رواية انتقام وعشق الفصل الخامس والعشرون 25 - بقلم اميرة محمود

رواية انتقام وعشق البارت الخامس والعشرون 25 بقلم اميرة محمود

رواية انتقام وعشق الفصل الخامس والعشرون 25

فرح ،، ماشي أنا ندخل انام معاك شويه

سليم ، طب خليكي انهارده مع الاولاد عما مامتك تيجي وانا هكلم بيبي سنتر تيجي تقعد بيهم وتريحكم 

فرح ، ماشي وراحت غرفه الاولاد نامت معاهم 

بعد شويه سليم صحي وقام وقف في البلكونه يكلم رائد 

سليم ، ايوه يا زفت انت فين

رائد ، في الشغل 

سليم ، مرحتش الشركه ليه انا مرحتش كنت تعبان 

رائد ، اوعي يا سليم يكون اللي في بالي حصل محناش قد عقاب ربنا

سليم ، لا محصلش اطمن وبعدين عقاب ربنا اللي يسمعك ميشوفكش قبل الجواز وانت كل يوم مع واحده

رائد ، بس توبنا خلاص انا جايلي بنوته في الطريق لازم اخاف علي بنات الناس عشان ربنا يحافظلي عليها

سليم ، دي ايه اللي موديها هناك كده وراح قافل السكه ونزل جرى

بكره نشوف اي اللي حصل في بارت جديد يا اجمل قراااااأ

فرح انتي ايه اللي جايبك هنا

فرح ،. هاا مفيش كنت بتمشي لقيتني بقيت هنا

سليم ، طب بتعيطي ليه(حس انها افتكرت اللي كان بيعمله فيها في الإسطبل )

فرح ، مفيش عنيا دخل فيها رمل من الحصان وهو بيجرى

سليم ، اممم طب تعالي نطلع فوق يا قلب سليم

فرح ، سليم هو أنا ممكن اركب الحصان الابيض ده نفسي اوي اركب حصان من وانا صغيره بس مامي مكنتش بترضي كانت بتخاف عليه احسن اقع

سليم ، تمام بس الاولاد نايمين لوحدهم

فرح ، أنا خليت الداده تاخد بالها منهم 

سليم ،. طب تعالي يا حبيبتي انا هركب الاسود وانتي الابيض بس علي فكره ليهم اسامي

فرح ، بجد طب الابيض اسمه ايه 

سليم ، اسمها روح والاسود اسمه كلاي 

فرح ، طب ياللا تعالي نتسابق بس ركبني الاول عشان مش هعرف اطلع

سليم ،. ماشي وقرب منها وحط أيده علي وسطها وفضل سرحان في عينيها 

فرح ، تعرف أن عينيك حلوه اوي

سليم ، عيني بس ولسه بيقرب من شفايفها الحصان عمل صوت

سليم بعد عنها بسرعه وراح شايلها ومطلعها الحصان 

فرح ، سليم أنا خايفه والله خايفه حاسه اني هقع

سليم طلع ركب وراها واخدها في حضنه والحصان ماشي بيهم 

سليم ، وحشتيني اوي ودفن رأسه في شعر فرح

فرح ، تعرف أنا فرحانه اوي 

سليم ، ليه

فرح ، عملت حاجه نفسي اعملها ومع حد بيحبني

سليم ، بيحبك طب وانتي

فرح ، مش عارفه يمكن عشان نسياك بس اللي حساه أن قلبي بيفرح أما بشوفك بيجيلي نغزه كده حاسه انه بيدق بسرعه اول مايشوفك

سليم طبع بوسه علي رقبتها وهي لسه في حضنه 

منال دخله الفيلا بتسأل الأمن هو سليم بيه لسه مأجاش 

الامن ، لا سليم بيه مرحش الشغل هو في الإسطبل مع فرح هانم

منال راحت لهم

منال ، مرحش الشغل يبقي اكيد حصل حاجه يارب ميكنش اللي في بالي حصل وفجأه شافت سليم راكب ورا فرح علي الحصان واخدها في حضنه ودافن رأسه في رقبتها راحت عليهم جرى

منال بزعييق ، سليم

سليم اتخض وفاق من اللي هو فيه 

فرح ، مامي اجت نزلني يا سليم

سليم نزل ونزل فرح من علي الحصان

منال ، ممكن افهم ايه اللي أنا شوفته ده

فرح ، حضرتك شوفتي ايه في حاجه غلط حضرتك شوفتيها

منال ، سليم اوعا يكون اللي في بالي حصل انت اجيت جنب فرح

فرح ، الله هو مش جوزي في ايه يا مامي ايه التصرفات الغريبه دي

منال ، لا مش زفت جوزك الاستاذ طلقك يوم ولادتك وانتي دخلتي في غيبوبه بسببه ونسي يرجعك

فرح مسكت رأسها ، أنا مبقتش فاهمه حاجه طب انت طلقتني ليه

سليم باصص لمنال بكل غل ، ينفع كده 

فرح ، بصلي أنا وانا بكلمك في ايه وانت اجيت عليه جرى ليه اما شفتني واقفه قدام الإسطبل

سليم ، كل اللي عايز اقولهولك اني عمرى ما عشقت ست غيرك انتي يافرح والله بحبك وطلقتك غصب عني والله غصب عني عشان انتي اللي كنتي عايزه تطلقي

فرح ، أنا وانا واقفه قدام الإسطبل افتكرت حاجه شوفت نفسي قاعده جوه بعيط و حد بيكب عليه مايه وبيشدني من شعرى جامد وبيقولي أن فين الفطار اممم أنا كده فهمت يا سليم انت اللي كنت بتعمل فيه كده طب رد عليه ليه انا عملت ايه عشان كنت بتعذبني 

سليم ماشا أيده علي شعره ونفخ بضيق ، يعني نسيتي احلي ايام عيشناها سوا ومتفتكريش غير كده 

فرح ، طب قولي انت كنت بتعمل فيه كده ليه

سليم مسك ايد فرح وشدها دخل بيها الفيلا

منال ، انت هتعمل ايه يا سليم 

سليم ، ليه كده يا منال انا والله بحاول أصلح كل حاجه جرحتها بيها وعمرى ماكنت هلمسها غير وهي علي ذمتي أنا مش وحش للدرجادي يا منال أنا عمرى ما عملت حاجه تغضب ربنا في بيتي ولا بره بيتي وراح اخد فرح وطلع غرفته واخدها ودخل الغرفه وقفل الباب وسكه

فرح ، انت قولت مش هتعمل حاجه متنساش

سليم بابتسامه ، متخافيش أنا عايز اقعد معاكي هعرفك كل حاجه عن علاقتنا ولو وافقتي ترجعيلي تمام موافقتيش براحتك هتفضلي حبيبتي وام عيالي اللي عمرى ما هحب غيرها

فرح ، تمام قول وانا مستعده اسمع كل حاجه

سليم ، تمام وقعد حكالها كل حاجه من يوم ما شافها لحد الان

فرح ، طب احنا ممكن نأجل موضوع اننا نرجع لبعض لحد ما افتكر كل حاجه

سليم ، هو انت مش مصدقاني

فرح ، لا مصدقاك والله بس هديك فرصه اشوف ينفع اسامح واللا لا كأننا مخطوبين

سليم ، خلاص ماشي بقولك تيجي ننزل نقعد في الجنينه شويه زي زمان 

فرح ، بس الجو ساقعه

سليم ، ماهو الجو كان ساقعه بردك اياميها ياللا بقي

فرح ، اشطه ياللا

سليم اخدها واخدوا بطاطين ونزلوا تحت في الجنينه 

فرح قعدت عالمرجيحه ، انا حاسه انو فعلا المشهد ده بيتعاد 

سليم ، تمام هعيدهولك بالضبط وراح ناده للأمن 

تحت امرك يا باشا

سليم ، فاكر السحلب اللي كنت عملهولي من سنه أنا ومدام فرح

طبعا يا باشا 

سليم ، عايزين زيه بالضبط

ماشي يا باشا ثواني وهيكون خلصان وراح ماشي

سليم لف نفسه ببطانيه واخد فرح في حضنه

فرح ، تصدق اني كنت سقعانه اوي بس خلاص اتدفيت

سليم باسها من راسها واخدها جامد في حضنه

فرح ، ياعم ابعد انت نسيت احنا مخطوبين يعني كده حرام

سليم ، لا مهو البوس والإحضان عادي

فرح ، ابعد لا مش عادي انت دي الوقت واحد غريب عني بدالك مطلقني

سليم ، طب ماتيجي نكتب الكتاب أنا مش هقدر اشوفك واسيبك في حالك

فرح ، انت والمصحف مجنون

سليم ، طب بس بقي عشان السحلب اجا

فرح ، هات بسرعه عشان يدفيني أنا هموت من السقعه واخدته من الأمن 

سليم قعد يتفرج عليها وهي بتشرب 

فرح ، ماتشرب انت بتبصيلي كده ليه

سليم ، معجب 

فرح ابتسمت لحد ما الغمازات بانو

سليم ، يا خلاثي علي جمال أمهم اي الغمازات اللي بتخطف دي

فرح ، يا سلام 

سليم ، وحياه عبد السلام

،،،،،،،،، نروح بقي لساره ورائد

رائد ، ساره ساره يا بنتي انتي فين وفجأه لقا ورقه مكتوب فيها

مراتك عندنا في الحفظ و الصون لحد ما الامانه بتاعتنا توصل البلد

رائد انهار ومشي يكسر في البيت وراح متصل بسليم

سليم ، اي يا كبير

رائد ، هيقتلوها زي ما قتلو هنا أنا السبب ياريتني ماتجوزت 

سليم قام وقف بصدمه ، في ايه يا رائد

رائد بصوت عالي ، ساره اتخطفت يا سليم ساره هتموت زي هنا وهيقتلو بنتي يا سليم 

سليم ، استني أنا جايلك حالا انت في شقتك

رائد ، ايوه??

سليم ، أنا جايلك افهم اي اللي حصل سلام وقفل وقام جرى يدخل يغير هدومه

فرح ، في ايه يا سليم بتجرى كده ليه

سليم ، ساره اتخطفت

• تابع الفصل التالي عبر الرابط: "رواية انتقام وعشق" اضغط على أسم الرواية