رواية الملتزمة الصغيرة الفصل الثاني والعشرون بقلم سمر ابراهيم
رواية الملتزمة الصغيرة الفصل الثاني والعشرون
وبعد يوم طويل ملئ بالأحداث جه وقت المسابقة الشهرية ودي كانت فكرة نفس أنهم كل شهر يكون في مسابقة للعيلة كلها فيها فقرة مواهب صوت في القرآن والغناء خصوصاً أن أغلبهم صوتهم حلو وأسئلة ثقافية ودينية وحوار يختاروا موضوع وكل وأحد يتكلم عنه باختصار
نفس:- توتو المكان جاهز علقتي البالونات
تفاؤل:- ايوه الميكرفون تمام والأماكن كلها نضيفه والأكل يجنن أحلى حاجة الحلويات بتاعت طنط صباح تسلم أيديها
نفس:- جميل اوي طيب والمفاجأة جاهزة
تفاؤل:- على أساس مش أنتي اللي مجهزاها بنفسك
نفس:- عارفة بس متوترة أحلى حاجة القعدة اللي في الجنينة دي بحبها اوي لما نتجمع هنا تحت ضوء القمر ونسهر للصبح يلا بقى الشباب وصلوا
أويس:- آممممم مش بطال المكان حلو والزينة حلوه البالونات أسود وأبيض راقي
أسد:- آممممم شكل السفرة والأكل مغري اوي أنا جعان
فهد:- أنت همك على بطنك ديماً كدا مدلوق على الأكل بس هو ايه دا رومي مع كبسه سعودي وبلح شام ولب سوري أنتم تقريباً مجمعين العرب كلهم على سفرة وحده أنا لازم ادوق من الجامعة العربية دي بقى
نفس:- طيب قرب كدا من الأكل قبل ما الكل يجي ونبدأ مع بعض وشوف يحصل ايه
الجد وصل يمشي براحة بحكم السن:- أهلا ي نفس هانم اللي مش سأله عليا اليومين دول
نفس:- جدو أنت الكل في الكل وآسفه والله غصب عني المذاكرة وكدا ي كبير
الجد:- ربنا يوفقك ها فين الباقي نصلي العشاء جماعة ونبدأ بعد الأكل يجي
منال:- أنا جيت
نفس:- نورة البيت طفي الجاز ي واد حبه زغاريت
منال:- هههههههه على اتفقنا الصبح اشطا
نفس:- اشطا ي دكتور دا أنتي خلاص بقيتي تتكلمي زيي من أنا كنت بئية
عامر:- لا أنا مراتي مش زي حد
أويس:- مش قدامنا ي بابا أمسك نفسك ي حج وتغزل في السيدة ماما لوحدكم مش قدامي كدا
عامر:- هههه أفهم أنت غيران على مامتك ولا بتدافع على نفس ولا بتجر كلام معايا اكمني مش معبرك ليا يومين
أويس:- كله في كله أنا مقدرش على زعلك مني ي حج واللي تقوله أنا راضي بيه بس بلاش تزعل مني
عامر:- أنت اتعلمت التمثيل من نفس وتفاؤل ههه بس خلاص مش زعلان وحقك عليا لأني ضربتك بس إلا نفس
نفس:- ي دكري اللي بيدافع عني ي ناس 
بس ايه أنا بمثل أنا اااه قلبي مكنش العشم ي خسارة الكشري اللي كلته معاك من العربية في الشارع من وري منال ي حج ي خسارة أكل الشوارع اللي بينا
بس ايه أنا بمثل أنا اااه قلبي مكنش العشم ي خسارة الكشري اللي كلته معاك من العربية في الشارع من وري منال ي حج ي خسارة أكل الشوارع اللي بينا عامر:- لسانك دا عايز قصه مفيش كلمة تخبيها ي بت
منال:- يعني أكلت بجد من الأماكن دي وبعد ما تتعب تقول ي ريتني ما أكلت
عامر بأبتسامة جذابة:- خايفة عليا
منال بحب:- آمال أخاف على مين ي حج
أويس:- جاري شقط ماما من السيد بابا على مراء ومسمع من الجميع
مصطفى:- يراعوا مشاعر الناس اللي مراتها مش موجودة وقلبها ضعيف
نفس:- بس خلاص أنت ي أستاذ عامر راعي ظروف السناجل وأنتي ي أخت منال مش قدام العيال
الكل ضحك
أحمد:- هي مريم فين
نفس:- أنت كمان حنيت للمزة طيب لحظة كدا يلا الكل يستعد لأول مفاجأة في الليلة دي
مريم جات عليهم وهي لابسة نقاب ولبس شرعي كامل وتاج وكانت زي الأميرة
أحمد:- مين دي فين مراتي ي جدعان أنتم غلفتها بعلبة هدايا ههههه
مريم وهي بتضحك وبتبكي في نفس الوقت:- ايه رأيك انهاردة أنا ختمت القرآن على أيد نفس ولبست النقاب مبسوطة اوي ي أحمد إني ختمت كتاب الله عقبال كل نساء وبنات وشباب ورجالة المسلمين كدا
عمار:- اشمعنا الرجالة اخر حاجة يعني
نفس:- لأن السيدات أولاً
أحمد باس على جبينها فوق النقاب:- دا أجمل يوم في حياتي لأنك سعيدة ي مريم حقيقي ربنا يحفظك ليا لما تكوني مبسوطة الدنيا كلها بتحلوا مع أنه نادر ما تنبسطي كدا
مريم:- هههههههه بس خلاص اذاي يجي النكد والزعل مع القرآن دا طمأنينة وراحت بال يلا نبدأ فين فرح بنتي
فرح:- أنا هنا ايه دا مين دي
مريم:- ههههه أما رأيك ختمت القرآن ي فرح عقبال ما أشوفك ملكة متوجه بالنقاب كدا قريب ي حبيبتي وافرح بيكي مع ابن الحلال
فرح تأثرت بكلام مامتها هي اه مش بتحب اللبس والشكل دا وحاسه أنه مستحيل تلبسه بس مبسوطة أن دي أول مرة مامتها تكلمها باحترام قدام كل العيلة وتدعي ليها بصت لباباها اللي رافض يكلمها ومقاطها من سنين ونزلت رأسها الأرض بخجل:- أن شاء الله يا ماما ربنا يشرح قلبي
نفس:- ها يا أبو حميد مش ناوي تصفى بقى وتلم شمل العيلة في الليلة القمر دي
فرح بصت ليه بترجي:- أنا أسفه ي بابا
أحمد:- خلاص تعالي يفرح في حضن بابا أنا خلاص سامحتك ي بنتي عشان خاطر عيون مامتك القمر دي
فرح بحب قربت وحضنته بس مريم بعدتها عنه
مريم:- في ايه ي بت أنتي خلاص لازم أحضان وتلزيق المنتقبات غيورات على أزواجهم من كل البنات
الكل ضحك بسعادة
تفاؤل:- وأخيراً ي حماتي انضميتي للشلة بتاعت المنتقبات عقبال ماما ونكمل نص دسته منتقبات
فرح:- وأنا كمان نبقى نص ووحده على البيعة
منال:- طيب يلا نبدأ "وكملة بصوت واطي" مفهومة حركاتك ي مريم في لفت الأنظار على رأي المثل اللي ملقيش حد يعبره يجيب نقاب ويفصله 
عامر:- هههههههه دي غيره نسوان بقى بس أنتي بقيتي تجيبي أمثال وتحرفيها كمان شكلك بجد بقيتي ذي نفس ومنال
منال:- أنا مش بغير من حد دي رافعت هشتاج #عبروني-عبروني
عامر:- وأنت ي حبيبتي مش ناوية تخدي خطوة دا أنا اعملك أحلى حفلة عايزك ملكتي كدا وتتخبي عن الكل إلا أنا زيهم
منال:- أن شاء الله
نفس:- جرى ايه ي منال مش قولنا مش قدام العيال ما تلم ابنك ي كبير الله
عامر:- نفس أبعدي عينك أنتي عننا بلاش تركزي معانا
نفس:- مقبولة منك ي عمو يلا بقى نبدأ بايه
أسد:- الأكل
فهد:- خصوصاً الرومي والكبسة
مصطفى:- لا دا أنت مشفتش المحاشي بقى دي شكلها يجنن مين طابخ كل الأكل دا
نفس:- أنا 
كلهم بصو ليها بسخرية:- 
نفس:- أنا عملت الملح ي جماعة شايفين الفلفل الأسود مع الشطة والكمون والكزبرة عاطين شكل رهيب اذاي في الملاحة تنسيق ألوان هذا هو الفن
الكل التفت للملاحة اللي مش ظاهرة من الأساس و ضحك وبدأوا أكل وضحك وكلام وبعد ما خلصوا بدأت فقرات الحفلة
نفس:- أول فقرة تقليد الأصوات في القرآن مين يبدأ
أويس:- أنا الأخير
نفس:- وأنا بعد الأخير 
الجد:- أبدا ي فهد وبعده مصطفى وبعده أسد وبعده أويس وبعدها تقى وبعدها نفس وبعدها تفاؤل حد تاني حابب يشارك
فهد بدأ يقرأ مثل صوت الشيخ ماهر المعيقلي في آخر آيات في سورة "ق" من أول «وقال قرينه, ربنا ما أطغيته, ولكن كان في ضلـٰل بعيد»
مصطفى قرأ زيه هو وأسد بس مش جايبين نفس النغمة
أويس قرأ آيات من سورة غافر بصوت الشيخ خالد الجليل من أول ايه « وقال فرعون ذروني أقتل موسى وليدعُ ربه, إني أخاف أن يبدل دينكم أو أن يظهر في الأرض الفساد»
الكل بكي من التأثر خصوصاً مريم اللي كانت طايرة من فرحتها أنها وأخيراً بعد سنين ختمت كتاب الله زي ولادها وجوزها وأمنية حياتها فرح ربنا يهديها ويلين قلبها الإيمان
تقى انسحبت بعد صوت أويس لأنها كانت مش قادره تقرأ من البكاء ونفس قرأت أول سورة الفجر بصوت الشيخ عبد الباسط عبد الصمد بس كان في حاجات صعبه مش بيقدر يتقنها غير الشيخ رحمة الله وتفاؤل قرأت زي أويس بس مش نفس درجة صوته وقوته وجمالة وخشوعه
الجد:- فتح الله عليكم أنا صوتي انهاردة لأويس
عامر:- وأنا أويس
أحمد:- أنا نفس مع أنه أويس جميل بس نفس صوتها في نغمة حلوه اوي وصعب تجيب صوت الشيخ عبد الباسط بسهولة بس هي أبدعت
منال:- صوتي لأويس حبيب قلبي
مصطفى:- وأنا مش ابنكم ولا ايه ي جماعة حد فيكم لقاني على باب جامع اتقوا الله فيا
نفس:- كدا أويس تلاته وأنا صوت والباقي زيروا مريومه مين يلف ليكي النقاب
مريم:- نفس طبعاً
نفس:- اشطاا أنا كدا صوتين
مريم:- أنا قصدي نفس تلف ليا النقاب
نفس:- وصوتك في المقابل مفيش سحب أصوات ها ي فرح صوتك لمين
فرح:- لأويس طبعاً
نفس:- وأنا اللي بقول ربنا هديكي انهاردة "ومثلت طريقة كلامها" لأويس طبعاً قولي أنتي ي ست تقى
تقى:- صوتي لأسد أنا مغلوب على أمري هههه
أسد:- إذا كان عاجبك وأنا صوتي لأسد
مصطفى:- وأنا ليا الجنة 
فين مراتي تصوت ليا أنا صوتي لمصطفى اهي اهي اهي
فين مراتي تصوت ليا أنا صوتي لمصطفى اهي اهي اهينفس:- وأنا صوتي لأويس
أويس:- وأنا صوتي لأويس وبكدا أكون الفائز بكتساح
نفس:- بلاش تفرح اوي سبتها بمزاجي مرة على نفسك أن كان الزمالك أخد الدوري جات عليك أنت
أويس:- هههههههه دمك خفيف
أحمد:- يلا مسابقة الحفظ أنا معاكم
الكل شارك فيها إلا فرح لأنها مش حافظة وكانت سورة الكهف واحد يقول آية واللي بعده يقول الآية اللي بعدها لنهاية السورة الكل كان حفظة تمام
نفس:- دلوقتي فقرة الأسئلة أنا جبت أسئلة صعبة وحلوه
الجد بيقراء الأسئلة لأنه هو الكبير وكدا:- السؤال الأول ذكر في القرآن الكريم أن القرآن نزل في ليلة واحدة وهي ليلة القدر من شهر رمضان بدليل «إنا أنزلته في ليلة القدر»، و «شهر رمضان الذي أنزل فيه القرءان» وفي الواقع أنه نزل منجماً اي مفرق على النبي صلى الله عليه في ثلاث وعشرين عام بدليل « وقرءاناً فرقنـٰه لتقرأه, على الناس على مكثٍ ونزلنـٰه تنزيلا» فهل نزل القرآن مفرق أم مرة واحدة أما كلاهما مع التوضيح؟
فرح:- أنا أجاوب
الجد:- قولي
فرح:- طيب مش فاهمة السؤال ممكن توضيح اكتر
نفس:- يعني ي فرح في آيات بتقول أن القرآن نزله مرة وحدة في ليله القدر وآيات بتقول أنه نزل على النبي طول مدة حياته من أول البعثة كل مدة بتنزل عليه جزء من القرآن اذاي كدا وضحي هو نزل مره وحده ولا نزل مفرق
فرح:- آممممم طيب هو ممكن يكون نزل مفرق بس أول مرة نزل فيها في ليلة القدر وبعد كدا نزل مفرق
نفس:- حد عنده إجابات أخرى
عامر:- أنا عارفها القرآن نزل مرتين المرة الأولى نزل من اللوح المحفوظ الي بيت العزة في السماء الدنيا ودا نزل مرة وحدة في ليلة القدر المباركة وبعد كدا نزل مفرق من بيت العزة الي قلب النبي مفرق في مدة ٢٣ سنه من البعثة حتى وفاته وفي المرتين نزله جبريل عليه السلام
نفس:- برافوووووووو عندك وأحد لعمو عامر الجامد
الجد:- السؤال الثاني من هي أول شهيدة في الإسلام
أويس:- أنا عارفها سمية أم عمار من آل ياسر اللي النبي صلى الله عليه وسلم قال ليهم «لكم الجنة آل ياسر»
نفس:- وأحد كمان لأويس
منال:- ربنا يحفظهم ابني وجوزي تبارك الله عليهم
مريم:- وأنتي ايه الأخبار مفيش حاجة كدا ولا كدا ولا على رأي المثل القرعة بتتباها بشعر بنت عمها
أحمد:- لسه لسان ذي ما هو برضوا ارحمينا من أمثالك دي حصة دين ي شيخة مريم ههههه
منال:- قولها
الجد:- السؤال التالت للنبي صلى الله عليه وسلم العديد من الأعمام وعمه أبو طالب لديه العديد من الأولاد وكان افقرهم في المال فلماذا هو من تكفل برعاية النبي صلى الله عليه بعد وفاة جده عبد المطلب دون بقية أعمامه؟
مريم:- مش فاهمة السؤال
نفس:- أنتي وبنتك طيب ي ستي بيقولك أن أبو طالب عم النبي هو اللي تكفل برعية النبي لما مات جده مع أن النبي عنده أعمام كتير وأبو طالب عنده اكتر عيال وافقر وأحد فيهم اشمعنا هو يربي النبي
منال:- لأنه عنده عيال كتير فكدا كدا مفيش تأثير
نفس:- في حاجة أدق وأهم
مريم:- عشان يتربى مع ولاده
نفس:- كلهم عندهم أولاد بس في سبب أقرب ها أقرب
أويس:- لأنه عمه الشقيق وباقي الأعمام لا والعم الشقيق أحن من غير الشقيق
نفس:- برافوووووووو جبتها ي أويس مذاكر سيرة
عامر:- كنت عارفها بس مش متأكد هههههههه
الجد:- السؤال الرابع أول مرضعة للرسول
مريم:- ثويبة
الجد:- صح البقاء السريع في الأسئلة الجاية السؤال الخامس أول زوجة النبي؟
أويس:- خديجة بنت خويلد.
الجد:- برافوووو من هو الصحابي الجليل الذي كانت تستحي منه الملائكة؟
عامر:- عثمان بن عفان رضي الله عنه
الجد:- صح كم مرة راء النبي صلى الله عليه وسلم جبريل عليه السلام بصورة الحقيقة
فرح:- مرتين
نفس:- برافوووووووو عرفتيها اذاي
فرح:- قدرات
نفس:- بجد طيب فين المرتين بقى
فرح:- لا أنا قولتها بالبركة وطلعت صح
نفس:- هههه حظك كنت متأكدة طيب المرتين المرة مذكورين في القرآن المرة الأولى ”ولقد رءاه بالأفق المبين“ سورة التكوير، والمرة التانية «ولقد رءاه نزلة أخرى ، عند سدرة المنتهىٰ ، عندها جنة المأوىٰ»
الجد:- السؤال اللي بعده .....
فضلوا يسألوا اسئلة كتير وفي الآخر فاز عامر لأنه جاوب على اكتر أسئلة وبعدها عملوا مسابقة غناء ونفس فازة فيها لأن صوتها في رقة ونعومة أحلى من أويس بكتير وبعدها اختاروا موضع عن يوم القيامة وكل واحد قال حاجة بسيطة عنه
الجد:- يوم القيامة الشيخ حازم شومان قال لو لحقت تقول إن يوم القيامة جه يبقى دا مش يوم القيامة لأن الأحداث فيه بتكون أفظع من أن عقولنا تستوعبها وتستوعب أن دا يوم القيامة
نفس:- يوم القيامة كله يطلع من القبور لما ربنا وصف خروجهم قال
«خُشَّعًا أَبْصَارُهُمْ يَخْرُجُونَ مِنَ الْأَجْدَاثِ كَأَنَّهُمْ جَرَادٌ مُّنتَشِرٌ»
الشيخ حازم شومان بيقول أن العلماء اكتشفوا أن أنثى الجراد بتحط البيض بتاعها في مكان لما يخرج من الأرض يخرج كله في نفس اللحظة في نفس الثانية ودا أدق تشبيه لخروج الناس من الأحداث والأحداث مش معنها القبر لأن في ناس بتغرق في البحر وناس تنحرق ويتوزع الرماد بتاعها الأحداث عبارة عن حاجة كدا صغيرة ذي خلية في جسم الانسان ينبت منها
أسد:- يوم القيامة تبدل السماوات غير السماوات والأرض غير الأرض الجبال تنهار والبحار تتحول لنار
مريم:- يوم القيامة ربنا كل من تبع سنه النبي صلى الله عليه وسلم من غير تحرف ولا ضلال يشرب من حوض النبي واللي يشرب منه عمره ما يعطش بعدها أبداً وبعد كدا لكل نبي حوض يسقي منه صالحين أمته
منال:- يوم القيامة نفضل وقفين خامسين ألف سنه منتظرين الحساب خمسين ألف سنه اللي الشمس فوق رأسه واللي العرق بتاعه وصل لنص جسمه كله حسب أعماله
أحمد:- يوم القيامة تيجي الجنة بجمالها وكل العيون ليها وبعدها تيجي النار مسكينها ملائكة وهي غضبانه وهي كائن حي يغضب على أصحاب المعاصي ليها شهيق وزفير أول ما تشوف العصى من بعيد تعمل زفير عايزه تخليهم يحسوا بحرارة النار وأول ما تقرب منهم تعمل شهيق عشان تسحبهم ليها تخليهم يدقوا العذاب بسرعة من غضبها عليهم
عامر:- يوم القيامة المسلمين والمنافقين بس هما اللي بيمشوا على الصراط أول حاجة يمر النبي وهو بيقول يا رب سلم سلم ومن بعده أمته المنافق يقع في النار للأبد والمسلم يحاسب حسب أعمله بيكون في خطاطيف بتشد العاصي لتحت وأخر وأحد يطلع منها بعد عنا وعذاب وشديد فاز
أويس:- يوم القيامة كل الشركاء يبقوا مع بعض مش الأزواج لا اللي كانت بتحبه في الدنيا وتسمع ليه اللي بيحب المغني الفلاني واللي بيسمع للممثل العلاني اللي بيشرب خمر وز'ني أعمل حساب ليوم الحساب
مصطفى:- يوم القيامة بتاخد كتابك ويا تري بيمينك ولا بشمالك ولا من وراء ظهرك يوم القيامة أعمالك توضع على الميزان وأنت وقف منتظر يا تري أنهي كفه تتطب ومصيرك جنة ولا نار
فهد:- يوم القيامة أهوال الحامل بتضع حملها والطفل شعرة يشيب يوم بخمسين ألف سنة نعيشه بكل لحظة فيه حتى لو مش خايف ومش مستعد ومش عامل حاسبك لا مفر ولا خيار آخر
لحظات صمت وخلوا مع النفس الكل بيتخيل ويفكر
نفس:- وبرغم كل دا رحمة ربنا واسعة كل شيء ربنا رحيم بينا دخلين الجنة برحمته الحمد لله أننا مسلمين موحدين بالله دي شهادة دخولنا الجنة إن شاء الله
الجد:- جدعة أنك اختارتي الموضوع دا ي نفس كلنا كنا محتاجين نفوق الأيام اللي فاتت كتير مننا غلط دا يجرح دا ودا يضرب دا ودا يهين دا بقينا نهون على بعضنا اوي
أويس:- حد زعلن مني يقول
نفس:- أنا أنت ضربتي مش وزعلانه وزعلانه منك ي جدو لأنك لما مصطفى تعب حسستني إني وحده غريبة عنكم
أويس خرج شكولاتة من أم خمسه جنيه ومدها ليها:- وكدا زعلانه ولا خلاص
نفس بأبتسامة:- خلاث وأنت ي جدو
الجد:- بجد ي نفس أنا حسستك بكد مع إني وعدتك تكوني وحده وعمري ما اجرحك بس خلفت وعدي
نفس:- ما بلاش تمثيل ي كبير وتطلع الشكولاتة ولا ناوي تضحك عليا بكلامك القمر دا وأنا أضعف وانسى
الجد ضحك:- خدي اهي ي مستغله كنت عارف أنتي مستحيل تعدي حفلة ذي دي من غير ما تستنفعي
نفس:- مش أنتم اللي بتغلطوا عليا هو أنا قولكم اغلطوا الله
مصطفى:- حد زعلان مني
عامر:- رجع مراتك ي مصطفى سالي مستحيل تلاقي زيها
مصطفى:- ادعيلي ي حج أبوها يوافق أنا اهو بحاول أخد الرضا من حمايا
منال:- حد زعلان مني
مريم:- هههه وأنتي حد فاكرك أصلا أنتي مين
منال:- بطلي غيره ي مريم عرفاكي ايه حارق رزك
نفس:- ما تلموا مراتاتكم ي رجالة جرى ايه
عامر:- خلاص ي منال يوم وأحد من غير خناق
نفس:- حد زعلان مني
مصطفى:- أنتي حرضتي سالي عليا
أويس:- وبسببك أبويا علم على خدي
منال:- قولتي كلام في العربية زعلني
مريم:- ديماً تسخني بيني وبين سلفتي حبيبتي
الجد:- مش سأله عني
فرح:- ديماً كسفاني وسط العيلة
عامر:- تعبتي مصطفى بكلامك
فهد:- ديماً تفتني على تفاؤل ونتخانق بسببك
أسد:- أقولك تقى تعبانه تروحي المدرسة وتخليني أوصلك كمان
أحمد:- مريم بتسمع كلامك اكتر مني طول الوقت مع بعض تحفظوا وتتكلموا وأنا الهانم نسيت أن عندها جوز بس تالتة ثانوي فرقتكم
تقى:- أنا مش لاقيه حاجة أقولها بس زعلانه كدا وخلاص
نفس:- يا لها من شعبية شكراً يا جماعة أنا سجلي أبيض ي فل مفيش شكوى كدا ولا كدا كل الحب دا أنا قلبي ضيف مش حمل حبكم
مصطفى:- وكمان بتتريقي عليا ي له من تنمر بشع
نفس:- هههه مصطفى لو قلبت طائر بريش شكولاتة مفيش اللي بيدخل لجيب نفس مش بيخرج ريح نفسك ي بابا يلا وقت قيام الليل
الجد:- أويس أنت الإمام صوتك حلو اوي
أويس:- احم ما أنا عارف لا داعي للمدح والثناء والتصفيق الحار
الجد:- طاب أخلص يلا بدل ما أعلملك على الخد التاني
أويس:- طيب ليه الأهانات قدام البنات بس ي جدو برستيجي وكدا
الكل ضحك وتفاؤل ضحكت زي الفأرة بالضبط
الكل سكت وبيبص لتفاؤل
تفاؤل:- في ايه بضحك وأخيراً الكاميرا توجهت ليا وبقيت مشهورة بدل ما طول الوقت محدش عبرني
نفس:- هو أنتي فاضية تذاكري وتعرفي تجاوبي أو تعرفي تقولي حاجة طبعاً ما الأخ فهد وأخد عقلك طول الليل يذاكر ليكي كلام حب
تفاؤل:- منك لله ي نفس قلعت بشعري ودعيت عليكي دعوة وليه ساعة المغربية
عامر:- صح الكلام دا ي فهد
فهد:- أنا هو هي يعني مش مراتي ي عمو
نفس:- مراتك تخاف على مستقبلها وتشجعها على المذاكرة أنا غلطانة إني وفقت تكتب عليها قبل ما تخلص دراسة
عامر:- نفس ممكن المايكروفون أنا أبوها مش أنتي
نفس:- احم أتفضل خد راحتك في الكلام
عامر:- فهد لو سمعتك بتكلمها تاني أو برج المراقبة نفس هانم سمعتكم مفيش جواز قبل أربع سنين
فهد:- حاضر ي عمو اللي تشوفه "وبص لنفس بتوعد"
تفاؤل:- تصدقي أنك رخمة والغيره ماليه قلبك
نفس:- لما تجي لجنة الإمتحانات تعرفي أنا عملت كدا ليه وتيجي تشكريني عارفه أنك بتحبي فهد من زمان وهو بيحبك بس لأزم تهتمي بدراستك بدل ما تندمي طول العمر زي حماتك فهد بيكرر نفس غلطة عمو أحمد في شبابه وأنا مش بغير ي تفاؤل أنا مبسوطة ليكي ربنا يوفقك بس أنتي صحبتي ومش ممكن أخليكي تضيعي مستقبلك أنا من الأسبوع الجاي ناوية أقفل الاوضة عليا وكدا خلص المواد مش هطلع منها غير على الامتحانات بس
تفاؤل:- لا لسه بدري دا فاضل خمس شهور على الامتحانات
نفس:- براحتك لو حابه نبدأ مع بعض تعالي
،،،،،،،،،،،،،،،،،،،،،،سمر إبراهيم إبتسامة عابرة
الكل صلى الفجر ورجع اوضه ينام
عند مصطفى رن على سالي وهي كانت بتصلي الفجر قلقت وفتحت التلفون
مصطفى:- صلتي الفجر
الطرف الآخر:- ........
مصطفى:- حابه تيجي الشغل من امتى
الطرف الآخر:- ........
مصطفى:- مش حابة تتكلمي معايا عايز أسمع صوتك
مصطفى:- سالي حبيبتي صوتك وحشانى ممكن أسمعه قبل ما أنام خليكي معايا على التلفون مش عارف أنام من غير ما تكوني جمبي
كريم:- طيب ينفع صوتي أنا ي رومنسي
مصطفى:- احم عمي أنت هو دا مش تلفون سالي
سالي كاتمه ضحكتها على كسفت مصطفى
كريم:- مصطفى بلاش تحاول وبنتي جبت ليها شغل معايا في البنك
مصطفى:- لا مراتي مستحيل تشتغل بره ي عمي مع احترامي بس سالي مراتي وعلى أسمي مسمحش أنها تشتغل عند حد
كريم:- وأنت كلها يومين وتطلقها
مصطفى:- مين قال أنا مش هطلق سالي
كريم:- بسيطة ترفع قضية خلع
مصطفى:- وتجوزها لمراد بيه
كريم:- اجوزها لراجل يحافظ عليها احترامها من احترامه
سالي بتشاور لباباها يراعي ظروف مصطفى
مصطفى:- متشكر ي عمي بس أنا راجل وأرجل من اي حد ومراتي هترجع بيتي
وقفل السكة وفضل متعصب أخد الأدوية لأنه حس بوجع بسيط ونام بس بعد كام دقيقة تلفونه رن
مصطفى:- نعم ي عمي في حاجة تاني حابب تضيفها
سالي:- أنت كويس ي مصطفى
مصطفى:- ههههه هو الموضوع يهمك ولا حضرتك متصلة تكملي وصلة الإهانة اللي بدأها باباكي
سالي:- تصدق إني غلطانه لأني خفت عليك وعلى زعلك
مصطفى:- بحبك ي سالي أنا بحبك اوي وآسف على كل حاجة وكل يوم نمتي فيه معيطه بسببي بس والله بحبك من أول مرة شفتك فيها عيونك دي مرسومة في قلبي ي سالي بعشق كل حاجة فيكي وكنت بعمل كدا لأني كنت عايزك تعيشي حياتك مع حد سليم بس اكتشفت إني مقدرش أعيش من غيرك وهكون أناني في حبك ولو وقفت في وش العالم كله خصوصاً ابوكي دا
كريم:- اتلم ياض أنت
مصطفى:- أنتي اتحولتي لصوت أبوكي كدا ليه ي بت
كريم:- لا أنا أبوها ي حيلتها وأنتي ي بت هاتي التلفون دا ولو عرفت أنك كلمتي ايه يعني
مصطفى:- أستغفر الله العظيم يا رب يعني كل ما أقول كلمة حلوه يطلع أبوها
كريم:- نام ي مصطفى وقول ي صبح وأنتي ولو عرفت أنك كلمتي تاني ايه يعني
سالي:- حاضر ي بابا
مصطفى:- سلام ي حبيبتي قصدي ي حبيبي ي عمو سلام صح لو سالي حابه تشتغل الشركة مفتوحة ومحتاجين سكرتيرة غير كدا لا تقعد في البيت وكل اللي تحتاجه يوصلها
كريم:- بنتي مش محتاجة فلوس منك كفي أنت نفسك الأول بس لو حابه تشتغل أنا مش ممكن امنعها عن حاجة بتحبها
سالي:- ي ريت ي بابا أنا نفسي أشتغل اوي
كريم:- موافق بس لو عرفت أنك كلمتي في الشغل مفيش شغل تاني مفهوم
سالي:- مفهوم مفهوم
يتبع الفصل الثالث والعشرون اضغط هنا
- الفهرس يحتوي على جميع فصول الرواية كاملة :"رواية الملتزمة الصغيرة" اضغط على اسم الرواية