رواية قلب لا يقبل الهزيمة الفصل الواحد والعشرون بقلم دودو محمد
رواية قلب لا يقبل الهزيمة الواحد والعشرون
بالاسكندريه.......فى المشفى
كانت تتحدث رضوى مع جدها وهو لا يشعر بيها ونظرت له نظره مطوله وقالت له
رضوى:- اقولك حاجه يا جدى قلبى سبب ضعفى ده لو مكنتش حبيته كان زمانى مش فارق معايا كل اللى حصل ده لكن حبى ليه كسرنى ايوه يا جدى انا بحب سليم وده اللى كنت بحاول اكذب نفسى فيه وانكره انا بحب سليم
سليم :- وانا بحبك يا رضوى انا اسف على كل اللى عملته اسف علشان طلعت غبى وحمار ومقدرتش النعمه اللى ربنا بعتها ليا
رضوى :- نهضت بصدمه ونظرت له وقالت انت هنا من أمته وازاى تدخل هنا من غير ما تخبط
سليم :- انا استأذنت الدكتور ومعرفش انك هنا واتفاجئت بوجودك وكلامك ليه يا رضوى؟ مدام بتحبينى بتعمل معايا كده ليه، ليه رافضه تظهرى ليا حبك ده
رضوى :- ب.ب بقولك ايه انسى اللى انت سمعته ده ماشى
سليم :- انسى ايه ده انا مش مصدق نفسى انا طاير من الفرحه من الكلام اللى سمعته منك ده يا رضوى
رضوى :- نظرت له نظره مطوله وزفرت بضيق وتركته وقبل أن تخرج من الغرفه
سليم :- ركض خلفها ومسك ذراعها وقال رضوى استنى
رضوى :- سيب دراعى يا سليم
سليم :- رضوى انا بحبك وانتى بتحبينى تعالى ننسى اللى فات ونبدء مع بعض صفحه جديده
رضوى :- لااااااا بقولك ايه لو كنت فاكر أن انا هنسى اللى انت عملته فيا يبقى بتحلم انت رصيدك خلص عندى خلاص مهما كان اللى انت سمعته مش هيشفع ليك عندى سبق وقولتلك أن يوم ما قلبى يضعف ويكسرنى هدوس عليه برجلى ومش هسمح لاى حد مهما إن كان يكسرنى يا سليم وانت بقى عملت كده وبكل سهوله انت عارف معنى انك تتهمنى فى شرفى ده ايه معناها كتيرررر اوى يا سليم اوى وانا بقى ميشرفنيش اكون مراتك طلقنى يا سليم وانسى أن فى يوم اكون على اسمك تانى كفايه عليك اوى اسم سويلم اللى مشترك ما بينا يا ابن عمى وسحبت ذراعها من يده وتركته وذهبت
سليم :- تنهد بحزن وقال وبعدها معاكى يا رضوى شكل المشوار معاكى لسه طويل ونظر لجده وجلس على المقعد وقال قوم بقى يا جدى رضوى بتحبك وبتسمع كلامك انا بحب رضوى ومقدرش استغنى عنها انا عارف ان غلط فى حقها بس مين مش بيغلط يا جدى احنا بشر وكلنا معرضين للغلط جدى قوم بالله عليك ارجع تانى وسطنا العيله كلها هضيع وانت سيبها كده رد عليا قولى انا اهو موجود رد عليا وطمنى انك سامعنى
سويلم :- بدء يفتح عينه ويغلقها لعدة مرات
سليم :- بفرحه جدى انت فؤقت حمدالله على السلامه يا جدى الحمدالله يارب انا هروح ابلغ الدكتور
سويلم :- س.س.سليم
سليم :- ايوه يا كده يا جدى سمعنى صوتك اطلب منى اللى انت عايزه
سويلم :- ر.ر رضوى ف.ف.فين
سليم :- كانت هنا ولسه خارجه
سويلم :- ع.ع.عايزها
سليم :- حاضر هروح ابلغ الدكتور انك فؤقت وهروح أبلغ رضوى انك عايزها وخرج وتركه وذهب لغرفة الطبيب وأبلغه أن جده فاق وبلغ الجميع وذهب يبحث عن رضوى
&&&&&&&&&&&&&&&&&&&&&&&&&&&&
بالقاهره........بالمشفى
وصلوا الثلاثه إلى المشفى ودخل رحيم غرفة الفحص ومعه اسماء ونظر له احمد وقال
احمد :- خليك هنا هروح اجيب حاجه وجاى
رحيم :- ماشى
اسماء :- متتأخرش بالله عليك عايزه اطمن عليه
احمد :- نظر لها وضحك بتريقه وقال لاء أهدى متقلقيش رحيم كويس اطمنى وخرج وتركهم
اسماء :- جلست بجوار رحيم ومسكت يده وقالت إن شاءالله هتكون كويس
رحيم :- سحب يده وقال عادى مش فارقه معايا ابقى كويس ولا لاء كله محصل بعضه
اسماء :- ليه يا رحيم بتقول كده ليه مهما كان اللى بينا ده ميخلكش تكره حياتك بالشكل ده افرض لو مكانش حصل ان جدى قال اختاروا واحده مننا كنت هتعمل ايه لان لو كنت طلبت ايدى من غير كلمة جدى اكيد كنت هرفضك بلاش اللى انت حاسس بي ده يا رحيم عيش حياتك لنفسك وبس لا أنا ولا غيرى يستاهل زعلك يا رحيم
رحيم :- متشكر على النصيحه بس محدش اخد رأيك
اسماء :- تنهدت وقالت بلاش طريقتك دى معايا يا رحيم ارجع زى الاول كنت حنين وطيب معايا اوى
رحيم :- وياريت طمر فيكى انتى ايه جابك معانا مروحتيش معاهم ليه انا مش عايزك معايا تانى افهمى بقى انا قررت اطلقك يا اسماء ومستحيل هغير رأيي مهما عملتى ولا قولتى
اسماء :- انا مش رافضه موضوع الطلاق والله بس مش دلوقتى يا رحيم اطمن عليك الاول
رحيم :- مش عايزك لا دلوقتى ولا بعدين امشى من وشى اطلعى بره بررررره
احمد :- ركض إلى داخل الغرفه وقال فيه ايه يا رحيم مالك صوتك عالى ليه
رحيم :- خليها تطلع بره مش عايزها معايا ولا عايز اشوفها قدامى
اسماء :- بدموع ليه يا رحيم عملت ليك ايه
رحيم :- طلعها بره يا احمد ارجوك
اسماء :- يا رحيم ا
احمد :- قطعها وقال تعالى معايا واخذها وخرجوا من الغرفه وقال بعصبيه انتى ايه يا شيخه معندكيش دم شايفه الراجل تعبان ومش سايبه فى حاله ذنبه ايه لكل ده ذنبه أنه حب واحده زيك متستاهلش فكك من اللى فى دماغك يا اسماء علشان عمره ما هيحصل قولتها قبل كده وهقولها تانى انا بحب مراتى وعمرى ما هبص لمرات اخويا ولا افكر فيها اعقلى بقى وشيلى التخاريف اللى فى دماغك دى
اسماء :- مش تخاريف يا احمد انا مش صغيره ولا عبيطه انا عارفه مشاعرى كويس اوى
احمد :- يعنى ايه لسه مصممه على اللى فى دماغك ده يا اسماء
اسماء :- نظرت الاتجاه الاخر وقالت بدموع انا هطلق من رحيم يا احمد مش علشانك لاء علشان رحيم فعلا ميستهلش واحده زى
احمد :- والله اخويا الكسبان انا مش عارف ازاى مكنتش شايفك على حقيقتك ازاى عيشت عمرى كله مخدوع فى اقرب شخص ليا انتى يا اسماء يطلع ده كله منك
اسماء :- انا معملتش حاجه غلط يا احمد غير أن حبيتك وده مكانش بأيديا
رحيم :- فتح الباب ونظر لهم بدون ولا كلمه
احمد :- نظر له بصدمه ورجع يده على شعره للخلف وقال رحيم انا هفهمك
رحيم :- ضحك بتهكم وقال هتفهمنى ايه انا سمعت كل حاجه ومش محتاجه شرح كل حاجه مفهومه وواضحه وانا اقول هى مش عايزه تطلق ليه بعد ما طلبت منى الطلاق اتارى الهانم عايزه تبقى جنب حبيب القلب وقال عامله نفسها قلقانه عليا وعايزه تطمن عليا وقهقه بصوت مرتفع وقال قد ايه طلعت مغفل مراتى بتحب اخويا وعايشه معايا علشان تفضل جمبه
اسماء :- رحيم اسمعنى انا عارفه انك دلوقتى هتشوفنى واحده خاينه وهنزل من نظرك بس غصب عنى حاولة كتير أرفض اتجوزك علشان متحطش فى موقف زى ده بس جدى رفض كل ثانيه كنت ببقى فيها جنبك وقلبى مشغول بأخوك كنت بكره نفسى وبنزل من نظرى كنت بحس بنفسك قصاد وشى وانت قاعد تراقبنى وانا نايمه كنت بستحقر نفسى اكتر واكتر كنت عايزه اصرخ واقولك كفايه تعذب فيا كده حبك وحنيتك عليا كانت بتكرهنى فى نفسى كنت بحس قد ايه انا واطيه ومستهلش الحب ده نظرة الترجى اللى بشوفهم فى عيونك فى كل مره تكلمنى فيها علشان احبك كانت بتقتلنى انت عارف انا كرهت نفسى اكتر أمته ؟ لما قولت هتاخد حقك الشرعى منى ومعملتش كده مهونتش عليك رغم أن انا كسرتك ووجعت قلبك عرفت ساعتها بس أن حب احمد كان مجرد وهم وان حبك هو الحقيقى بس كان عندى عقبه واحده بس ان مش هقدر اكمل معاك وانا بالقذاره دى علشان كده صممت على الطلاق وكنت مستنيه تطلقنى واقولك كل حاجه
رحيم :- والله والمطلوب منى ايه دلوقتى اصدق كلامك صح وأكمل معاكى حياتى عادى ولا اقتلك ويبقى معايا حق واخلص من عارك ولا اطلقك واروح افضحك قصاد العيله كلها اعمل فيكى ايه
احمد :- أهدا يا رحيم
رحيم :- انت تخرس خالص مسمعش حسك انت مذنب زيها علشان كنت عارف كل حاجه ومجتش تقولى
احمد :- مكانش ينفع يا رحيم كنت عارف ان قلبك هيتكسر لما تعرف أن حب عمرك ومراتك بتحب اقرب ما ليك صدقنى خوفت عليك وانا عارف انت بتحبها قد ايه سيبك انت من كل ده اهم حاجه صحتك دلوقتى تعالى يلا علشان افحصك
رحيم :- انا مش عايز حاجه منكم ونظر لاسماء وقال انت طالق يا اسماء طالق ونظر لاحمد وتركهم وذهب
احمد :- ركض خلفه وقال رحيم يا رحيم انت يا ابنى ووقف مره اخرى ورجع إلى اسماء وقال بعصبيه عجبك اللى حصل ده منك لله يا اسماء لو رحيم حصله حاجه مش هرحمك اقسم بالله ما هرحمك واتفضلى امشى اوصلك لجدى ولامك فى اسكندريه
اسماء :- نظرت له بدموع وذهبت معه وصعدوا السياره وذهبوا إلى الاسكندريه
&&&&&&&&&&&&&&&&&&&&&&&&&&&&&&
بالاسكندريه.......بالمشفى
كانت تجلس رضوى خارج المشفى وهى تتذكر كلام سليم لها تنهدت بحزن وشعرت بيد على كتفها رفعت رأسها للاعلى وجدته سليم زفرت بضيق وقالت
رضوى :- عايز ايه تانى
سليم :- بتعملى ايه
رضوى :- انت مالك جاى ورايا ليه
سليم :- جيت افرحك واقولك أن جدى فاق وطالب يشوفك
رضوى :- نهضت سريعآ وقالت بفرحه بجد جدى فاق
سليم :- بأبتسامه ايوه
رضوى :- ركضت إلى الداخل سريعآ ودخلت الغرفه عند جدها وارتمت داخل احضانه وقالت بفرحه حمدالله على السلامه يا جدى انا فرحانه اوى انك فؤقت انا اسفه يا جدى متزعلش منى انا مكانش قصدى ازعلك والله
سويلم :- ر.ر.رضوى ي.ي.يا ب.ب.بنتى م.م.متزعليش م.م.منى
رضوى :- أنا مش زعلانه منك يا جدى ولا اقدر ازعل منك ارجع لينا بس احسن من الاول طمنى عليك حاسس بوجع ولا حاجه
سويلم :- ر.ر.رجلى م.م.مش ح.ح.حاسس ب.ب.بيها خ.خ.خالص و.و.ولسانى ت.ت.تقيل
رضوى :- والدكتور قال ايه طيب
سويلم :- م.م.مش ع.ع.عارف ي.ي.يا بنتى
رضوى :- طيب ارتاح انت وانا هروح اطمن من الدكتور عليك
سويلم :- ا.ا استنى يا ر.ر.رضوى ع.ع.عايزك ف.ف.فى ك.ك.كلمتين
رضوى :- خير يا جدى
سويلم :- ................
&&&&&&&&&&&&&&&&&&&&&&&&&&&&
بعد مرور شهرين
بالصعيد ......دوار سويلم
خرجت رضوى من غرفة سويلم وهى تدفع المقعد المتحرك بسويلم إلى الخارج ووضعته أمام طاولة الطعام وقالت
رضوى :- صباح الخير
الجميع :- صباح النور
منال :- عامل ايه دلوقتى يا عمى
سويلم :- كويس يا بنتى
خديجه :- أن شاءالله ترجع توقف على رجلك تانى
سويلم :- يا بنتى العمر مبقاش فيه
مى :- ربنا يخليك لينا ويبارك لينا فى عمرك يارب
سويلم :- ويقومك انتى واختك بالسلامه يارب
نسرين :- لسه بدرى اوى يا كده ده لسه اول شهر يعنى لسه كتيررررر اوى
مى :- يا بنتى كنت بقول كده بس الشهور بتعدى والله
منال :- ربنا يكملكم على خير يا حبايبى
اسماء :- نهضت وقالت بحزن عن اذنكم
سويلم :- برضه مش عايزه تتكلمى يا اسماء رحيم طلقك ليه
اسماء :- نظرت فى الأرض ولم تجيب عليه
سويلم :- اتكلمى يا اسماء حتى رحيم من يومها اختفى ومحدش عارف يوصل ليه ولا عارفين راح فين
اسماء :- تنهدت بحزن وقالت لما يرجع ابقوا اسألوه عن اذنكم وتركتهم وذهبت إلى غرفتها
نسرين :- احمد ومرات خالى وخالى هيتجننوا وهما مش عارفين مكان رحيم دى مرات خالى ماشيه بالادويه دلوقتى ربنا يرجعه بالسلامه ويطمن قلوبنا عليه
مى :- اكيد احمد عارف ايه اللى حصل ما بين رحيم وأسماء مش بتقولى أن التلاته كانوا مع بعض
نسرين :- ايوه بس اسماء جات مع احمد بس وكل اللى قاله أن رحيم طلق اسماء ومقالش ايه السبب
سويلم :- الواضح كده الكل استقل بيا من يوم ما قعد على الكرسى المتحرك ده
رضوى :- متقولش كده يا جدى انت مقامك عالى اوى ومهما حصل هتفضل سويلم بقوتك وحكمتك ومفيش حاجه هتكسرك أبدآ يا جدى
سويلم :- مش باين يا بنتى واحد طلق مراته واختفى والتانى اللى اسمه سليم بعت ليه كام مره ومجاش زى ما صدقوا أن وقعت علشان يعملوا اللى هما عايزينه
خديجه :- سليم مش عايز يجى علشان خايف أن رضوى تحطه قدام الأمر الواقع وتطلق منه انتوا شوفتوا اللى حصل فى المستشفى لما ابويا طلب منه يطلق رضوى
رضوى :- تنهدت بحزن وقالت هطلق منه مهما عمل انشالله لو رفعت عليه قضية خلع بس مستحيل افضل على ذمته اكتر من كده
احمد :- دخل من الباب وقال السلام عليكم
نسرين :- نهضت سريعآ وركضت إليه وارتمت داخل احضانه وقالت واحشتنى اوى يا احمد اوى
احمد :- قبل رأسها وقال وانتى كمان يا قلبى واحشتينى بس براحه على نفسك علشان اللى فى بطنك يا حبيبتى
نسرين :- كده يا احمد اهون عليك كل ده متسألش عليا
احمد :- معلش يا نسرين غصب عنى والله ماما تعبانه اوى ومش بتاكل ولا بتشرب وطول النهار تعيط وتقول عايزه رحيم وتنادى عليه
منال :- ربنا يرجعه بالسلامه
احمد :- يارب يا مرات عمى يارب
سويلم :- مش ناوى تتكلم يا احمد وتقول ايه اللى حصل ما بين اسماء ورحيم
احمد :- ها م.م.معلش يا جدى لما يرجع رحيم بالسلامه يبقى هو اللى يتكلم أو اسألوا اسماء يمكن هى تحكى إنما أنا اعذرونى
خديجه :- اقعد يا حبيبى
احمد :- جلس وقال عامله ايه فى الحمل يا نسرين
نسرين :- تعبانه شويه
خديجه :- معلش يا بنتى هو اول الحمل بيبقى كده متعب شويه
جاسر :- وهو يدخل من الباب قال اسألوووونى انا شوفت الجنان على أصوله
مى :- بفرحه جاسر وركضت عليه
جاسر:- ضمها داخل احضانه وقال واحشتينى يا مجنونه
مى :- وانت كمان واحشتنى اوى اوى يا جاسر
جاسر :- مش انتى اللى عايزه كده
مى :- خلاص بقى ميبقاش قلبك اسود
جاسر :- ماشى ونظر لاحمد وقال عامل ايه يا ابو حميد
احمد :- تمام الحمدالله انت ايه اخبارك
جاسر :- تمام ، لسه برضه محدش عرف مكان رحيم
احمد :- لاء لسه
جاسر :- أن شاءالله يرجع بخير ونظر لرضوى وقال رضوى عامله ايه
رضوى :- تمام الحمدالله
جاسر :- جدى عامل ايه
سويلم :- بخير يا ابنى ابوك عامل ايه
جاسر :- كويس
خديجه :- مالك بتقولها كده اشرف فيه حاجه
جاسر :- ابويا كويس بس المشاكل كترت ما بينه وبين سليم اخويا بسبب اللى حصل ما بينه وبين رضوى وكمان بيحاولوا يعرفوا مكان رانيا فين، مختفيه من يوم اللى حصل لرضوى وسليم
رضوى :- ياريت يا جاسر تخليه يجى علشان يطلقنى لانه مهما عمل انا هطلق منه يعنى هطلق
جاسر :- يا رضوى استهدى بالله بس سليم اتغير علشانك وبيحبك وهو مش عايز يطلقك ونفسه يكمل حياته معاكى
رضوى :- مبقاش ينفع الكلام ده انا هطلق منه برضه عن اذنكم وتركتهم وصعدت إلى غرفتها
&&&&&&&&&&&&&&&&&&&&&&&&&&&&&
بالاسكندريه........بشقة منصور
كان يجلس منصور فى غرفته وسمع صوت جرس الباب تنهد وقام خرج من الغرفه واتجه إلى الباب أعتقد أن أحد من أبنائه هو من يرن الجرس فتح الباب وقال
منصور :- رحاب لسه فاكره يا هانم ترجعى بيتك
رحاب :- واحشتنى
منصور :- تركها وذهب الغرف
رحاب :- دخلت وأغلقت الباب خلفها وذهبت خلفه وقالت بقولك واحشتنى على فكره
منصور :- بقالك شهرين سايبه البيت يا هانم ولا بتردى على تليفونك ولا راضيه تقابلينى لما روحت ليكى عند أهلك لدرجاتى كرهتينى يا رحاب
رحاب :- مقدرش اكرهك يا منصور انت حبيب قلبى بس كنت واخده على خاطرى من اللى عملته فيا قدام ابوك قولت استنى شويه لما أصفى ليك خالص ومبقاش زعلانه منك وارجع وبعدين ولادى كان بيجوا ليا كل يوم وبشوفهم وبيطمنونى عليك علشان كده كنت مطمنه عليك ومش قلقانه
منصور :- والله ، مكنتش اعرف ان قلبك قاسى اوى كده عليا
رحاب :- خلاص بقى يا منصور انا اسفه متزعلش منى انا بحبك ،والله العظيم بحبك ومش هعمل كده تانى
منصور :- نظر الاتجاه الثانى ولم يجيب عليها
رحاب :- اقتربت منه وقالت بذمتك حوبه حبيبتك مش واحشتك
منصور :- واحشتينى بس؟ ده انا كنت هتجنن عليكى حاسس ان روحى بعيده عن جسمى بحبك يا مجنونه وحسك عينك تبعدى عنى كده تانى فاهمه
رحاب :- بحب انا اسفه مش هعمل كده تانى
منصور :- ابتسم لها واخذها فى حضنه وقال ياااااااه اخيرآ روحى ردت فيا من جديد
رحاب :- بس عايزه أسألك سؤال
منصور :- اسألى يا عمرى
رحاب :- احم ه ه هو انت كنت بتروح للى اسمها منال دى
منصور :- تانى يا رحاب
رحاب :-د.د.ده سؤال عادى يعنى
منصور :- بروح كل كام يوم بطمن على ابويا وبرجع فى نفس اليوم واطمنى ملمستهاش، تعرفى تهدى بقى
رحاب :- بفرحه حاضر هو انا بموت فيك من شويه انت سيدى وتاج راسي انا والله وقبلته وقالت هروح اعملك احسن اكل انت بتحبه وبدلت ملابسها وخرجت من الغرفه
منصور :- نظر لها بحب وقال مجنونه بس بعشقها وخرج من الغرفه
&&&&&&&&&&&&&&&&&&&&&&&&&&&&
فيلا اشرف
خرج سليم من غرفته ونزل إلى الأسفل وجلس على المقعد الخاص بطاولة الطعام وقال
سليم :- صباح الخير
اشرف :- نهض من على مقعده وقبل أن يتحرك
سليم :- بابا ارجوك بلاش معاملتك دى معايا انا فيا اللى مكفينى ومليون حاجه جايه عليا انت و طلب رضوى الطلاق وجدى واختفاء اللى اسمها رانيا دى ووجع قلبى من بعد رضوى عنى انا نفسى أغمض عينى وافتحها الاقى كل المشاكل دى اتحلت ارجوك يا بابا أقف جنبى وخليك فى ضهرى مش جاى عليا
اشرف :- انت اللى عملت فى نفسك كده بسبب تهورك شيل شيلتك بقى وحل مشاكلك بعيد عنى زى ما اخد قرارك ونفذته من ورايا وروحت اتجوزت اللى اسمها رانيا خلى شيطانك ينفعك
سليم :- انا معترف ان غلط بس كنت أعمى مش شايف حاجه وربنا بعت ليا رضوى علشان تنور طريقى واهو النور انطفى تانى بعد ما سابتنى ومشيت
اشرف :- ياريتك كنت عرفت قيمتها كده لما كانت معاك لكن هقول ايه منك لله يا ابنى منك لله وتركه وذهب
سليم :- تنهد وقال هترجع تانى يا بابا هرجعها بس لما الاقي رانيا وخرج صعد سيارته واتجه إلى عمله
&&&&&&&&&&&&&&&&&&&&&&&&&&&&&
بالقاهره.....فيلا هشام
صباح تجلس على سجادة الصلاة و تقراء فى المصحف نظر لها هشام وتنهد وقال
هشام :- وآخرة اللى انتى بتعمليه ده ايه يا صباح
صباح :- صدقت بالله العظيم ونظرت له بدموع وقالت انا عايزه ابنى يرجع يا هشام
هشام :- هيرجع يا صباح انا مش ساكت وبسأل عليه فى كل حته بس انتى كده بتروحى منى لا بتاكلى ولا بتشربى وماشيه على الادويه وبس ومش بتخرجى من اوضك طول النهار قاعده كده انا خايف عليكى يا صباح لو حصلك حاجه انا مش هقدر اعيش من غيرك
صباح :- مش قادره يا هشام حاسه ان روحى ضايعه منى ابنى اختفى ومنعرفش هو فين بيته اتخرب ومنعرفش السبب رحيم غلبان اوى وطيب وعمره ما يفكر يبعد كده غير لو كان فيه حاجه كبيره رجع روحى ليا يا هشام ارجوك
هشام :- يعنى هى سهله عليا يا صباح ما هى صعبه عليا انا كمان ما هو ابنى برضه حته منى وهموت من القلق عليه بس لازم نكون اقوى من كده علشان نعرف ندور عليه
صباح :- بدموع يا ترى انت فين يا قلب امك عامل ايه دلوقتى ارجع لامك يا حبيبى طمن قلبى عليك
هشام :- جلس بجوارها واخذها بحضنه وقال إن شاءالله هيرجع لينا بالسلامه أن شاءالله
صباح :- مسكت به أكثر وظلت تبكى بحرقه
&&&&&&&&&&&&&&&&&&&&&&&&&&&&&&
بالصعيد......بغرفة اسماء
دخلت منال عند ابنتها وجدتها نائمه على السرير وتبكى تنهدت بحزن وجلست بجوارها واخذتها بحضنها وقالت
منال :- بتعيطى ليه دلوقتى مش انتى اللى عملتى فى نفسك كده يا بنتى انتى اللى خسرتى نفسك كل حاجه اهو جوزك طلقك واختفى ومحدش عارف هو فين واختفى وهو مريض والله اعلم حاله ايه دلوقتى استفادى ايه دلوقتى يا بنت بطنى
اسماء :- بدموع انا قلقانه عليه اوى يا ماما ومش عارفه ايه حصله انا بعترف أن غلط وغلطتى لا تغتفر بس انا مكذبتش عليه من اول ما اختارنى قولتله أن مش مستعده للجواز ومش هقدر أسعده حاولت ابعد عنه علشان ميحصلش كل ده بس منفعش يمكن لو رحيم مش اخو احمد كنت قدرت اتأقلم معاه واعيش حياتى لكن المشكله كلها انهم اخوات وطول الوقت كان احمد قصادى انا حاولت كتير وربنا يعلم بس كنت لما بشوف احمد قصادى بضعف بس فى الفتره الاخيره بقيت لما اشوف احمد قصادى احس أن انا عادى ومش بحس بحاجه فى قلبى وبقيت احس أن مرتاحه لرحيم وبحس بالامان لما يرجع الاوضه بس برضه مكنتش هقدر اكمل معاه لأن هفضل علطول كده حاسه بالذنب اتجاه علشان كده كنت مصممه على الطلاق بس معرفش أن الكلمه دى صعبه اوى كده وبتوجع القلب
منال :- مفيش راجل هيقبل أن مراته تحب غيره وكمان اخوه انتى كسرتى قلبه ورجولته يا اسماء ومستحيل هينسى اللى حصل ده بسهوله كان لازم يطلقك بعد ما سمع اعترافك لأخوه بودنه رحيم طيب بس قوى هيبعد فتره يستعيد فيها نفسه وهيرجع احسن من الاول وفى ايدك انتى بقى تخليه يسامحك وتعيشى حياتك معاه بما يرضى الله أو ترضى بالأمر الواقع وتعيشى طول حياتك كده عندك فرصه فكرى فيها براحتك لأن اللى جاى قرارك انتى لوحدك محدش فرضه عليكى زى اول مره ومش هتلومى حد غير نفسك عليه وتركتها وخرجت
اسماء :- نظرت لوالدتها وتنهدت بحزن ودموعها نزلت منها
&&&&&&&&&&&&&&&&&&&&&&&&&&&&
فى غرفة رضوى
دخلت منال الغرفه عند رضوى وجدتها تجلس على السرير جلست بجوارها وقالت
منال :- بتعملى ايه يا بنتى
رضوى :- ولا حاجه يا ماما قاعده
منال :- بتفكرى فيه
رضوى :- هو مين ده
منال :- سليم
رضوى :- وانا هفكر فيه ليه بس
منال :- علشان بتحبيه يا رضوى
رضوى :- نهضت وقالت بتوتر ا.ا.ايه اللى انتى بتقوليه ده يا ماما انا احب ومين سليم لاء مستحيل طبعآ
منال :- لاء بتحبيه متكدبيش عليا وعلى نفسك يا بنتى انا كنت بقول لازم يطلقك بس بعد ما شوفتك على الحاله دى انا اول واحده همنع الطلاق ده مش عايزه اشوفك بتتعذبى كده وكاتمه فى قلبك
رضوى :- لاء يا ماما انا هطلق من سليم ومستحيل يلمس شعره منى
منال :- ليه العند ده بس يا بنتى الراجل اعترف بغلطه وخلاص وصلح من نفسه علشانك وانتى بتحبيه يبقى ليه الطلاق بس
رضوى :- علشان سليم نسخه من جوزك اهم حاجه عنده نفسه وبس وانا بقى مش مستعده اكون منال رقم اتنين لاء يا ماما انا رضوى ومش هقبل اكون غير كده حتى لو كنت حبيته بأيدى انا اغير قدرى وأحط قلبى تحت رجلي واعيش حياتى عادى
منال :- بس انا مش هقدر اشوفك موجوعه كده
رضوى :- بس انا عادى يا ماما اهو باكل وبشرب وبنام ومش فارق معايا حاجه
منال :- يا بنتى قولى الكلام ده لغيرى انا امك وبحس بيكى مهما حاولتى تدارى عنى وجعك
رضوى :- تنهدت بوجع وقالت الله يكرمك يا امى بلاش كلامك ده
منال :- ليه كلامى جيه على الوجع صح
رضوى :- نظرت لها وتنهدت وقالت يا ماما
منال :- قولى اللى عايزه تقوليه خرجى اللى جواكى يا بنتى
رضوى :- دموعها نزلت منها وقالت أنا مش عايزه اعيط مش عايزه اكون ضعيفه ليه يا ماما تخلينى اعيط ليه
منال :- علشان غلط اللى انتى بتعمليه ده يا رضوى لازم تخرجى اللى جواكى مش صح تكتمى فى قلبك هتتعبى اوى يا حبيبتى
رضوى :- قامت بمسح دموعها بيدها سريعآ وقالت هو ميستهلش دموعى يا ماما ميستهلش حتى افكر فيه انا رضوى سويلم اللى لسه متخلقش حد يكسر كبريائها واعتزازها بنفسها وسليم كان مجرد فتره فى حياتى وانتهت وهرجع اعيش تانى بحريه وراحة بال زى الاول واللى انتهى من حياتى مبفكرش فيه تانى أبدآ
منال :- الدنيا مش كده يا بنتى الدنيا بتاخد وبتدى واحنا لازم نبقى عندنا سعة صدر لكل حاجه تحصل ونتقبله يا رضوى
رضوى :- ده مش عندى انا يا ماما انا ربنا خلقنى اخد اللى انا عايزاه وارمى اى حاجه توجعنى وراه ضهرى انا اللى أقرر اخد ايه ومخدش ايه ومش من حق اى حد على وجه الارض يغصب عليا فى حاجه انا مش عايزها يا ماما
منال :- عناديه وعندك ده هو سبب تعبك ده يا بنتى ربنا يهديكى ويصلح حالك وتركتها وخرجت
رضوى :- نظرت إلى والدتها وتنهدت وجلست على السرير وتذكرت ما حدث من شهرين فى المشفى بينها وبين جدها وسليم
فلاش بااااااك
يتبع الفصل الثاني والعشرون اضغط هنا
- الفهرس يحتوي على جميع فصول الرواية كاملة :"رواية قلب لا يقبل الهزيمة" اضغط على اسم الرواية