بنبرة حنان .. وانت كمان يا اونكل اللي حصلك مش شوية بس تأكد اننا جمبك ومش هنسيبك ابدا
شريف ابتسم لها .. تسلمي يا بنتي أنا لولاكم ما كنتش عارف هكمل حياتي ازاي انتوا بجد عوض ربنا ليا عن ياسين ، وبعدين كمل بمداعبة .. يلا اتجدعنوا كده وهاتولنا شريف صغير
أصالة بتأكيد... ياسين هنسميه ياسين يا اونكل
شريف اكتفي بهز راسه بابتسامة وقال .. ربنا يرحمه !
************
جان كان هيتجنن لانه ماخلاش حتة في الجزيرة الا ما دور علي نوريس ويامان
والملك والملكة كانوا في قمة غضبهم
وتالين حاطة أيدها علي قلبها خايفة جان يشك فيها
جان بكل عصبية .. استمع الي جيدا ايها الملك وانتي امي إذا وجدت هذا المختل سأقتله حتما وهذا أمر لا مفر منه ولكن الجديد أنني سأقتل نوريس أيضا
شهقت الأميرة بصدمة وقربت علي جان وضربته كف علي وشه
جان طلع نار من عينيه *تعبير مجازي مش حقيقي *
بس غمض عينيه عشان دي الست الوحيدة اللي بيكون طفل قدامها بيحبها حد الجنون و اتكلم من بين أسنانه .. امي ..لا.. تتدخلي *قال الجملة كلمة كلمة *
الملكة بدموع ... كيف استطعت أن تقولها كيف تستطيع أن تقتل نوريس تلك الطفلة البريئة
جان بغضب مميت ...لم تعد طفلة امي لم تعد لقد استطاعت أن تنفذ مخططها وتزوجت الخادم لقد تأكدت من الحكيم
قال كلامه وفجأة صرخ .... تاليييييين
تالين اترعبت واتخضت وحطت أيدها علي قلبها
جان بص لها بشك ... ماذا بكِ
تالين بابتسامة خايفة .. لا شئ حبيبي انا بخير سأخلد للنوم
مشيت علي اوضتها كأنها بتجري لاحظ هو طريقتها ومشي وراها خطوات سريعة دخلت ولسة هترد الباب لقيته مسك الباب بإيده ودخل وقفل الباب وراه
جان مسك تالين ودفعها علي أقرب حيطة خبطت في الحيطة واتألمت وقرب لها هو بسرعة وكتم بقها بإيده واتكلم بنبرة زي فحيح الافعي ... تعلمين من هو جان أليس كذلك
هزت راسها وكانت مبرقة عينيها
تابع هو .. إذا فقط ساورني الشك حولكي بأنكي ساعدتي نوريس علي الهرب سأفصل رأسك عن جسدك تعلمين ذلك حبيبتي
بلعت ريقها بالعافية وهزت راسها وتمتت .. اممم
بعد عنها ولسة شاكك فيها وف ياسين وكنز
وبعدين ضيق عينيه وقال .. تالين غدا سأحضر لكي البلورة عليكي اصلاحها لانه لم تعد تعمل
تالين بتحاول تخفي الخوف اللي جواها هزت راسها وقالت .. أجل سأفعل كل ما بوسعي فعله
ومددت جمبه ولفت الناحية التانية وغمضت عينيها من الخوف عشان تهرب من نظراته
***********
ياسين كان نايم علي رجل كنز علي السرير كان حزين وساكت
وكنز كانت بتمسح بإيدها علي شعره أطلق تنهيدة طويلة وبدأ يتكلم .. بابا واحشني وعمر كمان أنا مش عارف فات اد ايه من لما جيت هنا بس أنا متأكد أنه من لحظة ما سبتهم وهما زعلانين
وطت كنز راسها وباست جبهة ياسين وكان نفسها تطمنه فقالت .. ما تقلقش يا حبيبي حتي لو جان رفض يساعدنا هندور بنفسنا علي مخرج ، أنا فعلا مش فارق معايا اي حد من اهلي بالعكس طول مانا هنا وانت معايا أنا مش عايزة ارجع لاني هنا امان بالنسبة لي اكتر من اي مكان لكن انا عايزة ارجع عشانك عشان أنا حاسة اد ايه انت حزين علي فراق صاحبك وباباك وعارفة انك مش بتحب تظهر دا بس انا بحس بكل اللي انت بتحس بيه يا روحي انت .. وبعدين قالت بحزن .. انا السبب في كل دا
ياسين مسك إيدها و باسها .. اوعي تزعلي من احساسي دا وتأكدي اني لو جتلكيش ماكنتش هاقدر اكمل حياتي من غيرك أنا عمري ما ندمت ولا هاندم علي اني لقيتك وانتي معايا وبين أيديا بحس اني ملكت العالم كله
غمضت عينيها عشان تقدر تستمتع بكل كلمة من كلامه وقالت .. اوعي تبطل تحبني يا ياسين
***********
نوريس في حضن يامان في حطام سفينة مظلمة وفجأة سمعوا أصوات غريبة قاموا بحذر عشان يعرفوا اسباب الأصوات دي فشافوا اطباق بتطير وتعمل وميض بينور عليهم مرة ويطفي مرة تانية
نوريس كانت هتتكلم وتسأل بس يامان عشان شافهم اكتر من مرة قام بحركة سريعة حط أيده علي بق نوريس عشان ماتطلعش صوت
بس من غير ما يقصد عمل شوشرة
فالكائنات الغريبة انتبهت لهم..
***********
أصالة تحضر العشا في المطبخ
كانت بتعمل اسباجيتي وكرات لحمة وحاسة انها مش كويسة وفجأة تقع في المطبخ
عمر انتبه ... اصالااااااااة ..
- تابع الفصل التالي عبر الرابط: "رواية مثلث برمودا" اضغط على أسم الرواية